ئەڤرۆ نیۆز،زناز تۆڤی:
ئەڤ شەڤە 18.9.2017 ب پشتەڤانیا کۆمپانیا کار گرۆب کەرنەڤالەکا مەزن و ب بەرهەڤبوونا هژمارەکا زۆر ژ پەرلەمانتار و بەرپرسێن حزبی و حکومی و جەماوەرەکێ زۆر هاتە سازکرن،سەربەست تروانشی بەرپرسێ لقێ ئێک یێ پارتی دیمۆکراتی کوردستان پەیڤەک پێشکێشکر ل سەر ریفراندۆما سەرخوەبوونا کوردستانێ،د هەمان دەمدا سترانبێژان حەسەن شەریف و رێکێش سەیرانی و نازدار جزیری و ئیسماعیل جومعەی ب سترانێن خوە کەرنەڤال ب رەوش ئێخست.
ئه‌ڤرۆ نیوز ، نه‌وزاد هلۆرى:
گه‌نجه‌كێ گوندێ بالندا كو ل شێلادزێ وه‌كو ده‌نگده‌ر هاتیه توماركرن بو پشكداریكرنا د ریفراندۆما سه‌ربخوه‌ى یا كوردستانێ دبیته بچوكترین ده‌نگده‌ر لسه‌ر ئاستێ هه‌رێما كوردستان و پارێزگه‌ها دهۆكێ كو تنێ سێ رۆژ مابوون بهێته بێبه‌هه‌كرن ژمافێ ده‌نگدانێ ، و ئه‌و دده‌تن دیاركرن دێ ب به‌لێ ده‌نگى بو سه‌ربخوه‌ى یا كوردستانێ ده‌تن.
دڤى واریدا “هه‌لمه‌ت ئیبراهیم بالندى “دیاركر كو ل گوره‌ى بنگه‌هێ توماركرنا ناڤێن ده‌نگده‌ران ل شێلادزێ ئه‌ز دبمه بچوكترین ده‌نگده‌ر لسه‌ر ئاستێ پارێزگه‌ها دهۆك و بۆ ئه‌ڤرۆ نیوز گۆت: ( ئه‌ز ل رێكه‌فتى 28/12/1999 ژ دایكبوویه واته بتنێ سێ رۆژ مابوون كو بهێمه بێ به‌هركرن ژ مافێ ده‌نگدانێ ژبه‌ركو ل گوره‌ى تومارا كومسیوونێ ئه‌و كه‌سانێن كو گه‌هشتینه سالا 2000 دكارن ده‌نگێ خوه بده‌ن و سوپاس بو خودێ ئه‌ز ژى وه‌كو ده‌نگده‌ر هاتمه قه‌بلوكرن )
زێده‌تر گۆت: ( من بریاردایه كو رێكه‌فتى 25/9/2017 بچمه سه‌ر سندوقێن ده‌نگدانى و ب به‌لێ ده‌نگى بو سه‌ربخوه‌ى یا كوردستانێ بده‌م ژبه‌ركو ده‌نگدان بو سه‌ربخوه‌ى یا كوردستانێ مافه‌كێ سرۆشتى و نیشتمانیێ مه‌یه و چو په‌یوه‌ندى ب لایه‌نێن سیاسى ڤه نینه)
ئه‌ڤرۆ نیوز ، نه‌وزاد هلۆرى:
به‌رپرسه‌كێ گۆڕان درێیا نامه‌یه‌كا درێژدا ده‌ست كاركێشانا خوه ژ گۆڕانێ راگه‌هاند و ئه‌گه‌را سه‌ره‌كى ژى دزڤریت بو پشتگوه هاڤێتنا وى ژلایێ گۆڕانێ و گرنگ وه‌رنه‌گرتنا گۆڕانێ بو پرسا ریفراندۆمێ.
رێباز حه‌ملان كو پوستێ وه‌زیرێ دارایێ و ئابووریێ حكومه‌تا هه‌رێما كوردستانێ لسه‌ر پشكا گۆڕانێ هه‌یه دنامه‌یه‌كا دویر و درێژدا ده‌ستكاركێشانا خوه ل گۆڕانێ راگه‌هاند و دده‌تن دیاركرن كو ئه‌وى چه‌ندین پرۆژه‌یێن گرنگ پێشكێشى گۆڕانێ كرینه به‌لێ به‌رسڤا وى نه‌هاتیه‌دان.
