ئه‌ڤرۆ نيوز، عه‌زيز هه‌ورامى:
وه‌لاتيێن پارێزگه‌ها هه‌له‌بچه ژ بوو پشته‌ڤانيكرن ل عه‌فرينێ رژيانه سه‌ر جاددا و كريارێن له‌شكرێ توركيا بۆ داگيركرنا ئاخا كوردستانێ شه‌رمزار كرن:
د ڤێ خرڤه‌بوونێ دا به‌ياننامه‌ك ژى بۆ رايا گشتى هاته خواندن:
چه‌ند ديمه‌نه‌كێن وێنه‌ى ژ خوه‌نيشاندانا خه‌لكێ هه‌له‌بچه دژى ده‌ستدرێژيێن له‌شكرێ توركيا:
ئه‌ڤرۆ نيوز:
پشتى كو ئه‌ڤرۆ نيوز بابه‌ته‌ك ل بن ناڤێ “پارێ ژماره‌كا مامۆستايێن وانه‌بێژ هاته دزين” به‌لاڤكرى، ژ پەروەردا ئامێدیێ روونكرنه‌ك ل سه‌ر وى بابه‌تى به‌لاڤكر كو ئه‌ڤه ژى ده‌قێ وێ يه:
رونکرنەک ژ پەروەردا ئامێدیێ
ئەم وەکو رێڤەبەریا پەروەردا قەزا ئامێدیێ بو ھەموو ماموستا و جھێن پەیوەندیدار رون دکەین کو ئەو ژێدەرێن زانیاری بو ئەڤرو نیوز لسەر دابەشکرنا پارێ ماموستایێن وانەبێژ دایی، زانیاریێن شاش داینە، بو رایا گشتی رون دکەین کو پارە درۆست ھاتیە دابەشکرن و مافێ کەسێ نەھاتیە خوارن، و ژ ئەگەرا کێشەکا تەکنیکی پارە زێدە ھاتينە مەزاختن و لژنەیاک بو دوڤچون لسەر کێشێ ھاتیە پێکئینان و ھەموو ئەو پارێ زێدە ھاتیە مەزاختن دێ ھێتە کومکرن و زڤراندن بو گەنجینەیا حوکمەتێ.
په‌روەردا قەزا ئامێدیێ
31.1.2018
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 1ى شوباتا 2018ێ دهێته پێشبينيكرن ئه‌سمان ساهى بيت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن توركيا دهێته پێشبينيكرن ئه‌سمان ساهى بيت.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 1 پله بيت و بلندترين پله ژى دێ 11 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ 10 كم بيت د ده‌مژمێره‌كێ دا و ماوێ ديتنێ ژى 10كم بيت.
ئه‌ڤرۆ نيوز، ئەیاد بەرواری:
رۆژناما گاردیان یا بریتانی د ھژمارا خوە یا دوھی دا بەحسێ ھێرشا لەشکرێ تورکی ل سەر عەفرینێ دکەت و دبێژیت، دبیت ئەو شەرە سنورێن نوو ل تورکیا و ئیرانێ و عیراقێ و سووریێ پەیدا کەت.
رۆژناما ناڤبری ئاماژێ ددەت کو کورد تووشی پێرابوونێن دژ دبن ل ئیرانێ و ل عیراقێ و ئیران، عیراق و تورکیا دژی کوردێن عیراقێ راوەستیان ژ بەر کو داخوازا سەربخوەیێ کر، دیارکر ژی ئەڤ سیاسەتە نوکە ل باکورێ سووریێ ژی یا دھێتە پەیرەوکرن ب تایبەتی ل باژێرێ عەفرینێ کو ھێزێن پاراستنا گەل یێن کوردی و ھەڤپشکێ وان یێ سیاسی حزبا ئێکەتیا دیموکرات (پەیەدە) ل وی باژێرێ د بالادەستن و تورکیا وان ب سەر پەکەکێ ڤە دھەژمێریت، د دەمەکی دا ئەو گرۆپە خوە ب سووری و پێگیر ب سنورێن دەڤەرێن خوە دیار دکەن و دبێژین ئەو دسەربخوە نە دناڤ سووریا ئێکگرتی ل پاشەرۆژێ.
