ئەڤرۆ نیوز ، زنار تۆڤی :
یانا ریال مەدرید یا ئیسپانی د یاریا چوونێدا و یاریا بەری دوماهیێ ژ قارەمانیا چامپیۆنزلیگێ ل ناڤا یاریگەها ئەلیانز ئەرینا سەرکەفتنەکا گرنگ ل سەر یانا بایرن میونخ یا ئەلمانی تۆمارکر ب دو گولان هەمبەری گولەکێ،ب ڤێ چەندێ یانا شاهانە تا رادەیەکێ باش نیڤا رێکێ بۆ یاریا دوماهیێ ژڤێ قارەمانیێ بریە.
ئەڤرۆ:
پشتی ل شەڤا بوری یانا لیڤەرپول شیای سەرکەفتنەکا مەزن ل سەر یانا رۆما د قوناغا پێش دووماھیێ دا توماربکەت ب پێنج گولان بەرامبەر دو گولان و ھیڤێن خوە گەشکرن بوو دەربازبوونێ بوو یاریا دووماھیێ .
پشتی یاری ب دووماھیی ھاتی چەندین رۆژناما و مالپەرێن ئورۆپی نێزیکی یانا روما دیارکریە یانا روما ل پێنج خولەکێن دووماھیێ شیا ھیڤێن خوە ڤەگەرینت پشتی دو گول تومارکرین و جیاوازی کێمتر لێ کری و پێدڤی سێ گولانە ل یاریا بھێت داکو بشێت دەربازی دووماھیا قارەمانیێ بیت و وێ حنێرا ل سەر بەرشەلۆنا تومارکری دوبارە بکەت ئەڤ جارە ل گەل یانا لیڤەرپول، لێ بەرامبەر راھێنەرێ ئەلمانی یێ یانا لیڤەرپول یورگن کلوپ بۆ دەزگەھێن راگەھاندنا ئینگلیزی دیارکر ئەو نە بەرشەلۆنا نە ئەوا روما ل قوناغا ھەشتێ ل سەر بەرشەلۆنا تومارکری و شیای سەرکەفتنێ ل سەر توماربکەت ب چیاوازیا سێ گولان لەورا بوو رۆما دیارکەم یاریا ئەوان ب زەحمەت کەڤت دەربازبوونا ئەوان یا ب سانەھی نابیت چوونا مە بوو یاریا دوێ ژی ئارمانجا سەرکەفتنێ دێ چین بێ گڤاشتن یاری کەین.
ئه‌ڤرۆنيوز:
وه‌زيرێ كاروبارێن شه‌هيدان وئه‌نفالكريان ل هه‌رێما كوردستانێ راگه‌هاند، كۆمبوون هاتينه كرن بۆ دابينكرنا پارچێن ئه‌ردى وده‌ست ب به‌لاڤكرنا وان.
محه‌مه‌د سالح، وه‌زيرێ وه‌زيرێ كاروبارێن شه‌هيدان وئه‌نفالكريان دداخۆيانيه‌كا رۆژنامه‌ڤانى دا دياركر”بريار ژئاليێ جڤاتا وه‌زيرێن هه‌رێما كوردستانێ يا هاتيه ده‌ركرن بۆ به‌لاڤكرنا پارچێن ئه‌ردى ل سه‌ر 10 هزار كه‌سوكارێن شه‌هيدان وزيندانيێن سياسى”.
دياركر ژى” بۆ وێ مه‌ره‌مێ كۆمبوون ل گه‌ل وه‌زيرێ باژێرڤانيان وسه‌رۆكێن باژێرڤانيان هاتيه كرن بۆ دابينكرنا پارچێن ئه‌ردى وده‌ست ب به‌لاڤكرنا وان”.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ راگه‌هاند، هه‌ر ده‌نگده‌ره‌كێ كارتا خوه يا ده‌نگدانێ بفرۆشيت ب 15 سالێن زيندانكرنێ دێ هێته سزادان.
عه‌لى قادر، به‌رپرسێ ئۆفيسا هه‌ولێرێ يا كۆمسيۆنا بلند يا هه‌لبژارتنان ل عيراقێ گۆت” هه‌ر كه‌سه‌ك كارتا ده‌نگدانێ بفرۆشيت، ب گۆره‌ى قانوونا سزادنا عيراقى ب 15 سالان دێ هێته زيندانكرن”.
