ئەڤرۆ نیوز ،باسم قاسم شنگالی
سێ ره‌ڤانديێن كوردێن ئێزدی ئەڤرۆ پێنچ شەمبی 4/1/2018 ل سووریێ هاتنە رزگارکرن.
چالاکڤان ریاض سەعداوی بۆ ئەڤرۆ نیوز ،گۆت” ئەڤرۆ سێ ره‌ڤانديێن ئێزدی ل باژێرێ دێرلزۆر يێ سووری هاتنە رزگارکرن كو دو ژ وان خووشک و برا بوون بناڤێ (ش ،خ) كو ژيێ وێ 17 سالن و برايێ وێ بناڤێ (ش ،خ ) كو ژيێ وى 10 سالن، هەروه‌سا کچەکا دی ژی هاتە رزگارکرن بناڤێ (ب، م ) كو ژيێ وێ 22 سالن”.
ئەڤرۆ نیۆز ، زنار تۆڤی:
ئەم دناڤا جیهانەکا سەیردا دژین و رۆژانه ئەم جهو تشتێن سه‌یروسه‌مه‌ر د‌بینین،وه‌ك وی گوندێ کو ل ژێر ئەردیدا هاتیە دروست كرن،کو ئێكه ژ شوونه‌وارێن دێرین یێن وەلاتێ ئوسترالیا.
لدووڤ نووچەکێ کو ل مالپەرێ metro دا هاتیە بەلاڤکرن،بەحسێ گوندەکێ دکەت كو ل ژێر ئەردیدا هاتیە دروست كرن و دیاردکەت،کو وێنێ خەلکێ گوندێCoober Pedy ل وەلاتێ ئوسترالیا دا ببینن،کو ل ژێر ئەردیدا و دناڤبەرا به‌راندا ژیانا خۆ ب سه‌ر دبه‌ن و ئه‌ڤە ماوه‌کێ زۆرە خهلکێ ڤی گوندی هوسا دژین.
ل گه‌ل دەربازبوونا دەمی ئه‌ڤ گونده ژی هه‌ر كەڤنتربوویە وخه‌لکێ ڤی گوندی هەر ژ ل سالا 1915 وەرە ب ڤی رەنگی دژین، ئه‌ڤە ژی بۆ خۆ رزگاركرنێینه ژ پلێن گه‌رما بلند،چونکی ھندەکدەمان پلا گەرمێ دگەهیتە 50 پلێن سه‌دی،ل گەل هندێ ژی گەلەک گرنگی دایە وان ھه‌موو ھۆكارێن ژیانێ،یێن کو خه‌لک ل سه‌ر روویێ ئەردی بکار دئینن.
سه‌رەرای وان هه‌موو تشتان لێ هۆتێل ژی تێدا هەیە،کو دکەڤیتە ژێر ئەردی و ڤان ھه‌موو تشتان وەکریە،کو گەلەک گه‌شتیار قەستا وی گوندی بکەن،ل ڤی گوندی گەلەک به‌رێن ب بوها تێدا هەنە،کو دبیتە ژێدەرێ ژیانا خەلکێ وی گوندی.
ئه‌ڤرۆ نيوز، ئاراس ره‌شاڤایى
شه‌نگه‌بى ئه‌حمه‌د زارۆیه‌كا خه‌لكا دهۆكێ یه ل نه‌رویج دژیت، ژبه‌ر ڤیانا وێ بۆ ئالایێ كوردستانێ، ل ده‌مێ گه‌شته‌كا خێزانى دگه‌ل دایك و بابێن خوه، ئالایێ كوردستانێ ل نه‌رویج ل گه‌ل خوه دبه‌ته ئیسرائیلێ و ل باژێرێ ( قودسێ ) بلند دكه‌ت.
سه‌ره‌راى ره‌وشا ئاسایشێ ل باژێرێ قودسێ پشتى بڕیارا سه‌رۆكێ ئه‌مریكا بۆ ناساندنا قودسێ وه‌كو پایته‌ختێ وه‌لاتێ ئیسرائیلێ ده‌ركرى، ئه‌ڤ زارۆیه ئالایێ كوردستانێ به‌رى چه‌ند رۆژان ل گه‌ل خوه دبه‌ت هه‌تاكو ل قودسێ بلند بكه‌ت، ئه‌حمه‌د عه‌لى شه‌هى بابێ شه‌نگێ بۆ ئه‌ڤرۆ دیاركر” هه‌ر ده‌ما ئه‌م گه‌شته‌كێ بۆ ده‌رڤه‌ى وه‌لاتى بكه‌ین، شه‌نگه دێ ئێكه‌م كار داخاز كه‌ت كو ئالایێ كوردستانێ د ناڤ چانتا خوه‌دا هه‌لگریت داكو ل گه‌ل خوه ببه‌ت و ل وان وه‌لاتان بلند بكه‌ت و نیشا خه‌لكێ ڤان وه‌لاتان بده‌ت.
