ئەڤرۆ نیوز ،باسم قاسم شنگالی
ئەڤرۆ چارشه‌مبى 17 /1/2018 ێ کورتە فلمێ کەزەب كو بەرهەمێ تیپا گرعزێر یا شانۆیی و هۆنەری يه ل هەولێرێ هاتە نيشاندان.
سالم حسێن، بەرپرسێ تیپا گرعزێر بۆ ئەڤرۆ نیۆز گۆت” ئەڤرۆ فلمێ كه‌زه‌ب ل هۆلا كوليژاهۆنەرێن جوان ل هەولێرێ ب ئامادەبوونا مامۆستا و قۆتابیێن کولێژێ هۆنەرێ جوان هاتە نيشاندان”.
حسێن بتر گۆت، فلمێ کەزەب فلمەکی تراجیدیايێ يه ل سه‌ر وێ هێرشا درندانه‌يا تيرۆرستێن داعشێ يه، ژ نڤیسینا بەرپرسێ تیپێ و ژ دەرهینانا دەخیل جانۆ یە”.
ئه‌ڤرۆنیۆز ، ره‌مه‌زان هه‌رنى :
رێڤه‌به‌رێ راگه‌هاندنێ ل رێڤه‌به‌ریا گشتیا ڤه‌گوهاستنا هه‌رێمێ دیاركر،ئه‌ڤ ساله دێ پروژه‌یێ ب لوگوكرنا ته‌كسیێن پارێزگه‌هێن هه‌رێمێ كه‌ڤیته كار ژ پێخه‌مه‌ت ئاسنكارى كرنا ڤه‌گوهاستنا هاولاتیان ناڤبه‌را پارێزگه‌هێن هه‌رێمێ ده‌مه‌ك نزیك دێ لگویێ ته‌كسیا بۆ هه‌رپارێزگه‌هه‌كێ هێته‌دیاركرن كار پێ هێته كرن.
كاكه زیاد حه‌مه‌د رێڤه‌به‌رێ راگه‌هاندنێ ل رێڤه‌به‌ریا گشتیا ڤه‌گوهاستنا هه‌رێمێ بۆ ئه‌ڤرۆ نیۆز خویاكر ، پشتى چه‌ندین ئاریشه بۆ هاولاتیان دروست بووى ل ده‌مێ سه‌فه‌ركرنێ ل ناڤ پارێزگه‌هێن هه‌رێمێ بریار هاته دان كو لوگویه‌كێ تایبه‌ت بۆ ته‌كسیا بهێت دروستكرن ته‌كسێ بهێن جوداكرن هه‌ر پارێزگه‌هه‌كێ لوگویێ خوه‌یێ تایبه‌ت هه‌بیت.
ناڤبرى ته‌كه‌ز كر , هنده‌ك ته‌كسى ل ناڤخوه كاردكه‌ن و به‌لێ هه‌رده‌ما نه‌فه‌ر بۆ دروست بوون بۆ ده‌رڤه ژى كاردكه‌ت و ل ناڤبه‌را باژێر و باژێركان و پارێزگه‌هان پشتى لوگو بۆ ته‌كسیا دهێنە دیاركرن ئه‌و چه‌نده نامینیت، ته‌كسیێن هێلا ده‌رڤه ژى هه‌مان لوگو هه‌یه ب فه‌رمى و ژمارا هێلێ دێ شێن ب تنێ ل ده‌رڤه كاركه‌ن.
