ئه‌ڤرۆ نیوز ، هلۆرى:
كومبوونا دناڤبه‌را پارتى و ئێكه‌تى و گۆڕان ل هه‌ولێر ل مه‌كته‌با سیاسیا ئێكه‌تیا نیشتمانیا كوردستانێ ده‌ستپێكریه و دهێته چاڤه‌رێكرن كو كومبوونه‌كا ئێكلاكه‌ر بیت ل بارا كاراكرنا په‌رله‌مانى و ئه‌نجامدانا ریفراندۆمێ ل هه‌رێما كوردستانێ.
پێشتر ئێكه‌تى و پارتى بریاردایه كو لرۆژا 14 ئیلونێ په‌رله‌مانێ كوردستانێ كارا بكه‌ن و ئه‌گه‌ر گۆران به‌رهه‌ڤى رونشتنا په‌رله‌مانى نه‌بیت دێ ب ته‌مه‌نترین ئه‌ندامێ په‌رله‌مانێ كوردستانێ سه‌روكاتیا رونشتنا په‌رله‌مانى كه‌ت.
ل گوره‌ى زانیاریێن ئه‌ڤرۆ نیوز كومبوونا ئه‌ڤرۆ یا هه‌رسێ ئالیێن سیاسى دێ كومبوونه‌كا ئێكلاكه‌ر بیت ب تایبه‌تى ژ ئالیێ گۆرانێ ڤ بو كاراكرنا په‌رله‌مانى و ئه‌نجامدانا ریفراندۆما هه‌رێما كوردستانێ و گۆران دخوازه گه‌رنتیه‌كێ وه‌ربگریت.
زێده‌بارى كاراكرنا په‌رله‌مانێ كوردستانێ و پرسا ریفراندۆمێ دهێته چاڤه‌رێكرن كو به‌حس ل باشتركرنا ره‌وشا ژین و ژیانا خه‌لكێ كوردستانێ و راكرنا پاشكه‌فتا موچه‌ى و هاتنا موچه‌یان ژى بهێته‌كرن.
ئەڤرۆ نیۆز،زنار تۆڤی:
ئەڤرۆ سیشەمبی 12.9.2017 سەرۆکێ هەرێما کوردستانێ پێشوازی ل جێگرێ سەرۆک کۆمارێ عێراقێ ئەیاد عەلاوی کر و د وێ هەڤدیتنێدا قۆناغا پشتی داعشێ و ریفراندۆما سەرخوەبوونا کوردستانێ هاتە بەحسکرن.
ئەڤرۆ مەسعود بارزانی سەرۆکێ هەرێما کوردستانێ ل پیرمام ل گەل ئەیاد عەلاوی جێگرێ سەرۆک کۆمارێ عێراقێ و شاندەکێ ل گەل دا کۆمبوویە و د وێ کۆمبوونێ دا رەوشا سیاسی و ئەمنی یا دەڤەرێ و هەڤرکیێن هەمبەری داعشێ پشتی رزگارکرنا مۆسلێ هاتینە بەحسکرن.
هەروەسا بارزانی و عەلاوی د کۆمبوونێ دا دانوستاندن ل سەر بابەتێن گرێدای ریفراندۆما سەرخوەبوونا کوردستانێ و پاشەرۆژا پەیوەندیێن د ناڤبەرا هەولێر و بەغدا دا بەحسکرینە.
ئه‌ڤرۆ نیوز ، نه‌وزاد هلۆرى:
ئه‌ڤرۆ په‌رله‌مانێ عیراقێ د رونشتنه‌كا تایبه‌ت دا بریارا ئه‌نجام دانا ریفراندۆما هه‌رێما كوردستانێ ره‌تكر ، و ئه‌ندامه‌كێ په‌رله‌مانێ عیراقێ ژ فراكسوونا زه‌ر دیاركر كو ره‌تكرنا ریفراندۆما هه‌رێما كوردستانێ ژلایێ په‌رله‌مانێ عیراقێ ڤه چوو كارتێكرن نینه و ژ مێژه ئه‌ڤ یه‌ك ل په‌رله‌مانێ عیراقێ دهاته چاڤه‌رێكرن ، و سه‌لیم جبوورى سه‌رۆكێ په‌رله‌مانێ عیراقێ رێكه‌فتنه‌كا نهێنى ل گه‌ل نورى مالیكى و هادى عامرى بو ره‌تكرنا ریفراندۆما هه‌رێما كوردستانێ ئیمزا كریه.