دپشكه‌كا دن یا ناما ده‌ستكاركێشانا خوه دا حه‌ملان دده‌تن دیاركرن كو گۆڕان ل چه‌ند پرسه‌كێن گرنگ یێن گرێداى دوزا نه‌ته‌وه‌ى و نیشتمانى پشتگوه ڤه هاڤێتینه مینا پروسه‌یا ریفراندۆم بۆ سه‌ربخوه‌ى یا كوردستانێ و لادانا گۆڕان ل هه‌موو بابه‌تێن گرێداى ب پرۆسه‌یا سیاسى ڤه.
د پشكه‌كا دن یا ئاخفتنێن خوه دا دوپات دكه‌ت كو ئاپورایێن جه‌ماوه‌رێن كوردستانێ و ره‌ڤه‌ندا كورد ل ده‌رڤه نیشانێن وێ یه‌كێ نه كو گه‌لێ كوردستانێ ل گه‌ل پروسه‌یا ریفراندۆمێ نه ، ژ ئه‌ڤرۆ وێڤه من چوو په‌یوه‌ندى ب گورانێ ڤه نه‌مان و ئه‌ڤ یه‌ك ژى دپێناڤ قوربانیدان و خوینا شه‌هیدان و روحا بابێ خوه‌یێ پێشمه‌رگه و خه‌باتكاره.
ئه‌ڤرۆ نیوز ، هلۆرى:
وه‌زیرێ به‌ره‌ڤانیا بریتانیا ل گه‌ل شانده‌كێ گه‌هشتنه هه‌ولێر و ژلایێ سه‌روكى حكومه‌تا هه‌رێما كوردستانێ هاته پێشوازیكرن.
مایكل فالن وه‌زیرێ به‌ره‌ڤانیا بریتانیا ب هه‌ڤالینیا شانده‌كێ گه‌هشته هه‌ولێرێ و ژلایێ نێچیرڤان بارزانى هاتیه پێشوازیكرن و وه‌سا بریار كو ل گه‌ل سه‌رۆكى َهه‌رێما كوردستانێ كوم ببیت و دانوستاندنێ لسه‌ر چه‌ند پرسه‌كێن گرنگ بكه‌ن.
ئەڤرۆ نیۆز،زناز تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونێ ل پارێزگەها دهوکێ بۆ ئەڤرۆ نیۆز دیارکر:کو د روودانەکا ترافیکێ دا ل سەر رێیا بەردەرەش سێ کەسان گیانێ خوە ژ دەستدایە.
ناڤهاتی گۆت ژی:ئەڤرۆ دوشەمبی 18.9.2017 و ل دەمژمێر 11:30 سپێدێ و ل سەر ریێا دناڤبەرا قەزا بەردەرش و ناحیا کەلەک دا و ل ناڤ گوندێ گردەپان دو ترومبێلا لێکدا و د ئەنجامدا ۳ کەسان گیانێ خوە ژ دەستدایە و دیارکر ژی:دڤێ روودانێ دا زیانێن ماددی ژی گەهشتینە وان ترۆمبێلان.
ئەڤرۆ نیۆز،زنار تۆڤی:
سەرۆک وەزیرێن هەرێما کوردستانێ نێچیرڤان بارزانی ریفراندۆما سەرخوەبوونێ ب مافێ کوردستانیان ناڤ کر و راگەهاندیه کو کوردان هند قوربانی داینە کو مافێ دیارکرنا چارەنڤێسێ خوە هەبیت.
نێچیرڤان بارزانی د دیدارەکا تایبەت دا بۆ کەنال رووسیا تودەی راگەهاندیە:ک هەلویستێن نێڤدەولەتی یێن جودا دەربارەی ژڤانێ ریفرندۆمێ هەنە،لێ ئەو پرۆسە ناهێتە پاشخستن و ژڤانێ وێ ژ لایێ کۆمیتەیا بلند یا ریفراندۆمێ ڤە هاتیە دانان و دێ ل دەمێ خوە دا هێتە کرن.
