ئه‌ڤرۆ نیوز:
كچه‌كا دژیێ شه‌ش سالیێ دا ئه‌ڤرۆ ل مال ده‌ركه‌فتیه و هه‌تا نها نه زڤریه مال و پولیسێن دهوكێ ژى دخوازن هه‌ركه‌سێ زانیارى لسه‌ر هه‌بن په‌یوه‌ندیێ ب نێزیكترین بنگه‌هێ پولیسان بكه‌ن.
ئه‌ڤرۆ سپێدێ كچه‌كا شه‌ش سالى بناڤێ ” نورهان فه‌همى عه‌بدوللا” ژ مال ده‌ركه‌فتیه و چویه قوتابخانێ و هه‌تا نها نه‌زڤرى یه مال ، و ل گوره‌ى زانیاریێن پولیسێن دهوكێ ئه‌ڤ كچه قوتابیا رێزا ئێكێ بنه‌ره‌تى یه و هه‌ركه‌سێ زانیارى لسه‌ر هه‌بن بلا په‌یوه‌ندیێ ب هژمارا 07504834730 بكه‌ن.
ئه‌ڤرۆ نیوز ، هلورى:
ئه‌ڤرۆ سه‌رۆكێ هه‌رێما كوردستانێ ل پیرمام پێشوازێ ل بالیوزێ نویێ ئێكه‌تیا ئه‌وروپا ل عیراق و شانده‌كێ ل گه‌ل دا كر كو ژبه‌رپرسێن پشكا رۆژهه‌لاتا ناڤه‌راست و باكوێ ئه‌فریقیا ل ئێكه‌تیا ئه‌وروپا و به‌رپرسێ ئوفیسا ئێكه‌تیا ئه‌وروپا ل هه‌رێما كوردستانێ پێكهاتبوون و تێدا دانوستاندن لسه‌ر چه‌ند پرسه‌كێن هه‌رێما كوردستان و عیراق و جیهانێ كرن.
بارزانى دچارچوڤێ كومبوونا دگه‌ل وان دا دیاركر كو ئه‌وان به‌را ئه‌نجامدانا ریفراندۆمێ دوپات ل وێ یه‌كێ كربوو كو پشتى ئه‌نجام دانا ریفراندۆمێ به‌رهه‌ڤن ل گه‌ل به‌غدا دانوستاندنان بكه‌ن و گۆت: ( ئه‌م به‌رهه‌ڤین بو ئاسایكرنا هه‌موو ئه‌وان ئاریشه‌یێن كو دناڤبه‌را هه‌رێما كوردستان و عیراقێ دا هه‌یى دانوستاندنان ب ئه‌جێندایێن ڤه‌كرى بكه‌ین بێى كو مه‌رجه‌ك دناڤبه‌را مه‌دا هه‌بیت )
ژلایێ خوڤه رامون بلێكوا بالیوزێ نویێ ئێكه‌تیا ئه‌وروپا ل عیراق دیاركر كو ئه‌و سوپاسیا هه‌رێما كوردستانێ دكه‌ت بو وێ هه‌ماهه‌نگى یا به‌رده‌وام دناڤبه‌را هه‌رێما كوردستان و ئێكه‌تیا ئه‌وروپا و و هه‌لویستێ هه‌رێما كوردستانێ د خزمه‌تكرنا ئاواره‌یان ژى دا بلند نرخاند و گوت: ( ئه‌م وه‌كو ئێكه‌تیا ئه‌وروپا به‌رهه‌ڤین بو هه‌موو جوره هه‌ڤكاریه‌كا كو د چارچوڤێ نیڤده‌وله‌تى دا كو بو دانوستاندن دناڤبه‌را هه‌ولێر و به‌غدا بكه‌ین ، و دخوازین ژى كو هه‌موو ئه‌و ئاریشه‌یێن كو دناڤبه‌را هه‌ولێر و به‌غدا درۆست بوى ب دانوستاندن و گوتوبێژ بهێنه چاره‌سه‌ركرن)
ئه‌ڤرۆ نیۆز،زنار تۆڤى:
پرودۆسه‌ر و ده‌رهێنه‌ر فوكرى به‌رۆژى د هه‌ڤپه‌یڤینه‌كێ دا بۆ ئه‌ڤرۆ نیۆز دیاركر:كو هه‌تاكو نوكه وى وه‌ك پرودۆسه‌ر و نڤیسه‌ر د 18 فلمان دا كاركریه،لێ ئه‌ڤه جارا ئێكێ یه ئه‌و وه‌ك ده‌رهێنه‌ر كار د فلمێ سینه‌مایى یێ ب ناڤێ”خه‌ونه‌ك به‌رى مرنێ”دا دكه‌ت،كو ئه‌ڤ فلمه 90 خۆله‌كان یێ درێژه،هه‌روه‌سا وى ل به‌ره ب ڤى فلمى پشكداریێ دفیستیڤالێن تایبه‌ت بۆ نمایشكرنێ د بازارێن سینه‌مایى دا بكه‌ت،ب مه‌به‌ستا كرینێ و هه‌روه‌سا به‌رێ وى ل وه‌لاتێ ئه‌مریكایه.