رێناس جانو په‌یڤدارێ فراكسوونا زه‌ر ل په‌رله‌مانێ عیراقێ بو ئه‌ڤرۆ نیوز گۆت: ( رونشتنا ئه‌ڤرۆ یا په‌رله‌مانێ عیراقێ و ره‌تكرنا ریفراندۆما هه‌رێما كوردستانێ ژلایێ وان ڤه چوو كارتێكرنێ لسه‌ر ریفراندۆما هه‌رێما كوردستانێ و پاشئێخستنا وێ ناكه‌ت و گه‌لێ كوردستانێ و سه‌ركرداتیا سیاسیا كوردستانێ بریارا خوه دایه و لێڤه‌بوون نینه)
زێده‌تر گۆت: ( هه‌موو فراكسوونێن كوردستانێ بایكوتا روونشتنا ریفراندۆما سه‌ربخوه‌ى یا كوردستانێ كریه ، و فراكسوونێن توركمان ژى نكارن چوو كارتێكرنان ل په‌رله‌مانێ عیراقێ بكه‌ن كو ریفراندۆما هه‌رێما كوردستانێ ره‌ت بكه‌ن)
جانوى د درێژاهیا ئاخفتنێن خودا دیاركر ژى كو ئێدى ده‌م هات گه‌لێ كوردستانێ و لایه‌نێن سیاسى تێگه‌هن كو عیراقێ چوو خێر و بێر بوو گه‌لێ كوردستانێ نه‌مایه و ب هه‌موو شیانان رێگرن ل به‌رامبه‌ر مافێن گه‌لێ كوردستانێ و دژاتیا كوردان دكه‌ن و گۆت ژى: (پێدڤى یه كورد ناڤمالیا خوه بپارێزن و ئێكگرتى و ئێكرێز بن به‌رامبه‌ر عیراقێ ، و رونشتنا ئه‌ڤرۆ یا په‌رله‌مانێ عیراقێ رونشته‌كا نه‌یا قانونى بوویه به‌لكو رێكه‌فتنه‌كا سیاسى بوویه دناڤبه‌را سه‌لیم جبورى سه‌رۆكێ په‌رله‌مانى و هادى عامرى و نورى مالیكى داكو ب دژى گه‌لێ كورد بریارێ بده‌ن ژبه‌ركو سه‌لیم جبورى شڤێدى ل گه‌ل نورى مالیكى و عادى عامرى دویر ژ هه‌موو راگه‌هاندنان و ب نهێنى كوم بوینه و رێكه‌فتنه‌ك بو پاشێخستنا ریفراندۆما هه‌رێما كوردستانێ ژى ئیمزا كریه)
سه‌ركرداتیا كوردستانێ دخوازه پرسیاره‌كێ ل هه‌موو گه‌لێ كوردستانێ بكه‌ت كا ئه‌رێ ل گه‌ل سه‌ربخوه‌ى یا كوردستانێ نه یان ل گه‌ل عیراقێ نه ، و ئه‌ڤ بریار بو گه‌لێ كوردستانێ یه و هه‌ر ده‌نگدانه‌كا دژى ئه‌ڤێ پرسیارێ بهێته ئه‌نجامدان ، ده‌نگدانه‌كه دژى خواستێن گه‌لێ كوردستانێ و ژبلى دژاتیێ چوو تشته‌كێ دن نینه ، رێناس جانوى هوسا گۆت.
ئه‌ڤرۆ نیۆز،ره‌مه‌زان هه‌رنى :
به‌رپرسێ ناڤەندا بالا یا لاوێن ئاكرێ دیاكر:ناڤه‌ندا چالاكى و پێگه‌هاندنا لاوان ل به‌رده‌ره‌ش كۆ سه‌ر ب ناڤەندا بالا یا ئاكرى ڤەیە،ژبۆ هه‌وا بانگه‌شه‌یا هه‌لبژارتنێن پرسا ریفراندۆما سه‌رخوەبوونا كوردستانێ ل یاریگه‌ها وه‌رزشی یا به‌رده‌ره‌ش و ب به‌رهه‌ڤبوونا هژماره‌كا به‌رپرسێن سیاسى و حکومى و هژماره‌كا به‌رچاڤا خه‌لكێ ده‌ڤه‌رى ۆ وه‌رزشڤان و وه‌رزش دوستێن ده‌ڤه‌رێ فیستیڤاله‌كا مه‌زنا وه‌رزشێ بۆ پشته‌ڤانیا رێفراندومێ هاتە سازكرن.