شه‌نگه ته‌مه‌ن 11 ساله، ل وه‌لاتێ نه‌رویج ژ دایك بوویه، ژبه‌ر ڤیانا وێ بۆ ئالایێ كوردستانێ، چ گه‌شته‌كا ئه‌نجام بده‌ت، ئالاى ل گه‌ل خوه دبه‌ت و د ژورا خوه‌ڤه ژى هه‌لاویستى یه.
ئه‌ڤرۆ نیوز ، نه‌وزاد هلۆرى:
مالپه‌رێ ساسه پوست دبابه‌ته‌كى دا ب ناڤونیشانێن ” هه‌موو ئه‌گه‌ر هه‌نه ، بژاردێن كوردان ل ده‌ڤه‌رێ بۆ سالا 2018 دێ چ بن” وه‌كو دووڤچوونه‌ك ل سه‌ر بژاردێن كوردان ل سالا 2018 ئه‌نجامدایه و به‌لاڤكریه ، بوچوونا كومه‌كا ڤه‌كۆله‌رێن عه‌ره‌بى و جیهانى ل سه‌ر ڤێ یه‌كێ ژى وه‌رگرتینه.
ئه‌و مالپه‌ر، دچارچۆڤێ دووڤچوونا خوه دا به‌حس ل هه‌ر چار پارچێن كوردستانێ دكه‌ت ، ب گوره‌ى بوچوونان ل سالا 2018 دا دێ ره‌وشا كوردان ل هه‌ردو پارچێن عیراق و سووریێ باش بیت و یێ كوردێن باكوور گه‌له‌ك باش نابیت وچاره‌نڤیسێ كوردێن ئیرانێ ژى ب كوردێن عیراقێ ڤه گرێدایه.
ل دۆركوردستانا باشوور، راپورتێ ئاماژێ ب هه‌لویستێ به‌غدا پشتى ریفراندۆمێ دكه‌ت و پێشبینیا وێ یه‌كێ ژى دكه‌ت كو دێ ئاریشێن هه‌ولێر و به‌غدا هێنه چاره‌سه‌ركرن.
دكتور عه‌لى ئه‌خوان كو ئێكه ژ ڤه‌كۆله‌رێن ئه‌كادیمیا عه‌ره‌بى دپه‌یوه‌ندیێن نیڤده‌وله‌تى دا دبێژیت ” كێشه‌یێن هه‌لاویستى دناڤبه‌را هه‌ولێر و به‌غدا د چه‌ند هه‌یڤێن داهاتى دا و به‌رى هه‌لبژارتنێن گۆلانا 2018 دێ هێنه چاره‌سه‌ركرن و ئه‌ڤ یه‌ك ژى بۆ نێزیكبوونا هه‌لبژارتن و درۆستكرنا هه‌ڤپه‌یمانێن نوو زڤریت”.
سه‌باره‌ت كوردێن رۆژئاڤا ، دو ڤه‌كۆله‌ر ئاخفتنیه و ب هزرا وان ، سه‌ره‌راى كو ده‌ڤه‌را كوردی ل رۆژئاڤایێ كوردستانێ ژ روویێ جوگرافى ڤه وه‌كو باكوورێ كوردستانێ و باشوورێ كوردستانێ یا ب هێز نینه ، به‌لێ ل گه‌ل ڤێ یه‌كێ ژى كورد ل سووریێ شیاینه هێزا خوه ل سه‌ر ده‌ڤه‌رێن خوه ب سه‌پینن.
جوشو ئه‌ندز كو سه‌رۆكێ مه‌لبه‌ندێ ڤه‌كۆلینێن رۆژهه‌لاتا ناڤه‌راسته ل زانكۆیا ئوكۆلاهوما یا ئه‌مریكى دبێژیت ” كورد ل سووریێ ئێك بوون ژ ئه‌گه‌رێ گوهۆرینا هه‌ڤپه‌یمانیا نیڤده‌وله‌تى ل سووریێ”.