كاكه زیاد ئاشكرا كر ، بۆ نه‌هێلانا ئاریشێن سالێن بۆرى پروژه‌یێ ب لوگوكرنا ته‌كسیێن هه‌رێمێ كار لسه‌ر دهێتە كرن و ده‌مه‌ك نێزیك دێ كه‌ڤیت وارێ بجهئینانێ ته‌كسیێن نافخوه و ب ره‌نگ و لوگویێ جودا ل گه‌ل ته‌كسیێن ده‌رڤه دێ هێنه نیشانكرن ب مه‌به‌ستا رێكخستنا ڤه‌گوهاستنا هاولاتیان ل ناڤبه‌را پارێزگه‌هێن هه‌ریمێ و نوكه پروژه ل قوناغا ته‌مامبوونێ دایە و ب تنێ مایه بریار لسه‌ر قه‌باره و شێوازێ نڤێسینێ و لوگویێ سه‌ر ته‌كسیا بهێتە دان و بكه‌ڤیت وارێ بجهئینانێ ل هه‌موو كوردستانێ.
ئه‌ڤرۆنيوز:
دكۆمبوونا ئه‌ڤرۆ يا جڤاتا وه‌زيرێن هه‌رێما كوردستانێ دا، به‌حسێ پرۆژه‌كى بۆ گه‌هاندنا خزمه‌تێن خۆ بۆ هاولاتيان ب باشترين شێوه هاته كرن كو تێدا دێ ب شێوه‌كێ به‌رچاڤ رۆتين ل داموده‌زگه‌هێن حكومى هيته كێمكرن.
ل دووڤ مالپه‌رێ فه‌رميێ يێ حوكمه‌تا هه‌رێمێ، جێگرێ سه‌رۆك وه‌زيرێن هه‌رێمێ قوباد تاله‌بانى سه‌رپه‌رشتيا وى پرۆژه‌ى دكه‌ت كو دچارچۆڤێ پلانا چاكسازيا حوكمه‌تێ دا راپۆرته‌ك سه‌باره‌ت پرۆژێ (خزمه‌ت) به‌رچاڤكر ودياركر كو پێدڤيه حوكمه‌ت ب باشترين شێوه خزمه‌تين خوه بگه‌هينيته هاولاتيان، له‌وما ئه‌ڤ پرۆژه دێ حوكمه‌تێ رێكئێخيت وباشترين خزمه‌ت ژى دێ بۆ هاولاتيان هێته پێشكێشكرن”.
قوباد تاله‌بانى رۆهنكر ژى” ئارمانج ژ وى پرۆژه‌ى باشتركرنا ئاستێ خزمه‌تايه بۆ هاولاتيان وكێمكرنا رۆتينێ ل داموده‌زگه‌هێن حكومى”.
هه‌روه‌سا ئاماژه كر” حوكمه‌تێ پێداچوون دهه‌موو خزمه‌تێن خوه‌دا كريه كو هژمارا وان زێده‌تر ژ 442 خزمه‌تێن تايبه‌ت ب هاولاتيان ڤه و 279 جۆرێن خزمه‌تين گشتى ومه‌ره‌ما حوكمه‌تێ ژ ڤى پرۆژه‌ى سيسته‌مێ ئێكپه‌نجه‌ريێ په‌يره‌و بكه‌ت بۆ ب رێڤه‌چوونا مامه‌لێن هاولاتيان، هنده‌ك ژوان خزمه‌تان ژى دێ ب رێيا ئه‌نترنێتێ هێنه پێشكێشكرن”.
مالپه‌رێ حوكمه‌تا هه‌رێمێ به‌لاڤكر كو” پرۆژه يێ هاتيه ئاراسته‌كرن بۆ وه‌زاره‌تان تاكو دده‌مێ هه‌يڤه‌كێ دا ل پێناڤى زه‌نگينكرن وباشتركرنا وى، هزر وبۆچوون وتێبينيێن خوه ل سه‌ر بده‌ن وپاشى دێ ل جڤاتا وه‌زيران هێته په‌سه‌ندكرن وچيته دبوارێ بجهئينانێ دا”.
ئه‌ڤرۆنيوز:
دچارچۆڤێ گه‌را نه‌هێ ژخۆلا عيراقێ يا پلا ناياب ، ئه‌ڤرۆ چارشه‌مبى 17/1/2018 يانا زاخۆ ل به‌غدا تووشێ دوراندنێ بوو ل سه‌ر ده‌ستێ يانا ته‌له‌به ب ئه‌نجامێ 1-3.