حه‌كیم محه‌مه‌د حاجى به‌رپرسێ ناڤەندا بالا یا لاوان ل ئاكرێ بۆ ئه‌ڤرۆ نیۆز دیاركر: بۆ پشته‌ڤانیكرنا پرسا ریفراندۆمێ مه فیستیڤاله‌كا وه‌رزشیا مه‌زن بۆ هژماره‌كا تیم و وه‌رزشڤانێن ده‌ڤه‌را به‌رده‌ره‌ش سازكر وه‌ك پشته‌ڤانیه‌ك بۆ سه‌ركه‌فتنا پرسا ریفراندۆمێ.
ئه‌ڤرۆ نیوز ، نه‌وزاد هلۆرى:
ئه‌ڤرۆ په‌رله‌مانێ عیراقێ ل بارا پرسا ئه‌نجامدانا ریفراندۆما هه‌رێما كوردستانێ كومبو و ب پرانیا ده‌نگان ژى رییفراندۆما هه‌رێما كوردستانێ هاته ره‌تكرن.
ل گوره‌ى زانیارێن ئه‌ڤرۆ نیوز په‌رله‌مانتارێن توركمان ل گه‌ل په‌رله‌مانتارێن عیراقێ ده‌نگ دژى ریفراندۆما هه‌رێما كوردستانێ دایه.
هه‌موو په‌رله‌مانتارێن فراكسوونێن كورد ژى بایكوتا رونشتنا په‌رله‌مانى كر.
ئه‌ڤرۆو نیوز ، نه‌وزاد هلۆرى:
لژێر چاڤدێریا فه‌رهاد ئه‌ترۆشى پارێزگارێ دهۆكێ سه‌ندیكا رۆژنامه‌نڤیسێن كوردستانێ لقێ دهۆك ب هه‌ڤكاریا هه‌موو دام و ده‌زگه‌هێن میدیایى ل پارێزگه‌ها دهۆكێ په‌نه‌له‌كا تایبه‌ت لسه‌ر پرسا ریفراندۆمێ ل ئوتێلا ژیان ل دهۆكێ ئه‌نجام دا.
دڤى واریدا ” زه‌رى نه‌وزاد ” ئێك ژ رێكخه‌رێن په‌نه‌لا روژنامه‌نڤیسێن كوردستانێ لقێ دهۆك بو ئه‌ڤرۆ نیوز گۆت: ( لژێر چاڤدێریا فه‌رهاد ئه‌ترۆشى پارێزگارێ دهۆكێ سه‌ندیكا رۆژنامه‌نڤیسێن كوردستانێ لقێ دهۆك ل پارێزگه‌ها دهۆكێ په‌نه‌له‌كا تایبه‌ت لسه‌ر پرسا ریفراندۆمێ بناڤ و نیشانێن ” رۆژنامه‌ڤان دێ بێژن به‌لێ بو نیشتمانى ” ل ئوتێلا ژیان ل دهۆكێ ئه‌نجام دا و تێدا چه‌ند ته‌وه‌ره‌ێن گرنگ هاتنه به‌حسكرن و هه‌موو رۆژنامه‌نڤیسێن پارێزگه‌ها دهۆك یێن هه‌موو پارت و لایه‌نێن سیاسى پشكداربوینه)
زێده‌تر گۆت: ( د په‌نه‌لێ دا هه‌مووان دوپاتكر كو ریفراندۆم و سه‌ربخوه‌ى پرسه‌كا نیشتمانیه و پێدڤى یه هه‌موو پشته‌ڤانیێ بو بكه‌ن و ئارمانج ئه‌و بوویه كا رۆژنامه‌نڤیس دێ چه‌وا شێن روولێ خوه بینن د هوشیاركرنا ته‌خێن جڤاكى ، ئه‌ڤه زێده‌بارى وێ یه‌كێ كو په‌یاما هه‌مووان ژى ئه‌و بوویه كو دێ ب به‌لێ پێشوازیێ ل ریفراندۆمێ كه‌ن)
فوتو ، ئیبراهیم دێركژنیكى
ئه‌ڤرۆ نیوز ، هه‌رهین محه‌مه‌د:
سترانبێژێ كوچكو دیوانا هاشم بوسه‌لى بۆ ئه‌ڤرۆ نیۆز ئاشكه‌راكر كو نوكه ئه‌و مژوولى چێكرنا كلیپه‌كێ یه ب ناڤێ (كوردینو خوه هشیاركه‌ن)كو ژپه‌یڤێن مسته‌فا حسێن وئاوازیا هاشم بوسه‌لى و ل ستودیویا عادل حاجى هاتیه توماركرن و نوكه دقوناغا مونتاژى دایه و ژڤانه ل نێزیك به‌لاڤبكه‌ت.
