ئەڤرۆ نیوز:
ژ ئه‌گه‌رێ په‌قینا ترۆمبێله‌كا بۆمبرێژکرى ل باژێرێ غەزنی ل رۆژهەڵاتا ئەفغانستانێ، ٢٣ كه‌س هاتنه كوشتن.
په‌یڤدارێ ویلایەتا غەزنی ئاشکرا کریه، ئه‌و په‌قینە ل هه‌مبه‌ر ئاڤاهیه‌كێ هێزێن ئەمنى یێن وى باژێرى بوویه و ب رێیا ترۆمبێله‌كا بۆمبڕێژکرى هاتیه ئه‌نجامدان.
وەحیدوڵڵا جومعەزادە گۆتیه ژى، د وێ پەقینێ دا، ٢٣ کەس هاتینه کوشتن و ١٦ یێن دیتر بریندار بووینه.
ئەڤرۆ نیوز:
لژنا بجھئینانا دیونا نڤیسینگەھا سەرۆک وەزیران ئیراقێ فەرمانا دەستەسەرکرنێ بۆ شەشە بەرپرسێن بلندین ئیراقێ دەرئێخشتن، بڕیارا ب دەست بسەرداگرتنا ھەموو مۆلک و مالێ سەرۆکێ بەرێ یێ دەستەیا خانەنشینکرنێ و برایێ وی و خێزان و زارۆکێن وان دا ھاتیە دان.
د نڤیسارەکێ دا ل رۆژا ٢٥ چریا دوێ سالا ٢٠٢٠ لژنا بجھئینانا دیوانا سەرۆک وەزیرێن ئیراقێ، بنڤیسارەکا فەرمی داخوازا دەست بسەرداگرتنا مۆلک ومالێ ئەحمەد ئەلساعدی و سەباح ئەلساعدی کریە، زێدەباری مۆلک و سامانێ ل سەر ناڤێ خێزان و زارۆکێن وی ژی کریە.
ھەر ل رۆژا ١٧ ئەیلونا بۆری ھێزەکا لەشکری ئەحمەد ساعدی سەرۆکێ بەرێ یێ خانەنشینکرنێ ل گەل خێزانا وی ھەموو ھاتینە دەستەسەرکرن، و بڕێیا دەزگەھێ سوات ھێزا دەستوەشینا ئیراقێ رادەستی دادگەھێ کرن.
ھەڤدەم شەش یەرپرسێن دیتر یێن ئیراقێ د ھەوەکا دەستەسەرکرنێ دا ل دۆر بادەکێن گەندەلیێ ھاتینە گرتن، بەلێ ھەتا نوکە ناڤێن وانا نەھاتینە ئاشکرا کرن.
خانی نیۆز:
ئاژانسا مەھری یا ئیرانی پەیوەندیا زاناییێ ئەتۆمی یا ئیرانێ موحسن فەخریزادە ئەو بەری دو رۆژان ل تەھرانێ ھاتیە کوشتن، ل گەل بزاڤا حەماس و وەلاتێ سووریا ئاشکراکر.
ئاژانسا ئیرانی د راپۆرتەکێ دا سەبارەت پەیوەندیا موحسن فەخریزادەی ل گەل بزاڤا حەماسا فەلەستینی و وەلاتێ سووریا و یەمەنێ دبێژیت، زانایێ ئیرانی پەیوەندیەکا باش ل گەل وان ھەبوو و ب بەرەیێ بەڕەڤانیکرا ئیسلامی ب ناڤکرینە.
لدووڤ راپۆرتا ئاژانسا ناڤھاتی، موحسن فەخریزداە ئێکەم کەس بوویە چەکێ پێشکەفتی بۆ بزاڤا حماس ڤەگوھاستی، ھەروەسا دیارکر بەری چەند ھەڤیان ل گۆڕ پێزانینێن بەر دەستێن (مۆسا) ئیسرائیلی کو مووشەکێن کرۆز و فرۆکێن بێ فرۆکەڤان بۆ بزاڤا حەماس ھاتینە ھنارتن، خوەیاکر مووشکێن کروز دشێن کولاڤێن ئەتۆمی ل سەر بھێنە دانان کو موحسن فەخریزداە ئەو چەک بۆ بزاڤا حەماس دابینکریە و ھنارتیە فەلەستین.