نێچیرڤان بارزانی هەروەسا گۆتیە: کوردان ب درێژیا مێژوویێ گەلەک قوربانی داینە و چو دەمان نەبووینە گەف ل سەر چو پێکهاتەیێن دەڤەرێ، لەورا وان ماف هەیە چارەنڤێسێ خوە دیار بکەن و هەروەسا گەرەنتیا پاراستنا هەموو پێکهاتەیێن دناڤ کوردستانێ ژی دا.
دەربارەی دەڤەرێن ڤەقەتیای ژی ب تایبەت کەرکووکێ نێچیرڤان بارزانی گۆت: پرسا وان دەڤەران تایبەتیا خوە هەیە، ژبەر کو کورد، عەرەب، تورکمان و هەروەسا گەلەک پێکهاتەیێن دی یێن ئۆلی و نەتەوەیی د وان دەڤەران دا دژین، لێ بریارا دوماهیێ دەربارەی وان، گرێدای حکومەتێن هەولێر و بەغدا نابیت، بەلکو خەلکێ وان دەڤەران دێ بریارا خوە دەت.
ئه‌ڤرۆ نیوز ، هلۆرى:
نێچیرڤان بارزانى د چارچوڤێ دانوستاندنه‌كا تایبه‌ت دا لگه‌ل ئاژانسا نوچه‌یى یا روسیا دیاركر كو ئه‌وان ب روونى گوتیه نونه‌رێ ئه‌مریكا كو ده‌ما ریفراندۆمێ یێ گونجایه و هه‌تا نها ژى چوو بریار نینن بو پاشئێخستنا ریفراندۆمێ.
نێچیرڤان بارزانى سه‌رۆكێ حكومه‌تا هه‌رێما كوردستانێ دیاركر ژى كو هه‌تا نها چوو بریار نینن بو پاشئێخستنا پروسه‌یا ریفراندۆما سه‌ربخوه‌ى یا كوردستانێ و ده‌ما كو ماركگورگ سه‌ره‌دانا هه‌رێما كوردستانێ ژى كرى مه ب روونى بو وى دیاركر كو ده‌ما ریفراندۆمێ گونجایه)
زێده‌تر گۆت: ( لژنا بلند یا ریفراندۆمێ هاتیه‌دروستكرن بو سه‌رپه‌رشتیكرن و سه‌روكایه‌تیكرنا پرسا ریفراندۆمێ و ئه‌و دێ بریارێ لسه‌ر ریفراندۆمێ ده‌ن و بریار ژى بتنێ ئه‌وه كو ریفراندۆم لرۆژا 25 ئیلونێ بهێته ئه‌نجامدان و ئه‌مریكا ژى ئه‌ڤێ یه‌كێ دزانیت)
ئه‌ڤرۆ نیوز ، نه‌وزاد هلۆرى:
وه‌سا بریاره كو ئه‌ڤرۆ ل قه‌زا شێخان و سوبه‌هى ژى ل ناحیا مانگێش و پاركا ئازادى یا دهۆك كه‌رنه‌ڤالێن پشته‌ڤانیا ریفراندۆم بۆ سه‌ربخوه‌ى یا كوردستانێ ب رێڤه‌بچن.
كه‌رنه‌ڤالا قه‌زا شێخان كو بریاره ئه‌ڤرۆ ب رێڤه بچیت دێ ل پاركا شێخان ل ده‌مژمێر 4:30ێ ئێڤارى هێته ئه‌نجامدان و هه‌ردوو هونه‌رمه‌ندان نازدار جزیرى و حاجى زاخوى دێ پشكداربن.
