ئەڤرۆ نیوز:
بەرپرسەکێ ساخلەمیا بریتانیا راگەهاند کو ڤایرۆسێ کۆرۆنایێ چ دەمەکێ ژناڤ ناچیت و دێ هەر مینیت، لێ گەلەک باشیێن کۆرۆنایێ ژی هەنە و دێ ژ بەر کۆرۆنایێ وەلاتی پتر گرنگیێ دەنە ساخلەمیا خوە.
جۆناتا ڤام تام جێگرێ بەرپرسێ ساخلەمیا گشتی یا بریتانیا ئەو یەک ژی دیار کر کو ڤاکسینێ کۆرۆنایێ دێ وە کەت دا ژیان وەکو بەری نها ئاسایی ببیت، لێ کۆرۆنا دێ هەر مینیت و دڤێت وەلاتی پتر ژ هەر دەمەکێ گرنگیێ بدەنە پاقژیا خوە، چونکو ئەو یەک دێ بیتە ئەگەر کو رێگری ل بەلاڤبوونا ڤایرۆسێ دی ژی بهێتە کرن.
ئەڤرۆ نیوز:
مەحمود ئەحمەدی نەژاد سەرۆک کۆمارێ بەرێ یێ ئیرانێ راگەهاند کو نابیت بابەتێ دەرسوکێ بۆ ژنان ببیتە تشتەکێ فەرمی و دڤێت رێز ل بریارا خەلکی بهێتە گرتن.
سەرۆک کۆمارێ بەرێ یێ ئیرانێ ئەو یەک ژی دیار کر کو دڤێت بابەتێ جوداکرنا ئایینی ژ دەولەتێ ژی بهێتە گەنگەشە کرن.
ئەحمەدی نەژاد سەرۆک کۆمارێ بەرێ یێ ئیرانێ ناکۆکیێن گەلەک مەزن ل گەل رێبەرێ شورەشا ئیسلامی یا ئیرانێ عەلی خامنەیی هەنە و گەلەک جاران دژبەریا وی دکەت، دەزگەهێن راگەهاندنا ئیرانێ ژی دیار دکەن کو ئەحمەدی نەژادی دڤێت خوە بۆ هەلبژارتنێن سالا داهاتی ل ئیرانێ کاندید بکەت.
ئه‌ڤرۆ نیوز:
مه‌سرور بارزانى، سەرۆکوەزیرێن هەرێما کوردستانێ راگەهاند: سوبە پێنجشەمبى دێ دەست ب دابەشکرنا مووچەیان هێتە کرن.
ئەڤرۆ جڤاتا وەزیرێن هەرێما کوردستانێ بۆ چەند مژارێن گرنگ د کۆمبوونێ دایە، ب تایبەت دەربازکرنا پڕۆژەقانوونا قەرکرنێ بۆ چارەکرنا کورتئینانێ د بودجێ عیراقی دا و پشت گوهـخستنا کوردان، بەهرا هەرێمێ ژ بودجەیا عیراقێ و پڕۆژە قانوونا بودجەیا سالا ٢٠٢١.
مەسرور بارزانى، سەرۆکێ حکومەتا هەرێما کوردستانێ د کۆمبوونا ئەڤرۆ یا جڤاتا وەزیران دا راگەهاند: سوبە حکومەتا هەرێما کوردستانێ دێ دەست ب بەلاڤکرنا مووچەیان کەت.
ئەڤرۆ نیوز، ئێقبال عومەر :
سەرۆکێ باژێرڤانیا شێلادزێ بۆ ئەڤرو نیوز دیار كر: ژ بو پتر خزمه‌تكرنا وەلاتیێن سنورێ ناحیا شێلادزێ و گوندێن سەرب وێ ڤە و گه‌هاندنا پرۆژێن خزمه‌تگوزارى بو وانا رازیبوون هاتیه كرن ل سه‌ر قێركرنا جادێن نافخوه یێن سنورێ ناحیا وان و پارێ پێدڤى بو هاتیه ته‌رخانكرن و نوكه چەندین پروژە کەتینە وارێ جێبەجێکرنێ و هند پرۆژه ل ته‌نده‌رایه.