گۆلێن يانا ته‌له‌به ل خۆله‌كێن (12، 44، 48) هاتن تۆماركرن وگۆلا ئێكانه يا زاخۆ ل خۆله‌كا 39 هاته تۆماركرن.
ب ڤى ئه‌نجامى ته‌له‌به گه‌هشته خالا 13 ول رێزا 8 دهێت وزاخۆ ب 4 خالان ل رێزا 19 وبه‌رى دووماهيێ دهێت.
يانا زاخۆ هه‌تا نوكه 9 يارى ئه‌نجامداينه كو د 4 ياريان دا وه‌كهه‌ڤ بوويه ود پێنج ياريێن دى دا هاتيه دوراندن.
ئه‌ڤرۆ نیوز، نه‌وزاد هۆرى:
ئێڤاریا ئه‌ڤرۆ ئاگر به‌ربوو ئێك ژ بازارێن مه‌زن ل سلێمانیێ .
ب گۆره‌ى زانیاریان ئاگر به‌ربوویه بازارێ بازرگانیێ بناڤێ عه‌لوا سلێمانیێ و تێدا زێده‌ترى 10 بازار ب ت‌مامى هاتینه سوتن و زیانێن مه‌زن گه‌هشتينێ و كه‌سه‌ك ژى برینداربوویه.
تیمێن به‌ره‌ڤانیا باژێرى شيان ئاگرى كونترۆل بكه‌ن و نێزیكێ دو مليۆن دولاران زیان ب وان بازاران گه‌هاندیه.
ب گوره‌ى زانیاریێن شاهد حالێن روودانێ ، ئاگر ژ ئه‌گه‌رێ شورته‌كێ كاره‌بێ درۆست بوویه.
ئه‌ڤرۆنيوز:
سه‌رۆكێ لژنا هێزێن چه‌كدار ل جڤاتا نوونه‌رێن ئه‌مريكى، ماك سونبيرى، راگه‌هاند، له‌شكرێ ئه‌مريكى ب شێوه‌كێ جدى نوكه مژوولى مه‌شقكرنێ يه بۆ شه‌رێ چاڤه‌رێكرى دژى كوريا باكوور.
سونبيرى ئه‌ڤرۆ چارشه‌مبى 17/1/2018، هيڤى خواست كو له‌شكرێ وه‌لاتى وى نه‌هێته نه‌چاركرن وێ به‌رهه‌ڤيێ بێخيته دره‌وشا بجهئينانێ دا.
ئه‌ڤرۆنيوز:
سه‌يه‌كێ هار دوهى ئێڤارى هێرشێ دكه‌ته سه‌ر زارۆيه‌كى و ب دژوارى بريندار دكه‌ت وب شێوه‌كێ بله‌ز دهێته هنارتن بۆ نه‌خوه‌شخانێ.
ل تاخێ ره‌وشه‌نبيرى ل باژێرێ هه‌ولێرێ، سه‌يه‌كێ هار هێرشێ دكه‌ته سه‌ر زارۆيه‌كێ هه‌شت سالى كو قوتابيه ل رێزا دويێ بنه‌ره‌تى وبريندار دكه‌ت.
وه‌لاتيه‌كێ وى تاخى دياردكه‌ت” دوهى ئێڤارى ئه‌و زارۆيه ل ده‌رڤه‌ى مالا خوه بو ل تاخى وسه‌يه‌ك نێزيكى وى دبيت وزارۆك ترسا وبزاڤكر ب ره‌ڤيت، به‌لێ وى سه‌يێ هار هێرش كر سه‌ر وب دژوارى برينداركر”.
گۆت ژى” جيرانه‌كێ وى زارۆكى دهێته ده‌رڤه وب تڤه‌نگێ وى سه‌يێ هار دكوژيت ووى زارۆكى قورتال دكه‌ت”.
