ئەڤرۆ نیوز ، زنار تۆڤی:

ل‌ هه‌موو جهان دەمێ مرۆڤ دچیته‌ ناڤ ده‌زگه‌هەکێ یان ئۆتێل و مۆتێلەکێ یان نه‌خۆشخانه‌کێ یان جهەکێ كەلتووری،یان ژی بارەگەهێن حزب و بزاڤێن سیاسی،دڤێت مرۆڤ د پرسگه‌ها وی جهی دا بچیت،ڤێجا ئه‌و پرسگه‌هە‌ چو بۆ وه‌رگرتنا زانیاریان بیت یان بۆ وه‌رگرتنا زانیاری و پشكنینێ بیت،لێ پێدڤیە بۆ ڤان هەردو مەبەستان‌ خودانێن کاری ئەوێ بزانن،کو‌ ئه‌و كه‌سێ ل وێرێ كار دکەت،دڤێت ژ فه‌رمنانبه‌رێن زیرەک و رێکوپێکتر و ئاخفتن‌ خۆشتر و به‌رێزتر بیت، چونكی‌ ئه‌و كارمه‌ندێ پرسگه‌هێ دێ بیته‌ رویێ راسته‌قینه‌ یێ وی جهێ ئەو لێ.
کارمەندێ پرسگەهێ رووکارێ وی دەزگەهی،بوهایێ وی جهێ کاری یان وی دەزگەهی هەتا رادەیەکێ زۆر ل سەر وی راوەستایە،د ڤی باریدا‌ دکتۆر نەسرەو مستەفا مەحموود گرنگترین وان 30 ساخلەتێن کو پێدڤیە ل دەف کارمەندێ پرسگەهێ دا هەبیت.
ئەڤە ژی ئەو ساخلەتن،کو پێدڤیە ل دەف کارمەندێ سەرکەفتی یێ پرسگەهێ دا هەبن.
. یێ دەف ب کەنی بیت.
. یێ خۆشتڤی بیت ل دەف خەلکێ.
. کارێ خۆ خۆش بڤێت.
. جهێ کارێ خۆ خۆش بڤێت و بوهایێ وی بپارێزیت.
. ل دووڤ گێولێ خۆ کار نەکەت، چونکی گۆنەها خەلکێ نینە ببنە قوربانی گێولێ وی.
. د کارێ خۆدا یێ دلسۆز بیت.
. هەستێ وی یێ بەرپرسیارەتیێ یێ بلند بیت.
. گرنگە کەسەکێ جڤاکی بیت و خودان کەسایەتیەکێ پێگەهشتی بیت.
. بەرێخۆ بدەتە سەروچاڤێن وی سەردانکەری دەمێ د ئاخڤیت.
. برێزڤە ل گەل خەلکی باخڤیت و وەربگریت،ب تنێ ئەو نینە،کو ب پەیڤا بەرێز ل گەل مێهڤانان باخڤیت، بەلێ گرنگە ڤێ پەیڤێ ب نەرمی بێژیت!.
. روونکرنا ب زمانەکێ جوان و سادە بۆ مێهڤانان روون بکەت،نەکو مێهڤانان بکەتە قوربانی بێدەنگیێ.
. نابیت وی کاری بکەت، یێ کو وی پەیوەندی پێڤە نەبیت.
. گلە و گازاندان کێم بکەت و پتر رێنمایی و پەیرەوی دووپات بکەت بۆ وان کەسێن کو نزانن.
. هەکە ل جهێ خۆ نەبی،تە هەق نینە گازندا بکەت،کو بۆچی سەردانیکەر چووینە د ژوورڤە بێی وی.
.یێ ئامادە بیت خۆ ل جهێ وان کەسان دانیت و هەست ب وان بکەت،چونکی گەلەک ژ مێهڤانان خودان گرفت و کێشەنە یان ژی دنەساخ یان ژی دپیرن،یان ژی مەرج نینە ئاستێ رەوشەنبیریا وان گەلەک یێ بلند بیت.
. سنگەکێ بەرفرەه هەبیت بۆ گلە و گازەندێن سەردانکەران و ژ وێ ژی گرنگتر ژی گلەیان ژ کەسێ نەکەت!.
. پەیڤا نە کێم بکاربینیت، یان هەر نەبێژیت، ب شێوازەکێ دیتر کو هەمان مەبەستێ بدەت.
. هەکە خەلەتیەک یا کێمتەرخەمیەک هەمبەری مێهڤانەکێ روودا، ب مەبەست یان بێ مەبەست،یێ ئامادە بیت ب سادەیی و ب روویەکێ خۆشڤە بێژیتێ: ببوورە هەقێ تەیە،تو راست دبێژی.
. بزانیت کو نان خواردن یان مژوول بوون ب ئینتەرنێتێ و فەیسبووکی ڤە ل دەمێ کاری و دەمێ مێهڤان یا سەردانا تشتەکێ نەباشە.
. خۆ مەزن نەکەت و د خزمەتا خەلکی دابیت.
. نهێنیێن کەسێن ل جهێ وی و کەسێن سەرەدانێ دکەن جوان بپارێزیت.
. بەحسێ کەسێن دناڤ وی دەزگەهی دا ب خراپی نەکەت بۆ سەردانیکەران،هەکە خرابی ژی هەبیت، ئەڤە دێ پیشەیا وی ئینتە خوار.
. دڤێت خۆ ژ جرەجرێ و دەنگە دەنگێ و چیڤکێشکانێ بپارێزیت ل گەل سەردانکەران.
. هەکە یێ توورەبی، یان نەزانی ل دەمێ توورەبوونێ چاوان رەفتاران بکەی، باشترە ب هیچ جۆرەکێ هزر ل کارێ پرسگەهێ نەکەی.
. هزر ل دەستەواژەیا (کریار هەموو گاڤا ل سەر هەقیێ یە) بکەی.
. چاڤەرێی سوپاس و ستایشا نەبی،هەکە سوپاسیا تە ژی کر،بێژێ (ئەڤە کارێ منە).
. گەلەک روحا لیبۆرینێ هەبیت و روحا تۆلڤەکرنێ نەبیت.
. گەلەک یێ ب رێز بە.