رۆژناما گاردیان دبێژیت” کورد ل سووریێ شارەزایی وەرگرت کو ئەو چەندە دێ ھەلویستێ وان ب ھێز ئێخیت وەکو ھێزەک کو نەھێتە پاش گوە ھاڤێتن، ژ بەر ھاریکاریا وان ل گەل ھێزێن لەشکری یێن ئەمریکی و رۆژئاڤای”. زێدەتر دبێژیت” ل دووڤ بۆچوونێن رۆژئاڤای، کا چاوان تورکیا ئەندامە د ھەڤپەیمانیا باکوورێ ئەتلەسی ( ناتۆ) ی دا، کورد ژی ھەڤپەیمان بوون د شەرێ دژی داعشێ دا، ئەڤ چەندە ژی حوکمەتێن وەلاتێن رۆژئاڤای دئێخن بەرامبەر بژاردێن ب زەحمەت ل دۆر شەرێ عەفرینێ”.
بەلاڤکر ژی” دبیت کوردێن تورکیا ڤێ بەھنگاریا کوردی ل وی شەری ب دەلیڤە بزانن و ئەڤ ھەژموونا بەردەوام بۆ نەتەوا کوردی دێ ل عیراقێ و ئیرانێ ژی رۆھن بیت و یاخیبوونا کوردی یا مەزنتر دژی وەلاتێن ئەو تێدا نە ل دەرڤەی چارچۆڤێ شیانایە و لڤینا کوردی یا پێشبینی کری د ناڤ ھەر چار وەلاتان دا ئەنجامێن وێ دبیت دپێشبینی کری نەبن، لەوما پێدڤیە ل سەر وەلاتێن رۆژئاڤا ئارمانجێن خوە دیار کەن کا وان ب دروستی دڤێت چ بدەستڤەبینن بەری شەر بگەھیتە قۆناغەکا دی کو د بەرژەوەندیا یێن دی دابیت.
ئه‌ڤرۆ نيوز:
پەرلەمانێ عێراقێ بڕیاردایە 12ی ھەیڤا گولانا داھاتی ھەلبژارتنێن پەرلەمان و جڤاتا پارێزگەھێن عێراقێ بھێنە ئەنجامدان، نوونەرێن کوردان ژی ل پەرلەمانێ عێراقێ ئاماژە بوێ چەندێ دکەن، ئەو ل گەل پاشخستنا پڕۆسا ھەلبژارتنان بووین، ژبەر کو ھێشتا ھژمارەکا گەلەک یا وەلاتیێن عێراقی ئاوارەنە و دێ ئاستەنگ بۆچێبن ددەمێ ھەلبژارتنان دا، مامۆستایەکێ زانکۆیێ ژی دبێژیت، باشترە کورد ل کەرکووک و خورماتوو ھەلبژارتنان بایکۆت بکەن.
بێریڤان خەیلانی،پەرلەمانتارا کورد ل پەرلەمانێ عێراقێ بۆ رۆژناما ئەڤرۆ گۆت: راستە پەرلەمانی بڕیار لدۆر ژڤانێ ھەلبژارتنان دەرکریە و دێ ددەمێ خوەدا ل رۆژا 12ی ھەیڤا گولانا داھاتی ھێنە ئەنجامدان، بەلێ ئەم ل گەل پاشخستنا پڕۆسا ھەلبژارتناندابووین بۆ دەمێ سالەکێ یان شەش ھەیڤان، ھەتا کۆتلەیێن عەرەبێن سونی پڕۆژەیەکی بۆ ڤێ مەرەمێ پێشکەشی پەرلەمانی کر، ئەڤە ددەمەکی دایە پەرلەمانی چو دەستھەڵات نینە ھەلبژارتنان پاشپێخیت، چونکی ل گوڕ دستوورێ عێراقێ دڤێت د دەمێ چوار سالاندا ھەلبژارتن بھێنە ئەنجامدان، بەھانەیا کۆتلەیێن سونی ئەڤە بۆ دگۆتن پتریا خەلکێ مە ھێشتا ئاوارەیە و ڤەنەگەڕیایە سەر مال و حالێن ددەمێ رێڤەچوونا پڕۆسا ھەلبژارتنان دێ ئاریشە بۆ پەیدا بن، بەلێ
پەرلەمانی ھەر بڕیارا خوە دەرکرن ددەمێ خوەدا ھەلبژارتن بھێنە ئەنجامدان.