كوردێن رۆژئاڤا 25% ژ ئاخا سووریێ پێكدئینن ، نڤیسه‌رێ ناڤبرى ئه‌گه‌رێ وێ یه‌كێ به‌رچاڤ گرتیه كو هه‌كه توركیا بچيته به‌ره‌یێ روسیا و سووریێ ، دێ ل وى ده‌مى هه‌ڤكێشه بۆ كوردان یا ب زه‌حمه‌ت بیت و دبێژیت : (ئه‌مریكا دێ ب دانا كۆمه‌كان بۆ كوردان ل سووریێ یا به‌رده‌وام بیت”.
به‌لێ نڤیسه‌ره‌كێ دى بناڤێ سه‌عید حاجه دبێژیت ” پشته‌ڤانیا ئه‌مریكا بۆ كوردان ب شێوه‌‌كێ ره‌ها نینه و چو مه‌رج نینن كو به‌رده‌وام بیت” ، دوپاتيێ ل وێ یه‌كێ ژى دكه‌ت كو چاره‌سه‌ریا كێشێن سووریێ دێ په‌یوه‌ندیا دناڤبه‌را ئه‌مریكا و سوریێ دیاركه‌ت.
ڤه‌كۆله‌ر به‌حس ل ره‌وشا باكورێ كوردستانێ دكه‌ت و به‌حس مێژوویا په‌یوه‌ندیێن كورد و حوكمه‌تا ئاكپارتى ژى دكه‌ت ، دبێژیت ئه‌ردوگانى ل سالا 2005 دانپێدان ب سته‌ملێكریا كوردان كر ، ددووڤدا ل 2013-2015 ئاگربه‌ست دناڤبه‌را توركیا و پارتا كاركه‌رێن كوردستانێ راگه‌هاند ، دڤى ده‌رباره‌ى دا سه‌عه‌د حاج كو شاره‌زایه دكاروبارێن توركیا دا دوێ باوه‌یێ دایه كو كورد ل سووریێ ئه‌گه‌ر بوون كو ئاگربه‌ست دناڤبه‌را توركیا و په‌كه‌كێ نه‌مای و دبێژیت ” پێشڤه‌چوونا قه‌یرانێن سووریێ و پاشڤه‌زڤرینا ئاكپارتى دهه‌لبژارتنێن په‌رله‌مانێ توركیا دا ، بوویه ئه‌گه‌ر كو په‌كه‌كه هه‌ست ب وێ یه‌كێ بكه‌ت دێ شێت ده‌ستكه‌فتیێن زێده‌تر بده‌ستخوه‌ڤه ئینیت ژ به‌رڤێ ئاگربه‌ست شكاند”.
ل دۆرسالا 2018 ژى، نڤیسه‌ر دبێژیت ” د پاشه‌رۆژه‌كا نێزیك دا دێ چاره‌سه‌رى هێنه‌كرن ب تایبه‌تى پشتى پاشڤه‌زڤرینا شیانێن سه‌ربازیێن په‌كه‌كێ و هاتنه خوارا پشته‌ڤانێن هه‌ده‌پێ ، كو دێ ڤێ یه‌كێ به‌ر ب چاره‌سه‌ركرنێ بده‌ت”.
نڤیسه‌ر دوپات ژى دكه‌ت كو توركیا ئێدى باوه‌رى ب چاره‌سه‌ركرنا كێشا كوردان ئینایه و ژبه‌ركو دزانیت ئه‌ڤ یه‌ك دێ توركیا ژ هه‌ره‌شه‌یێن ده‌رڤه پارێزیت ، ئه‌ڤه ژ به‌ر وێ یه‌كێ یه كو دێ توركیا ژ زیانێن زور یێن مادى و ئابوورى پارێزیت و پرسیار دكه‌ت ئه‌رێ چاره‌سه‌ریا ستراتیژى یا توركیا دێ چ بیت؟
یوسف حاج دبیژیت “حوكمه‌تا توركیا به‌رى هه‌لبژارتنێن “.