ھەروەسا ژێدەرێ ئیرانی دیارکر، ئیسرائیلی بەری دو سالان راپۆرتەک بەلاڤکر بوو، وتێدا نڤیسا بوو فەخریزداەی چەک و تەکنولوجیا پێشکەفتی رادەستێ بزاڤا حەماس و سووریا و یەمنێ کرینە.
ئەڤرۆ نیوز:
وەزارەتا دارایی و ئابووری یا حکومەتا ھەرێما کوردستانێ بریارەکا نوو سەبارەت ب کارئینانا داھاتێ وەزارەتا باژێرڤانی و گەشتوگۆزاری دەرئێخست.
ل دیوڤ نڤیسارا بڕیارا وەزارەتا دارایی و ئابۆری کو ئیمزایا ئاوات شێخ جەناب ل سەر ھەیە وەزیرێ دارایی و ئابۆری ل سەر ھەیە، نڤیسا ژمارە (١٩٧٦) رێککەفتی ١٨/١٠/٢٠٢٠ بڕیار دانا دەسھەلاتێ بۆ وەزارتا باژێرڤانیێ سەبارەت مەزاختنا رێژکەھا داھاتی بۆ ھەر ئێک ( ١٥% یا باژێرڤانیێ، ١٥% بۆ گەشتوگۆزای، ١٧% داھاتی ئاڤێ) تێدا بکەت.
ھەروەسا ئەو چەندە ژی بەرچاڤکریە کو رێژا ١٠٠% داھاتێ فرۆشتنا زەڤی و ئەردی بۆ وەزارەتا باژێرڤانیێ و گەشتوگۆزای بھێتە مەزاختن.
پێدانا مەزختنا رێژەکا وی داھاتی بۆ وەزارتا باژێرڤانیێ و گەشتوگۆزاری بۆ وەزارەتێ بخو بیت، ب مەرەما بکارئینانا گەشەکرنا کەرتێ باژێرڤانی و گەشتۆگوزاری و نەھێلانا ئاستەنگانێن پەیداکرنا ئاڤێ بۆ وەلاتیان.
ئەڤرۆ نیوز:
سەرۆکێ لژنا وزێ ل پەرلەمانێ ئیرانێ فرەیدون عەباسی ڕاگەھاند، دێ دەست ب پیتاندنا یۆڕانیۆمێ ب رێژا ٢٠% ھێتەکرن، ئەو ژی پشتی جڤاتا تەشریعی بڕیارە قانوونەک پەسەند کری کو حوکمەت پێگریێ ب زێدەکرنا رێژا پیتاندنا یۆڕانیۆمێ بکەت، د چارچۆڤێ دەستبەردانا ئیرانێ ژ رێککەفتنا ئەتۆمی یا نێڤدەولی دا.
فرەیدون عەباسی بۆ ئاژانسا (خانا مللەت) کو دبیتە زمان حالێ جڤاتا شورایا ئیرانێ گۆت: دێ دسەت ب پیتاندنا یۆڕانیۆمێ ب رێژا ٢٠% ھێتە کرن، و ھەموو سەپەرشتکارێن نێڤدەولی یێن ئاژانسا زەڕی دێ ژ ئیرانێ ھێنە دەرخستن، ئیدی ئیران سەرەدەریێ ل گەل وان ناکەت، ھەڤدەم ئیران دێ خۆ ژ رێککەفتنا ئەتۆمی ڤەکێشیت.
گۆتنا فرەیدون عەباسی پشتی دەنگدانا پەرلەمانێ ئیرانێ ب پڕانیا دەنگان ل سەر بابەتێ خۆڤەکێشانا ژ رێککەفتنا ئەتۆمی یا نێڤدەولی ھاتیە پەسەند کرن.
ئەڤرۆ نیۆز:
لژنا پێشمەرگەی ل پەرلەمانێ کوردستانێ دیار کر، بزاڤ دھێنەکرن ھندەک ئمتیازات بۆ ھێزێن پێشمەرگەی بھێنە دەستەبەرکرن و رەوشا ژیانا وان باشتر لێ بھێت.
