ئه‌ڤرۆنيوز:
ده‌زگه‌هێن راگه‌هاندنێ يێن سعودى، پارچه‌كا ڤيديۆيى به‌لاڤكر كو تێدا هيزێن له‌شكرێ سعودى، له‌شكرێ پاسداراێن ئيرانێ وبنگه‌هێن ئه‌تۆمى وفرۆكخانێن له‌شكرى ژناڤ دبه‌ن، ل دووماهيێ ژى قاسم سلێمانى فه‌رماندێ له‌شكرێ قودس ده‌سته‌سه‌ردكه‌ن.
ئه‌و پارچا ڤيديۆيه كو ده‌مێ وێ پێنج خۆله‌كن، به‌حسێ سيناريۆيا هێرشه‌كا له‌شكرێ سعوديێ ل سه‌ر هێزێن ده‌ريايى يێن ئيرانى وبنگه‌هين ئه‌تۆمى ل هه‌ردو باژێرێن بوشه‌هر وقوم دكه‌ت.
رۆژناما (رياز) يا سعودى به‌لاڤكر، ئه‌و پارچا ڤيديۆيى ژلايێ هژماره‌كا گه‌نجان هاتيه به‌رهه‌ڤكرن، كو تێدا مۆشه‌كه‌كا سعودى هاتيه ئاشكراكرن كو شيانێن گه‌هشتنا ئارمانجێن ل دووريا 12 هزار كيلۆمه‌تران يا هه‌ى، ب ڤێ چه‌ندێ ژى دشێن بنكه‌هێن ئه‌تۆمى يێن ئيرانى ژناڤ ببه‌ن”.
ئه‌و پارچا ڤيديۆيى كو (محه‌مه‌د كورێ سه‌لمانى) جهنشينێ سعوديێ سه‌رپه‌رشتيا هێزێن سعوديێ دكه‌ت، ل وێرێ ب دووماهى دهێت ده‌مێ ده‌ست ب سه‌ر بنگه‌هێن ئيرانى دا دهێته گرتن وقاسم سلێمانى فه‌رماندێ له‌شكرێ قودس دهێته ده‌سته‌سه‌ركرن .
نيشاندان