ئەڤرۆ نیوز:
ل گۆر چەندین راپرسیێن کو ڤێ دووماهیێ ل تورکیا هاتینە کرن رێژا دەنگێ ئاکپارتیێ ل باکورێ کوردستانێ ب رێژا ٣٠% کێم بوویە، هەروەسا ل باژارێن دی یێن تورکیا ژی ١٤% دەنگێ وێ پارتیێ کێم دبیت و هەر دو پارتێن نوو یێن تورکیا ب سەرۆکاتیا ئەحمەد داوود ئوگلۆ و عەلی باباجان ١٤% دەنگان بدەستڤە دئینن و ژ بەر هندێ ژی دهێتە چاڤەرێکرن کو د هەلبژارتنێن داهاتی ل تورکیا دا هەڤسەنگیێن سیاسی بهێنە گوهۆرین.
ئەڤرۆ نیوز:
شێخ حەسەن رەزا کارگێرێ لقێ ١١ یێ پارتی راگەهاند کو پشتی چەندین پشکنین بۆ بەرپرسێ لقێ ١١ یێ پارتی هاتیە کرن دەرکەفت کو تووشی ڤایرۆسێ کۆرۆنایێ بوویە.
ناڤهاتی راگەهاند کو هیوا گەیلانی ئەندامێ جڤاتا سەرکردایەتیێ یا پارتی و بەرپرسێ لقێ ١١ یێ پارتی ل گەل هەڤژینا خوە تووشی ڤایرۆسێ کۆرۆنایێ بووینە و نها هەر دویان ل مالێ خوە کەرەنتین کرینە.
کارگێرێ لقێ ١١ یێ پارتی راگەهاند کو هەتا نها دیار نینە کا بەرپرسێ لقێ ل گەل هەڤژینا خوە چاوا تووسی کۆرۆنایێ بووینە.
ئەڤرۆ نیوز:
وەزارەتا ساخلەمیێ یا ئیرانێ راگەهاند کو د ماوەیێ ٢٤ دەمژمێرێن بۆری دا ١١٩ کەسێن دی ل وی وەلاتی ژ بەر ڤایرۆسێ کۆرۆنایێ جانێ خوە ژ دەست داینە و ب گشتی هەتا نها ٩ هزار و ٧٤٢ کەسان ب ڤایرۆسێ کۆرۆنایێ ل ئیرانێ جانێ خوە ژ دەست داینە.
ل گۆر وەزارەتا ساخلەمیێ هەتا نها ل ئیرانێ ٢٠٧ هزار و ٥٢٥ کەس ژی تووشی ڤایرۆسێ کۆرۆنایێ بووینە.
ئەڤرۆ نیوز، عەلی حاجی :
سەروکێ لیستا پارتی دیموکراتی کوردستان ل ئەنجوومەنێ پارێزگەها دهوکێ بۆ ئەڤرۆ نیوز دیار کر پارێزگارێ دهوکێ وەکو قوناغا ئێکێ هاتە گوهورین و بۆ قوناغا دویێ ژی دێ شەش رێڤەبەرێن گشتی هێنە گوهورین و قوناغا سیێ ژی دێ قایمقام ژی هێنە گهورین.
زێدەتر هشیار گولی گۆت: (د پوستێ پارێزگارێ دهوکێ دا گوهورین هاتە ئەنجام دان ل جهێ بەرێز فەرهاد ئەتروشی دکتور عەلی تەتەر هاتیە بەربژێر کرن و دانان، هەر دیسان بۆ قوناغا دویێ شەش رێڤەبەرێن گشتیێن پارێزگەها دهوکێ دێ هێنە گوهورین کو ئەو رێڤەبەرێن دەمێ وان یێ یاسایی ب سەرڤە چوویی، ژ وان رێڤەبەریا گشتی یا کارەبێ و رەوشەنبیری و هونەری و ساخلەمی و کشتوکال و گەشت و گوزارە و رێڤەبەریەکا دیترە و ئەڤ گوهورینە ژی د دەمێ بهێت دا دێ ژلایێ ئەنجومەنێ پارێزگەها دهوکێ هێنە پەسەند کرن و گوهورینا پارێزگاری ژی دێ د ڤێ حەفتیێ دا بیت) .
ناڤبری خویاکر ژی بۆ قوناغا سیێ دێ قوناغا گوهورینا قایمقام و رێڤەبەرێن دیتر بیت و بەری نوکە ژی پێنچ رێڤەبەرێن گشتی ژی هاتبوونە گوهورین ل پارێزگەها دهوکێ و ئەڤ بەرنامێ گوهورینان ژی ل پارێزگەها دهوکێ ژلایێ پارتی دیموکراتی کورستان ڤە هاتبوو دانان.