ئەندازیار سەربەست حسێن سەروکێ باژێرڤانیا شێلادزێ دیار ژى كر: رازیبوون هاتیه كر ل سه‌ر چێكرنا جاده‌ێن نافخوه یێن شێلادزێ و کمەلگەها سیریێ وگوندێ شیفچنارکێ
ب کوژمێ ۳ ملیار دیناران و هاتینە تەرخانکرن ژلایێ حوکمەتا هەرێما کوردستانێ ڤە، چێکرن و قێرکرنا جادێن گوندێ بیرا روژهەلات ب کوژمێ ۲٨۳ ملیون دیناران و هەروەسا بو ماوێ ۲٥۰ روژان، چێکرن و قێرکرنا جادێن نافخوە ل شێلادزێ تاخێ شەهیدا و مالێت هێتوتی یان ب کوژمێ ۱٦۳ ملیون و ۷٨۱ هزار دیناران بو ماوێ ۱۱۰ روژان، و چێکرن و قێرکا جادێن نافخوە یێن شێلادزێ و سیریێ ب درێژاهیا ٤ کم ب کوژمێ ٦۳٨ ملیون دیناران، و ەروەسا قێرکرن و چێکرنا جادێن نافخوە و سولینەکا ئاڤێ ل تاخێ ملێ مەیدانێ ل ناحیا شێلادزێ ب کوژمێ ٦۲۱ ملیون دیناران.
ناڤهاتى ئاشكرا كر: كو پتر ژ ٥۰ هزار خێزانان ل سنورێ ناحیا شێلادزێ دا دژین و حكومه‌تا هه‌رێمێ یا به‌رده‌وامه بو دابیكرنا خزمه‌زتگوزاریا بو ڤان وەلاتیان.
ته‌كه‌ز كر: كو وان ڤه‌دیتن بو جادێن چەندین تاخ و گوندێن دی یێن سەر ب ناحیا ناڤبری ڤە ئەنجامداینە، تاخێ شێلادزا کەڤن و گولان و کورەژان و شیفجنارکێ و سیریێ و هتد. دێ ل دەمەك نێزیك برایار ل سەر واژی هێتە دان و دێ ده‌ست ب كارى هێته كرن.
ئه‌ڤرۆ نیوز ، زنار تۆڤى:
ل رۆژا چارشه‌مبى، جڤاتا پارێزگه‌ها دهۆكێ، دێ ده‌نگى ل سه‌ر به‌ربژارێن هه‌رسێ پۆستێن ناحیێن بامه‌رنێ و ده‌ركارێ و رۆڤیان ده‌ت، كو به‌رى نوكه ئه‌و پۆسته ژ ئالیێ ئێكگرتوویا ئیسلامى ڤه دهاتنه برێڤه برن.
سه‌رۆكێ فراكسیۆنا پارتى ل جڤاتا پارێزگه‌ها دهۆكێ دیار كر: سوبەهی چارشه‌مبى، جڤاتا پارێزگه‌هێ دێ هه‌رسێ به‌ربژاران ئێكلا كه‌ت.
هشیار فه‌ریق گۆلى، سه‌رۆكێ فراكسیۆنا پارتى دیموكراتى كوردستان ل جڤاتا پارێزگه‌ها دهۆكێ، بۆ ئه‌ڤرۆ نیوز دیار كر: سوبە چارشه‌مبی، 2/12/2020 ل ده‌مژمێر 11 سپێدێ جڤاتا پارێزگه‌ها دهۆكێ دێ كۆمبوونا خوه یا ئاسایى ئه‌نجام ده‌ت، ئه‌و كۆمبوونه دێ سێ ته‌وه‌ران ب خوه‌ڤه گریت، كو ته‌وه‌ره‌ك ژ وان ده‌نگدانه ل سه‌ر دیاركرنا سێ به‌ربژارێن رێڤه‌به‌رێن ناحیان، كو ژ ئالیی پارێزگه‌ها دهۆكێ ڤه ب نڤیساره‌كا فه‌رمى گه‌هشتینه وان و لدووڤ بریارا ژماره ئێك یا په‌رله‌مانێ كوردستانێ دێ ده‌نگدان ل سه‌ر هێته دان،، ئه‌و ژى خانم ” میران عه‌بدولره‌حمان” به‌ربژاره بۆ پۆستێ رێڤه‌به‌را ناحیا بامه‌رنێ، ئه‌دیب جه‌عفه‌ر بۆ پۆستێ رێڤه‌به‌رێ ناحیا ده‌ركارێ، عنته‌ر فه‌رهاد بۆ پۆستێ رێڤه‌به‌رێ ناحیا رۆڤیان هاتینه دیار كرن، پشتى دهێنه په‌سه‌ند كرن دێ ب نڤیساره‌كا فه‌رمى ناڤێن وان هێنه بلند كرن، داكو بریارا ده‌ست ب كاربوونا وان ده‌ربچیت.
