ئه‌ڤرۆنيوز:
رێڤه‌به‌ريا گشتى يا په‌روه‌ردێ ل پارێزگه‌ها سلێمانيێ بريار دا ل رۆژێن شه‌مبيێ قوتابخانه بۆ تمامكرنا خواندنێ بهێنه ڤه‌كرن وده‌وام بهێته كرن.
مه‌ريوان عومه‌ر، په‌يڤدارێ رێڤه‌به‌ريا گشتى يا په‌روه‌ردێ ل پارێزگه‌ها سلێمانيێ، دداخۆيانيه‌كا رۆژنامه‌ڤانى دا راگه‌هاند، ل سنورێ په‌روه‌ردا مه رۆژێن شه‌مبى دێ ده‌وام ل قوتابخانان هيته كرن ب مه‌ره‌ما تمامكرنا پرۆگرامێ خواندنێ.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ بريار دا ژ نوكه وپێڤه پارێ مامۆستايێن وانه‌بێژ ل هه‌رێمێ هه‌يڤانه بهێنه به‌لاڤكرن.
وه‌زاره‌تا دارايى وئابوورى ب نڤيسارا خوه يا هژمار (2999) كو ل رۆژا پێنجشه‌مبى 5/4/2018 ب ئيمزا رێباز حه‌ملان وه‌زيرێ دارايى وئابوورى ده‌ركرى، بريار دا ژ نوكه وپێڤه هه‌يڤانه پارێ وانه‌بێژيێ بهێته به‌لاڤكرن.
دپشكه‌كا دى يا بريارا وه‌زاره‌تا دارايى دا هاتيه، پارێ وانه‌بێژيا سپێده‌يان وپارێ سه‌ره‌دانا وه‌زاره‌تا خواندنا بلند، ئانكو ئه‌و مامۆستايێن ل زانكۆيان وه‌كو وانه‌بێژ وانان دبێژن، دێ ب شێوه‌كێ هه‌يڤانه بيت، به‌لێ هه‌كه دحاله‌ته‌كى دا ژبه‌ر رۆتينێن كارگێرى مه‌زاختنا پاره‌ى هاته پاشخستن، دێ ل هه‌يڤا پاشتر دا بۆ هێته مه‌زاختن.
پارێ وانه‌بێژێن باوه‌رناما دكتۆرايێ حه‌فت هزار دينارن ويێن ماسته‌رى شه‌ش هزار دينار ويێن به‌كالوريۆس ودبلۆما بلند پێنج هزار دينار ودبلۆمێ چار هزار دينار، به‌لێ پارێ وانه‌بێژيێ ل وه‌زاره‌تا په‌روه‌ردێ بۆ هه‌ر ده‌مژمێره‌كێ ل دووڤ باوه‌رنامێن وان دناڤبه‌راسێ هه‌تا شه‌ش هزار دينارايه.
ئەڤرۆ نیوز ، زنار تۆڤی :
هژمارەکا دبلۆماتكاران پێشبینی دكەن كو پشتی نیڤرۆیا ئەڤرۆ دوشەمبی جڤاتا ئاسایشا نێڤدەولەتی ب مەرەما گوتۆبێژکرنا هێرشا كیمیایی یا سووریێ بۆ سەر باژێرێ دۆما ل غوتەیا رۆژهەلات كۆم بیت.
ئەو كۆمبوونا کو بریارە ئەڤرۆ بهێتە ساز کرن ل سەر داخوازیا ئەمریكا و فرنسا بوویە،ئەڤ چەندە پشتی هێرشا شەڤا بوری یا سوپایێ سووریێ دهێت بۆ سەر باژێرێ دۆما ل غوتەیا رۆژهەلات،کو بوویە ئەگەرێ كوشتنا 150 كەسان و برینداربوونا زێدەتر ژ هزار كەسێن دیتر.
هنارتیێ بریتانیا ل نەتەوێن ئێكگرتی ل تویتەری نڤێسیە،کو هەر ئێک ژ بریتانیا و فرنسا و ئەمریكا و پۆلۆنیا و هۆلەندا و سوید و كوێت و پیرۆ و كۆتدیفوار داخوازا كۆمبوونەکا ب لەز یا جڤاتا ئاسایشێ كریە بۆ گفتوگۆكرنێ دەربارەی راپۆرتێن بەحس ل بكارئینانا چەكێ كێمیایی ل سووریێ دكەن.
