ئەڤرۆ نیوز:
ب پشکداریا نوونەرێن وەلاتێن ئێکەتیا ئورۆپا ل باژێرێ بروکسەل کۆمبوونەکا بەرفرەه ل دۆر چاوانیا پاراستنا وەلاتێن ئێکەتیا ئورۆپا ژ ڤایرۆسێ کۆرۆنایێ برێڤە چوو و د کۆمبوونێ دا بریار هاتە دان کو سنورێن هەموو وەلاتێن ئورۆپا بۆ ئەمریکا، تورکیا و روسیا بهێنە داخستن و رێ ناهێتە دان جارێ وەلاتیێن وان وەلاتان سەرەدانا ئێکەتیا ئورۆپا بکەن.
ئەڤرۆ نیوز:
هەڤال ئەبوبەکر پارێزگارێ سلێمانیێ راگەهاند کو ئۆلیڤییە دیكۆتینێ کونسولێ گشتی یێ فرەنسا سەرەدانا پارێزگەها سلێمانیێ کریە و د هەڤدیتنەکێ دا بەحسێ رەوشا ساخلەمیێ ب تایبەتی ژی بابەتێ کۆرۆنایێ هاتیە کرن.
پارێزگارێ سلێمانیێ راگەهاند کو کونسولێ گشتی یێ فرەنسا دیار کریە ئەوا د شیان دا بیت وەکو فرەنسا بۆ نەخوشێن کۆرۆنایێ دێ پێشکێشی سلێمانیێ کەن.
ئەڤرۆ نیوز،عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر ژ ئەگەرێ ئاڤا پیس یا گوندێ چەمسیرمو دبیتە ئەگەر ب رێیا پرۆژەیێ ئاڤا زاخۆ یا کەڤن ئاڤا پیس بۆ نێزیکی ١٥٠ مالان بچیت و پرۆژەیەک ژی بۆ ئاڤێ کێشەیێ هاتیە بلند کرن.
زێدەتر هاشم ئیبراهیم گۆت : ژ ئەگەرێ ڤەرێژا ئاڤا پیس یا ٢٥ مالێن ل گوندێ چەمسیر بۆ سەر ئاڤا خابیرێ زاخۆ دبیتە ئەگەر ئەو ڤەرێژا ئاڤا پیس بچیتە سەر ئاڤێ پاشی بچیتە دناڤ پرۆژەیێ کەڤنێ ئاڤا زاخۆ کۆ بۆ نێزیکی ١٥٠ مالان یێ سەر ڤەنە، ب تایبەتی ژی ل وەرزێ هاڤینێ دا و ئەو ڤەرێژا ئاڤا پیس یا مالێن گوندێ چەمسیرمو کو هەر ژ بەرمایکێن ماددەیێن کیمیایی یێ پاڤژکرنێ پێک دهێت و ئەڤ چەند ژی راستەوخۆ دێ کارتێکرنێ ل سەر وی کەسی کەت یێ وێ ئاڤێ ڤەخوت ب تایبەتی ژی ل وەرزێ هاڤینێ ژبەر کو ئاڤا خابیرێ زاخۆ کێم دڤیت،گەلەک کەسان هەولدان ل نێزیک خابیرێ زاخۆ ل گوندێ چەمسیرمو گوڤان ئاڤا بکەن بەلێ رێگری ل وان اتەکرن ژبەر کو ئاڤا کرنا گوڤان دێ بیتە ئەگەرەک ئاڤا زاخۆ پیس ببیت و خەلک توشی زیانێن ساخلەمی بیت و هەکە نوکە ئێک هەبیت ئاڤا ژی بکەت، پێشتر قایمقامیا زاخۆ هاتیە ئاگەهدار کرن کو نابیت ب چو رەنگان گوڤ ل دەوروبەرێن خابیرێ زاخۆ بهێتە ئاڤا کرن ژبەرکو دێ مەترسیێ ل سەر ساخلەمیا خەلکی پەیدا کەت.
ناڤبری گۆت ژی : بۆ چارەسەر کرنا ئاڤا پیس، پرۆژەیەک ب کوژمێ ملیاد دیناران پێشکێش کریە دا کو ئەو ئاریشەیە بهێتە چارەسەر کرن و پێدڤی یە ژی هەر زوو ئەو ئاریشەیە بهێتە چارەسەر کرن ژبەر کو ب ژیانا خەلکی ڤە گرێدایە.
ئەڤرۆ نیوز:
ئیرەج حەریرچی جێگرێ وەزیرێ ساخلەمیا ئیرانێ راگەهاند کو مخابن رەوشا نها ل ئیرانێ گەلەک خرابە و رێژا مرنا ب کۆرۆنایێ ل ئیرانێ گەلەک زێدەتر لێ هاتیە.
