ئه‌ڤرۆ نیوز، ره‌وان نهێلى:
بڕیاره سوبه شانده‌كێ عیراقى سه‌را هه‌ولێرێ بكه‌ت و رێككه‌فتنا دووماهیێ ل دۆر ڤه‌كرنا فرۆكخانێن هه‌رێمێ بهێته كرن و هه‌رێمێ به‌رهه‌ڤیا خوه نیشادایه كو به‌غدا پشكدار بیت د ڤه‌كرنا فرۆكخانه و ده‌ریێن سنورى دا.
ژێده‌ره‌كى بۆ ئه‌ڤرۆ نیوز دیاركر كو حه‌یده‌ر عه‌بادى، سه‌رۆك وه‌زیرێن عیراقێ، وه‌زیرێ ناڤخویێ عیراقێ راسپاردیه كو كێشا فرۆكخانه و خالێن سنورى چاره بكه‌ت و ل دووڤ ژێده‌رى تاكو 25 ڤێ هه‌یڤێ بڕیارا ڤه‌كرنا فرۆكخانێن هه‌ولێر و سلێمانیێ دێ كه‌ڤیته د بوارێ بجهئینانێ دا.
ئومێد محه‌مه‌د سالح، په‌یڤدارێ وه‌زاره‌تا ڤه‌گوهاستن و گه‌هاندنێ یێ حوكمه‌تا هه‌رێمێ دیاكر كو وان سوبه ئومێده‌كا مه‌زن یێ هه‌ى ل دۆر ڤه‌كرنا فرۆكخانێن هه‌رێمێ و پرسا سنوران ل گه‌ل به‌غدا رێكبكه‌ڤن.
ئه‌ڤرۆ نیوز ، ره‌مه‌زان هه‌رنى :
ئه‌ندامه‌كێ په‌رله‌مانێ كوردستانێ دیاركر , قانوونا لێبۆرینا گشتى دێ پتر ژ هزار زیندانیا ڤه‌گریت و كارێن لژنه‌یا قانونا لێبۆرینا گشتێ ده‌ست پێكریه ل پارێزگه‌ها دهوكێ كه‌فتیه وارێ بجهئینانێ و ل هه‌ولێرو سلێمانیێ ژى ل ڤێ حه‌فتیێ دى َهێته بجهئینان.
دلێرماوه‌تى ئه‌ندامى په‌رله‌مانێ كوردستانێ بۆ ئه‌ڤرۆ نیوز ئاشكرا كر , په‌رله‌مانێ كوردستانێ هه‌یڤا بۆرى قانوونا لێبۆرینا گشتى په‌سه‌ند كر ئه‌و قانونه ژى دێ هزار زیندانیا ڤه‌دگریت و كو ل ناڤ گرتیخانێن كوردستانێ هاتینه زیندان كرن دێ هێنه ئازاد كرن ب چه‌ندین قوناغا كارێن لێبۆرینا گشتى ل په‌رله‌مانى و حكومه‌تا هه‌رێمێ دوماهیك هاتینه نوكه ل ده‌ستێ جڤاتا داده‌وه‌رى دا یه‌و كار لسه‌ر دكه‌ن.
ماوه‌تى ئه‌و چه‌نده‌ژى گوت , چه‌ند لژنه‌یه‌ك ل دادگه‌هێن كوردستانێ هاتینه دروستكرن و بۆ وێ چه‌نددێ قانونا لێبۆرینا گشتى ده‌ست ب كارێن خوه بكه‌ت و بكه‌ڤیت وارێ بجهئینانێ نوكه‌ژى ئه‌و لژنه كار لسه‌ر وردبینیا دوسه‌یێن زیندانیا دكه‌ت و جوداكرنا وان كه‌سێن ئه‌ڤ قانونه ڤه‌دگریت .
ناڤبرى ته‌كه‌ز كر , ل كوردستانێ قانونا لێبۆرینا گشتى دێ پتر ژ هزار كه‌سا و ب چه‌ند قوناغه‌كا دێ هێنه ئازاد كرن , ب گشتى شه‌ش هزار زیندانى هه‌نه قانونا لێبۆرینا گشتى دێ پتر ژ هزار زیندانیا ڤه‌گریت.
قانونا لێبۆرینا گشتى ل 15 ێ تشرینا دووێ سالا 2017 ێ خویندنه‌ڤه‌یا ئێكێ بۆ هاته كرن و ل هه‌یڤا كانونا ئێكێ ل په‌رله‌مانى هاته په‌سه‌ند كرن و ئه‌وێن سزایێ سێداره دانێ بۆ هاتیه دان هاته گوهرین بۆ زیندانیا 15 سالا .