نڤیسه‌ره‌كێ ئیرانى دبێژیت ” چاره‌نڤیسێ كوردێن ئیرانێ گرێدایه ب كوردێن عیراقێ ڤه، شه‌ریف عه‌بدولحه‌مید كو سه‌رنڤیسكارێ گوڤارا ئێران پۆسته بۆ مالپه‌رێ ناڤبرى گوت ” پشتى ریفراندۆما كوردێن عیراقێ ، بزاڤێن كوردێن ئیرانێ دێ ده‌مه‌كێ راوه‌ستن ، هه‌تاكو هنده‌ك فشار ل سه‌ر كوردێن عیراقێ كێم ببن ، چاره‌نڤیسێ كوردێن ئیرانێ ب یێن عیراقێ ڤه گرێدایه”.
ب هزرا وى نڤیسه‌رى ریفراندوما هه‌رێما كوردستانێ مهاباد ئینا بیرا ئیرانێ ، ژ به‌رڤێ چه‌ندێ ئیرانێ هه‌لویستێن توند به‌رامبه‌ر ریفراندۆما كوردستانێ هه‌بوون.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:د روودانەکا ترافیکێ دا ل سەر رێیا سەرەکی یا ناحیا رووڤیا دو ترۆمبێلان لێکدایه.
ناڤهاتی خویاکر ژی:ئەڤرۆ پێنجشەمبی 4/1/2018 ل دەمژمێر 2:45 ئیڤاری ل سەر رێیا سەرەکی یا دناڤبەرا ناحیا روڤیا وگوندێ چەمەی دا و ل نێزیک گوندێ زیلکا رودانەک ژ جورێ لێگدان دروست بوویە،دناڤبەرا دو ترۆمبێلان دا و دڤێ روودانێ دا کەسەک بریندار بوویە و دیسا زیانێن ماددی ژی گەهشتینە هەردو ترۆمبێلان.
ئه‌ڤرۆنيوز:
وه‌زاره‌تێن په‌روه‌ردێ وساخله‌ميێ ل هه‌رێما كوردستانێ دبه‌ياننامه‌كێ دا ئه‌نجامێ كۆمبوونا ئه‌ڤرۆ پێنج شه‌مبى 4/1/2018 يا خوه ل گه‌ل وه‌زاره‌تا پلاندانانا عيراقێ به‌رچاڤكر.
دوێ به‌ياننامێ دا هاتيه” ئه‌ڤرۆ پێنج شه‌مبى ل ديوانا وه‌زاره‌تا پلاندانانا عيراقێ، كۆمبوونا ئێكێ يا لژنا بلند يا هووربينكرنا ميلاكێ هه‌ردو وه‌زاره‌تێن په‌روه‌ردێ وساخله‌ميێ ل هه‌رێما كوردستانێ ب به‌رهه‌ڤبوونا سه‌رۆك وهه‌موو ئه‌ندامێن لژنێ هاته ئه‌نجامدان وتێدا پێزانينێن تمام ل دۆر مووچه‌خۆرێن هه‌ردو وه‌زاره‌تان ل دووڤ سيسته‌مێ بايۆمه‌ترى وب مووچێ تمام وبێ پاشكه‌فت ب سه‌رۆك وئه‌ندامێن لژنێ هاتنه دان”.
دياركر يه‌ژى” لژنێ ب ئه‌ندامێن هه‌ردو وه‌زاره‌تێن په‌روه‌ردێ وساخله‌ميێ راگه‌هانديه كو ب زووترين ده‌م وب رێيا لژنا هونه‌رى يا تايبه‌ت وب هه‌ماهه‌نگى ل گه‌ل ده‌سته‌يا چاڤدێريا دارايى يا عيراقى، دێ ده‌ست ب هووربينيا ليستان كه‌ن وپشتى پێكئينانا لژنێن فرعى، دێ سه‌ره‌دانا هه‌رێما كوردستانێ كه‌ن بۆ دياركرنا چه‌ند بابه‌تان بۆ هووربينيێ وداخواز ژى ژ ئه‌ندامێن هه‌ردو وه‌زاره‌تان هاتيه كرن كو هه‌ماهه‌نگى وكارئاسانيا زێده‌تر هه‌بيت”.
ل دووڤ وێ به‌ياننامێ، بريار ل سه‌ر ڤان هه‌ردو خالان هاته دان:
ئه‌ڤرۆنيوز، بارزان سلێمان
ئه‌ڤرۆ پێنج شه‌مبى 4/1/2018 قايمقامێ شێخان كۆمبوونه‌ك ل گه‌ل رێڤه‌به‌رێن كارگه‌هێن داگرتنا قه‌نينێن غازێ وبريكارێن غازێ ولژنێن سه‌رپه‌رشتيارێن سوته‌مه‌نيان ل قه‌زا شێخان گرێدا.
