ئەڤرۆ نیوز:
دچارچوڤێ‌ وێ‌ گرنگیا حكومه‌تا هه‌رێما كوردستانێ‌ دده‌ته‌ پروژێن خزمه‌تكاری تایبه‌تی ئه‌وێن گرێدایی ب ژیانا روژانه‌ یا وه‌لاتیان ڤه‌ ئه‌ڤرو سپێدێ‌ 3-5-2018 ب ئاماده‌بونا فه‌رهاد ئه‌مین ئه‌تروشی پارێزگه‌رێ‌ دهوكێ‌ و(كریستوڤ هوڤمه‌ن) په‌رله‌مانته‌رێ‌ ئه‌لمانیا ونونه‌رێ‌ وه‌زاره‌تا باژێرڤانیان وحسێن خالد قایمقامێ‌ قه‌زا سێمێلێ‌ ودكتور كارل رێڤه‌به‌رێ‌ گشتی یێ‌ رێكخراوا(GIZ) یا ئه‌لمانی وچه‌ند به‌رپرسێن حزبی وئیداری رێ‌ ورسمێن دانانا به‌رێ‌ بنیاتی بو چێكرنا پروژێ‌ ئاڤا ناحیا فه‌یدیێ‌ وده‌وروبه‌ر هاتنه‌ گێران.

ل به‌راهیێ‌ رێڤه‌به‌رێ‌ گشتی یێ‌ رێكخراوا(GIZ) یا ئه‌لمانی په‌یڤه‌ك خاند وگوت ئه‌م وه‌كو حكومه‌تا ئه‌لمانیا خوشحالین كو مه‌هه‌ڤكاریه‌كا باش دگه‌ل حكومه‌تا هه‌رێما كوردستانێ‌ هه‌یه‌ بو بجهئینانا ڤان پروژێن خزمه‌تكاری كو خه‌لكێ‌ ده‌ڤه‌رێ‌ دێ‌ گه‌له‌ك مفای ژێ‌ وه‌رگریت ، وپه‌سنا رولێ‌ پارێزگه‌ه وخه‌لكێ‌ ده‌ڤه‌رێ‌ كر بو حه‌واندنا پتر ژ500هزار ئاواره‌ وپه‌نابه‌ران وته‌كه‌زكر كو حكومه‌تا ئه‌لمانیا ڤیایه‌ ب رێكا رێكخراوا (GIZ) هاریكاریا حكومه‌تا ده‌ڤه‌رێ‌ بكه‌ت دكه‌رتێ‌ په‌روه‌ردێ‌ وساخله‌میێ‌ وئاڤێ‌ دا ودڤی چارچوڤه‌یدا ئه‌ڤرو مه‌ ده‌ست ب چێكرنا پروژێ‌ ئاڤا فه‌یدیێ‌ كر.

پاش (كریستوڤ هوڤمه‌ن) په‌رله‌مانته‌رێ‌ ئه‌لمانیا دپه‌یڤه‌كێدا ته‌كه‌زكر كو خه‌لكێ‌ ڤێ‌ ده‌ڤه‌رێ‌ هاریكاریا ئاواره‌ وپه‌نابه‌ران كریه‌ وهه‌مبه‌ر ڤی هه‌لویستی ئه‌ركێ‌ حكومه‌تا ئه‌لمانیا یه‌ هاریكاریا رونشتڤانێن ده‌ڤه‌رێ‌ بكه‌ت وپیروزباهیا خه‌لكێ‌ ده‌ڤه‌رێ‌ كر بو بجهكرنا ڤی پروژێ‌ ئاڤێ‌ وخواست خه‌لك مفای ژێ‌ وه‌رگریت.

پاش پاریزگه‌رێ‌ دهوكێ‌ په‌یڤه‌ك خاند تێدا بناڤێ‌ كارگێریا پارێزگه‌ها دهوكێ‌ سوپاسیا حكومه‌ت وخه‌لكێ‌ ئه‌لمانیا ورێكخراوا (GIZ) كر هه‌مبه‌ر وێ‌ هاریكاریا بو خه‌لكێ‌ پارێزگه‌هێ‌ وئاواره‌ وپه‌نابه‌ر دكه‌ت وئاماژه‌ دا رولێ‌ حكومه‌تا هه‌رێما كوردستانێ‌ كو به‌ری نوكه‌ چه‌ندین پروژێن ئاڤێ‌ ل دهوك وسێمێل وئامدیێ‌ وزاخو بجه كرینه‌ و یێ‌ ئاكرێ‌ ل قوناغێن بجئینانێ‌ یه‌ و قه‌زایێن شێخان وبه‌رده‌ره‌ش پێدڤی ب پروژێن ئاڤێ‌ هه‌نه‌ وخواست كو رێكخراوا (GIZ) هزره‌كێ‌ ل چێكرنا وان بكه‌ت ، چونكو هاتنا ئاواره‌ وپه‌نابه‌ران فشاره‌كا مه‌زن ل سه‌ر كه‌رتێ‌ ئاڤێ‌ كریه‌ وپیروزباهیا خه‌لكێ‌ ناحیا فه‌یدیێ‌ وده‌وروبه‌ران كر وسوپاسیا هه‌موو لایه‌نان كر یێن كار ل سه‌ر پروژه‌ی كری.