هه‌روه‌سا گۆت ژى:دڤى فلمى دا من سیاسه‌تا وه‌لاتێ خوه ژى دڤى فلمى دا دیاركریه،هه‌روه‌سا ئه‌م شیاینه ب رێیا سینه‌مایێ په‌یاما خوه بگه‌هیینه جیهانێ و هه‌كه مه به‌رهه‌مێن سینه‌مایى یێن باشتر هه‌بن،دێ شێین سینه‌ما كوردى به‌ره‌ف سینه‌ما جیهانى ڤه به‌ین و دێ شێین به‌رێ خه‌لكێ بیانى ژى ده‌ینه سینه‌ما كوردى.
ئه‌ڤرۆ نیۆز، زنار تۆڤى:
ده‌رهێنه‌رێ سینه‌مایى و كورێ باژێرێ دهۆكێ محه‌مه‌د جانۆ بۆ ئه‌ڤرۆ نیۆز دبێژیت:هه‌ر فیستیڤاله‌كێ ل جیهانێ پێنگاڤێن خوه هه‌نه به‌ره‌ف جیهانیبوونێ و مه‌زنبوونێ،نوكه ل جیهانێ فیستیڤالێن “ئه‌ى ، بى ، سى” هه‌نه،هه‌روه‌سا هه‌ر پێنگاڤه‌ك بۆ گه‌هشتن ب فیستیڤالا ژ جۆرێ “ئه‌ى” مه‌رجێن خوه هه‌نه،نوكه فیستیڤالا دهۆكێ یا ل سه‌ر وان خالان كار دكه‌ت،ژ پێخه‌مه‌ت هندێ كو هێدى هێدى بهێته نیاسین،داكو بگه‌هینه وێ ئارمانجا مه دڤێت،كو ئه‌و ژى وه‌رگرتنا فلمێن باشه،هه‌روه‌سا هه‌كه فلمێن باش ل فیستیڤالا دهۆكێ هاتنه وه‌رگرتن،دێ ئه‌كته‌ر و سینه‌ماكار و ستێرێن جیهانى ژى یێن باش دناڤ دابن،هه‌كه ستێره‌كا جیهانى هاته فلمه فیستیڤالا دهۆكێ دێ چاڤێ راگه‌هاندنا جیهانى ژى كه‌ڤیته سه‌ر فلمه فیستیڤالا دهۆكێ و ئه‌ڤه ئێك ژ مه‌رجێن جیهانیبوونا فیستیڤالا دهۆكێ یه،ناڤهاتى گوت ژى:هنده‌ك مه‌رجێن دى بۆ پێشخستنا فیستیڤالێ دڤێن،ئه‌و ژى شێوازێ فیستیڤالێ و شێوازێ نیشاندانا فلما و شێوازێ مێهڤانا و شێوازێ وان په‌نه‌ل و دانوستاندنا نه یێن كو ل سه‌ر ماسته‌ر كلاسێ دهێنه گوتن،دیسا چه‌ندین خاسله‌تێن دى هه‌نه،ژ پێخه‌مه‌ت فیستیڤال بگه‌هیته ئاسته‌كێ بلند،لێ نوكه ل سه‌ر هه‌ر چار پارچێن كوردستانێ فلمه فیستیڤالا دهۆكێ ئێكه‌مین فیستیڤاله،كو ل سه‌ر ئاستێ جیهانى دهێته كرن،كو شیایه باشترین فلمێن ل ده‌ردورێن مه و یێن وه‌لاتێن جیهانى ژى وه‌ربگریت،دیسا ل سالێن ده‌ستپێكێ مه فۆكس دانابوو سه‌ر فلمێن فرنسى و ئیسپانى و ئه‌ڤ ساله فۆكسا فیستیڤالێ ل سه‌ر فلمێن كوریا باشۆر بوو،كو كوریا باشۆر ژى ئێك ژ باشترین وه‌لاتێن چێكه‌رێن فلمانه ل ئاسیا.