ئه‌ڤرۆنيوز:
جڤاتا وه‌زيرێن عيراقێ داخوازه‌ك ئاراسته‌ى هه‌موو وه‌زاره‌ت وفه‌رمانگه‌هان دكه‌ت، نابيت مووچێ چ فه‌رمانبه‌ره‌كێ به‌رده‌وام وگرێبه‌ست بهێته دان بێ نيشاندانا كارتا ئه‌لكترۆنى يا ده‌نگدانێ.
ئه‌مينداريا گشتى يا جڤاتا وه‌زيرێن عيراقێ ب نڤيسارا هژمار 1898 كو ئه‌ڤرۆ چارشه‌مبى 17/1/2018 هاتيه ده‌ركرن، داخواز ژ ده‌ستهه‌لاتا دادوه‌رى وجڤاتا بلند يا دادوه‌رى وهه‌موو وه‌زاره‌ت وپارێزگه‌ه وجڤاتين پارێزگه‌هان وهه‌موو لايه‌نين نه گرێداى ب وه‌زاره‌تان ڤه دكه‌ت كو مووچي چ فه‌رمانبه‌ره‌كى نه‌هێته مه‌زاختن هه‌كه كارتا ئه‌لكترۆنى يا ده‌نگدانێ پێشكێش نه‌كه‌ت.
د وێ نڤيسارا ئه‌مينداريا گشتى يا جڤاتا وه‌زيرێن عيراقێ دا هاتيه” پێدڤيه ل سه‌ر هه‌موو فه‌رمانگه‌هێن ده‌وله‌تێ مووچێ چ فه‌رمانبه‌رين به‌رده‌وام وگرێبه‌ست نه مه‌زێخن، هه‌كه كارتا ده‌نگدانا ئه‌لكترۆنى پێشكێش نه‌كه‌ت”.
ئه‌ڤرۆنيوز:
بريكارێ به‌رێ يێ وه‌زاره‌تا دارايى يا عيراقێ، فازل نه‌بى، ڤه‌كرنا هژماره‌كا تايبه‌ت ب مووچه‌خۆرێن هه‌رێما كوردستانێ پشتراست دكه‌ت ودبێژيت، ماده‌م پاره‌ك هاتيه ته‌رخانكرن، دياره خواسته‌ك ل ده‌ف عه‌بادى يا هه‌ى بۆ مه‌زاختنا مووچێ خه‌لكێ كوردستانێ، به‌لێ ژبه‌ر پرۆسا هووربينيێ دبيت پێچه‌ك پاش بكه‌ڤيت.
فازل نه‌بى، بريكارێ به‌رێ يێ وه‌زاره‌تا داراييا عيراقێ ژ پشكا هه‌رێما كوردستانێ بۆ رووداو گۆت” ل دووڤ وێ په‌يوه‌نديا من ل گه‌ل به‌غدا هه‌ى وبه‌رده‌وام دپه‌يوه‌نديان دامه ل دۆر وى بابه‌تى، ب فه‌رمانا عه‌بادى ل وه‌زاره‌تا دارايى كوژمێ 450 مليار دينار پاره بۆ مووچه‌خۆرێن هه‌رێما كوردستانێ هاتيه ته‌خانكرن وئه‌و پاره ژى دهژماره‌كا تايبه‌ت هاتيه دانان ل به‌نكا ناڤه‌ندى”.
گۆت ژى” 450 مليار دينار تێرا مووچێ هه‌يڤه‌كێ يێ مووچه‌خۆرێن هه‌رێما كوردستانێ ناكه‌ت، به‌لێ هه‌ر چ نه‌بيت پارێ وان دو وه‌زاره‌تايه يێ كو هووربينى تێدا دهێته كرن”.
