NO IORG
نووترين نووچه
Twitter

ئەڤرۆ نیۆز،زنار تۆڤی:

سه‌رۆك وه‌زيرێن توركيا بینالی يلدرم راگه‌هاند،کو ئه‌نجامدانا پرۆسا ريفراندۆمێ ل‌ كوردستانێ نابیته‌ ئەگەرێ دەستپێکرنا شەر‌ی ل ڤێ دەڤەرێ دا.

پێشتر هندەک كه‌س و لايه‌نان بانگه‌شا هندێ د‌كر،کو برێڤه‌چوونا ريفراندۆما سه‌ربه‌خۆيێ دێ بیتە ئەگەرێ دروستبوونا شه‌ری و كێشێن زێدەتر د ڤێ دەڤەرێ دا.

د‌ ئێكه‌م كارڤەدانا ژڤی جۆری دا سه‌رۆك وه‌زيرێن توركيا بینالی يلدرم ره‌تکریە‌،کو برێڤەچوونا ريفراندۆما كوردستانێ ببیتە ئەگەرێ دروستبوونا ئالۆزیا و سەرهلدانا شه‌ری.

هه‌رێما كوردستانێ برياردایه‌ کو 25 ئیلۆنا ئەڤ سالە پرۆسا ريفراندۆما سه‌ربه‌خۆيێ ئه‌نجام بدەت،سه‌رۆكاتیا هه‌رێما كوردستانێ و ئه‌نجوومه‌نێ بلند یێ ريفراندۆمێ ژی ره‌تکریە کو ڤێ‌ پرۆسێ پاشبێخن.

هەروەسا مه‌سعود بارزانى سه‌رۆكێ هه‌رێما كوردستانێ ژی راگه‌هاندیە،کو ئەم د ئاماده‌ينە هه‌موو تشتان ل ستوویێ خوە بگرین ژبلی‌ پاشخستنا ريفراندۆمێ،كو‌ بۆ ئێک خۆله‌ك ژی ریفراندۆمێ پاش نائێخین.

239

ئەڤرۆ نیۆز،زنار تۆڤی:

پشتی باژێرێ مۆسل ژلایێ تیرۆرستێن داعش ڤە هاتیە گرتن و بۆ ماوێ نێزیکی سێ سالان دەستهەلاتا خوە ل سەر خەلکێ ڤی باژێری سەپاندی،گەلەک زیان گەهاندیە خەلکێ وی باژێری،هەروەسا پشتی ئۆپەراسیۆنا ئازادکرنا مۆسلێ ژلایێ سەرۆک وەزیرێ عێراقێ حەیدەر عەبادی ڤە هاتیە راگەهاندن و ئەڤ باژێرە ژلایێ هێزێن عێراقی ڤە هاتیە ئازادکرن ژ تیرۆرستێن داعش،پرانیا ڤی باژێری هاتیە وێرانکرن.

لەورا ل دووڤ پلانا حوکمه‌تا عێراقێ و وه‌زاره‌تا پلاندانانێ ل ده‌ستپێكا سالا بهێت دێ ده‌ست ب ئاڤاكرنا باژێرێ مۆسلێ هێتەکرن و پرۆسه‌یا ئاڤاكرنێ ژى دێ 10 سالان ڤه‌كێشیت،دیسا په‌یڤدارێ وه‌زاره‌تا پلاندانانا عێراقێ ژی راگەهاندیە کو ژبۆ ئاڤاكرنا مۆسلێ وان پێدڤى ب 100 ملیار دۆلاران هه‌یه‌ و هەروەسا وان داخواز ژ جڤاکێ نێڤدەولەتی ژی کریە کو هەڤکاریا وان بکەن،د ئاڤاکرنا ڤی باژێری دا.