محه‌مه‌د جانۆ هێشتا دبێژیت:ستافێ فلمه فیستیڤالێ دهۆكێ یا هه‌موو شیانێن خوه ب كار دئینیت،ژ پێخه‌مه‌ت بگه‌هیته قۆناغێن باش د نێزیكترین ده‌مدا،هه‌روه‌سا ب بورینا ده‌مى دێ فیستیڤالا دهۆكێ گه‌هیته وێ قۆناغا مه دڤێت و دێ به‌ره‌ف جیهانیبوونێ ڤه چیت،هه‌روه‌سا ئه‌ڤه دو مه ساله پشكا نووهات ڤه‌كریه،كو ئه‌ڤ پشكه بۆ وان گه‌نجانه یێن كو نوو هاتینه دناڤا مه‌یدانا سینه‌مایێ دا،ئه‌ڤ ساله مه دو وركشۆپ ڤه‌كربوون،سه‌باره‌ت نڤێسین و به‌رهه‌مئینانا سینه‌مایێ،ئه‌ڤ پشكه زۆر یا گرنگه بۆ گه‌نجان،ژ پێخه‌مه‌ت مێشكێ وان بهێته ڤه‌كرن و به‌رده‌وامیێ بده‌نه كارێن سینه‌مایى.
هێشتا دبێژیت:نوكه بناغێ سینه‌مایێ ل دهۆكێ یێ هاتیه دانان،ژبه‌ركو مه فلمێن سینه‌مایى هه‌نه،هه‌روه‌سا دهۆك شیایه ب سترێن خوه‌ڤه،هه‌بوونا خوه د سینه‌مایا جیهانى دا بده‌نه نیاسین و كورێن ڤى باژێرى هه‌بوونا خوه سه‌لماندیه،سینه‌ماكارێن دهۆكێ شیاینه پره‌كێ دناڤبه‌را خوه و جیهانێ دا دروست بكه‌ن،هه‌روه‌سا دهۆك بوویه هیڤیه‌كا مه‌زن بۆ سینه‌مایا كوردى،نوكه دهۆك شیایه گه‌له‌ك ده‌ستکه‌فتان بده‌ست خوه‌ڤه بینیت،ئێك ژ وان ژى دانانا فلمه فیستیڤالا دهۆكێ یه.
هەروەسا دیاركر ژى:هه‌ر ده‌رهێنه‌ره‌كێ هیڤیه‌كا هه‌ى و چو جاران ده‌رهێنه‌ر راناوه‌ستن و نوكه چه‌ندین كارێن باش یێن سینه‌مایى ل به‌ر ده‌ستێ من هه‌نه،دیسا مه ل به‌ره ل سالێن داهاتى دا كارێن گه‌له‌ك باشتر بكه‌ین و دێ به‌شێن فلمه فیستیڤالێ به‌رفره‌هتر لێ كه‌ین.
ئەڤرۆ نیوز:
ئونای ئیمری راھێنەرێ یانا پاریس سان جێرمان یا فرەنسی ژ دەستپێکا ڤێ ھەیڤێ کەفتیە د قەیرانەکا مەزن یا ھونەری و یاریزان دا.
روژناما لیکیپ یا فرەنسی ئاماژەکریە کو راھێنەر ئیمری ھژمارەکا مەزنا یاریزانێن سەرەکی یێن تیمێ ژ دەست داینە ب ئەگەرا ھنگافتنێن جودا و ڤێ زنجیرا ھنگافتنا ژ یاریزان خافییر باستوری دەستپێکریە ئەوێ بەرب وەلاتیێن ئێکگرتی یێن ئەمریکی چوی پێخەمەت چارەسەریا ھنگافتنا خوە یا مژەوی و دووڤدا یاریزانێ ھێلا ناڤین تیاگو موتا ژلایێ راھێنەرێ ھەلبژارتیێ فرەنسا ھاتیە دوورخستن بو یاریێن ھەمبەر بولگاریا و بیلا روسیا ب ئەگەرا ھنگافتنێ بەری قەیران زێدەتر لێ بھێت ل گەل ھنگافتنا یاریزانێ بەرازیلی یێ ھێلا بەرەڤانیێ تیاگو سیلڤا د یاریا ھەمبەر ھەلبژارتیێ بولیڤیا ژ ڤاڤارتنێن دەربازبونێ بو موندیالا ٢٠١٨ ل روسیا.
