ئه‌ڤرۆنيوز:
ژێده‌ره‌كى ژناڤ پارتى ديموكراتى كوردستان، ئاخڤتنێن سه‌رۆكێ ليستا عه‌بادى ل پارێزگه‌ها دهۆكێ ل دۆر ده‌سته‌سه‌ركرنا ئه‌ندامێن وێ ليستێ ل دهۆكێ، ب دره‌و ده‌ردئێخيت.
پشتى كو ناسر به‌گ، سه‌رۆكێ ليستا (ئه‌لنه‌سر) كو حه‌يده‌ر عه‌بادى سه‌رۆكاتيا وێ دكه‌ت، بۆ هنده‌ك ده‌زگه‌هێن راگه‌هاندنێ گۆتبوو كو چه‌ند ئه‌ندامێن وێ ليستێ ل دهۆكێ هاتينه ده‌سته‌سه‌ركرن وپارتى گه‌فان لێ دكه‌ت، ژێده‌ره‌كى ژ پارتى ديموكراتى كوردستان بۆ باسنيوز راگه‌هاند” ئه‌و ئاخڤتنه چو بنه‌مايه‌ك نينه وئه‌و كه‌س وناسر به‌گ ب خوه ژى دبه‌رنياسن ويا دياره كا ئه‌و كينه وبه‌رى نوكه چ بوون وناسر به‌گ ژى چه‌ندين حزب گوهۆرينه”.
وي ژێده‌رى گۆت ژى” وێ گرۆپا ناسر به‌گێ كو خوه به‌ربژار كرى، بۆ پاران خوه به‌ربژاركريه وبه‌رى نوكه چه‌ندين جاران داخواز كربوو بهينه دناڤ پارتى دا وبزاڤكريه بهێنه دناڤ ليستا پارتى دا، به‌لێ پارتى ئه‌و چه‌نده ره‌تكر، چونكى وان دليسته‌كا نه‌يار دا خوه به‌ربژاركريه”.
ئاشكراكر ژى” ئه‌و يێن دناڤ ليسته‌كا نه‌يار دا وناهێنه قه‌بوولكرن دناڤ پارتى دا، ژبلى وێ چه‌ندێ وان بۆ پاران خوه به‌ربژاركريه ودبيت پاره ژئاليێ حه‌يده‌ر عه‌بادى ڤه پێ نه‌هاتبيته دان، دخوازن ب رێيا وێ چه‌ندێ كو پارتى فشارێ لێ دكه‌ت، ژئاليێ عه‌بادى ڤه پاره پێ بهێته دان”.
گۆت ژى” ب چو شێوه‌كى فشار ل سه‌ر وان نينه وچو بنه‌ما بۆ وان ئاخڤتنان نينه”.
نيشاندان