ئەڤرۆ نیوز ، نەوزاد ھلوری:
شڤێدی ب ردەنگڤە چەکدارێن داعش ھێرش کرە سەر مێحوەرێ داقوق ل باشوورێ کەرکوک ، پشتی سەرەکێ زور د ئەنجام دا ەێرشا وان ھاتە شکاندن و زیان ژی ب وان کەفتن.
فەرھاد نەزەری جێگرێ فەوجا ئێک یا ھێزێن پێشمەرگەیێن کاکەیی بو ئەڤرۆ نیوز گۆت: ( ئەو ھێرشا کو شڤێدی چەکدارێن داعش بو سەنگەرێن پێشمەرگەی ل مێحوەرێ داقوق و گوندێ ئەبو محەمەد ئینایی ژلایێ ھێزێن پێشمەرگەیان ھاتە شکاندن ، و سوپاس بو خودێ پێشمەرگەی چوو شەھید و بریندار نینن)
شڤێدی ھندرین رەواندوزی ژ ھێزا پێشمەرگێن لیوایێن سەر ب پارێزگەھا کەرکوک بۆ ئەڤرۆ نیوز گۆتبو کو دەردورێن دەمژمێر ١١ێ ب شەڤ چەکدارێن داعش ب دزیڤە ھێرشەک بو سەر سەنگەرێن پێشمەرگەیان ل مێحوەرێ داقوق و گوندێ ئەبو محەمەد ئینایە و شەر و پەڤچوون دناڤبەرا وان و پێشمەرگەیان درۆست ببو)
زێدەتر گۆت: ( داعشان دڤێت گوندێ ناڤبری و گوندی َزەرگە ل باشووری َکەرکوک کو سەر ب مێحوەرێن داقوق و دوزخورماتونە بگرن ژ بەرکوو ئەڤ ھەردوو گوند ستراتیجینە و رێیەکا زور گرنگ بەر ب داعش ڤە دکەن کو کارێن قاچاخی بکەن )

257

ئه‌ڤرۆ نیۆز،زنار تۆڤى:

ده‌ڤریم كارادا ئه‌كته‌ره‌كا باكۆرێ كوردستانێ یه‌ و نوكه‌ ل باژێرێ سته‌مبۆلێ دژیت،د دیداره‌كێدا بۆ ئه‌ڤرۆ نیۆز دبێژیت:ئه‌ڤه‌ نێزیكى 22 سالانه‌ ئه‌ز ل باژێرێ سته‌مبۆلێ دژیم،هه‌ر چه‌نده‌ به‌رى نوكه‌ من د چو فلمان كارێ ئه‌كته‌ریێ نه‌گێرایه‌،لێ ده‌مێ من ل قوتابخانێ د خواند من هوازن د گۆتن و من گه‌له‌ك حه‌ز ل سه‌ر كارێ ئه‌كته‌ریێ هه‌بوو،لێ ل سالا بورى ئه‌ڤ خه‌ونا من یا چه‌ندین سالان بجه هات،بۆ ئێكه‌مین جار ژى من پشكدارى دفلمه‌كێ كوردى كر و من رۆلێ سه‌ره‌كى ژى د وى كورته‌ فلمێ كوردى دا گێرایه‌.

هەروەسا گۆت ژى:ده‌رهێنه‌ره‌كا كورد ل سته‌مبۆلێ داخواز ژ من كر كو ئه‌ز پشكداریێ د فلمه‌كێ كوردى دا بكه‌م و بێى دو دلى و ئێكسه‌ر ئه‌ز ل سه‌ر داخوازا وێ رازى بووم،ژبه‌ركو هه‌رده‌م من ڤیایه‌ خزمه‌تا هونه‌رێ كوردى بكه‌م،هه‌روه‌سا ئه‌و كورته‌ فلمێ من رۆلێ سه‌ره‌كى تێدا گێراى ناڤێ وى ” زه‌لاله‌” و ناڤه‌رۆكا وى ژى ل سه‌ر ژنا كورده‌،كو به‌حسێ ژیانا ژنه‌كا كورد دكه‌ت،ده‌مێ ژ گوندان قه‌ستا باژێرى دكه‌ت،لێ زه‌لامێ وێ ژنا كورد مریه‌ و بتنێ كوره‌ك هه‌یه‌،لێ ژبه‌ركو هه‌رده‌م ژنا كورد ئاسته‌نگ و ده‌رده‌سه‌رى دیتینه‌،دیسا “زه‌لال” ژى ده‌مێ ژ گوندى دچیته‌ باژێرى گه‌له‌ك نه‌خۆشیێن ژیانێ دبینیت و نه‌شێن ب چیته‌ ژ ده‌رڤه‌ و بۆ خوه‌ كاره‌كێ بكه‌ت،ژ پێخه‌مه‌ت بشێت زارۆیێ خوه‌ ب خودان بكه‌ت،لێ پشتى ده‌مه‌كێ درێژ هه‌ڤاله‌كا وێ بۆ كاره‌كێ دبینیت و ژ وێ رۆژێ ژیانا وێ دهێته‌ گوهۆرین و ئه‌ڤ كورته‌ فلمه‌ به‌حسێ وان روودانان دكه‌ت.

