ئەڤرۆ نیۆز،زنار تۆڤی:

هەڤسەرۆکێ پارتا دیموکراتیا گەلان هەدەپە ب ئەگەرێ مانا وی د زیندانێدا دەست ژ پۆستێ خۆ بەردا و تا نوکە چو کاندید بۆ جێگرێ وی نەهاتینە دیارکرن.

ب مەبەستا باشتر راپەراندنا کارێن وان، ئەنجوومەنێ سەرکردایەتا هەدەپێ بریارا ئەنجامدانیە سێیەمین کۆنگرێ ئاسایی یێ خۆ راگەهاند،سەرکردایەتیا وێ پارتێ پرس و راوێژا خۆ ب سەلاحەددین دەمیرتاشی هەڤسەرۆکێ هەدەپێ کریە بۆ پرکرنا پۆستێ هەڤسەرۆکی،کو زێدەتر ژ سالەکێیە د زیندانێدا.

دەمیرتاشی ئامادەیا خۆ دەربریە بۆ دەستبەرداربوونێ ژ پۆستێ خۆ و پێدان ب کەسەکێ دیتر و راگەهاندیە
ب تنێ دێ وەک ئەندامەکێ ئەنجوومەنێ سەرکردایەتیێ مینم.

ل رۆژا ‌4-10-2016 سەلاحەدین دەمیرتاش و فیگەن یوکسەکداغ هەڤسەرۆکێن هەدەپێ ل گەل دوازدە پەرلەمانتارێن دیتر یێن وێ پارتێ هاتینە گرتن.

ل دووڤ میدیایێن تورکیا، تا نوکە ئەنجوومەنێ سەرکردایەتا هەدەپێ هیچ کاندیدەک بۆ پرکرنا پۆستێ دەمیرتاشی دیارنەکرینە، بۆ ڤێ مەبەستێ ژی ل گەل رێکخستنێن باژێر و باژێرکان د کۆمبوونێن بەردەوام دانە.

ئەڤرۆ نیۆز،زنار تۆڤی:

وه‌زیرێ ده‌رڤە یێ ئه‌مریكا نیگه‌رانیا وەلاتێ خۆ ژ هێرشكرنا سه‌ر هه‌رێما كوردستانێ و شەرێ پێشمه‌رگه‌ی ده‌ربرى،داخواز ژ عه‌بادى و سه‌ركردێن عێراقێ كریە،کو روو ب ‌روو ئیرانێ راوەستن.

رێكس تیله‌رسۆن، وه‌زیرێ ده‌رڤە یێ ئه‌مریكا،د نووترین لێدوانا خۆ دا دەرباره‌ى دۆخێ عێراقێ و هەبوونا میلیشیاتێن ئیرانێ و راگه‌هاند:داخوازێ ژ عه‌بادى و سه‌ركردێن عێراقێ د‌كه‌ین، کو ب توندى روو ب وو كاریگه‌ریا ئیرانێ بن.

وه‌زیرێ ده‌رڤە یێ ئه‌مریكا،دەرباره‌ى هێرشێن میلیشیاتێن ئیرانی ب هەڤكاریا سوپایێ پاسداران و حزبولایا لوبنانى بۆ سه‌ر هه‌رێمى كوردستانێ،راگه‌هاند:ئه‌مریكا ژ‌ روو ب رووبوونا دناڤبەرا هێزێن وان و پێشمه‌رگەی‌، زۆر یا نیگه‌رانه‌.
تیله‌رسۆن پێشتر ژی داخواز ژ‌ عه‌بادى كریە، ل ‌گه‌ل نێزیكبوونا ب دوماهی هاتنا شەرێ داعش، میلیشیاتێن ئیرانێ ل عێراقێ دووربێخیت.