ناڤهاتى گۆت ژى: ته‌وه‌رێ دیتر گۆهارتنا لژنێن نافخۆیى یێن جڤاتا پارێزگه‌ها دهۆكێ نه، كو دێ چه‌ند گوهۆرین ب سه‌ر دا هێن، ته‌وه‌رێ سییێ ژى راپۆرته‌ك ژ ئالیێ لژنا چاندنێ ڤه هاتیه ئاماده‌كرن، ئه‌ڤ بابه‌ته هه‌موو دێ گه‌هنه به‌ر ده‌ستێ ئه‌ندامێن جڤاتا پارێزگه‌هێ و دێ گوتۆبێژ ل سه‌ر هێنه كرن،
ئەڤرۆ نیوز:
د. ئەنتۆنی فاوچی رێڤەبەرێ گشتی یێ سەنتەرێ بەرهنگاریا نەخوشیێن هەستیار و نوشدارێ ناڤدار یێ ئەمریکی راگەهاند کو کۆرۆنا دێ ب دووماهیک هێت و دووماهیا ڤێ مەهێ ژی دێ دەست ب دابەشکرنا ڤاکسینێ کۆرۆنایێ هێتە کرن.
ناڤهاتی راگەهاند کو دڤێت هەموو جیهان سوپاسیا وان بسپۆر و نوشداران بکەن کو نێزیکی سالەکێ یە بێی راوەستیان کار دکەن دا جیهانێ ژ نەخوشیا کۆرۆنایێ قورتال بکەن، نها دو ڤاکسین هەنە و هەر دو ژی د کاریگەرن.
ئەڤرۆ نیوز:
دەزگەهێن راگەهاندنا ئورۆپا دیار کرن کو دوهی فەرماندارەکێ ناڤدار یێ ئیرانێ ب ناڤێ موسلم شەهیدان دەمێ کو دخواست ژ عیراقێ دەربازی سووریێ ببیت ل سەر سنوری د ئەنجاما هێرشا چەند فرۆکان دا هاتیە کوشتن.
هەتا نها دەزگەهێن راگەهاندنا ئیرانێ بەحسێ کوشتنا وی فەرمانداری نەکرینە لێ هندەک دەزگەهێن راگەهاندنا عەرەبی دیار دکەن کو رەنگە فرۆکێن ئیسرائیلێ هێرشی کاروانێ سەربازی یێ ئیرانێ کربن.
ئەڤرۆ نیوز:
مەروان عانی بەرپرسێ ئۆفیسا رۆژنامەڤانیا دیوانا پارێزگارێ کەرکوکێ د داخۆیانیەکا رۆژنامەڤانی دا ڕاگەھاند ، کو دووماهی کەمپا ئاواران ل کەرکوکێ ھاتە داخستن و هەموو ئاوارێن حەفت سالێن بوری یێن شەڕێ دژی داعشێ ل کەرکوکێ ، ھاتینە ڕەوانەکرن بۆ دەڤەرێن وان یێن ئازاد کری.
ناڤهاتی گۆت ژی، داخستن و دووماهی ئینان ب بادەکا ئاواران ل سەر ڕاستپاردێن سەرۆک وەزیرێ عیراقێ عیراقێ بوویە و د دەمێ دو حەفتیێن بوری دا ل ھەردو کەمپێن ئاوارەیێن یەحیاوا و لەیلان ئێک ل ناحیا لەیلان ، ١٠ ھزار ئاوارە ھاتینە ھنارتن بۆ دەڤەرێن وان ل حەویجە و پارێزگەھێن نەینەوا و سەلاحەدین.
نيشاندان