عه‌لى قادر بۆ ئاژانسا ئه‌نادۆل يا توركى گۆت ژى” ل دووڤ قانوونا بكارئينانا به‌لگه‌نامێن فه‌رمى ئه‌و برياره يا هاتيه دان ول ئه‌گه‌رێ هه‌ر كرين وفرۆتنه‌كێ ب كارتا ده‌نگدانێ ئه‌و كه‌سه دي تووشى سزادانێ بيت وسزايێ وى ژى زيندانكرنه بۆ ده‌مێ 15 سالان”.
ئاشكراكر ژى” ل رۆژا ئه‌نجامدانا هه‌لبژارتنان دا، هه‌ر كه‌سه‌ك بچيته دناڤ بنگه‌هێ ده‌نگدانێ دا وژبلى كارتا ده‌نگدانا خوه، كارته‌كا دى دگه‌لدا بيت، راسته‌وخوه ژئاليێ هێزێن ئه‌منى ڤه دێ هێته ده‌سته‌سه‌ركرن وهێته هنارتن بۆ دادگه‌هێ، ب هه‌مان شێوه دێ سزايێ 15 سالێن زيندانكرنێ ل سه‌ر وى ژى هێته سه‌پاندن”.
ئامێدیێ، مەحمود نهێلی
كولیژا په‌روه‌ردا بنیات يا ئامێدیێ ب هه‌لكه‌فتا یوبیلا زیڤى یا زانكۆیا دهۆك و ل بن درووشمێ (فلكلور ناسناما گه‌لانه) ئه‌ڤرۆ چارشه‌مبى 25/4/2018 ل ئاڤاهیێ كولیژێ و ب به‌رهه‌ڤبوونا هەژماره‌كا به‌رپرسێن میرى و حزبى و كه‌سایه‌تى و مامۆستا و قوتابیان ڤیستەڤالا خوە یا فولوکلوری گێرا.
دڤێ ڤیستاڤالێ دا چەندین جۆرێن خوارنێن كورده‌وارى كو ب ده‌ستێن قوتابیان هاتبوونه به‌رهه‌ڤكرن هاتن پێشكێشكرن و هه‌روه‌سا جلكێن كوردى و چه‌ندین پارچێن دراڤێن كه‌ڤن و شێوازێن كوچكێن كورده‌وارى هاتنه نیشاندان و ڤه‌گوهاستنا بیك و زاڤا و ده‌وات ب شێوازێن به‌رێ و چێكرنا نانێ سێلێ و گوتنا چه‌ند سترانێن فلكلورى ژلایێ قوتابیان ڤه.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ نڤيساره‌كا فه‌رمى بۆ هه‌موو وه‌زاره‌تێن ب سه‌ر حوكمه‌تا هه‌رێما كوردستانێ ڤه دهنێريت ب مه‌ره‌ما كێمكرنا يه‌كه‌يێن ژمێريارى يێن خوه كو پێدڤيه دده‌مه‌كێ كورت دا بهێته بجهئينان.
ئه‌ڤرۆ چارشه‌مبى 25/4/2018 ل دو نڤيسارێن وه‌زاره‌تا دارايى وئابوورى ل هه‌رێما كوردستانێ كو ئيمزار رێباز حه‌ملان وه‌زيرێ دارايى وئابوورى ل سه‌ره، داخواز ژ هه‌موو وه‌زاره‌ت ورێڤه‌به‌ريان دكه‌ت كو پێداچوونێ ب يه‌كه‌يێن ژمێريارى يێن خوه دا بكه‌ن ود ده‌مه‌كێ زوو دا كارێ پێدڤى بهێته ئه‌نجامدان بۆ كێمكرنا يه‌كه‌يێن ژمێريارى يێن خوه و ب ليسته‌كێ ڤرێكه‌نه وه‌زاره‌تا دارايى.
وه‌زاره‌تا دارايى داخواز دكه‌ت ژى ناڤێ وان يه‌كه‌يێن ژمێريارى بۆ بهێته هنارتن كو نوكه نه‌ماين ژئه‌گه‌رێ ئێكگرتنێ ل گه‌ل يه‌كه‌يێن ژمێريارى يێن ب سه‌ر رێڤه‌به‌ريێن دى.