هاشمى زێده‌ترژى گۆت: ناڤه‌رۆكا ڤێ كلیپێ په‌سنا پێشمه‌رگه‌ى و خه‌لك هانده‌ت كا دێ ب چ ره‌نگ دێ چن ده‌نگێ خوه ده‌ن، چونكو كوردان گه‌له‌ك ده‌رده‌سه‌رى مال وێران كرن و ئه‌نفال دیتینه.
ئه‌ڤرۆ نیوز ، هلورى:
وه‌سا بریاره كو ئه‌ڤرۆ سه‌رۆكێ هه‌رێما كوردستانێ سه‌ره‌دانا پارێزگه‌ها كه‌ركوك بكه‌ت و ل گه‌ل هه‌موو پێكهاته‌یێن ئاینى و نه‌ته‌وه‌یێن كه‌ركوك كوم ببیت و گوهداریا داخوازیێن وان بكه‌ت.
محه‌مه‌د خورشید به‌رپرسێ لقێ سێ پارتى دیموكراتى كوردستان بو ده‌زگه‌هێن راگه‌هاندنێ دیاركر كو وه‌سا بریاره ئه‌ڤرۆ مه‌سعود بارزانى سه‌رۆكێ هه‌رێما كوردستانێ سه‌ره‌دانا پارێزگه‌ها كه‌ركوك بكه‌ت و گۆت: ( ب مه‌ره‌ما گوهداریا داخوازیێن هه‌موو پێكهاته‌یێن ئاینى و نه‌ته‌وه‌یى و جه‌ماوه‌ر و خه‌لكێ پارێزگه‌ها كه‌ركوك ئه‌ڤرۆ بارزانى دێ ل گه‌ل وان ل پارێزگه‌ها كه‌ركوك كوم بیت و وه‌سا بریاره كو عه‌ره‌ب و توركمان ژى پشكدارێ كومبوونا بارزانى بن)
زێده‌تر گۆت: ( بارزانى دێ گوتاره‌ك هه‌بیت و ، ئه‌ڤه زێده‌بارى دێ گوتوبێژێن تایبه‌ت ژى ل گه‌ل هه‌موو پێكهاته‌ییێن كه‌ركوكێ هه‌بیت)
ئەڤرۆ نیۆز،زنار تۆڤی:
پارتی دیمۆکراتی کوردستان و ئێکەتی و نیشتمانی کوردستان و بزاڤا گۆران ئەڤرۆ سێشەمبی 12-9-2017 ل باژێرێ هەولێرێ دێ دەربارەی كاراكرنا پەرلەمانی و ئەنجامدانا ریفراندۆمێ کۆمبن،پەیڤدارێ ئێکەتیێ دبێژییت هاتنا شاندێ گۆران بۆ هەولێرێ پێنگاڤەکا ئەرێنیە.
کۆمبوون دێ ل بارەگایێ مەكتەبا سیاسی یا ئێکەتیێ هێتە ئەنجامدان،سەعدی پیرە پەیڤدارێ و ئەندامێ مەكتەبا سیاسی یا ئێکەتیێ دیارکریە:هاتنا شاندێ گۆرانێ بۆ هەولێرێ و كۆمبوونا وان سێ لایەنان پێكڤە ل ئێک جه پێنگاڤەکا ئەرێنی و دلخۆشكەرە.
هەروەسا دهێتە چاڤەرێکرن کو شاندێ گۆرانێ ژ (جەلال جەوهەر، ئەندامێ خانا راپەراندنێ، شۆرەش حاجی،پەیڤدار و ئەندامێ خانا راپەراندنێ و ئاراس وەلی و د. ئیسماعیل نامق و شێخ هیمداد، ئەندامانێن جڤاتا نیشتمانی و د. رەئووف ئۆسمان سەرۆكێ جڤاتا گشتی) پێکهاتبیت.
پارتی و ئێکەتی ل گەل گۆرانێ و کۆمەلێ گەهشتیتە نزیکیەکا باشتر ژ جاران، بەلێ هەکە پشکداریێ د کاراکرنا پەرلەمانی دا نەکەن کو سەرۆک و سکرتێر ژ وانە، ئەوان بریاردایە کو ل 14 ڤێ هەیڤێ ب زۆرینەیا دەنگان دێ پەرلەمانی کارا کەنەڤە.
نيشاندان