بێریڤان خەیلانی گۆتژی” داخوازا عەرەبێن سونە بەرۆڤاژی داخوازا عەرەبێن شیعەیە، ھندی کوردن پتریا مە دگەل پاشخستنێ بووین، ژبەرکو ھێشتا دەڤەرێن ل کەرکووک و دیالە و مووسل داگیرکرینە، عەرەبێن شیعە وەسا دبینن دڤێت ھەلبژارتن ددەمێ خوەدا رێڤەبچن وانژی ئەجێندایێن خوە ھەنە بۆ ھەلبژارتنان.
ژلایێ خۆڤەژی دکتۆر خەلیل ئیسماعیل مامۆستایێ زانکۆیێ بۆ رۆژناما ئەڤرۆ گۆت: ب درێژاھیا دیرۆکێ ھەر دەمێ حوکمەتا عێراقێ یا لاۆازبیت داخوازا دانوستانانکریە ل کوردان و بەرۆڤاژی ھەردەمێ عێراق یا بھێزبیت ئەڤە ھێرشکریە سەر ھەرێما کوردستانێ، لەوڕا نوکە پێدڤیە کورد ھەموو پێکڤە بایکۆتا ھەلبژارتنێن عێراقێ ل کەرکووکێ بکەن، ژبەرکو پشکداریا کوردان د ھەلبژارتناندا ل دەڤەرێن داگیرکری دێ زیانێن مەزن بۆ کوردان ھەبن، راستە ھەگەر پشکداریێ نەکەن دێ کۆرسیێن کوردا کێمتر بن، بەلێ نابیت ھەمبەر زیانێن مەزن یێن پاشە ڕۆژێ ئەم بۆ بدەستڤەئینانا چەند کۆرسیەکان پشکداری ھەلبژارتنان بکەین،بەغدا خوە ب سەرکەفتی دزانیت و دخوازیت کورد و عەرەبێن سونە بینیت بن دەستێ خوە.
دکتۆر خەلیل ئیسماعیل دیارکر” دەڤەرێن کوردستانی ددەمێ نوکەدا داگیرینە و بەغدا دێ ھێزێن سەربازی د پڕۆسا ھەلبژارتناندا بکارئینیت، بتایبەتی ل کەرکووک و خورماتوو، فەرەژی ھەموو لیستێن کوردی ئێک بگرن و بڤی شێوەیێ نوکە نەچنە پڕۆسا ھەلبژارتنان، ئاریشامە تنێ بۆ چوار سالێن داھاتی نینە ل دەڤەرێن کەرکووکێ بەلکۆ بۆ پاشەڕۆژێ دێ عێراق پیلانێن مەترسیدار بکارئنیت.
فرۆکێن روسیا و سووریێ د ناڤبەرا باژێرکێن سامادا و ئەل ئەیس ھێرشی تانک و ترۆمبێلێن سەربازی یێن تورکیا کرن کو دخواستن خوە بگەھیننە ھەوارا رێکخستنا تیرۆرستیا ئەلنوسرا و ئەحرار شام کو ئەڤ دەە رۆژن رژێما ئەسەد ل دژی وان کۆمێن تیرۆرست ئۆپەراسیۆنەکا سەربازی دایە دەستپێ کرن.
دەولەتا تورکیا ھێرشێن دژوار دکەتە سەر باژێرک و گوندێن سەر ب کانتۆنا عەفرینێ و وەلاتیێن سڤیل بۆمبەباران و تۆپباران دکەت و د رۆژا خوە یا ١١ دا ژی ھێزێن یەپەگێ بەرخوەدانیەکا مەزن ل دژی ئۆپەراسیۆنا داگیرکرنێ یا تورکیا و تیرۆرستێن سوپایێ ئازاد دکەن و د شەرێ رۆژا ١١ دا ھێزێن کوردی شیان گوندێن ھەمام و قەستەلێ دوبارە ئازاد بکەن و ٣٩ سەربازێن تورک و تیرۆرستێن سوپایێ ئازاد بکوژن و ٢٣ کەس ژی بریندار کرن و شەرڤانەکی کورد ژی د شەرێ قەستەلێ دا جانێ خوە ژ دەست دا.