ژلایێ خوەڤە جان ئیف لۆدریان، وەزیرێ دەرڤە یێ فرنسا راگەهاندیە،کو كە وەلاتێ وی خوە ژ بەرپرسیارەتیێ ل هەمبەری سووریێ ڤەنادزیت و داخوازا كۆمبوونا جڤاتا ئاسایشا نێڤدەولەتی دڤی باریدا دکەت.
ئەڤرۆ نیوز ، زنار تۆڤی :
وێستگه‌هێن به‌رهه‌مئینانا كاره‌با هه‌رێما كوردستانێ ل سێ سالێن بوریدا ب ئەگەرێ دابین نه‌كرنا سووته‌مه‌نیا پێدڤی، ئاستێ به‌رهه‌مئینانێ دابه‌زی بوو،وه‌زاره‌تا كاره‌بێ ژی گوتیە،پشتی ئه‌و گرێبه‌ستا وه‌زاره‌تا سامانێن سروشتی ل گه‌ل كۆمپانیەکی كری، ئاستی به‌رهەمئینانا گازا سروشتی بلند دبیت و سووته‌مه‌نیا زێدەتر دێ بۆ وێستگەهان هێته دابین کرن و ل ڤی دەمی دێ به‌رهه‌مئینانا كاره‌بی زێدە بیت.
نوکە هه‌رێما كوردستانێ دو هزار و 500 مێگاوات كاره‌بێ به‌رهه‌م دئینیت و ب ئەگەرێ مانگرتنا فه‌رمانبه‌رێن هه‌ر دوو وێستگه‌هێن كاره‌با ده‌ربه‌ندیخان و دووكان ژی،برەیا 200 مێگاواتێن به‌رهه‌مئینانا كاره‌بێ كێم كرینە،هەکە سه‌رجه‌م تۆرباین و وێستگه‌هێن كاره‌بی كار پێ بهێته کرن،دێ ئاستێ به‌رهه‌مئینانا كاره‌بێ بۆ شه‌ش هزار مێگاواتان بلند بیت.
ل دوماهیا هەیڤا كانوونا دویێ یا ئه‌ڤ سالە گرێبه‌ستەک دناڤبەرا وه‌زاره‌تا سامانێن سروشتی یا حوکمه‌تا هه‌رێما كوردستانێ و كۆمپانیا پێرل پترۆلیۆم كو ژ لایێ هه‌ردو كۆمپانیێن ئیماراتی یا نه‌فتێ هیلال و دانه‌گاز دهێته سه‌رپه‌رشتی کرن،هاتیە ئیمزا كرن ب مه‌رەما دابینكرن و فرۆشتنا وێ گازا زێدە،کو بریاره ئه‌ڤ سالە هه‌ردوو كۆمپانی ل كێلگه‌ها كۆرمۆر به‌رهه‌م بینن بۆ وێستگه‌هێن به‌رهه‌مئینانا كاره‌بێ ته‌رخان بكه‌ن.
وەسا بریارە کو به‌رهه‌مئینانا گازا سروشتی ل كێلگه‌ها كۆرمۆر هەتا دوماهیا ئه‌ڤ سالە ب گۆژمێ دو ملیۆن و 240 هزار مه‌ترێن سێجا بلند بكەت،نوکە ل كێلگه‌ها كۆرمۆر رۆژانه هه‌شت ملیۆن و 634 هزار مه‌ترێن سێجا یێن گازێ دهێنە به‌رهه‌م ئینان،لدووڤ وێ گرێبه‌ستێ دڤێت هەتا دوو سالێن دیتر گوژمێ به‌رهه‌مئینانا گازا سروشتی بۆ سه‌ر 25 ملیۆن مه‌ترێن سێجا بهێتە بلند کرن.
محه‌مه‌د ئه‌مین هه‌ورامانی پەیڤدارێ وه‌زاره‌تا كاره‌با حوکمه‌تا هه‌رێما كوردستانێ دیارکریە،کو لدووڤ وێ گرێبه‌ستێ بۆ به‌رهه‌مئینانا گازا سروشتی هاتیە ئیمزا كرن، قۆناغ ب قۆناغ دێ به‌رهه‌مئینانا گازا سروشتی زێدە بیت و ل وه‌رزێ گه‌رما ئەڤ سالە ژی دهێتە پێشبینی کرن،کو 500 میگاواتێن به‌رهه‌مئینانا كاره‌بێ بهێنە زێدەکرن.