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ هه‌موو وه‌زاره‌ت وفه‌رمانگه‌هێن نه‌گرێداى ب وه‌زاره‌تان ڤه ل حوكمه‌تا هه‌رێما كوردستانێ ل دۆر كرێ گرتنا خانى وئاڤاهيان ئاگه‌هدار دكه‌ت
وه‌زاره‌تا ناڤبرى دنڤيسارا خوه يا هژمار 2 ل 11/1/2018 كو ئاراسته‌ى هه‌موو وه‌زاره‌ت وفه‌رمانگه‌هێن نه گرێداى ب وه‌زاره‌تان كريه ل دۆر كرێكرنا خانى وئاڤاهيان، دياردكه‌ت كو نووكرنا گرێبه‌ستێن سالا 2017 يێن كرێ گرتنا خانى وئاڤاهيان بۆ سالا دارايى 2018، ده‌ستهه‌لاتا رێڤه‌به‌ريا خه‌رجيانه ل رێڤه‌به‌ريا گشتى يا ژمێركاريێ ل وه‌زاره‌تا دارايى وپێدڤيه ب ليسته‌كێ هه‌ر وه‌زاره‌ته‌ك هه‌موو خانى وئاڤاهيێن ب كرێ بۆ وێ هاتينه گرتن ب ليسته‌كێ ب رێيا ريڤه‌به‌ريا گشتى يا ديوانا وێ وه‌زاره‌تێ بۆ وه‌زاره‌تا دارايى بهێنه هنارتن ل گه‌ل راڤيبوونا دارايى يا سالا 2017.
ل دووڤ وي نڤيسارێ” مه‌رج نينه نووكرنا گرێبه‌ستێن ب كرێ گرتنێ ب هه‌مان كۆژمێ پاره‌ى يێ سالا بۆرى بيت ووه‌زاره‌تا دارايى ده‌ستهه‌لات يا هه‌ى پێداچوونێ دبهايێ وان گرێبه‌ستان دا بكه‌ت، تاكو بگونجيت ل گه‌ل ره‌وشا دارايى يا حوكمه‌تا هه‌رێما كوردستانێ”.
ديسا تێدا هاتيه” هه‌ر خانيه‌ك يان ئاڤاهيه‌ك بێ رازيبوونا وه‌زاره‌تا دارايى هاتبيه كرێكرن، چو پێگيريه‌كا قانوونى وكارگێرى ودارايى ناكه‌ڤيته ستوويێ وه‌زاره‌تا مه”.
وه‌زاره‌تا دارايى ئاماژه دايه كو هه‌ر خانيه‌ك يان يه‌كه‌يه‌كا ئاكنجيبوونێ بۆ مه‌ره‌ما كه‌سى (شه‌خصى) بهێته بكارئينان، پێدڤيه رازيبوونا سه‌رۆكاتيا جڤاتا وه‌زيرێن هه‌ريمێ بۆ بهێته وه‌رگرتن.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ بريارا هه‌لوه‌شاندنا سزايێ دارايى ل سه‌ر به‌رزه‌كرنا كارتا ده‌نگده‌رى ده‌ركر.
عه‌لى قادر رێڤه‌به‌رێ نڤيسينگه‌ها هه‌ولێرێ يا كۆمسيۆنا بلند يا هه‌لبژارتنان دداخۆيانيه‌كا رۆژنامه‌ڤانى دا ئاشكراكر” ئه‌ڤرۆ بريار هاته دان سزايێ دارايى يێ به‌رزه‌كرنا كارتا ده‌نگده‌رى كو 25 هزار دينار بوون بهێته هه‌لوه‌شاندن”.
گۆت ژى” ئه‌ڤ برياره دێ هاولاتيێن هه‌موو عيراقێ ڤه‌گريت ب هه‌رێما كوردستانێ ژى ڤه”.
ئه‌ڤرۆنيوز:
كومه‌لگه‌هه‌كا نوشدارى دێ داشكاندنێ ب رێژا 50% تايبه‌ت بۆ مامۆستايان دبهايێن خوه دا كه‌ت.
لقێ هه‌ولێرێ يێ ئێكه‌تيا مامۆستايێن كوردستانێ دئاگه‌ه‌داريه‌كێ دا كو ل سه‌ر تۆرا جڤاكى يا فه‌يسبووكى به‌لاڤكرى دبێژيت” ئێكه‌تيا مامۆستايێن كوردستانێ/ لقێ هه‌ولێرێب هه‌ڤكارى ل گه‌ل كۆمه‌لگه‌ها (مه‌لائيكه‌تولره‌حمه) يا نوشدارى، داشكاندنه‌كا تايبه‌ت بۆ مامۆستايێن ئه‌ندام دئێكه‌تيا مامۆستايان دا دێ كه‌ت”.