ناڤهاتیێ گۆت ژى:من گه‌له‌ك حه‌ز دكر دڤى كورته‌ فلمى دا كار بكه‌م،ژبه‌ركو ئه‌ز ژى ژنم و هه‌روه‌سا ژنێن باكۆرێ كوردستانێ هه‌موویان ده‌ردێ “زه‌لالێ” هه‌یه‌ و هه‌موو دبن ده‌ستن و ژیانا خوه‌ دناڤا ئێش و ئازاران دا دبورینن،هه‌روه‌سا هه‌كه‌ ژنا كورد ل باكۆرێ كوردستانێ ببیته‌ نوشدار و ماموستا و پارێره‌ز و هه‌ر كار و باوه‌رنامه‌یه‌ك هه‌بیت،دبن ده‌ستیێ دایه‌،له‌ورا دڤێت ئێدى ژنا كورد ژى ئازاد بیت و بگه‌هیته‌ مافێن خوه‌،لێ مخابن هه‌تا نوكه‌ ژى ئاسته‌نگى دكه‌ڤنه‌ د رێیا ژنا كورد دا ل باكۆر،له‌ورا كورته‌ فلمێ”زه‌لال” دێ بیته‌ ده‌رگه‌هه‌ك بۆ ژنا كورد و دێ هیڤیه‌كێ بۆ وان دروست كه‌ت و گۆت ژى:شه‌ش كه‌سان پشكدارى دڤى كورته‌ فلمى دا كریه‌ و ل سته‌مبۆلێ و ده‌ردورێن وێ هاتیه‌ وێنه‌كرن و فلم 17 خۆله‌كان یێ درێژه‌.

ده‌ڤریمێ دیاركر ژى:ڤى كورته‌ فلمى پشكدارى د چه‌ندین فیسته‌ڤالان دا ل توركیا كریه‌ و خه‌لاتێ ئێكێ ل فیسته‌ڤالا”ئیكا سه‌ڤه‌” ل سه‌رانسه‌رى توركیا ب ده‌ست خوه‌ڤه‌ ئینایه‌ و ئه‌ڤ كورته‌ فلمه‌ ب زمانێ كوردى هاتیه‌ چێكرن،دیسا مه‌ ل به‌ره‌ پشكداریێ د چه‌ندین فلمه‌ فیسته‌ڤالێن كوردى و جیهانى دا ژى بكه‌ین،هه‌روه‌سا من ل به‌ره‌ وه‌ك ئه‌كته‌ره‌كا كورد پشكداریێ د چه‌ندین فلمێن دى یێن كوردى دا بكه‌م،لێ من هزر نه‌كریه‌ چو جاران پشكداریێ د فلمێن توركى دا بكه‌م.

1207

ئەڤرۆ نیۆز،رێژین نهێلى:

میدیایێن ئەمریکا راگەھاندیە:کو ئیدارەیا واشنتۆن ناڤێن چار وەلاتێن نوو کرینە د لیستا وان وەلاتێن ھاتنا خەلکێ وان بۆ ئەمریکا ھاتیە قەدەغەکرن و ل گۆر بریارا نوو یا ئیدارەیا واشنتۆن،کو ھاتنا وەلاتیێن کەمبۆدیا و ئەریتێریا و غینیا و سیرالیۆن بۆ ئەمریکا ھاتیە قەدەغەکرن.