ناڤهاتی گوتیە ژی،هەکە گازا پێدڤی بۆ هەموو وێستگه‌هێن به‌رهه‌مئینانا كاره‌بێ بهێنە دابین کرن و هه‌موو شیانان بێخنە گه‌ر،دێ ئاستێ به‌رهه‌مئینانا كاره‌با كوردستانێ گەهیته شه‌ش هزار مێگاواتان،دێ هه‌رێما كوردستانێ ژ هندێ رزگار بیت،دێ ل وه‌رزێن گه‌رما و سه‌رمایێ ژی كاره‌با هه‌بیت.
پێشتر ئێک ژ خه‌رجیێن هه‌ره سه‌ره‌كی یێن به‌رهه‌مئینانا كاره‌بێ، ئه‌و تێچوویه زۆر بوویە،کو بۆ سووته‌مه‌نیێ دهاتە خه‌رج کرن،کو گازوایل و نه‌فت دهاتە ب کارئینان، به‌لێ نوکە ب كۆنترۆل و به‌رهه‌مئینانا گازا سروشتی و هنارتنا وێ بۆ وێستگه‌هێن كاره‌بێ دێ ئاستێ خه‌رجیان گەلەک کێم بیت.
هەروەسا ئارمانجا حوکمه‌تا هه‌رێما كوردستانێ ل په‌ره‌پێدانا به‌رهه‌مئینانا گازا سروشتی،ب تنێ بۆ دابینكرنا سووته‌مه‌نیا وان وێستگەهان نینه، به‌لكو ل داهاتیدا ئه‌و گازه دێ بۆ ده‌رڤە هێتە هنارتن و دێ بیتە ژێدەرەکێ دیتر یێ داهاتێ هه‌رێما كوردستانێ،لدووڤ دوماهی خه‌ملاندنا وه‌زاره‌تا سامانێن سروشتی، كوردستان خودانا پێنج تریلیۆن مه‌ترێن سێجا یا گازی سروشتیه.
ئەڤرۆ نیوز ، زنار تۆڤی :
شیرەتکارێ بەرێ یێ وەزارەتا سامانێن سروشتی یێ حوکمەتا هەرێمێ كوردستانێ راگەهاندیە،کو حوکمەتا عێراقێ رازی بوویە،کو حوکمەتا هەرێمێ ب خوە دێ ئیدارا نەفتا خوە کەت، چونكی لدووڤ دستووری عێراقێ بەغدا نەشێت بێی رەزامەندیا هەرێما كوردستانێ ئیدارا نەفتێ هەرێمێ بكەت.
ئەڤرۆ 8.4.2018 عەلی بەلۆ شارەزایێ وارێ نەفتێ و شیرەتکارێ بەرێ یێ وەزارەتا سامانێن سروشتی یێ حوکمەتا هەرێما كوردستانێ دیارکریە،کو گوتۆبێژ دناڤبەرا هەرێم و بەغدا هاتینە ئەنجامدان دەربارەی كێشەیا نەفتێ و بەغدا رەزامەندی دایە كو هەرێم ئیدارا نەفتا خوە بكەت و ئەو پارێ ژ لایێ بەغداڤە بۆ مووچەیان دهێته دابین كرن بێی بەرامبەرە.
هەروەسا گوتیە،پەیوەندیێن دناڤبەرا هەرێمێ و بەغدا دا ئاستەکێ باش دەربازکرینه،بەلێ پیدڤیە كورد ئێكگرتی بن و پشتەڤانیێ ل قەوارێ هەرێما كوردستانێ بكەن،دیسا هەکە هەرێما كوردستانێ نەفتا خوە رادەستی بەغدا بكەت دڤێت مەرجێ هندێ هەبیت کو ئابوورێ كوردستانێ ڤەژاندنێ ب خوە ڤە ببینیت.
وی شارەزایێ نەفتێ دیارکریه ژی،لدووڤ مادێ 112 ژ دستوورێ عێراقێ، بەغدا نەشێت بێی هەرێما كوردستانێ ئیدارەیا نەفتا هەرێمێ بكەت و پێدڤیە هەر کارەکێ بهێته كرن ب رەزامەندیا هەرێما كوردستانێ بیت.
ئه‌ڤرۆنيوز:
رێڤه‌به‌رێ گشتيێ خانه‌نشينيێ ل هه‌رێما كوردستانێ راگه‌هاند، پشتى ب دووماهى هاتنا به‌لاڤكرنا مووچێ وه‌زاره‌تان، راسته‌وخوه دێ مووچێ خانه‌نشينان هێته به‌لاڤكرن.