ل سالا 2017 ب بريارا سه‌رۆك وه‌زيرێن هه‌رێما كوردستانێ يا هژمار 2888، بريار هاته دان ب كێمكرنا هه‌موو وان يه‌كه‌يێن ژمێريارى كو كارێ وان يێ ژمێرياريێ ل رێڤه‌به‌ريێن دى دهێته ئه‌نجامدان دئێك وه‌زاره‌ت دا، ب مه‌ره‌ما كێمكرنا مه‌زاختيان ورێكخستنا كاران.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ دبێژيت، پۆستێ سه‌رۆك كۆمارى دێ جاره‌كادى بۆ كوردان بيت، به‌لێ مه‌رج نينه بۆ ئێكه‌تيێ بيت، ئاماژه ب وێ چه‌ندێ ژى دكه‌ت كو پۆستێ سه‌رۆكێ په‌رله‌مانێ عيراقێ بۆ كوردان يێ گرنگه.
نێچيرڤان بارزانى، سه‌رۆك وه‌زيرێن هه‌رێما كوردستانێ وجێگرێ سه‌رۆكێ پارتى ديموكراتى كوردستان پشكدارى دبه‌رنامێ (چى ده‌كه‌ن) دكه‌نالێ رووداو دا كر كو ئه‌ڤرۆ ل ده‌مژمێر 7:30 پشتى ئێڤارى دێ هێته به‌خشكرن.
نێچيرڤان بارزانى دياركر” ب ديتنا من ڤێجارێ ژى پۆستێ سه‌رۆك كۆمار دێ بۆ كوردا بيت، هه‌رچه‌نده پۆستێ سه‌رۆكێ په‌رله‌مانى ژى يێ گرنگه، به‌لێ ئايا پێكهاتێن عيراقێ دێ ل سه‌ر وێ چه‌ندێ رێككه‌ڤن كو ئه‌و پۆسته بۆ كوردان بهێته دان؟”.
سه‌باره‌ت وێ چه‌ندێ پۆستێ سه‌رۆك كۆمار دێ بۆ كيش لايه‌نێ سياسى بيت ل هه‌رێما كوردستانێ، نێچيرڤان بارزانى گۆت”پێدڤيه لايه‌نێن كوردستانى دانوستاندنێ بكه‌ن ووێ بريارێ ئێكلا بكه‌ن”.
ئەڤرۆ نیۆز، سالار دۆسكی:
ئیسلام پیرۆمەری برایێ، بشار مستەفا پیرۆمەری بۆ ئەڤرۆ نیۆز ئاشكراكر كو ئەڤرۆ 25/4/2018 ل دەمژمێر 4:30 ئێڤارى ده‌نگوباسێ ئازادكرنا برایی وی ب رێيا شوفێری وی گەهشتیێ و پەیوەندی ب بشاری كر كو دياركر ئه‌و يێ ب سلامەتە ونوكه ل ئوتێله‌كێ يه ل بەغدا و دێ بەر ب دهۆكێ ڤه هێت.
ئیسلام بیرومەری ئەو ژی ئاشكراكر كو ئەڤ ئازادكرنە بەرامبەر چ نەبوویە و هەتا نوكە ئه‌و نزانن ئەو چ گرۆپ بوو و چ مەرەم ژ ره‌ڤاندنا بشاری هەبوو.
برایێ بشار مستەفا گۆت ژی” سوپاسیا هه‌ر ئێك ژ فەریق بابەكر زێباری، فەیسەل روستینكی، پارێزگەرێ دهۆكێ و هەر كەسەكی دكەین كو هاریكار بوو و بزاڤ كرین كو برایێ من بهێتە ئازادكرن”.
ئیسلامی خوياكر كو دوهی رێكەفتی 24/4/2018 بشار مستەفا ب مەرەما پشكداريێ دتازیا دایكا هەڤالەكێ خوە دا ل كەربەلا ل رێيا زڤرینێ چار ترۆمبێلێن تژى چەكدار و دەڤ و چاڤ گرتی هاتبوونە بەراهیێ و دەمانجە كربوو دسەری را و ره‌ڤاندبوو و شوفێرێ وی هه‌ر ل وێرێ هاته ئازادكرن و ئەڤرۆ ئێڤاری بشار مسته‌فا ب خوه ژى هاتە ئازادكرن.