د ڤێ مژارێ دا رۆنی ئازاد رۆژنامەڤانێ کورد ل عەفرینێ راگەھاند کو دەولەتا تورکیا ب ھەموو ھێزا خوە یا ئەسمانی و ئەردی و ب تەکنیکێن خوە یێن پێشکەڤتی ھێرشێن دژوار دکەتە سەر گوند و باژێرکێن عەفرینێ و ھەتا نھا د ناڤا ١١ رۆژان دا ژ سەدی زێدەتر وەلاتیێن سڤیل ژ ئەنجاما ھێرشێن فرۆکێن تورکیا جانێ خوە ژ دەست داینە و نێزیکی ٢٠٠ کەس ژ وەلاتیێن سڤیل ژی کو پرانیا وان ژن و زارۆنە بریندار بووینە و گۆت: (دەولەتا تورکیا بۆمبێ ناپالم یێ قەدەغەکری ل باژێرکێ راجۆ و جندریسێ بکار ئیناینە و ل ھەمبەر ھێرشێن دژوار یێن تورکیا و تیرۆرستێن سەر ب وێ ڤە، شەرڤانێن کورد ب کەمین و ھێرشێن ژ نێزیک ڤە دربێن گران ل تورکیا ددەن و ھەتا نھا ژ بلی چار گوندێن سەر سنور چ دەڤەرەک عەفرینێ نەکەڤتیە دەستێ تورکیا و ھژمارا کوشتیێن تورکیا گەلەک زێدەنە).
رۆنی راگەھاند ژی کو نھا د ناڤبەرا کانتۆنا کۆبانێ و عەفرینێ دەریێ ھاتن و چوونێ ڤەبوویە و ھێزێن کوردی دشێن ھەم ھەڤکاریا خۆراک و ھەم ژی ھەڤکاریا سەربازی بگەھیننە عەفرینێ و د رەوشا نھا دا ب ھزاران ھێزێن نوو یێن یەپەگێ و ھێزێن سووریا دیمۆکراتیک گەھشتینە عەفرینێ و گۆت: (فەرماندارێن یەپەگێ و ھێزێن سووریا دیمۆکراتیک ئەڤ دو رۆژ بوون کۆمبوونان ساز دکرن بۆ باشتر پاراستنا عەفرینێ و ڤەکرنا بەرەیەکی دی یێ شەری ل دژی تورکیا و تیرۆرستێن سەر ب وێ ڤە و د ڤێ چارچۆڤێ دا ئەم چاڤەرێ دکەین کو د رۆژێن داھاتی دا یەپەگە و ھێزێن سووریا دیمۆکراتیک ئۆپەراسیۆنا ئازادکرنا باژێرکێن باب و عەزازێ بدەنە دەستپێ کرن و بارێ سەر عەفرینێ سڤک بکەن و د رەوشا نھا دا یەپەگە و
ھێزێن سووریا دیمۆکراتیک ب ئاسانی دشێن ھاتن و چوونێ د ناڤبەرا کانتۆنێن رۆژئاڤا دا بکەن و ئەو یەک دەستێ یەپەگێ ب ھێز کریە).
رۆنی ئازاد ھەروەسا راگەھاند ژی کو رژێما ئەسەد ژی ئۆپەراسیۆنا رزگارکرنا ئدلیبێ ژ دەستێ تیرۆرستێن ئەلنوسرا و ئەحرار شام دژوار کریە و دەولەتا تورکیا خواست خوە بگەھینیتە ھەوارا تیرۆرستان و نێزیکی سەد تانک و ترۆمبێلێن سەربازی و چەک و تەقەمەنی و چەکداران بگەھینیتە باژێرکێ ئەل ئەیس و ل ھەمبەر دا فرۆکێن شەری یێن روسیا و سووریێ ھێرشی تانکێن تورکیا کرن و ئەو نەچار کرن کو پاشڤە ڤەگەرن.