حازم ئيسماعيل، ريڤه‌به‌رێ گشتيێ خانه‌نشينيێ ل هه‌رێمێ گۆت” ليستا مووچێ خانه‌نشينان دێ ل دووڤ سيسيته‌مێ نوو يێ پاشكه‌فتا مووچان بيتوئه‌م چاڤه‌رێ دكه‌ين كو وه‌زاره‌تا دارايى مه ئاگه‌هدار بكه‌ت ورۆژا به‌لاڤكرنا مووچێن خانه‌نشينان ديار بكه‌ت”.
ناڤبرى دداخۆيانيه‌كا رۆژنامه‌ڤانى دا گۆت ژى” ئه‌م نزانين ئه‌و مووچێ خانه‌نشينان ئه‌وێ دێ هێته به‌لاڤكرن، مووچێ هه‌يڤا ئێك يێ ئه‌ڤ ساله‌يه، يان يێ هه‌يڤێن سالا بۆرى يه، چونكى وه‌زاره‌تا دارايى دێ بريارێ ل سه‌ر وێ چه‌ندێ ده‌ت”.
ئه‌ڤرۆنيوز:
قه‌رحا مه‌عیده‌ى ئه‌وه ده‌ما مه‌عیدێ مرۆڤى كول دبیت و به‌رده‌وام ئێشان لێ دروست دبیت و مرۆڤ ڤێ نه‌خوه‌شیێ ب سڤك ڤه وه‌ردگریت، لێ نوشداره‌ك دیاردكه‌ت كو ڤێ نه‌خوه‌شیێ مه‌ترسى ل سه‌ر ژیانا نه‌خوه‌شى يا هه‌ی هه‌كه چاره‌سه‌ریا خوه نه‌كه‌ت .
مه‌حموود عه‌لى عه‌بدى، نوشدارێ تایبه‌تمه‌ندێ نه‌شته‌گه‌ریێن گشتى بۆ نوش نیوز گوت” قه‌رحا مه‌عیده‌ى ئه‌و چه‌نده یه كو دناڤ مه‌عیده‌ى دا ته‌به‌قه‌ك يا هه‌ى ب ناڤێ (ئیكوزا) و ل وێرێ جۆره‌كى هه‌ودانێ دروست دبیت و مه‌زن دبیت و وه‌ك چاله‌كێ ل ناڤ مه‌عیده‌ى دروست دبیت و ئه‌ڤ قه‌رحه ژ (4) جۆران پێك دهیت و جۆرێ ژ هه‌موويان به‌ربه‌لاڤتر ل بن مه‌عیده‌ى ریڤیه‌ك يا هه‌ی و هه‌ودان ل وێ ریڤیكێ دروست دبیت” .
وى نوشدارێ تایبه‌تمه‌ندێ نه‌شته‌گه‌ریێن گشتى دیاركر ژى” ئه‌گه‌رێ هاتنا ئه‌ڤێ نه‌خوه‌شیێ په‌كتریایه‌ك يا هه‌ى كو ئه‌و كه‌سێن نه‌خوه‌شیا قه‌رحا دوازده گرێ هه‌بیت، ئه‌ڤ نه‌خوه‌شیه یا نیزیكه و دهێته هه‌مان كه‌سى ڤه، یان هنده‌ك جۆرێن بهاراتان دناڤ خوارنێ دا دبیته ئه‌گه‌ر یان ژى خوارنا گه‌له‌ك ده‌رمانێن ژانان دبیته ئه‌گه‌رێ هاتنا نه‌خوه‌شیا قه‌رحا مه‌عیده‌ى و پتریا كه‌سێن هه‌لگرێن ڤێ نه‌خوه‌شیێ د ژیێ وان دناڤبه‌را (25 تا 35) ساليێ دانه “.