ئه‌ڤرۆنيوز:
ل دووڤ سالناما حوكمه‌تا هه‌رێما كوردستانێ، رۆژه‌كا هه‌فتيا داهاتى دێ بيته بێهنڤه‌دانا فه‌رمى ل هه‌موو داموده‌زگه‌هێن حوكمه‌تێ.
ب گۆره‌ى سالناما حوكمه‌تا هه‌رێمێ كو ژئاليێ په‌رله‌مانێ كوردستانێ ڤه هاتيه په‌سه‌ندكرن، سالانه ل رۆژا ئێكێ گۆلانێ ب هه‌لكه‌فتا جه‌ژنا كرێكاران، دبيته بێهنڤه‌دانا فه‌رمى.
ل دووڤ وێ سالنامێ ل رۆژا سێشه‌مبى 1/5/2018 بێهنڤه‌دانا فه‌رمى يه ل هه‌رێما كوردستانێ.
ئه‌ڤرۆنيوز:
جڤاتا وه‌زيرێن هه‌رێما كوردستانێ فه‌رمانا پێكئينانا لژنه‌كا بلند بۆ ڤه‌گۆهاستنا مووچێ كوسوكارێن شه‌هيدان بۆ سه‌ر به‌غدا ده‌ردكه‌ت، سه‌رۆكێ لژنێ ژى رادگه‌هينيت كو دپێنگاڤا ئێكێ دا دێ بزاڤێ كه‌ين مووچێ كوسوكارێن شه‌هيدان وئه‌نفالكريان وزيندانيێن سياسى بێخينه سه‌ر بودجا سيادى يا عيراقێ.
ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ دبه‌رپه‌رێ خوه ل سه‌ر تورا جڤاكى يا فه‌يسبووكى به‌لاڤكر” ل گه‌ل محه‌مه‌د حاجى سالح وه‌زيرێ كاروبارێن شه‌هيدان وئه‌نفالكريان مژوولى به‌رهه‌ڤكرنا پرۆژێ يه‌كخستنا قانوون ورێنما ومووچێ كه‌سوكارێن شه‌هيدان وزيندانيێن سياسى ل گه‌ل هه‌ڤشێوێن وان ل به‌غدا ودێ پارێزه‌رێن ڤى پرۆژه‌ى بين”.
ژئاليێ خوه‌ڤه، محه‌مه‌د حاجى سالح، وه‌زيرێ كاروبارێن شه‌هيدان وئه‌نفالكريا ل هه‌رێمێ دداخۆيانيه‌كا رۆژنامه‌ڤانى دا گۆت” بريارا پێكئينانا لژنه‌كا بلند بۆ ڤه‌گوهاستنا مووچێ كه‌سوكارێن شه‌هيدان وئه‌نفالكريان وزيندانيێن سياسى بۆ سه‌ر حوكمه‌تا عيراقى ژئاليێ جڤاتا وه‌زيرێن هه‌رێما كوردستانێ هاتيه ده‌ركرن كو ئه‌و لژنه دێ ب سه‌رۆكاتيا وه‌زيرێ كاروبارێن شه‌هيدان وئه‌نفالكريان بيت وئه‌ندامه‌تيا رێڤه‌به‌رێ فه‌رمانگه‌ها هه‌ماهه‌نگيێ ودووڤچوونێ ل جڤاتا وه‌زيران ونوونه‌رێ وه‌زاره‌تا دارايى وئاليێن په‌يوه‌نديدار بيت”.
گۆت ژى” پشتى دياركرنا نوونه‌رێن وه‌زاره‌تان، لژنا ناڤبرى دێ كۆمبوونا خوه كه‌ت ب مه‌ره‌ما دانانا به‌رنامه‌كى كا چاوان وێ به‌حس ل گه‌ل جڤاتا وه‌زيرێن عيراقێ كه‌ين ودانوستاننێن جدى ژى دێ كه‌ين”.
وه‌زيرێ كاروبارێن شه‌هيدان وئه‌نفالكريان دياركر” ل ده‌ستپێكێ مه دڤێت ئه‌و مووچێ دهێته دان ب كه‌سوكارێن شه‌هيدان وئه‌نفالكريان وزيندانيێن سياسى بچيته سه‌ر بودجا سيادى يا حوكمه‌تا فيدرالى وپێنگاڤا مه يا دويێ دێ ئه‌و بيت كار بكه‌ين قانوون بهێنه رێكخستن ول هه‌موو عيراقێ ب ئێك شێوه بيت”.
نيشاندان