ژیدەرەکێ نێزیکی ئیدارەیا ئەمریکا ئاشکراکر ژی: بەری نھا وەزارەتا دەرڤە یا ئەمریکا نامەیەک بۆ حوکمەتێن وان وەلاتان ھنارتیە و تێدا داخوازا ھەماھەنگیا وان ژ بۆ دیپۆرتکرنا وەلاتیان کریە،لێ تا نھا چو بەرسڤێن ئاشکرا ژ ئالیێ وان وەلاتان ڤە نەھاتینە دان.

ئەڤرۆ نیوز ، نەوزاد ھلوری:
دەمەک بەریا نھا چەکدارێن داعش ھێرش کرە سەر مێحوەرێ داقوق ل باشوورێ کەرکوک و ھەتا نھا ژی شەر بەردەوامە.
دڤی واریدا ھندرین رەواندوزی ژ ھێزا پێشمەرگێن لیوایێن سەر ب پارێزگەھا کەرکوک بۆ ئەڤرۆ نیوز گۆت: ( دەمەکێ کێم بەری نھا چەکدارێن داعش ب دزیڤە ھێرشەک بو سەر سەنگەرێن پێشمەرگەیان ل مێحوەرێ داقوق و گوندێ ئەبو محەمەد ئینایە و شەر و پەڤچوون دناڤبەرا وان و پێشمەرگەیان درۆست بو و ھەتا نھا ژی بەردەوامە )
زێدەتر گۆت: ( داعشان دڤێت گوندێ ناڤبری و گوندی َزەرگە ل باشووری َکەرکوک کو سەر ب مێحوەرێن داقوق و دوزخورماتونە بگرن ژ بەرکوو ئەڤ ھەردوو گوند ستراتیجینە و رێیەکا زور گرنگ بەر ب داعش ڤە دکەن کو کارێن قاچاخی بکەن )
ل گورەی ئاخفتنێن رەواندوزی ھێزێن پێشمەرگێن فەوجا ئێک یا کاکەیان ل داقوق دشەرەکێ گران دانە و چەند ھێزەکێن پشتەڤانیێ ژی بو ئەوان چوینە ، و ھەتا نھا شەر بەردوامە.

ئەڤرۆ نیوز ، ھلۆری:
ئەڤ شەڤە ل سنوورێ قەزا چومان یا سەر ب پارێ.گەھا ھەولێر د روودانەکا ھاتن و چوونێ دا شەش کەس کو ھەموو یێن ئێک خێزان بوون بوونە قوربانی.
دلاوەر لەتیف ئاخفتنکەرێ پولیسێن سوران بو ئەڤرۆ نیوز گۆت: ( ئەڤە شەڤە پشتی نڤێژا عەیشا ژ ئەگەرا روودانەکا ترافیکێ ل سنوورێ قەزا چومان یا سەر ب پارێزگەھا ھەولێر شەش کەس بونە قوربانی و ژوانان کەسەکێ کو ئافرەت بوو گیانێ خوە ژ دەستدا کو خەلکێ قەزا سوران بوون)
زێدەتر گۆت: ( ئەو خێزان ژ دایک و باب و زاروکان پێکدھاتن بەلێ ب مخابنیڤە دايکا ئەوان زاروکان کو دژیێ زێدەتری ٤٠ سالیێ دایە گیانی خوە ژ دەست دا و ئەڤێن دن ژی ھەموو برینداربوون و برینا ھندەک ژ وان گرانە و بو نەخوشخانا سوران یا تەنگاڤیان ھاتنە ڤەگوھاستن)

21121859_314615785615151_465495912_n

ئەڤرۆ نیوز ، ھلۆری:
ئەڤ دیمەنێن ل خوارێ چەند دیمەنێن باژێر و ئاڤاھی و شینوار و جھەکێن گەشتوگۆزاری نە ل جیھانێ کو ب سەرنجراکێشترین جهـ ل جیھانێ دھێنە ھژمارتن.
شارەزایێن د وارێ ئەندازیاری دا ددەن دیارکرن کو ئەڤ پێشکەفتنا نھا جیھان تێدا دبوریت پێشکەفتنەکا حێبەتی یە ، بەلێ چاڤەرێ دھێتەکرن کو تشتێن نوتر ژی بھێنە چێکرن.