ئه‌ڤرۆ، ره‌وان نهێلى
پشتى داخوازكارێ گشتى ل دهۆكێ داخوازا ڤه‌كرنا رێیا خزمه‌تگوزارى یا هه‌مبه‌ر ئۆتێلا ركسۆس كرى، ئه‌ڤرۆ باژێرڤانیا دهۆك و كارگێریا ئۆتێلێ گه‌هشتنه چاره‌كا ناڤنجى و رێ دێ هێته ڤه‌كرن كو ره‌نگه سوبه یان دوسبه ب فه‌رمى بهێته ڤه‌كرن.
رۆژناما ئه‌ڤرۆ بوچوونا لایه‌نێ به‌رپرس ل دۆر ڤێ كێشێ وه‌رگرتیه، سوبه چاڤه‌رێى بن كو چاره‌سه‌ریه‌كا ناڤنجى بۆ كێشێ هاتیه دیتن و رۆژناما ئه‌ڤرۆ هورده‌كارى به‌لاڤ كرینه.
ئه‌ڤرۆ نیۆز ، ره‌مه‌زان هه‌رنى :
رۆژنامه‌ڤانه‌كێ كوردستانێ ئێكه‌م به‌رهه‌مێ خوه‌یێ نه‌رخى به‌لاڤ كر ب ناڤێ(په‌یامنێرێ جه‌نگ)كو باس ل راگه‌هاندنێ دكه‌ت ل ناڤ ئه‌نیا شه‌رى دا تایبه‌ت سێ سالێن شه‌رێ دژى داعش دبیته ئێكه‌م به‌رهه‌م ب ڤى ناڤ و نیشانه‌ى ل كوردستانێ بهێت چاپ كرن و به‌لاڤ كرن.
روژنامه‌ڤان هه‌ژار حه‌كیم بارزانى بۆ ئه‌ڤرۆ نیۆز دیاركر , پشتى ل ده‌ست پێكا شه‌رێ دژى داعش ل سالا 2014 ێ بۆ چه‌ندین جارا ل سه‌نگه‌رێن به‌راهیێ ل گه‌ل پێشمه‌رگه‌ى پشكداربۆم وه‌ك روژنامه‌ڤان بۆ رومالكرنا سه‌ركه‌فتنێن پێشمه‌رگه‌ى ئه‌ڤ هزره بۆ من دروست بۆ كو به‌رهه‌مه‌كێ لسه‌ر ڤى ناڤ و نیشانه‌ى دروست بكه‌م ب ناڤێ په‌یامنێرو جه‌نگ ل وى ده‌مى هه‌تا نوكه كار لسه‌ر دكهم و پتریا ئه‌و په‌یامنێرێن كورد ئه‌وێن پشكدار بۆى لسه‌ركه‌فتنێن پێشمه‌رگه‌ى دژى داعش مه ل ناڤ په‌رتوكێ باس كریه رونكرنه‌ك دایه سه‌ر .
رۆژنامه‌ڤان هه‌ژار گوتژى ،ئه‌ڤ به‌رهه‌مه دبیته ئێكه‌م به‌رهه‌مێ من و ئێكه‌م هزرو بابه‌ت ل كوردستانێ ب ڤى نا ڤونیشانى بهێتە چاپكرن كو تێدا باس ل هژماره‌كا مه‌زنا روژنامه‌ڤانا دكه‌ت كو رول هه‌بۆیه ل ڤه‌گوهاستنا رودانێن شه‌رى یێن ل سالا 2014 ێ هاتیه پیش و هاتینه توماركرن.
ناڤبرى ته‌كه‌زکر ژی، ئه‌ڤ به‌رهه‌مه (په‌یامنێرێ جه‌نگ – the war ) REPORTER هاته چاپ كرن ئه‌ڤ به‌رهه‌مه پێنچ پشكا پێك هاتیه و 356 لاپه‌ره پشكه‌كا مه‌یدانیه كو ل پرانیا شه‌رێ داعش ل سه‌نگه‌رێن به‌راهیێ رومالكرینه.