ناڤبرى ئاماژه ب نیشانێن ڤێ نه‌خوه‌شیێ دا و گوت” ده‌مێ ئه‌و كه‌سه خوارنێ دخوت، دێ بینیت هنده‌ك ژان بۆ دروست بوون و مه‌عیدێ وى د ئێشیت و ده‌مێ خودانێ نه‌خوه‌شیێ د‌ڤان نیشانان دا قه‌ستا نوشدارى نه‌كه‌ت، دێ نه‌خوه‌شى زێده‌تر بیت و گه‌له‌ك جاران دلێ نه‌خوه‌شى دێ رابیت و نه‌چاره خو ژ خوارنێ دوور بكه‌ت و سه‌نگا وى دێ هێته خوارێ وده‌مێ نه‌خوه‌ش قه‌ستا مه دكه‌ت بۆ ڤێ نه‌خوه‌شیێ، ئه‌م وه‌ك نوشدار هنده‌ك ده‌رمانان دده‌ینێ دژى كووربونا مه‌عیده‌ى و داخوازێ ژێ دكه‌ین پشتى خوارنا ده‌رمانان دوباره سه‌ره‌دانا مه بكه‌ته ڤه و هه‌كه ئه‌و ده‌رمانه بوونه ئه‌گه‌ر مه‌عیدێ وى كوورتر نه‌بیت، ئه‌م دێ چاره‌سه‌ریا وى زێده كه‌ین، لێ هه‌كه وان ده‌رمان و چاره‌سه‌ریان چو مفا نه‌گه‌هاندێ، ئه‌م نه‌چار دبین (نازورا مه‌عیده‌ى) بۆ بكه‌ین كو بوریه‌ك دێ چیته دناڤ له‌شێ وى دا و كامیره‌ك ل سه‌رێ بوریێ هه‌یه و دێ زانین ئه‌گه‌رێ دروست یێ هاتنا ڤێ نه‌خوه‌شیێ چیه و دێ هنده‌ك چاره‌سه‌ریان ده‌ینه نه‌خوه‌شى داكو ئه‌و هه‌ودانه و په‌كتریایه ل سه‌ر مه‌عیدێ وى نه‌مینیت” .
زێده‌تر گۆت” ده‌مێ هاتنا ڤێ نه‌خوه‌شیێ هه‌كه نه‌خوه‌ش قه‌ستا مه نه‌كه‌ت و چاره‌سه‌ریێ وه‌رنه‌گریت، مه‌ترسى دێ ل سه‌ر ژیانا وى دروست بیت ب وى چه‌ندێ كو ده‌رگه‌هێ مه‌عیده‌ى بهێته گرتن یان دێ چالا مه‌عیده‌ى مه‌زن بیت و دیوارێن مه‌عیده‌ى په‌قن، یان دێ دیوارێ دوازده گرێ كون بیت و ئاڤا مه‌عیده‌ى دێ چیته دناڤ زكى دا و دڤێت ل وى ده‌مى نه‌شته‌گه‌ریه‌ك بۆ بهێته كرن، له‌ورا ژ خه‌لكێ خوه دخوازین ده‌مێ په‌یدابونا هه‌ر نیشانه‌كا ب ڤان نیشانان، سه‌ره‌دانا نوشدارى بكه‌ت دا كو چاره‌سه‌ریێ بۆ بكه‌ین و مه‌ترسى ل سه‌ر ژیانا وى دوور بكه‌ڤیت” .
ئه‌ڤرۆنيوز:
سه‌رۆك بارزانى ئه‌ڤرۆ ئێكشه‌مبى 8/4/2018 ل گه‌ل سه‌ليم جبوورى سه‌رۆكێ په‌رله‌مانێ عيراقێ وشانده‌كێ دگه‌لدا كۆمبوو.
سه‌رۆكێ په‌رله‌مانێ عيراقێ سه‌ره‌خوه‌شى وهه‌ڤخه‌ميا خوه ب سه‌رۆك بارزانى گه‌هاند ب وه‌غه‌ركرنا دلۆڤان ئيدريس بارزانى، هه‌ڤده‌م دووپاتى ل رۆل وپێگه‌هێ سه‌رۆك بارزانى وهه‌رێما كوردستانێ ل قۆناغێن بۆرى ونوكه وپاشه‌رۆژێ كر ل بده‌ستڤه‌ئينانا سه‌قامگيريێ وهاريكاريا خه‌لكێ لێقه‌وماى وئاواران.
هه‌ر د وێ كۆمبوونێ دا، به‌حسێ پرۆسا سياسى ل عيراقێ وهاوكێشه وپێشهاتێن سياسى يێن نوو وئه‌و ته‌حه‌ديێن ل به‌رده‌م پرۆسا سياسى دا ل قۆناغا داهاتى هاته كرن.
هه‌ردو لايه‌ن ل سه‌ر وێ چه‌ندێ دهه‌ڤرا بوون كو ل دۆر پێشهاتێن سياسى دپه‌يوه‌ندى وراوێژا به‌رده‌وام دا بن.
ئه‌ڤرۆنيوز:
نڤيسه‌ره‌كێ عه‌ره‌ب رادگه‌هينيت، ئه‌مريكا دێ رۆژئاڤايێ كوردستانێ كه‌ته شوونا توركيا بۆ دژايه‌تيكرنا به‌ره‌يێ رووسيا.