لیژنا پێشمەرگەی ل پەرلەمانی د کۆمبوونەکێ دا دانوستاندن ل سەر ڤەدیتنا میکانزمەکێ بۆ باشترکرنا رەوشا ژیانا ھێزێن پێشمەرگەی کر و بزاڤ کرن بۆ دەستەبەرکرنا ھندەک ئمتیازاتان بۆ پێشمەرگەی، د ڤی واری ژی دا ئەندامێن لیژنێ بۆچوون و پێشنیارێن خوە بۆ باشترکرنا رەوشا ژیانا ھێزێن پێشمەرگەی دیارکرن.
لژنا پێشمەرگەی دوپات کر کو سەرەدان و دووڤچوونێن مەیدانی یێن بەردەوام ھەبن، بۆ وێ چەندێ ژ نێزیک ئاگەھداری رەوشا ژیان و ئاریشە و داخوازیێن ھێزێن پێشمەرگەی بن و بشێن د پاشەرۆژێ دا کار ل سەر بکەن و رێ چارەیێن گونجای بۆ ببینن.
ئەڤرۆ نیوز:
سەبارەت رێککەفتنا د ناڤبەرا ھەولێر و بەغدایێ دا ل دۆر مووچێن فەرمانبەران، ٣٨ پەرلەمانتارێن کوردستانێ بنڤسیارەکا فەرمی داخوازیەکێ ژ سەرۆکاتیا پەرلەمانێ کوردستانێ دکەن، وەکی دیارە دانەکا وێ نڤیسارێ گەھشتیە بەر دەستێن مە.
٣٨ پەرلەمانتارێن کوردستانێ ب نڤیسارا خۆیا فەرمی ژ سەرۆکاتیا پەرلەمانێ ھەرێما کوردستانێ دخوازن، پرسا گیرو بوونا مووچێ فەرمانبەرێن ھەرێما کوردستانێ و دانوستاندنێن د ناڤبەرا ھەولێر و بەغدایێ دا، د کۆمبوونا سوبەھی یا پەرلەمانی دا بھێنە بەحسکرن.
د ڤێ نڤیسارێ دا ناڤ و ئیمزایێن ٣٨ پەرلەمانتاران تێدا ھەنە، ب پشتەڤانیا ماددێ ٤٨ بڕگا چارێ یا پەیروەێ ناڤخویێ پەرلەمانێ کوردستانێ ھاتیە کرن، کو بڕگەکا تایبەت ب گیرو بوونا بەلاڤکرنا مووچێ فەرمانبەرێن ھەرێمێ و ئەگەرێن ھەرێمێ ل گەل بەغدایێ و پرسا رادەستکرنا پەترۆلا ھەرێمێ و داھاتی خالێن سنووری و وەرگرتنا مافێن دارایێن ھەرێمێ بھێنە گەنگەشەکرن.
ئەڤرۆ نیۆز:
ب ئەگەرێ ھەلبژارتنێن بەروەخت ئالیێن شیعی بۆ ھەولێرێ ڤەدگەرن، چاڤدێرەکێ سیاسی دبێژیت، دیرۆکێ سەلماند کو ھەردەمێ دەستھەلاتدارێن ئیراقێ لاواز دبن ئەو ب دەولەتا خۆڤە بەر ب کوردان ڤە دھێن، ددەمێ وەرگرتنا دەستھەلاتێ دا ب زمانێ گەف و ژناڤبرنێ و ئاگر و ئاسنی ل گەل کوردان د ئاخڤن.
پشتی پەسەندکرنا پرۆێ قانوونا قەرکرنا بۆ دانا مووچێ فەرمانبەرێن ئیراقێ، کو تێدا دژاتیا فەرمانبەرێن ھەرێما کوردستانێ ھاتە کرن، وبیێ کوردان ئەو قانوون دەربازکر، نوکە لایەنێن شیعی ب سەدەما پرۆسا ھەلبژارتنان داخویانیێن وان ھاتینە گوھۆڕین و دڤێن ل گەل کوردان ل ھەولێرێ دانوستاندنێ بکەن.