زێدەتر یا چاڤەرێکری یھنگافتنان ئاستەنگ بو ئیمری دروستکرینە
ئەڤرۆ نیوز:
ئونای ئیمری راھێنەرێ یانا پاریس سان جێرمان یا فرەنسی ژ دەستپێکا ڤێ ھەیڤێ کەفتیە د قەیرانەکا مەزن یا ھونەری و یاریزان دا.
روژناما لیکیپ یا فرەنسی ئاماژەکریە کو راھێنەر ئیمری ھژمارەکا مەزنا یاریزانێن سەرەکی یێن تیمێ ژ دەست داینە ب ئەگەرا ھنگافتنێن جودا و ڤێ زنجیرا ھنگافتنا ژ یاریزان خافییر باستوری دەستپێکریە ئەوێ بەرب وەلاتیێن ئێکگرتی یێن ئەمریکی چوی پێخەمەت چارەسەریا ھنگافتنا خوە یا مژەوی و دووڤدا یاریزانێ ھێلا ناڤین تیاگو موتا ژلایێ راھێنەرێ ھەلبژارتیێ فرەنسا ھاتیە دوورخستن بو یاریێن ھەمبەر بولگاریا و بیلا روسیا ب ئەگەرا ھنگافتنێ بەری قەیران زێدەتر لێ بھێت ل گەل ھنگافتنا یاریزانێ بەرازیلی یێ ھێلا بەرەڤانیێ تیاگو سیلڤا د یاریا ھەمبەر ھەلبژارتیێ بولیڤیا ژ ڤاڤارتنێن دەربازبونێ بو موندیالا ٢٠١٨ ل روسیا.
زێدەتر یا چاڤەرێکری یە یانا پاریس سان جێرمان شیانێن یاریزانێ خوە یێ ھێلا ناڤین یێ ئیتالی مارکو فیراتی ژی د ھەردو یاریێن ھەمبەر ئەندرلخت یا بەلجیکی د قارەمانیا ئوروپا دا و ل یاریا ھەمبەر دیگو ل خولا فرەنسا ژ دەست بدەن.
ە یانا پاریس سان جێرمان شیانێن یاریزانێ خوە یێ ھێلا ناڤین یێ ئیتالی مارکو فیراتی ژی د ھەردو یاریێن ھەمبەر ئەندرلخت یا بەلجیکی د قارەمانیا ئوروپا دا و ل یاریا ھەمبەر دیگو ل خولا فرەنسا ژ دەست بدەن.
ئه‌ڤرۆ نیوز:
ئه‌ڤرۆ سپێدێ ل سنوورێ ده‌ڤه‌را بناڤ (گراو ) هژماره‌كا چه‌كداره‌كێن داعش ب بهانه‌یا خوه راده‌ستكرن بو هێزێن پێشمه‌رگه‌ى ، شه‌ر و په‌ڤچون دناڤبه‌را پێشمه‌رگه‌ى و داعشێ درۆست بوو و د ئه‌نجام دا هێرشا داعش هاته ژناڤبرن و هه‌موو چه‌كدارێن داعش هاتنه كوشتن.
ل گوره‌ى زانیاریێن ئه‌ڤرۆ نیوز ئه‌ڤرۆ هژماره‌كا چه‌كداره‌كێن داعش ب بهانه‌یا خوه راده‌ستكردن بو هێزێن پێشمه‌رگه‌ى هێرش بو سه‌نگه‌رێن پێشمه‌رگه‌ى ل ده‌ڤه‌را گراو كر ، پشتى شه‌ره‌كێ گران د ئه‌نجام دا هێزێن پێشمه‌رگه‌ى هێرشا داعشێ شكاندن و هه‌موو ئه‌و چه‌كدار ژى كوشتن ، به‌لێ ب مخابنیڤه پێشمه‌رگه‌یه‌ك ژى هاته شه‌هیدگرن.