سه‌ردار يه‌حيا، قايمقامێ قه‌زا شێخان بۆ ئه‌ڤرۆنيوز دياركر كۆمبوون ل دۆر كێشه وئاسته‌نگێن دكه‌ڤنه درێيا وه‌لاتيان وبريكارێن غازێ وخودانێن كارگه‌هێن داگرتنا غازێ بۆ دانانا ميكانيزمه‌كێ بۆ چاوانيا به‌لاڤكرنا غازێ ل سنوێ قه‌زا شێخان ودانانا بهايێ قه‌نينێن غازێ هه‌ر ژ كارگه‌هێ هه‌تا دگه‌هيته وه‌لاتيان.
گۆت ژى” چەندین رێنما هاتن دەركرن كو هه‌كه پێگیرى پێ نه‌هاته كرن، دێ سه‌رپێچكار هێته سزادان” ئه‌و رێنما ژى ئه‌ڤه‌نه:
1_ نابیت بریكارێ غازێ ل كارگەهێن سنورێ قەزا شێخان بۆ كارگەهەكا دی بچیت ل دەرڤەی قەزایێ بو پركرنا قه‌نينێ غازێ .
2_نابیت بریكارێ غازا گەرۆك ل سنورێ دەستیریا خوه بۆ سنورەكێ دی بچیت بۆ فرۆتنا قه‌نينێن غازێ.
3_دانا قه‌نينه‌ى ل كارگەهێ بۆ بریكاری ب “6700” دیناران دهێت داگرتن.
4_ پێدڤیە ئێك قه‌نينێ غازێ ژلایێ بریكاری ڤە ب “8000” دینارا بهێت فرۆتن وهه‌كه قه‌نينێ غازێ ل گورەپانێ بفرۆشیت پێدڤیە ب “7500” دیناران بفرۆشیت .
5_ب هیچ رەنگەكی نابیت خودانێ كارگەهێ قه‌نينێ غازێ ب كت بفرۆشیتە وەلاتیان.
6_بەردەوام دووفچوونل دووڤ كێشا قه‌نينێ غازێ دهێت كرن كو كێشا وی 12 كیلویێن غازێ بيت.
7_ئەو كەسێن دەستیریا بریكاریێ نەبیت ب هیچ رەنگەكی نابیت كارگەه غازێ بدەتێ و نابیت كارێ فرۆتنا غازێ بكەت.
8_ئەو جهێن غازێ دفرۆشن بێ دەستیریا بریكاریێ وه کو دکان یان سه ر رێيا یان دناڤ باژێر وگوندان دا دکان بێ موله ت دروست کرینه دێ هێنه داخستن و نابیت بفرۆشن.
ناڤبری دیار كر كو هەركەسێ پێگیر نەبیت ب ڤان خالێن هاتین دەركرن ژلایێ قائیمقامێ قەزا شێخان ب رەزامەندیا وان كەسێن ل سەر هاتین دیاركرن كو كۆمبوونێ دا بەشدار بووین ئەو كەس دێ هێته سزادان و مۆلەتا بریكاریێ دێ ژێ هێته ستاندن ژبەركو بەری نها گەلەك ژوان بریكارێن غازێ غاز ل كارگەهێن دەرڤەی قەزایێ دئينا كو ئەوژی هات قەدەغەكرن ژبەركو ل شێخان 3 كارگەه يێن هه‌ين ،گەلەك بریكارا ئەڤ رەوشە ب خوه ب دەلیڤە ل دۆر هێته كرن دا ئێدى دوباره نه‌بيت.
ئه‌ڤرۆنيوز:
كۆمسيۆنا بلند يا هه‌لبژارتن وراپرسيان ل هه‌رێما كوردستان راگه‌هاند، ده‌ستهه‌لاتا دياركرنا رۆژا ئه‌نجامدانا هه‌لبژاتنێن هه‌رێما كوردستانێ ب ده‌ستێ سه‌رۆك وه‌زيرێن هه‌رێما كوردستانێ يه.