ئه‌ڤرۆ نیوز:
ئه‌ڤرۆ 22/6/2020 مه‌سرور بارزانی سه‌رۆكێ حكومه‌تا هه‌رێما كوردستانێ ب رێكا ڤیدیو كۆنفرانس، سه‌رپه‌رشتیا كۆمبوونه‌كا تایبه‌ت ب دانوستاندنان ل گه‌ل حكومه‌تا فیدرالی كر.
د كۆمبوونێ دا جێگرێ سه‌رۆكێ حكومه‌تێ و ئه‌ندامێن شاندێ دانوستاندنێ پشكدار بوون، دانوستاندن ل سه‌ر ده‌رئه‌نجامێن دانوستاندن و چاره‌كرنا ئاریشه‌یێن هه‌لاویستی ل گه‌ل حكومه‌تا فیدرال ل سه‌ر بنه‌مایێ دستوری و گه‌هشتنه ئه‌نجامێ رێكه‌تنێ ب ئاراسته‌یا دابینكرنا ماف و شایسته‌یێن دستوری یێن هه‌رێما كوردستانێ.
سه‌رۆكێ حكومه‌تا هه‌رێما كورستانێ ته‌ئكید ل سه‌ر ئه‌وێ چه‌ندێ كر كۆ به‌رهه‌ڤین بۆ چاره‌كرنا ئاریشه‌یان ل گه‌ل به‌غدا ب ئاوایه‌كێ دستوری ژبوی بگه‌هینه رێكه‌تنه‌كا گشتگیر و تێدا ئه‌رك و به‌رپرسیاریێن هه‌ر لایه‌نه‌كی تێدا بهێنه دیاركرن و جهێ ره‌زامه‌ندیا هه‌ردو لایان بیت.
سه‌رۆكێ حكومه‌تا هه‌رێمێ ئه‌و چه‌نده ژی دازانین كۆ چاره‌كرنا ئاریشه‌یێن د ناڤبه‌را هه‌ردو ئالیان دا ل به‌رژه‌وه‌ندا ته‌ڤایا وه‌لاتیین عیراقی دایه و پالده‌ره‌كێ گرنگه بۆ بده‌ستڤه ئینانا سه‌قامگیریێ ل ده‌ڤه‌رێ.
د ئه‌ڤی كۆمبوونێ دا بریار هاته دان چاندێ بلندێ هه‌رێما كوردستانێ ب سه‌رۆكاتیا جێگرێ سه‌رۆكێ حكومه‌تا هه‌رێ سوبه‌هی سه‌ره‌دانا به‌غدا بكه‌ت.
ئەڤرۆ نیوز:
د کۆمبوونا ئەڤرۆ یا تایبەت کو ل دۆر دانوستاندنێن ل گەل بەغدا ب سەرۆکاتیا سەرۆکێ حوکمەتا هەرێما کوردستانێ هاتە گێران بریار هاتە دان کو سپێدێ شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆکێ حوکمەتا هەرێما کوردستانێ سەرەدانا بەغدا بکەت.
شاندێ هەرێمێ دێ ل دۆر بابەتێ مووچەی و شایستێن دارایی و پرسێن دی یێن د ناڤبەرا هەرێما کوردستانێ و بەغدا دا ل گەل بەرپرسێن عیراقێ دەست ب گەرەکا دی یا دانوستاندنان کەت.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ب رێیا ڤیدیو کۆنفرانسەکێ سەرپەرشتیا کۆمبوونەکا تایبەت ل دۆر دانوستاندنێ ل گەل بەغدا کر و د کۆمبوونێ دا سەرۆکێ حوکمەتا هەرێما کوردستانێ راگەهاند کو ئەو بەرهەڤن رێککەفتنەکا گشتگیر ل گۆر دستووری ل گەل بەغدا ئیمزا بکەن و هەموو ئاریشێن هەی چارەسەر بکەن.
سەرۆکێ حوکمەتا هەرێما کوردستانێ راگەهاند ژی کو هەکە رێککەفتنەکا گشتگیر ل سەر بنەمایێ دستووری بهێتە کرن دێ د بەرژەوەندیا هەر دو ئالیان دا بیت.
مەسرور بارزانی دیار ژی کر کو دڤێت هەموو شایستێن دارای و مافێن دی یێن هەرێما کوردستانێ ل گۆر دستووری بهێنە گەرەنتیکرن.
