ئەڤرۆنيوز ،ھەژار :

چاڤەرێ دھێتەکرن سوباهى یاریێن گەرا ٣٢ ژ خولا پلا دو سێ یا تورکیا یا تەپا پێ بھێنەکرن کو شەش یانێن باکورێ کوردستانێ دخولا پلا دو سێ یا تورکیا دا پشکدار کو ئەو کارگێریێن د دەستێ خەلکێ باکورێ کوردستانێ دا . دخولا پلا دو یا تورکیا دا ئەو سێ وەرز بوو ل دویڤ ئێک ئامەد سپور ھەڤرکی دکر بوو دەربازبوونێ بو خولا پلا ئێک لێ ل وەرزێ ئەڤ سالە ئەنجامێن نە چاڤەرێکری تومارکرن بەروڤاژی وەرزێ بوری و نوکە یا ھەڤرکیا مانا خوە دخولێ دا کەت کو دو حەفتی بتنێ ماینە ھەتا نوکە مانا وی مسوگەر نەبوویە و بریارە سوباھی یاریا خوە یا گەرا ٣٢ بەرامبەر یانا ھەتیا سپور سەرکێشا کوما دوێ بکەت کو ھەردو تیم دێ شەرەکێ ب ھێز کەن ل سەر دەستڤە ئینانا سێ خالێن یاری ئامەد بوو پاراستنا خوە مسوگەر بکەت بەرامبەر ھاتیا بوو مسوگەرکرنا پلێتا دەربازبوونێ بو خولا پلا ئێک و ئامەد ل ھەردو یاریێن خوە یێن مای پێدڤی سێ خالانە بوو وێ چەندێ مانا خوە ل وەرزێ ئەڤ سالە مسوگەر بکەت. ژلایەکێ دویڤە ل یاریێن خولا پلا سێ یێن گەرا ٣٢ ژ چارچوڤێ یاریێن کوما ئێکێ ھەردو نوونەرێن باکورێ کوردستان بینگول و باتمان سپور دێ ھەمبەری ئێک بەن کو تیما بینگول ژبلی سەرکەفتنێ چو د دەستێ وێ دا نینە ژبەرکو د مەترسیا داکەفتنێ دا یە بەرامبەر یانا باتمان چو ھیڤی نەماینە بوو دەربازبوونا قوناغا پلەی ئوڤ بوو سەرکەفتن بوو پلا دو، ژلایەکێ دویڤە د یاریێن کوما دوێ دا یانا دیاربەکر سپور دێ ژ دەرڤەی یاریگەھا خوە یاریەکا ب ھێز ھەمبەری یانا خەیرخان سپور کەت دێ یاری کەت بوو سەرکەفتنێ و ئێک ژ پلێتێن دەربازبوونا خولا پلا دو مسوگەر بکەت بەرامبەر یانا خودان ئەرد و یاریگەە دێ بوو سەرکەفتنێ و پاراستنا خوە کەت و د یاریەکا دی دا یانا وان سپور دێ ھەمبەری بازار سپور کەت کو ھەردو یانان چو ھیڤیی نەماینە بوو دەربازبوونا پلا دو . نوونەرا جزیرا بوتان یانا جزیرە سپور دێ یاریەکا گرنگ ل یاریگەھا خوە بەرامبەر یانا ئوسمانلی سپور کەت کو کورێن جزیرا بوتان ھەکە بخوازیت پلێتا دەربازبوونێ بوو قوناغا پلەی ئوڤ وەربگرن پێدڤی سەرکەفتنێ ل سەر یانا ئوسمانلی توماربکەن .

ئەڤرۆ نیوز:
پشتی ل یاریا ئێکێ ژ قوناغا پێش دووماھیێ ستێرا ھێلا ناڤینا ئیسپانی و یانا ریال مەدرید ئیسکو توشی ھنگافتنێ بووی ل یاریا بەرامبەر یانا بایرن میونیخ و نەشیای نیڤا دوێ تمام بکەت ژبەر ئەوێ ھنگافتنێ دوھی راپورتا نوژداری ل یانا ریال مەدرید ب فەرمی ماوێ دورکەفتنا ئەوی راگەھاند.
رۆژناما مارکا یا ئیسپانی دیارکریە راپورتا نوژداری ل یانا ریال مەدرید ب فەرمی راگەھاندی یە ئیسکو بو دو ھەتا سێ حەفتیێن دی نەشێت پشکداری ل گەل یانا ریال مەدرید بکەت و ب ڤێ چەندێ یاریزانێ ناڤبری نەشێت پشکداری ل یاریا دوێ ژ قوناغا پێش دووماھیا قارەمانیا چامپیونیز لیگ بەرامبەر بایرن میونیخ بکەت .
ھەردیسان ئەوێ رۆژنامێ ئاشکراکریە ژی دەستەیا راھێنەریا یانا ریال مەدرید دخوازیت ئیسکو بوو یاریا کلاسیکو یا ئامادەبیت ھەر چەندە یانا ریال مەدرید ھیڤێن برنا ناسناڤی ژ دەستداینە ژی لێ ئەوێ یاری ھەر ب گرنگی د وەرگرن ژبەرکو سەرکەفتنا وێ تامەکا تایبەت ھەیە.

ئەڤرۆ،ھەژار مەعروف:
پشتی ل ماوێ بوری یاریزانێ بەرنیاس ل سەر ئاستێ ھەرێما کوردستانێ و عیراقێ و کابتنێ یانا ھەولێر دیار رەحمان توشی نەخوشیەکا گرنگ بووی و پێدڤی ب ھاریکاریێ بوو بۆ چارەسەریا خوە ئێکەتیا تەپا پێ وەکو ھەر جار بەری نوکە ژی ھاریکاریا یاریزانێن کورد کرین کو بەری نوکە دیارکر بوو ئەو دێ ھاریکاریا یاریزان دیار رەحمان کەن بوو چارەسەریا ئەوی .
دوھی ل بارەگایێ ئێکەتیا تەپا پێ سەرۆک و ئەندامێن ئێکەتیا تەپا پێ پێشوازیا یاریزانێ ھەلبژارتیێ کوردستانێ و کابتنێ یانا ھەولێر دیار رەحمان کر بوو وێ چەندێ وەکو پشتەڤانیا مادی ھاریکاریا یاریزان ناڤبری بکەن بوو چارەسەریا خوە ژ دەرڤەی وەلاتی .
ئێکەتیا ناڤەندی یا کوردستانێ کوژمێ دەە ملیون و ٥٠٠ ھەزار دینارێن عیراقی پێشکێشی یاریزانێ ناڤبری کرن وەکو ھاریکاری بوو چارەسەریا خوە ژ دەرڤەی وەلاتی .
پشتی وێ ھاریکارێ یاریزانێ ناڤبری د داخویانیەکێ دا سوپاسیا ئێکەتیا تەپا پێ کر تایبەت سەرۆکێ وێ سەفین کانەبی کو ھەردەم پشتەڤانێ یاریزانێن کوردە و ھەردیسان سەرۆکێ ئێکەتیا تەپا پێ بەرھەڤیا خوە بوو دیارکریە بوو ھاریکاری رێکخوشکرنا وەرگرتنا فیزا بوو ژ دەرڤەی وەلاتی ئەڤ چەندە ل گەل من ھاتیەکرن من گەلەک کەیفخوشبووم .