په‌يڤدارێ كۆمسيۆنا هه‌لبژارتن وراپرسيان ل هه‌رێما كوردستانێ، شێروان زرارى، ئه‌ڤرۆ پێنج شه‌مبى 4/1/2018 دكۆنفرانسه‌كێ رۆژنامه‌ڤانيدا راگه‌هاند”مه داخوازيێن كۆمسيۆنێ بۆ حوكمه‌تێ يێن دياركرين ول هه‌فتيا داهاتى ژى دا دێ كۆم بين”.
به‌رى نوكه، سه‌رۆكاتيا جڤاتا وه‌زيرێن هه‌رێما كوردستانێ، داخوازا ژ په‌رله‌مانێ كوردستانێ وكۆمسيۆنێ كربوو كو به‌رهه‌ڤيان بۆ ئه‌نجامدانا هه‌لبژارتنان دده‌مێ سێ هه‌يڤان دا بكه‌ن.
شيروا زرارى گۆت” مه داخوازيێن كۆمسيۆنێ يێن گرێداى ئه‌نجامدانا هه‌لبژارتنێن په‌رله‌مان وسه‌رۆكاتيا هه‌رێمێ بۆ جڤاتا وه‌زيران يێن هنارتين ول هه‌فتيا داهاتى دێ ل گه‌ل حوكمه‌تێ كۆمبين ودێ ئاخڤتنێ ل دۆر رۆژا هه‌لبژارتنان كه‌ين، هه‌لبه‌ت ئه‌م رۆژا هه‌لبژارتنان ديار ناكه‌ين، به‌لكو سه‌رۆك وه‌زيرێن هه‌رێما كوردستانێ رۆژا ئه‌نجامدانا هه‌لبژارتنان دياردكه‌ت”.
دياركر ژى” بۆ ئه‌نجامدانا هه‌لبژارتنان مه داخوازا 23 مليۆن دۆلاران يا كرى”.
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ پێنج شه‌مبى 4/1/2018 پێشوازى ل هاكان كاراچاى كونسۆلێ نوو يێ توركيا ل هه‌ولێرێ كر.
كونسۆلێ نوو يێ توركيا،ل دووڤ سايتێ فه‌رميێ حوكمه‌تا هه‌رێما كوردستانێ، به‌حسێ كار و چالاكيێن كونسۆلخانا توركى ل هه‌ولێرێ كر ودووپاتى ل سه‌ر پێشڤه‌برنا په‌يوه‌نديێن توركيا وهه‌رێما كوردستانێ كر، ديسا به‌رهه‌ڤيا وه‌لاتێ خوه دياركر بۆ هاريكاريێ ل پێناڤێ چاره‌سه‌ركرنا كێشێن دناڤبه‌را هه‌ولێرێ وبه‌غدا.
ژلايێ خوه‌ڤه نێچيرڤان بارزانى سه‌رۆك وه‌زيرێن هه‌رێما كوردستانێ پيرۆزى ل ده‌ستكاربوونێ ل كونسۆلێ توركى يێ نوو كر ودووپاتكر كو هه‌رێما كوردستانێ په‌يوه‌نديێن خوه ل گه‌ل توركيا ب گرنگ دبينيت كو ل رۆژێن ته‌نگاڤيان به‌رى سه‌رهلدانا 1991 وپشتى وێژى به‌رده‌وام توركيا هاريكارى وپشته‌ڤانى ل هه‌رێما كوردستانێ كريه.
ل دۆر ره‌وشا نوكه وكێشێن دناڤبه‌را به‌غدا وهه‌ولێرێ، نێچيرڤان بارزانى راگه‌هاند، توركيا وه‌كو جيرانه‌كا گرنگ يا هه‌رێما كوردستانێ وعيراقێ دشێت رۆله‌كێ ئه‌رێنى دچاره‌سه‌ركرنا كێشێن دناڤبه‌را هه‌رێمێ وعيراقا فيدرالى دا بگێريت.
ئەڤرۆ نیۆز ، رەمەزان هەرنی:
ژبه‌ر خوه‌نیشاندانێن روژێن بورى ل پارێزگه‌ها سلێمانیێ كاریگه‌ریه‌كا خراب كریه سه‌ر ئابوریا وێ پارێزگه‌هێ و ئابوریناسه‌ك دیاردكه‌ت كو هه‌ر روژا خوه‌پیشاندان بهێت ئه‌نجام دان 80% زیان ب به‌ر ب ئابوریا سلێمانیێ دكه‌ڤیت.
