ئه‌ڤرۆنيوز:
فراكسيۆنا پارتى ديموكراتى كوردستان، دكۆمبوونا ئه‌ڤرۆ يا په‌رله‌مانێ كوردستانێ دا، په‌ياما خوه ل دۆر شه‌رێ عه‌فرينێ راگه‌هاند كو ب رێيا ئۆمێد خوشناو سه‌رۆكێ فراكسيۆنێ هاتيه خواندن.
ئۆمێد خوشناوى گۆت” عه‌فرين خه‌مه‌كا كويره، به‌لێ ئه‌م به‌رى عه‌فرينێ يێن تووشى كاره‌سات وخه‌مه‌كا كويرتر بووين ل كه‌ركووكێ وده‌ڤه‌رێن كوردستانى يێن دى”.
گۆت ژى” پێدڤيه وه‌لاتێن ده‌ڤه‌رێ رێزێ ل قانوونێن نێڤده‌وله‌تى بگرن وهێجه‌تان بۆ سه‌ركوتكرنا گه‌لێ كورد نه‌ئينن، ده‌ڤه‌ر ته‌حه‌مولا شه‌ره‌كێ نوو ناكه‌ت، شه‌ر قه‌يرانان كويرتر لێ دكه‌ت”.
ئومێد خوشناو ل دۆر شرۆڤه‌كرنا قانوونى بۆ شه‌رێ توركيا دژى رۆژئاڤايێ كوردستانێ دبێژيت” ئه‌م هه‌موو دزانين كو قانوونا رێكخستنا په‌يوه‌نديان دناڤبه‌را گه‌لان وده‌وله‌تان دا، دووپاتيێ ل بده‌ستڤه‌ئينانا خواستا گه‌لان دكه‌ن تاكو دئاشتيێ هه‌ڤسوييا پێكڤه بژين”.
فراكسيۆنا پارتى ل دۆر هێجه‌تين توركيا، راگه‌هاند”توركيا چه‌مكێن وه‌كو به‌رگرى ژخوه ونه‌هێلانا تيرۆرێ وديرۆكا مانه‌وه‌يا نه‌ته‌وێ تورك وژناڤبرنا گرۆپێن بێ ناسنامه، وه‌كو هێجه‌ت بۆ هه‌لكرنا شه‌رێ ل دژى رۆژئاڤايێ كوردستانێ بكاردئينيت” .
نيشاندان
