ئەڤرۆ نيوز:
فیدراسیۆنا پەنابەرێن عیراقێ راگەھاند، ئەڤە ماوێ ھەیڤەکێ یە ، 30 وەلاتیێن دھۆکێ ل ناڤ دەریا ئیجە دا دناڤبەرا ھەر دو وەلاتێن تۆرکیا و یونان دا د بەرزەنە و ھەتا نھا چو شوونوارێن وان د دیار نینن.
ئاری جەلال، سەرپەرشتیارێ فیدراسیۆنا پەنابەرێن عیراقێ، بۆ ئەڤرۆ دیارکر، ماوێ ھەیڤەکێ یە 30 وەلاتیێن دھۆکێ کو خەلکێ سەنتەرێ باژێری نە، ژ کنارێن تورکیا دناڤ دەریا ئیجە دا مشەخت بووینە و ھەتا نوکە چو شوونوارێن وان ددیارنینن و گۆت ژی: ل شەڤا 22/23 یێ مەھا 12، یەختەکا 14 مەتری ئەو 30 وەلاتیێن کورد ل ستەنبۆلێ سوارکرینە و بەرەڤ وەلاتێ ئیتالیا برێ کەفتینە و ھەتا نھا چو شوونوارێن وان د دیارنینن، دووماھی جار ژی ل 21/12 تەلەفون کریە و پشتی چار رۆژان ب تمامی بەرزەبووینە و دەنگ و باسێن وان د دیارنینن.
ناڤبری ئاشکرا کر کو وان ل ئیتالیا ژی پرسیارا وان کریە و ئەو جھێن تێرا چووین، بەلێ کەسێ چو پێزانین ل سەر وان نینن و تەلەفۆنێن وان ھەموویان ژی د داخراون و (قاچاخچی) ژی تەلەفونا خۆ داخراوە کریە و گۆت: ھژمارەکا یەختێن دی ژی یێن کەس و کارێن وان ل گەل وان بوون، بەلێ پشتی نێزیکی کنارێن ئیتالیا بووین، ئەڤ یەختا وەلاتیێن کورد ل وان بەرزەبووینە و کەس و کارێن وان ژی نھا لێ دگەرن و چو دیار نینە.
نيشاندان