دياركرژى” هه‌موو پشكێن دناڤ وێ كۆمه‌لگه‌ها نوشدارى دا دێ ب رێژا 50% داشكاندنێ كه‌ت بۆ وان مامۆستايێن سه‌ره‌دانا كۆمه‌لگه‌هێ ناڤبرى دكه‌ت وپێدڤيه ناسناما ئه‌ندامه‌تيێ يا سالا 2017 -2018 دگه‌لدا بيت”.
ئه‌ڤرۆنيوز:
حزبه‌كا كوردستانى راگه‌هاند كو ئه‌وێ برياردايه پشكداريێ دچو هه‌لبژارتنێن عيراقێ دا نه‌كه‌ت ودياردكه‌ت كو پشتى 16 ئوكتۆبه‌رێ به‌غدا هه‌موو بزاڤان دكه‌ت بۆ لاوازكرنا پێگه‌هێ كوردان.
كامل مه‌حموود په‌يڤدارێ بزاڤا ئيسلامى ل كوردستانێ، دكۆنگره‌كێ رۆژنامه‌ڤانيدا راگه‌هاند” به‌غدا پشتى روودانێن 16 ئوكتۆبه‌رێ هه‌موو بزاڤان دكه‌ت بۆ لاوازكرنا پێگه‌هێ كوردان وحزبێن كوردستانێ ژى ل ئاستێ ره‌فتاركرنێ ل گه‌ل به‌غدا، شاشيێن خوه دووباره‌كرن ودئاستێ داخوازيێن هاولاتيێن كورد دا نه‌بوون”.
نكاملى دياركر” پێدڤيه هه‌موو لايه‌نين كوردستانى دئێكگرتى بن”.
گۆت ژى”بزاڤا ئيسلامى بريار دايه كو پشكداريێ دچو هه‌لبژارتنێن عيراقێ دا نه‌كه‌ت چ ب ليستا سه‌ربخوه يان ب هه‌ڤپه‌يمانى ل گه‌ل چه‌ند لايه‌نه‌كان دا، هه‌تاكو هه‌مووحزب و لايه‌نێن كوردى بريارا هه‌ڤپه‌يمانيا گشتى دكه‌ن، چونكى ب ديتنا مه تنێ هه‌ڤپه‌يمانيا هه‌موو حزب ولايه‌نێن كوردستانى ب تايبه‌تى ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، به‌غدا نه‌چار دكه‌ت كو ده‌ست ژ سياسه‌تين خوه يێن نوكه ل به‌رامبه‌ر گه‌لێ كورد په‌يره‌و كه‌ت به‌رده‌ت”.
ئه‌ڤرۆنيوز:
ژڤانێ ئێكگرتوويا ئيسلامى كوردستان دياركرى بۆ حوكمه‌تا هه‌رێما كوردستانێ بۆ بجهئينانا مه‌رجێن وێ بۆ مانێ دناڤ حوكمه‌تا هه‌رێمێ دا كو 15/1/2018 بوو، ئێك رۆژ تنێ يا بو يا ماى وسه‌ركرده‌كێ ئێكگرتووى دياردكه‌ت كو سوباهى جڤاتا سه‌ركردايه‌تيا ئێكگرووى دێ دووماهى بريار ده‌ت ل دۆر مانێ دناڤ حوكمه‌تێ دا يان خوه‌ڤه‌كێشانێ ژێ.
عومه‌ر محه‌مه‌د، به‌رپرسێ نڤيسينگه‌ها سلێمانيێ يا جڤاتا بجهئينانا ئێكگرتوويا ئيسلامى كوردستان راگه‌هاند”سوباهى ل ده‌مژمێر 11 سپێدێ، جڤاتا سه‌ركردايه‌تيا ئێكگرتووى ئيسلامى دێ ل هه‌ولێرێ كۆمبوونه‌كێ ژبۆ هه‌لسه‌نگاندنا وان مه‌رج وسۆزێن حوكمه‌تا هه‌رێما كوردستانێ ب رێه‌دبه‌ت كو بۆ بجهئينانا مه‌رجێن ئێكگرتوويا ئيسلامى دابوون”.
عومه‌رى زێده‌تر بۆ مالپه‌رێ كورديو يێ ب سه‌ر ئێكگرتووى ڤه زێده‌تر گۆت” برياره دكۆمبوونا سوباهى دا، جڤاتا سه‌ركردايه‌تيا ئێكگرتووى ب شێوێ ده‌نگدانا ئه‌ندامێن سه‌ركردايه‌تيێ دووماهى بريارا خوه ل سه‌ر مانێ يان خوه‌ڤه‌كێشانێ ژ حوكمه‌تێ بده‌ت”.