ئەڤرۆ نیوز ، تۆڤی:
راستگۆیی بنه‌مایێ سه‌ره‌كی یێ دروستبوونا پەیوه‌ندیا ب هێزە یا دناڤبەرا هەڤژینان دا،لێ هەکە راستگۆیی دناڤبەرا وان دا نه‌مینیت و هندەک درەو و بەهانە د گوتنێن وان دا هەبن،بێگومان دێ بنە ئەگەرێ تێكچوونا پەیوه‌ندیێن وان و هندەک جاران ژی دێ ب جۆدابوونێ ب دوماهی هێت.
دکتۆر ناهید نۆشدارەکێ شاره‌زایێ ده‌روونیە یێ تایبه‌تە ب كێشێن كۆمه‌لایه‌تی یێن هەڤژینان ڤە،ب ڤی رەنگی بەحسێ وان گوتنان دکەت،یێن کو د بنە ئەگەرێ مه‌ترسیێ و ژێکجۆدابوونێ،ئەو گوتن ژی ئەڤە نە:
. هه‌ست ب خۆشیه‌كا هەتا هه‌تایێ دكهم:
هەکە هەر لایەنەک ڤێ گوتنێ بێژیت،یا دووره ژ راستیێ،چونكی خۆشبه‌ختیێ چو سنوورێن دیارکری نینن،هەروەسا ل دووڤ بارودۆخێن جۆدا ژی هه‌ردو لایه‌ن چاڤه‌رێی خۆشبه‌ختیا زێدەتر ژ ئێکودۆ دكهن،ب ڤێ گوتنێ ب تنێ كه‌مته‌رخه‌می و وه‌ستیانێ ب گرنگی پێدانا ئێکودۆ دروست دكهن.
. گەلەک مژۆل بووم،من دەم نه‌بوو ل گه‌ل تە باخڤم:
هەکە ماوه‌یه‌كێ زۆر دەربازبوو و تە چو ئاخفتن ل گه‌ل هەڤژینا خوە نه‌كرن،ئەڤە مانایا هندێ ددەت،کو تۆ كه‌سەكێ كه‌مته‌رخه‌می و ئه‌و ل دەف تە نە یا گرنگە، چونكی هەکە تۆ گەلەک مژۆل ژی بی،لێ هەکە تە بڤێت ل رەوشا وێ ب پرسی،دێ هەر دەلیڤەکێ بینی.
. من زارۆ نەڤێن، ئه‌وێن مە هەین به‌سن:
ئه‌ڤە ژی د هندەك حاله‌تاندا دبیته كێشه بۆ خێزانان، چونكی هه‌ر لایه‌نەک ب جۆرەکێ جۆدا هزر ل ڤێ پرۆسێ دکەت و نەشێن ب گوتنێن کەسێ به‌رامبه‌ری خوە،خوە بگونجینن و تووشی جۆدابوونێ دبن.
. دێ مینمە ل کاری و کارێ من یێ کەفتیە سەر ئێک:
مانا ژنێ یان زەلامی زێدەتر ژ دەمێ خوە،ل جهێ كاری،ئەڤە مانایا هندێ ددەت،کو ب هه‌ر هۆكارەکێ بیت،دڤێت خوە ژ مال و هەڤژینیێ دوور بێخیت، ئه‌ڤە ژی دێ بیته ئەگەرێ ناكۆكیێ دناڤبەرا وان دا و دی پەیوەندیا وان ژی سار بیت.
. من نەڤێت كێشا تە چاره‌سه‌ر بكه‌م:
هەکە تە زانی کو هەڤژینێ تە خوە ژ كێشێن تە دوور دکەت و بزاڤێ دکەت،کو خوە ل کێشێن تە نەکەتە خودان، ئه‌ڤەژی ب شێوه‌کێ سه‌ره‌تایی واتایێ هندێ ددەت،کو ئێدی ئەو حەز ناکەت ژیانا خوە ب یا تەڤە ببه‌ستیت و یێ ل هیڤیا جۆودابوونێ.
نيشاندان