پاش نونه‌رێ‌ وه‌زاره‌تا باژێرڤانی وگه‌شت وگوزاری په‌یڤا وه‌زاره‌تێ‌ پێشكێشكر و پیروزباهیا خه‌لكێ‌ ده‌ڤه‌رێ‌ كر و سوپاسیا رێكخراوا (GIZ) وهه‌موو لایه‌نان كر یێن بوینه‌ هاریكار بو چێكرنا پروژه‌ی.

پاش ب فه‌رمی به‌رێ‌ بنیاتی بو پروژه‌ی هاته‌ دان هه‌روه‌سا سه‌ره‌دانا عومبارا سه‌ره‌كی یا پروژه‌ی هاته‌ كرن وژنێزیك هایداری ره‌وشا كاری بوون.

پروژه‌ ب پشته‌ڤانیا حكومه‌تا ئه‌لمانیا ورێكخراوا (GIZ) بكوژمێ‌ (18)ملیون یورویا دێ‌ هێته‌ بجهئینان وپتر ژ(200) هزار كه‌سا لناحیا فه‌یدیێ‌ وكومه‌لگه‌هێن دومیز وشاریا وكه‌به‌رتو 1و2دێ‌ مفای ژێ‌ بینن ، ئاڤا پروژه‌ی ژسكرێ‌ موسل دێ‌ هێته‌ راكێشان ب درێژا 18كم پروژه‌ی شیان هه‌نه‌ (2500)م سێ‌ جاركی دئێك ده‌م ژمێر دا دابینكه‌ت وبریاره‌ ل مه‌ها چار سالا 2019بكه‌ڤیته‌ دخزمه‌تێ‌ دا.

ئەڤرۆ نیوز:

وەزارەتا دارای خشتەکێ نوو یێ مووچەی بەلاڤکر کو تێدا ژڤانێ مووچێ پتریا وەزارەتان هاتیە دیارکرن.

یەکەم_رۆژی یەک شەممە 6/5/2018

1_ مووچەی وەزارەتی پەروەردە دابەشدەکرێت.
2_مووچەی وەزارەتی تەندروستی دابەشدەکرێت.

دووەم_ رۆژی دووشەممە 7/5/2018
1_ مووچەی وەزارەتی دارایی و ئابووری دابەشدەکرێت.
2_ مووچەی وەزارەتی خوێندنی باڵا دابەشدەکرێت.
3_ مووچەی وەزارەتی کاروباری شەهیدان و ئەنفالکراون دابەشدەکرێت.
4_ کەس و کاری مووچەی شەهیدان و ئەنفالکراون و زیندانیانی سیاسی دابەشدەکرێت.
5_ مووچەی وەزارەتی گواستنەوە و گەیاندن دابەشدەکرێت.

سێ یەم_رۆژی سێ شەممە 8/5/2018
1_ مووچەی وەزارەتی شارەوانی دابەشدەکرێت.
2_مووچەی وەزارەتی کارەبا دابەشدەکرێت.
3_ مووچەی وەزارەتی ئاوەدانکردنەوە دابەشدەکرێت.
4_مووچەی وەزارەتی پلاندانان دابەشدەکرێت.
5_ مووچەی ئەنجوومەنی دادوەری دابەشدەکرێت.
6_ مووچەی وەزارەتی داد دابەشدەکرێت.
7_ مووچەی سامانە سروشتیەکان دابەشدەکرێت.
8_ مووچەی وەزارەتی پیشەسازی و بازرگانی دابەشدەکرێت.

چوارەم_ رۆژی چوار شەممە 9/5/2018
1_ مووچەی وەزارەتی کشتوکاڵ و سەرچاوەکانی ئاو دابەشدەکرێت.
2_ مووچەی وەزارەتی کاروکاروباری کۆمەڵایەتی دابەشدەکرێت.
3_ مووچەی خاوەن پێداویستی تایبەت دابەشدەکرێت.
4_ مووچەی دیوانی چاودێری دارایی دابەشدەکرێت.
5_ مووچەی دەستەی مافی مرۆڤ دابەشدەکرێت.
6_ مووچەی دەستەی ناوچە کوردستانیەکانی دەرەوەی ئیدارەی هەرێم دابەشدەکرێت.
7_ مووچەی دەستەی پاراستن و چاککردنی ژینگە دابەشدەکرێت.
8_ مووچەی دەستەی وەبەرهێنان دابەشدەکرێت.
9_ مووچەی دەستەی دەسپاکی دابەشدەکرێت.
10_ مووچەی کۆمسیۆنی باڵای سەربەخۆی هەڵبژاردن و راپرسی دابەشدەکرێت.
11_ مووچەی دەزگای مین دابەشدەکرێت.

پێنجەم_ رۆژی پێنج شەممە 10/5/2018
1_ مووچەی وەزارەتی ئەوقاف و کاروباری ئاینی دابەشدەکرێت.
2_ مووچەی وەزارەتی رۆشنبیری دابەشدەکرێت.
3_ مووچەی سەرۆکایەتی هەرێم دابەشدەکرێت.
4_ مووچەی پەرلەمان دابەشدەکرێت.
5_مووچەی ئەنجوومەنی وەزیران دابەشدەکرێت.
6_ مووچەی ئەنجوومەنی ئاسایش دابەشدەکرێت.