ئه‌ڤرۆ نیوز:
ل پارێزگه‌ها زیقار یا باشوورێ عیراقێ، 231 كه‌س تووشی ڤایرۆسێ كورونایێ بوون و هه‌شت كه‌سان ژی گیانێ خو ژ ده‌ست دایه.
ل پارێزگه‌ها زیقار 231 توشبوویێن ڤایرۆسێ كورونایێ كوڤید 19 هاتینه ده‌ست نیشانكرن، هه‌شت توشبوویان ژی گیانێ خو ژ ده‌ست دایه.
فه‌رمانگه‌ها ساخله‌میا زیقارێ ئه‌و چه‌نده ژی به‌لاڤكر كۆ لژنه‌یه‌ك پێك ئینایه ژبوی ئه‌گه‌رێن زێده‌بوونا توشبوویان و گیان ژ ده‌ستدانێ ب ڤایرۆسێ كورونایی ل ئه‌ڤێ پاریزگه‌هێ ده‌ست نیشان بكه‌ن.
لگۆری دوماهی ئامارێن ل عیراقێ هاتینه راگه‌هاندن 30 هزار و 868 كه‌س توشی ڤایرۆسێ كورونایێ بووینه و ژ ئه‌ڤێ ژماره‌یێ ژی 10 كه‌سان گیانێ خو ژ ده‌ست دایه و 13 هزار و 935 كه‌س ژی ساخ بووینه.
ئەڤرۆ نیوز،عەلی حاجی :
بەرپرسێ بەرەڤانیا باژێری ل پارێزگەها دهۆکێ بۆ ئەڤرۆ نیوز دیار کر ل نێزیکی دەمژمێر ١١:٣٠ ل تاخێ تلکەبەرێ ل زاخۆ ژ ئەگەرێ شورتەکێ کارەبێ مالەک ب تەمامی سوت . زێدەتر رائید بێوار عەبدولعەزیز گۆت : ئەو روودان ل رۆژا دو شەمبێ نێزیکی دەمژمێر ١١:٣٠ بەری نیڤرۆ ل تاخێ تلکەبەرێ ژ ئەگەرێ شورتوکا کارەبێ ئەو ئاگر بەربونە پەیدا بوو و تیمێن مەیێن ئاگر ڤەمراندنێ ل بەرەڤانیا باژێری ل زاخۆ گەهشتنە جهێ روودانێ و شیان کۆنترولێ ل سەر وی ئاگری بکەن،د وێ روودانێ دا ئەو مالە ب تەمامی سوت بەلێ خوەش بەختانە چ زیانێن گیانی نەبون د وێ روودانێ دا .
ئەڤرۆ نیوز،عەلی حاجی :
قایمقامێ زاخۆ د داخویانیەکێ دا بۆ ئەڤرۆ نیوز دیار کر شاندەکێ بلندێ سوپایێ عێراقێ رۆژا ئێک شەمبی سەرەدانا دەڤەرێن توپباران کری یێن ب سەر دەڤەرا زاخۆ ژبووی ئاگەهدار بوون ل سەر رەوشا وان دەڤەرێن نوکە شەرێ پەکەکێ و سوپایێ تورکیا لێ دهێتە کرن.
زێدەتە بوتان محسن گۆت: رۆژانە چاڤدێریا رەوشا دەڤەرێن سنوریێن کو نوکە شەرێ هێزێن پەکەکێ و سوپایێ تورکیا تێدایه دكه‌ین و ب رێا راپورتەکێ بۆ حکومه‌تێن کوردستانێ و عێراقێ رەوانە دکەین و ئەو شاندێ سوپایێ عێراقێ بۆ دەڤەرێن سنوری و گەریانا مەیدانی هەر بۆ وێ چەندێ بوویە دا کو ژ نێزیک ڤە وان دەڤەرا بینن و ئاگەهدار بن ل سەر رەوشا وان دەڤەران د
ناڤبری ئه‌و چه‌نده ژی گۆت: ئەڤرۆ ژی ل دهوکێ کۆمبوونەک ل گه‌ل شاندێ سەربازیێ سوپایێ عێراقێ كۆ پێکهاتی بوون ژ پارێزگارێ دهوکێ و قایمقامێن زاخۆ و ئامێدیێ و تێدا بەحس ل رەوشا دەڤەرێن سنوری هاتە کرن داکو ل سەر ئاستێ عێراقێ گرنگی ب وی بابەتی بهێتە دان و ئەو ژی دێ ژلایێ خوە رەوشا وان دەڤەران ب رێیا راپورتەکێ رادەستی سەروک وەزیرێن عێراقێ کەن.
نيشاندان