ئەڤروو نیوز: سەباح زھێر زێباری:
ھەتا نھا ل ھەرێما کوردستانێ چوو قانوون نینن کو کارێ ھەلبژێرێن گوند و تاخان ب حکومەڤێ ڤە گرێدەت ، ئەندامەکێ پەلەمانێ کوردستانێ ژی دیاردکەت کو پێدڤی یە حکومەت سەرەدەریا ل گەل ھەلبژێران وەکو فەرمانبەرەکێ حکومەتێ بکەت.
“بەھزاد زێباری” ئەندام پەرلەمانێ کوردستانێ دیارکر کو پێدڤی یە ھەلبژێرێن گوند و تاخان ل گورەی سیستەمەکێ دیموکراسی و ئازادانە ژلایێ وەلاتیێن وان بھێنە دیارکرن و بۆ ئەڤرو نیوز گۆت: (ل گورەی قانونێ ئەنجومەنێ قەزا و ناحیان دڤێت بھێتە دانان ، بوتاخ و گوندان ژی دڤێت ھەلبژاردن بھێنەکرن واتە کەسەک بھێتە ھەلبژاردن وەکو ھەلبژێرێ گوندی ، بەلێ ھەتا نھا ئەنجومەنێن قەزا نەھاتینەکرن و یێن ناحیان ژی نەھاتینە پەسەندکرن و چوو قانون ژی نینن کو ھەلبژێرێن تاخ و گوندان ب رێڤە ببەت، ئەڤە سەرەرای کو پەرلەمانێ کوردستانێ خواندنا ئێکێ بو ڤێ یەکێ کریە )
زێدەتر گۆت: (پشتی سەرھلدانا بھارا سالا ١٩٩١ ھەتا نھا ھەلبژێرێن گوند و تاخان ھەنە ، سەرەرای کو نھا ھەلبژێر ئێکسەر سەر ب قەزا و ناحیان ڤە نە ، بەلێ پتر پارت و لایەنێن سیاسیێن ھەرێمێ ھەر ئێک د سنوورێ کارگێریێ خوە دا بو بەرژەوەندیێن خوەیێن سیاسی بکاردئینن ھەتا خوە ھەلبژێر ھەبوویە پروپاکندێن ھەلبژاردنێن لیستێن حزبێن سیاسی کرینە ، ب دیتنا من ئەگەر قانونەک ھەبایە کو ھەلبژێرێن تاخ و گوندان وەکو فەرمانبەرێ حکومەتێ دەستنیشانکربایە دا پتر رێکخستن کەفیتە کارێ وان و ئەو ژی دا پتر بو بەژەوەندیێن خەلکی چن و گل و گازندێن وان درۆست گەھینن)
ئەندامێ پەرلەمانێ کوردستانێ دیارکر ژی کو پێدڤی یە موچەک ژلایێ حکومەتێ بو ھەلبژێرێن تاخ و گوندان بھێتە ڤەبرین و گۆت ژی : (رولێ ھەلبژێرێن گوند و تاخان گەلەک گرنگە و پێدڤی یە حکومەت خەمەکا مەزن دڤی واریدا بخوت و سیستەمەکێ بو کارکرنا وان بدانیت ب تایبەتی ژی کو کارێ وان پتر گەھاندنا گل و گازندێن وەلاتیان بیت ل بارا دابینکرنا خزمەتگوزاریان بۆ ئەوان تاخ و گوندان )
بەھزاد زێباری :چوو قانون نینن بو رێکخستنا کارێ ھەلبژێرێن گوند و تاخان
نيشاندان