عه‌بادولبارى عه‌توان، نڤيسه‌رێ ناڤدارێ عه‌ره‌ب دگۆتاره‌كێ دا ل مالپه‌رێ (راي اليوم) دبێژيت” سووريا وتوركيا يێ به‌ر ب چاره‌كرنا كێشێن خوه دچن وئه‌گه‌ر زۆرن كو به‌شار ئه‌لئه‌سه‌د سه‌رۆكێ سووريێ ببيته ئه‌ندامێ هه‌ڤپه‌يمانيا رووسيا وئيران وتوركيا”.
ب ديتنا عه‌بدولبارى عه‌توان، سووريا وتوركيا ل سه‌ر بنه‌مايێ دژايه‌تيكرنا ئه‌مريكا وكوردان، كێشێن خوه به‌ر ب چاره‌سه‌ريێ دبه‌ن وئه‌مريكا ژى بنگه‌هێن له‌شكرى ل رۆژئاڤايێ كوردستانێ ددانيت وه‌كو شوونگره‌ك بۆ توركيا ئه‌وا پشتا خوه دايه ئه‌مريكا وچوويه دناڤ به‌ره‌يێ رووسيا وئيرانێ دا.
دياركر ژى” ئيسرائيلێ لۆبيێ خوه بكارئينايه بۆ فشارخستنێ ل سه‌ر ئه‌مريكا بۆ لێزڤرينێ ژ بريارا ڤه‌كێشانا هێزێن ئه‌مريكى ژ سووريێ، ديسا بۆ وێ چه‌ندێ ئه‌مريكا هێزێن خوه ل سووريێ زێده‌تر ژى لێ بكه‌ت بۆ روو ب رووبوونا هه‌ژموونا ئيرانى ل ده‌ڤه‌رێ”.
عه‌بدولبارى عه‌توان ب پشتبه‌ستن ب ژێده‌رێن له‌شكرى وسياسى يێن ئيرانى ورووسى، گۆت” پێزانينێن باوه‌رپێكرى يێن هه‌ين ل سه‌ر وێ چه‌ندێ كو رووسيا بزاڤێ دكه‌ت گرۆپێن چه‌كدارى دژه ئه‌مريكا ل سووريێ ورۆژئاڤايێ كوردستانێ دروست بكه‌ت، كو هه‌ڤشێوێن ميليشيێن حزبوللا يا لوبنانى وحه‌شدا شه‌عبى يا عيراقى وحوسيێن يه‌مه‌نێ بن”.
ئەڤرۆ نیوز،بارزان مزووری
ئەڤرۆ سپیدێ 8/4/2018 ب به‌رهه‌ڤبوونا (سردار یحیی عبدالعزیز) قایمقامێ قەزا شێخان و بەرپرسا نڤیسینگەها پەیوەندیان لقا 20 شێخان و بەرپرسێ ل.ن.شێخان و بەرپرسێ پێشمەرگەیێن هێزا ئاگری ،ئەندامێ رێكخراوا سەنگەرو پێشمەرگە دگەل ستافێ رێكخراوا سەنگەرو پێشمەرگە ب هەڤكاری دگەل لقا 20 شێخان و قایمقامیا قەزا شێخان هاریكاری یێن ئاهێن خوارنێ و كەل و پەلێن پێتڤی یێن رۆژانە ل سەر مالا هێلینا سێویان و كەسێن هەژارو كێم دەرامەت هاتن به‌لاڤكرن دناڤ سەنتەرێ شێخان .
لوقمان محەمەد شەرەفانی،بەرپرسێ پێشمەرگەيێ هێزا ئاگری و ئەندامێ رێكخراوا سەنگەرو پێشمەرگە بۆ ئەڤرۆنيوز دیار كر كو ئەڤ هاریكاریە ل سەر 200 كەسێن هەژارو كێم دەرامەت هاتن به‌لاڤكرن.
ناڤبری دیار كر كو، بەردەوام خەلكێ مە یێ خوشتڤی هاریكارو پشتەڤان بوویە بو پێشمەرگەیێن قەهرەمان، نها ژی ئەم دێ بەردەوام بین ل سەر هاریكاریان بۆ كەسێن هەژارەو كێم دەرامەت
گوت ژى ،د مالا هێلینا سێویان دا، كەسێن بێ دایك و باب تێدا دژین.
نيشاندان