ئەڤرۆ نیوز:
جیروم بواتینگ بەرەڤانێ یانا بایرن میونخ یا ئەلمانی دوپاتکر کو دامەزراندنا یوب ھاینکس وەکو راھێنەرێ یانا بایرن میونخ ل شوونا یێ ئیتالی کارلو ئەنشلوتی باشترین چارەسەریە د ڤی دەمێ نوکە دا پێخەمەت دوبارە رێکخستنا ناف مالیا یانا ئەلمانی.
ھاینکس رازیبویە ل بریارا خوە یا دەستبەردانێ ژ ئەرکێ راھێنەریێ ڤەگەریایە و بو جارا چارێ ئەرکێ راھێنەریا یانێ وەربگریت حەتا ب دووماھی ھاتنا وەرزێ نوکە بەروەخت و دووڤدا بمینت راھێنەر بو وەرزێ بھێت ھەکە رازیبون ھاتە وەرگرتن.
زێدەتر بواتینگی دداخویانەکێ دا بو روژناما بێلد یا ئەلمانی خویاکر کو ھاینک راھێنەرەکێ مەزنە و ئەو ل وێ باوەریێ یە چو راھێنەر ژ وی باشتر نینن د ڤی دەمی دا ئەرکێ راھێنەریا یانێ وەرگرن و زێدەتر ئەو باش بارودوخێ یانێ دزانیت و پرانیا یاریزانان ژی دنیاسیت و جھێ رێزگرتنا کارگێری و یاریزان و جەماوەری یە.
ژلایێ خوەڤە ماتس ھومیلز بەرەڤانێ یانێ خوشحالیا خوە ب ھاتنا ڤی راھێنەری دیارکر و ئەو چەندە ژی نە ڤەشارت گوھداریا خالێن سەرکەفتنا ڤی کەساتیی بویە و ھەمو ل ناڤا یانێ ب دامەزراندنا وی دخوشحالن.
ئه‌ڤرۆ نیوز ، هلورى:
فلمێ ره‌شه‌با كو ژ ده‌رهێنانا هونه‌رمه‌ند و سینه‌ماكار “حسێن حه‌سه‌ن”ـه ، دێ ب نونه‌راتیا عیراقێ پشكداریێ د ڤیسته‌ڤالا جیهانى بو ب ده‌ستڤه‌ئینانا خه‌لاتێ ئوسكارێ كه‌ت كو ئێكه‌ژ بناڤ و ده‌نگترین خه‌لاتێن سینه‌مایى ل جیهانێ.
دڤى واریدا ” شینوار كه‌مال ” هاریكارێ ده‌رهێنه‌رێ فلمێ ره‌شه‌با بو ئه‌ڤرۆ نیوز گۆت: ( پشتى كو فلمێ ره‌شه‌با ل به‌غدا و چه‌ند ڤیسته‌ڤاله‌كێن دن هاتیه نمایشكرن و خه‌لاتێن مینا باشترین فلم ل مانهایم ل ئه‌لمانیا و باشترین فلم ل ئوسترالیا و خه‌لاتی یونسكو و بویه نونه‌ری یونسكو ل سه‌رانسه‌رێ جیهانێ ، و خه‌لاتێ باشترین فلم دوبه‌ى و باشترین ئه‌كته‌ر ل ئه‌مریكا و چه‌ندان خه‌لاتێن دن. ده‌ستخوڤه ئینایى ، دنهادا وه‌كو نونه‌را عیراقێ هاتیه ده‌ستنیشانكرن بو پشكداریكرن د ڤیسته‌ڤالا جیهانى دا بو ب ده‌ستڤه ئینانا خه‌لاتێ ئوسكار ل ئه‌مریكا و فلمێن هه‌موو جیهانێ ژى د به‌ریكانى دا پشكدارن)
زێده‌تر گۆت: ( فلمێ ره‌شه‌با ل سالا 2016 هاتیه چێكرن و به‌رهه‌مێ كومپانیا میتوس فلم یا ئه‌لمانى یه و ل سیناریویا ئه‌كتاش و حسێن حه‌سه‌ن و ده‌رهێنانا كورێ پارێزگه‌ها دهۆك حسێن حه‌سه‌نه و هه‌ر ئێك ژ ئه‌كته‌ران ” شاهباز ، دیمه‌ن زندى ، مریه‌ك بوبانى و عادل عه‌بدولره‌حمان ” رولێ سه‌ره‌كى تێدا دبینن و چێروكا فلمى ژى لسه‌ر كاره‌ساتا شنگال و هاتنا داعشێ یه بو ده‌ڤه‌رێن ئێزدیان و شنگالێ)
ئەڤرۆ:
وەزیرێ ڤەگوھاستن و پەیوەندیان یێ حوکمەتا ھەرێما کوردستانێ ئەو نووچە رەت کر کو ھندەک سازیێن راگەھاندنا ناڤخۆیی بەلاڤکرین، کو حوکمەتا ھەرێمێ وەکو کارڤەدانەک ھەمبەری سزایێن عیراقێ داناینە سەر کوردستانێ دێ ئەنترنێتێ ژ پارێزگەھێن عیراقێ بڕیت.