ناڤهاتی راگەهاند کو نها ل هەر ١٣ خولەکان کەسەک ل ئیرانێ ب کۆرۆنایێ جانێ خوە ژ دەست ددەت کو ئەو یەک ژی مەترسیەکا مەزنە ل سەر جڤاکێ ئیرانێ.
ل ئالیێ دی سیما لاری پەیڤدارا وەزارەتا ساخلەمیێ یا ئیرانێ ژی راگەهاند کو ب گشتی هەتا نها پتر ژ ٢٢٠ هزار کەس ل ئیرانێ تووشی ڤایرۆسێ کۆرۆنایێ بووینە.
ئەڤرۆ نیوز، عەلی حاجی :
رێڤەبەرێ ئاسایشی زاخۆ د داخویانیەکێ دا بۆ ئەڤرۆ نیوز دیار کر پشتی ب رێیا شوفێرێن عەرەب چەند حالەتێن کورونایێ ل زاخۆ پەیدا بووین ب هاریکاریا ئاسایشا گشتی یا پارێزگەها دهوکێ بریارەکا نوو بۆ وان شوفێران هاتیە دەرکرن .
زێدەتر شڤان سندی گۆت: (ل دووف بریارا نوو کو بۆ هەمی زالگەهێن دناڤبەرا پارێزگەها دهوک – مووسل دا هاتیە رەوانە کرن ژی کو ئێدی دێ ب میکانیزمەکا نوو کار هێتە کرن کو هەر شوفێرەکێ عەرەب ژ دەڤەرێن دیتر یێ ب عێراقێ بهێنە دناڤ پارێزگەها دهوکێ پشتی کو پشکنینا کورونایێ بۆ وی شوفێری دهێتە کرن پشتی ٤٨ دەمژمێران ژ دەرکەڤتنا پشکنینێن وی شوفێری ژ نوو رێک پێ بهێتە دان بهێتە دناڤ پارێزگەهێ دا ئەڤ بریارە ژی پێخەمەتی رێکارێن توندترە ل بەرامبەر وان شوفێرێن عەرەب کو ژ دەڤەرێن دیتر یێن عێراقێ دهێن و بووینە ئەگەرێ پەیدابوونا چەند حالەتەکێن کورونایێ ل باژێرێ زاخۆ و نابیت چو کەس ب میکانیزما ژ بەریا نوکە بهێتە ناڤ پارێزگەهێ دا و پێدڤیە رێنمایێن نوو ل سەر هەمیان بهێنە جێبەجێ کرن).
ئەڤرۆ نیوز:
عەبدوللا ئەحمەد جێگرێ رێڤەبەرێ گشتی یێ ساخلەمیا سلێمانیێ راگەهاند کو بەری دەمەکێ دو تووشبوویێن دی یێن کۆرۆنایێ ل سلێمانیێ جانێ خوە ژ دەست دان و گۆت: (ب گشتی ئەڤرۆ سپێدێ هەتا نها هەشت تووشبوویێن کۆرۆنایێ ل پارێزگەها سلێمانیێ جانێ خوە ژ دەست داینە).
ناڤهاتی دیار ژی کر کو دڤێت وەلاتی پتر گرنگیێ ب خوە پارێزیێ بدەن، چونکو مخابن نها رەوش ل سلێمانیێ گەلەک مەترسیدارە.
ئەڤرۆ نیوز،عەلی حاجی :
ئەندامێ لژنا دیفچوونا بازاری ل زاخۆ بۆ ئەڤرۆ نیوز دیار کر بەردەوام چاڤدێریا بازاری دکەن بۆ جێبەجێکرنا رێنمایێن ساخلەمیێ و هەر کەسەکێ پێگیر ژی نەبیت دێ توشی سزایان بیت .
زێدەتە وەلات هەجەر گۆت : د بەردەوامیا دیفچوونا مە ل سەر بازاری ل رۆژا ئەینیێ دناڤ سەنتەرێ باژێرێ ب هاریکاریا پۆلیس و ئاسایش و لژنا چاڤدێریا بازرگانی ل زاخۆ سەرەدانا ٤١٥ جهان کر بوو و هەر دیسان ١١ جهـ بۆ ماوەیێ چەند رۆژەکان هاتنە دائێخستن کو پرانیا وان دوکانێن موبایلان بوون و هەر دیسان ٢٢ جهـ ژی ب کوژمەیێن پارەی هاتنە سزادان ژ ئەگەرێ نەپێگریا وان جهان ب رێنمایێن خوە پاراستنێ ژ ڤایروسێ کورونایێ و دێ بەردەوام ژی بین ل سەر چاڤدێریکرنا بازارێ زاخۆ ژبەر کو ئەو رێنمایان جێبەجێ دکەین پێخەمەتی پاراستنا وەلاتیانە و هیڤی خازین ژی هەمی جهـ پێگیر بن ب رێنمایان.