باكو سیروان خوودان ماركێته‌كه ل سلێمانیێ و بۆ ئه‌ڤرۆ نیۆز دیاركر , ژئه‌گه‌رێ خوه پیشاندانێن روژێن بۆرى ل سلێمانیێ نه‌دشیام ماركێتا خوه ڤه‌بكه‌م كو بڤێ چه‌ندێ ژى زیانێن مه‌زن ب ماركێتا من كه‌فتینه‌و ئه‌گه‌ر ڤه‌كه‌م ره‌نگه زیانا وێ پتر بیت ل ده‌مێ خوه پیشاندانا له‌ورا نه‌شێم بهێم ماركێتێ ڤه‌كه‌م و تشتا بفروشم ژبه‌ركو ماركێتا من لسه‌ر جاده‌یا گشتیه ده‌ما دبیته خوه پشاندان خوه‌پیشانده‌ر چۆ تشتا ناپارێزن ل ترسا خوه پیشاندانا چه‌ندین روژێن خوه‌پیشاندان هاتیه كرن نه‌شیام ماركێتا خوه ڤه‌بكه‌م بڤێ چه‌ندێ ژى زیانه‌كا مه‌زن گه‌هشته من گه‌له‌ك تشت خراب بۆنه لناڤ ماركێتى و نه‌شیامه بفروشم تایبه‌ت بابه‌تێت كه‌سكاتى و سپیاتى و زه‌رزه‌واتى و شرینا هیا .
بیلال دوكانداره‌كێ دیه ل سلێمانیێ و بۆ ئه‌ڤرۆ نیۆز گوت , ژبه‌ر خوه پیشاندانا گه‌له‌ك روژا نه‌شیامه دوكانا خوه ڤه‌بكه‌م و تشتا بفروشم هه‌ر روژه‌كا دوكان ب گرتى مینیت بۆ سه‌رێ هه‌یڤى كریا دوكانى ب زور شێم ده‌ر بێخم ب ره‌نگه‌كێ گشتى ئه‌م دوكاندارو كاسبكار ل ڤان خوه‌پیشاندانا زه‌ره‌ر مه‌ندیێن سه‌ره‌كى نه دخوازن نه‌بنه رێگر هه‌مبه‌ر كارێ مه.
ژیان بانه‌یێ ئابۆرینناس ل پارێزگه‌ها سلێمانیێ بۆ ئه‌ڤرۆ نیۆز گوت , به‌رده‌وامیا ئه‌نجام دانا خوه پیشاندانا ل سلێمانیێ كاریگه‌ریه‌كا خراب كریه سه‌ر بوارێَ ئابورى ل وێ پارێزگه‌هێ و زه‌ره‌رمه‌ندێن سه‌ره‌كى كریاو فروشیارن ژبه‌ركو ژبه‌ر خوه پیشاندانا گه‌له‌ك جارا دوكان و ماركێت ناهێنه ڤه‌كرن كرین و فروتن ب هه‌مو ره‌نگا ل گه‌له‌ك گه‌ره‌ك و ماركێتا دهێته راوه‌ستاندن بۆ ده‌مێ چه‌ند روژا بڤێ چه‌ندێ ژى روژانه رێژا 80% زیان ب به‌ر ئابوریا پارێزگه‌ها سلێمانیێ دكه‌ڤیت ژئه‌نجامێ خوه پیشاندانا زیان ب وان بازرگانا ژى دكه‌ڤیت كو روژانه بۆ كرین و فروتنێ سه‌ره‌دانا سلێمانیێ دكه‌ن ل دوماهیێ به‌رده‌وامیا ڤان خوه پیشاندانا دبیته سه‌ده‌مێ كێم بۆنا باوره‌یێ ناڤبه‌را كریارو فروشیارا و هاولاتى دا ژبه‌ركو ئه‌ده‌ما مه‌ترسا ئابورى كه‌فته ناڤ باژێرى دا دێ زیانا ئابۆرى به‌رده‌وام بیت دێ مه‌ترسا ئاسایشا خوارنێ دروست بیت ژبلى زیان گه‌هاندن ب سروشت و ژینگه‌هێ ب ره‌نگه‌كێ گشتى ل خوه پیشاندانا زیان ب ئابۆریا وه‌لاتى دكه‌ڤیت ئه‌گه‌ر خوه پیشاندان د هێمن و ئارام نه‌بن.
نيشاندان