مەولوود باوە موراد وەزیرێ ڤەگوھاستن و پەیوەندیان یێ حوکمەتا ھەرێما کوردستانێ خویا کر، تشتەکێ ب ڤی ئاوایی نینە و ب تنێ پرۆپاگندەنە و ژ ئالیێ عیراقێ ب خوەڤە ھاتییە دروستکرن و گۆت: حوکمەتا ھەرێما کوردستانێ ھیچ پێنگاڤەکا ب ڤی شێوەیی ناھاڤێت و ھیچ نیازەکا وەسا ژی نینە.
بەریا نھا سازیێن راگەھاندنا ناڤخۆیی ژ زارێ رێڤەبەرێ پەیوەندیان ل ئۆفیسا سەرۆکێ ھەرێما کوردستانێ بێی پشتراست بکەن بەلاڤ کربوو، وەکو کارڤەدانا سزایێن ل سەر ھەرێمێ ھاتینە سەپاندن حوکمەتا ھەرێمێ دێ ئەنترنێتێ ژ عیراقێ بڕیت.
عیراق بۆ پەیوەندیان گرنگیێ ل سەر کوردستانێ دکەت و ل گۆر رێکەفتنەکێ دگەل بەغدایێ کۆمپانیا (IQ نتۆرکس) مۆلەتا کارکرنێ ب دەست خوەڤە ئینایە و بنگەھێ وێ ل ھەولێرێ یە و ل گۆر رێکەفتنێ مافێ نووکرنا 15 سالان ھەیە.
ئه‌ڤرۆ نيوز:
رێڤەبەرێ پاسپۆرتان ل پارێزگەھا دھۆکێ دیار کر،پشتی بۆ ماوێ دو حەفتیان ژلایێ بەغداڤە ھاتینە راگرتن، جارەکادی و ب شێوەکێ ئاسایێ دەست ب دەرێخستنا پاسپۆرتان ل دھۆکێ ھاتە کرن.
نەوزاد بۆتی، رێڤەبەرێ پاسپۆرتان ل پارێزگەھا دھۆکێ دیار کر، بەری دو حەفتیان بەغدا دەرێخستنا پاسپۆرتان راگرت بوو، لێ پشتی چەندین بزاڤ ھاتینەکرن، ل پینج شەمبیا بۆری بەغدا رازی بوو جارەکا دی دەرخستنا پاسپۆرتان بۆ وەلاتیان دەست پێ بکەت و گۆت “دوھی 8/10 کارێ دەرخستنا پاسپۆرتان ل دھۆکێ دەست پێ کر و ھەکە گرفتێن تەکنیکی دروست نەبن رۆژانە 500 ھەتا 600 مامەلێن پاسپۆرتان ل دھۆکێ دێ ھێنە وەرگرتن”.
رێڤەبەرێ پاسپۆرتان ل پارێزگەھا دھۆکێ گۆت ھندەک جاران ئاریشێن تەکنیکی د ناڤبەرا مە و بەغدایێ دا بۆ دەرخستنا پاسپۆرتان دروست دبن، وەکو ئاریشێن شوون تبلان و سیستەمێ وەرگرتنا پاسپۆرتان ل بەغدا، بەروڤاژی ھەکە ئەو ئاریشێن تەکتیکی نەبن دەرخستنا پاسپۆرتان دێ یا بەردەوام بیت.
نيشاندان