پ.د. کەیوان ئازادی گۆت: ل دویڤ باوەریا من و ئەو سەربوڕا من ھەی، دڤێت سەرکرداتیا کوردان و حکومەتا ھەرێما کوردستانێ دڤێ رەوشێ دا باوەشا خوە بۆ چو ئالیەکێ شیعی و سوونی ڤەنەکەت، و ھەولێرێ نەکەنە چەقێ چارەسەرکرنا کێشێن ئیراقێ، چونکی زیانا دووماھیێ دێ ھەر بۆ کوردان و حوکمەتا کوردستانێ بیت، یا دیارە ڤەکرنا دەرگەھێ ھەولێرێ پایتەختێ ھەرێما کوردستانێ ب روویێ بەپرسێن شیعە و سوونی و توکرمانان ڤە، بتنێ بۆ موکمکرنا جھێ پێت خویە ل بەغدا، پشتی ھینگێ ئێکەم ھێزا روو ب رووبوونێ ئەو دێ ل کوردان دەن.
ئەڤرۆ نیۆز:
وەزارەتا ساخلەمیێ یا حوکمەتا ھەرێما کوردستانێ د راگەھاندنەکێ دا ئامارا ٢٤ دەمژمێرێن بۆری یێن تووشبووی و گیان ژ دەستدان ب کۆرۆنایێ ل ھەرێما کوردستانێ بەلاڤ کر.
وەزارەتا ساخلەمیێ یا حوکمەتا ھەرێما کوردستانێ ئەڤرۆ ٢٩/١١/٢٠٢٠ د راگەھاندنا ھژمار ٢٧٧ دا دیار کریە کو د ٢٤ دەمژمێرێن بۆری دا ل ھەرێما کوردستانێ ٣٠٤ تووشبوویێن کۆرۆنایێ ھاتینە دەستنیشانکرن و ١٤ کەس ژی ژ ئەگەرێ کۆرۆنایێ مرینە.
وەزارەتا ساخلەمیێ خویا ژی کریە، ٥٣٩ تووشبووی ژی ب تەمامی ھایتنە چارەسەرکرن و چار ھزار و ٣٨٠ پشکنین ژی ھاتینە کرن.
لدووڤ وێ راگەھاندنا وەزارەتا ساخلەمیێ، ل پارێزگەھا دھۆکێ د ٢٤ دەمژمێرێن بۆری دا، دو ھزار و ٦٥٢ پشکنین ھاتینەکرن، ١٠٥ تووشبوویێن نوو ھاتینە دەستنیشانکرن و پێنج تووشبوویان ژی گیانێ خوە ژ دەست داینە و ٣٦٢ کەس ژی چارەسەربووینە.
ئەڤرۆ نیۆز:
وەزارەتا پەروەردا ئیراقێ دیار کر، ھەکە قوتابخانێن ئەھلی ل ئیراقێ پێگریێ ب رێنمایێن وەزارەتا پەروەردێ یێن خوە پاراستنێ ژ کۆرۆنایێ نەکەن، دێ ھێنە سزاکرن.
حەیدەر فاروق، پەیڤدارێ وەزارەتا پەروەردا عیراقێ خویا کر، وەزارەتا پەروەردێ رێنمایێن خوە پاراستنێ ژ کۆرۆنایێ و ساخلەمیێ و چاوانیا دەوامکرنێ ل سەر قوتابخانان بەلاڤکرن و گۆت: “ھەر قوتابخانەکا ئەھلی و حکومی پێگریێ ب رێنمایێن خوە پاراستنێ ژ کۆرۆنایێ نەکەت دێ ھێتە سزاکرن”.
پەیڤدارێ وەزارەتا پەروەردا عیراقێ گۆت ژی: “ئەو قوتابخانێن پێگریێ ب رێنمایێن وەزارەتا پەروەردێ نەکەن، دەستووریا وان یا کارکرنێ دێ ژێ ھێتە وەرگرتن”.
وەکو دیار پرۆسا خواندنێ ل عیراقێ، ژ بەر کۆرۆنایێ بۆ دەمێ سێ ھەیڤان بۆ ھاتیە راگرتن و ئەڤرۆ ٢٩/١١/٢٠٢٠ دەست ب پرۆسا خواندنێ ھاتە کرن و ب تنێ د حەفتیێ رۆژەکێ قوتابی دێ دەوامێ کەن.
نيشاندان