ئێكگرتوويا ئيسلامى كوردستان ل 25/12/2017 ده‌مێ 20 رۆژ بۆ حوكمه‌تا هه‌رێمێ دياركربوون بۆ وێ چه‌ندێ ب كريار پرۆسا چاكسازيا بنه‌ره‌تى بكه‌ته به‌راهيا كارێن خوه، بۆ وێ مه‌ره‌مێ ژى ياداشته‌كا 24 خالى ژى پێشكێش كربوو بۆ بجهئينانێ وان.
ئه‌ڤرۆنيوز:
جڤاتا نوونه‌رين عيراقێ هژمارا كورسيێن جڤاتێن پارێزگه‌هان دياركر وبريار دا نابيت هژمارا كورسيێن جڤاتين پاريزگه‌ها ژ 35 كورسيان زێده‌تر بن.
ئه‌ڤرۆ ئێكشه‌مبى 14/1/2018، جڤاتا نوونه‌رين عيراقێ ده‌نگ ل سه‌ر سێيه‌مين راستڤه‌كرنا قانوونا هه‌لبژاتنين پاريزگه‌هان دا كو بۆ هه‌ر پارێزگه‌هه‌كێ 10 كورسى بهێنه ته‌رخانكرن ل گه‌ل زێده‌كرنا كورسيه‌كێ بۆ هه‌ر 200 هزار ده‌نگان، هه‌روه‌سا نابيت هژمارا كورسيێن جڤاتا چ پارێزگه‌هه‌كێ ژ 35 كورسيان زێده‌تر بيت.
ئه‌و بريارا جڤاتا نوونه‌رين عيراقێ ژپارێزگه‌هێن هه‌رێما كوردستانێ ناگريت وتنێ پارێزگه‌هێن ناڤه‌راست وباشورێ عيراقێ ڤه‌دگريت.
ل رۆژا 12/5/2018 هه‌ردو هه‌لبژارتنێن جڤاتا نوونه‌رين عيراقێ وجڤاتێن پارێزگه‌هێن عيراقێ دێ هينه ئه‌نجامدان، ل پارێزگه‌هين هه‌رێمێ هه‌لبژارتنێن جڤاتا نوونه‌ران دێ هێنه ئه‌نجامدان، به‌لێ هه‌لبژارتنێن جڤاتێن پاريزگه‌هێن عيراقێ ل سنورێ ئيدارا هه‌رێما كوردستانێ (هه‌ولێر، سلێمانيێ، دهۆك، هه‌له‌بجه وگه‌رميان) بخوه‌ڤه ناگريت.
ئه‌ڤرۆنيوز:
به‌نكا ناڤه‌نديا عيراقێ ل سالا 2018 كۆژمێ 500 مليار ديناران كو دبيته زێده‌تر ژ 419 مليۆن دۆلاران بۆ پشته‌ڤانيا پرۆژێن ئاكنجيبوونێ ته‌رخان كرينه.
به‌نكا ناڤه‌نديا عيراقێ دبه‌ياننامه‌كێ دا راگه‌هاند” ل سالين 2016 و2017 كوژمێ 14 تريليۆن دينار (1.17) مليار دۆلار بۆ پرۆژێن ئاكنجيبوونێ هاتينه ته‌رخانكرن، ئه‌وژى مه‌زنترين كوژمه بۆ پشته‌ڤانيا پرۆژێن ئاكنجيبوونێ دديرۆكا عيراقێ دا”.
زێده‌تر دياركر” ئه‌و قه‌ره بۆ پرۆژێن ئاكنجيبوونێ نه ب پێرابوونێن ب ساناهى ودێ قه‌رێن پرۆژێن پيشه‌سازى وچاندنێ وپرۆژێن بچووك دبه‌رده‌وامبن وب گشتى هه‌تا نوكه به‌نكا ناڤه‌ندى كوژمێ 45 تريليۆن دينار (3،78) مليار دۆلار يێن ته‌رخانكرين”.
حوكمه‌تا عيراقێ ژى دپرۆژێ قانوونا به‌دجا سالا 2018 دا، كوژمێ 400 مليار ديناران (336،85) مليۆن دۆلار وه‌كو بودجا وه‌به‌رهێنانێ بۆ هه‌موو پارێزگه‌هێن عيراقێ ته‌رخان كرينه وهه‌رێما كوردستانێ ژى ڤه‌دگريت.
نيشاندان