158201718qwcv (1) 158201718qwcv (2) 158201718qwcv (3) 158201718qwcv (4) 158201718qwcv (5) 158201718qwcv (6) 158201718qwcv (7) 158201718qwcv (8) 158201718qwcv (9) 158201718qwcv (10) 158201718qwcv (11) 158201718qwcv (13) 158201718qwcv (14) 158201718qwcv (15) 158201718qwcv (16) 158201718qwcv (17) (1) 158201718qwcv (17) 158201718qwcv (18) 158201718qwcv (19) 158201718qwcv (20) 158201718qwcv (21) 158201718qwcv (22) 158201718qwcv (23) 158201718qwcv (24) 158201718qwcv (25)

ئه‌ڤرۆ نیوز‌:
لویگی بروگنارۆ، باژێرڤانێ باژارێ ڤێنس ل ئیتالیا فه‌رمان ل پۆلیسان كر كو هه‌ر كه‌سه‌كێ ل جهێن گه‌شتیاری ب ده‌نگه‌كێ بلند گۆتنا (الله اكبر) ببێژیت، ته‌قه‌ لێ بهێته‌ كرن، چێتره‌ ژ تۆشبوونا گه‌فا هێرشا تیرۆرستی.
ڤێنس ناڤدارترین جهێ گه‌شتیارییه‌ ل ئه‌ورۆپا، به‌ری چه‌ندین حه‌فتییان كه‌سه‌كی ل جهه‌كێ گه‌شتیاری ل بارسێلۆنا ل سپانیا ب ترۆمبێلێ دا ناڤ خه‌لكی و 15 كه‌س كوشتن، ئه‌ڤ بریارا ڤێنسێ ل گۆری گۆتنا روگنارۆ بۆ پاراستنا ئێمناهییا گه‌شتیارانه‌.

Venices-Tourism

ئەڤرۆ نیوز ، نەوزاد ھلۆری:

ب مەرەما پشتەڤانیکرن بو پرۆسەیا ریفراندۆم و سەربخوە یا کوردستانێ ، ئەڤرۆ د رێورسمەکێ ژ ھەژی دا و ب ئەنجامدانا چەند چالاکیەکێن جوراجۆر کارەساتا گوندێ تویکا ھاتە ساخکرن.

دڤی واریدا کوڤان حسێن ئێک ژ رێکخەرێن ساخکرنا کارەساتا گوندێ تویکا ل زاخۆ بۆ ئەڤرۆ نیوز گۆت: ( ئەڤرۆ د رێورسمەکێ ژ ھەژی دا کو ژلایێ لقێ ھەشتێ پارتی دیموکراتی کوردستان و دەزگەھێ شەھیدان ل زاخۆ ھاتبویە رێکخستن ب رێڤە چوو و تێدا چەندین گوتار و چالاکیێن جوداجودا ھاتنە ئەنجامدان )

زێدەتر گۆت: ( کارەساتا گوندێ تویکا کو ب دوراتیا شەش کیلومەتران دکەڤیتە رۆژھەلاتا قەزا زاخۆ ئێکبوویە ژ وان کارەساتێن دل ھەژین)
دھێتە زانین کو لرۆژا ٢٥/٨/١٩٨٨ د رۆژەکا وەکو سوبەھی دا د پلانەکا دارشتی دا ١٤ کەس ژ گوندێ تویکا ب دەستێ رژێما بەعس ھاتنە گرتن و دوڤدا ھاتنە کوشتن و ھەتا نھا ژی تەرمێن وان نەھاتینە زڤراندن ، و نھا وەکو ھێمایەک ١٤ گور بو ئەوان ئەنفالکریان ھاتینە چێکرن.

20993966_10209457653790540_2336649731651378940_n 21076498_10209457725672337_1995698157_n 21076927_10209457725712338_762231140_n 21077466_10209457654230551_6111715537366882684_n 21100285_10209457726032346_1849023593_n 21105465_10209457653750539_4908780625542394014_n

website security
WP Facebook Auto Publish Powered By : XYZScripts.com