ئه‌ڤرۆ نیوز:
لگۆری نڤیسارا ژماره 9 یا وه‌زاره‌تا دارایی كۆ ل 22/6/2020 ده‌ركه‌ڤتی یه و تێدا هاتیه كۆ به‌ری نوكه ل ده‌مێ نووكرنا مۆله‌تا خودانكرنا كێم ئه‌ندامان، پێدڤی بوو فه‌رمانبه‌ر راپۆرتا نوژداری بۆ فه‌رمانگه‌هێ ببه‌ت، به‌لێ ئه‌و مه‌رجه هاته لادان و فه‌رمانبه‌رێن مۆله‌تا چاڤدێریا خودانكرنێ هه‌یه و مۆله‌تێن وان ته‌مام بووینه، ئه‌ڤه مۆله‌تێن وان بۆ شه‌ش هه‌یڤێن دی دهێنه درێژكرن بیێ كۆ راپۆرتێن نوژداری نوو بكه‌ن.
وه‌زاره‌تا دارایی و ئابووری یا حكومه‌تا هه‌رێما كوردستانێ ئه‌و چه‌نده ته‌ئكید كر كۆ داخاز نه‌كرنا راپۆرتا نوژداری لبه‌رچاڤگرتنا رێنمایێن خۆپارێزیی ژ كورونایی و كێمكرنا به‌ر ئیك كه‌تنێ.
ل سالێن بوری دا وه‌زاره‌تا دارایی و ئابووری رێنمایی ده‌رخست بوون، و مۆله‌ت دابوو ئه‌وان فه‌رمانبه‌رێن كێم ئه‌ندام ل مال هه‌ین و خو ته‌رخانكرنینه بۆ چاڤدێریكرنا وان ل گه‌ل وه‌رگرتنا مۆله‌تی موچه‌یێ ته‌مام بۆ ئه‌وان دهاته مه‌زاختن، به‌لێ ئه‌ڤ ساله بتنێ موچه یێ ته‌مام بو هێته مه‌زاختن بی ده‌رماله.
ئه‌ڤرۆ نیوز:
جێگرێ رێڤه‌به‌ری گشتی یێ ساخله‌میا سلێمانیێ راگه‌هاند پێنج توشبوویێن دی یێن ڤایرۆسێ كورونایێ گیانێ خوه ژ ده‌ست دان.
ئه‌ڤرۆ 27/6/2020 عه‌بدولا ئه‌حمه‌د جێگرێ رێڤه‌به‌رێ ساخله‌میا سلێمانێ راگه‌هاند ل سلێمانێ پینج توشبوویێن دی ب ڤایرۆسێ كورونایێ گیانێ خوه ژ ده‌ست دان هه‌موو ژی زه‌لام بوون.
لگۆری دوماهی ئامارا وه‌زاره‌تا ساخه‌لمیا حكومه‌تا هه‌رێما كوردستانێ، تانوكه سێ هزار و 758 كه‌سان ژ سلیمانێ توشی ڤایرۆسێ كورونایێ بوون، ل گه‌ل ئه‌ڤان پینج كه‌سان ل سلێمانیی ئه‌ڤه 143 كه‌سان گیانی خوه ژ ده‌ست دان.
ئه‌ڤرۆ نیوز:
ئه‌ڤرۆ بهایێ به‌رمیلا پترۆلێ داكه‌ت، ب ئاوایه‌كی بهایێ پترۆلا برێنت ب 40.73 دۆلاران كرین و فرۆتن پێڤه هاتیه‌كرن، هه‌ڤده‌م بهایێ به‌رمیلا پترۆلا ئه‌مریكی ب 38.20 دۆلاران كرین و فروتن پێڤه هاتیه‌كرن.
دادكه‌تن و بلند بوونا بهایێ پترۆلێ ل سه‌ر ئاستێ جیهانێ دده‌مه‌كی دایه، ژماره‌یه‌كا وه‌لاتان ژبه‌ر به‌رهنگاربوونا ڤایرۆسێ كورونایێ ته‌ڤایا كه‌رتێن پیشه‌سازیی و بازرگانیی راوه‌ستاند بوون، به‌لی نوكه ب ئه‌گه‌رێ كێمبوونا مه‌ترسیێن كورونایێ، پشكه‌ك ژ چالاكیێن ئابووری ده‌ستپێكرن، ئه‌ڤه‌ژی بوویه ئه‌گه‌رێ بلند بوونا بهایی پترۆلێ.
نيشاندان