دياركر” ل دووڤ پێشبينيا من وئه‌و په‌يوه‌نديێن من ل گه‌ل به‌غدا هه‌ين، ل دووڤ پێشبينيا من وئه‌و په‌يوه‌نديێن من ل گه‌ل به‌غدا هه‌ين،مخابن ئه‌و پرۆسه دێ پيچه‌ك گيرو بيت، چونكى برياره لژنه‌كا چاڤدێريا دارايى يا عيراقێ ب خوه ب شێوه‌كێ مه‌يدانى بهێته كوردستانێ وهووربينيێ دليستان دا بكه‌ت، ڤێ چه‌ندێ ژى ده‌مه‌كێ زۆر پێ دڤێت، به‌لێ ئاماژا باش ئه‌وه، ماده‌م پاره‌ك هاتيه ته‌رخانكرن، ئانكو ئيراده‌ك ژلايێ سه‌رۆك وه‌زيرێن عيراقێ يا هه‌ى بۆ مه‌زاختنا مووچێ خه‌لكێ كوردستانێ”.
نێچيرڤان بارزانى، سه‌رۆك وه‌زيرێن هه‌رێما كوردستانێ، ئه‌ڤرۆ چارشه‌مبى 17/1/2018 دكۆنگرێ رۆژنامه‌ڤانيێ خوه يێ هه‌فتيانه دا دبه‌رسڤا پرسياره‌كێ دا ل دۆر دانانا پاره‌ى ل هژماره‌كا وه‌زاره‌تا دارايى يا عيراقێ بۆ مووچه‌خۆرێن هه‌رێما كوردستانێ، گۆت” ب شێوه‌كێ فه‌رمى ل دۆر ڤه‌كرنا هژماره‌كا به‌نكى بۆ مووچه‌خۆرێن كوردستانێ ل به‌غدا ئه‌م نه‌هاتينه ئاگه‌هداركرن”.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، ئه‌ڤرۆ چارشه‌مبى 17/1/2018، دكۆنگرێ خوه يێ رۆژنامه‌ڤانى يێ هه‌فتانه دا راگه‌هاند، ڤه‌كێشانا ئێكگرتوويا ئيسلامى ژ حوكمه‌تا دمفايێ هه‌رێما كوردستانێ دا نه‌بوو وده‌مێ وێ ژى يێ گونجاى نه‌بوو.
نێچيرڤان بارزانى سه‌رۆك وه‌زيرێن هه‌رێمێ ل دۆر ڤه‌كێشانا ئێكگرتووى ژ حوكمه‌تێ گۆت” دئاگه‌هدارين كو دوهى سه‌ركردايه‌تيا ئێكگرتوويا ئيسلامى كوردستان بريارا ڤه‌كێشانێ يا داى، ب ديتنا مه ده‌م يێ گونجايى نه‌بوو ودمفايێ هه‌رێما كوردستانێ ژى دا نه‌بوو ونه د به‌رژه‌وه‌نديا ئێكرێزيا لايه‌نين سياسى يێن كوردستانێ دا نه‌بوو وبۆ هه‌رێما كوردستانێ وهاولاتيێن هه‌رێمێ يا گونجاى نه‌بوو”.
نێچيرڤان بارزانى گۆت ژى” مخابن وێ بريارێ ئه‌م گه‌له‌ك نيگه‌ران كرين، وه‌كو دى ئه‌و وه‌زيرێن تا نوكه كاركرى، سوپاسيا وان دكه‌م كو ل رۆژا ئێكێ ده‌ست ب كارى كرى وپێگيرى ب سويندا قانوونى بوون وئه‌وا دشانێن واندا هه‌بوو بۆ خزمه‌تا هاولاتيێن كوردستانێ يا كرى”.
لەبارەی ھەڵبژاردنەکانەوە من نامەم بۆ پەرلەمانی کوردستان نووسیوە زیاتر لە مانگ و نیوێک لەمەوبەر، داوام کردووە کە پێویستە ھەڵبژاردن بکرێت و لەگەڵ کۆمسیۆن دانیشتووین بۆ ئەوەی ڕێکاری چۆنیەتیی ھەڵبژاردنەکان دەستنیشان بکەین و ھەڵبژاردنەکانی کوردستان
نيشاندان