هه‌ردو كه‌رنه‌ڤالێن پشته‌ڤانیا ریفراندۆمێ بۆ سه‌ربخوه‌ى یا كوردستانێ كو دێ ل پاركا ئازادى و ناحیا مانگێشك هێنه ئه‌نجامدان دێ بڤى ره‌نگى بیت
كه‌رنه‌ڤاله‌كا سه‌ربخوه‌ى یا كوردستانێ سوبه‌هى ده‌مژمێر 5:00 ئێڤارى ل پاركا ئازادى هێته ئه‌نجامدان كو دێ ژلایێ ئێكه‌تیا ئافره‌تێن كوردستانێ و ئه‌نجومه‌نا پارێزگه‌ها دهۆك سه‌رپه‌رشتیێ بو كه‌ن.
كه‌رنه‌ڤاله‌كا دن یا سه‌ربخوه‌ى یا كوردستانێ سوبه‌هى ده‌مژمێر 4:00 ئێڤارى ژلایێ عه‌شیره‌تا دوسكى یا هێته ئه‌نجامدان ل ناحیا مانگێشك و مێهڤانێن كه‌رنه‌ڤالێ ژى هه‌موو داخوازكرینه بو خوارنا شیڤێ.
ئه‌ڤرۆ نیوز ، نه‌وزاد هلۆرى:
ریفراندۆم چوو بهێته‌كرن یان ژى نه‌هێته‌كرن ژ دوزه‌كا نافخوه‌ى بویه دوزه‌كا جیهانى و ل ئاستێ جڤاكێ نیڤده‌ولى سه‌ره‌ده‌رى ل گه‌ل دهێته‌كرن ، مافێ ریفراندۆمێ بو گه‌لێ كوردستانێ دێ هه‌ر مینیت ، ئه‌ڤه زێده‌بارى كو دێ گه‌رنتیه‌ك ژى بو هێته‌دان و كورد تنێ دێ ل ژڤانێ ده‌مه‌كێ دن بن.
رێبین فه‌تاح نڤیسه‌ر و رۆژنامه‌ڤان ل هه‌ولێرێ دیاركر زێده‌بارى كو ب سه‌ده‌مێن جوداجودا لایه‌نێن سیاسیێن كوردستانێ كوده‌نگ ژى نه‌بن دێ مه‌ترسى كێمتربن ، و بۆ ئه‌ڤرۆ نیوز گۆت: (ریفراندۆم چوو بهێته‌كرن یان ژى نه‌هێته‌كرن ژ دوزه‌كا نافخوه‌ى بویه دوزه‌كا جیهانى و ل ئاستێ جڤاكێ نیڤده‌ولى سه‌ره‌ده‌رى ل گه‌ل دهێته‌كرن ، ئه‌ڤه سه‌ره‌راى كو لایه‌نێن سیاسیێن كوردستانێ ب سه‌ده‌مێن ژێكجودا ژى د درۆستكرنا بریارا ریفراندۆمێ ئێك ده‌نگ ژى نه‌بن ، به‌لێ نها ده‌رفه‌تا وێ یه‌كێ هاتیه پێش كو ل ده‌رڤه‌یێ ناكوكیێن خوه هه‌موو لایه‌ن پشكداریێ د جێگره‌ڤا دوزا كوردان ژ بوو ریفراندۆمێ ل سه‌ر ئاسته‌كێ نیڤده‌وله‌تى بكه‌ن)
زێده‌تر گۆت: ( پێدڤى یه سه‌ركرداتیا سیاسیا كوردستانێ د درۆستكرنا گه‌رنتیه‌كێ دا یان به‌لگه‌نامه‌یه‌كا نیڤده‌وله‌تى لسه‌ر دوزا كوردان ل ئاستێ نه‌ته‌وه‌یێن هه‌ڤگرتیێن ئه‌مریكا و ئه‌نجومه‌نا ئاسایشا نیڤده‌وله‌تى بكه‌ن ، ئه‌گه‌ر دوزا كوردان دڤێ ئاستێ نیڤده‌وله‌تى دا جێهگرت ب وى ره‌نگى كو مافێ دانپێدانا ریفراندۆمێ ل ده‌مه‌كێ دن ژى بهێته‌كرن ل ڤێره دیاردبیت كو دوزا كوردان پێنگاڤه‌كا مه‌زن بریه و ب پشتراستى دوى ده‌مى دا مه‌ترسى لسه‌ر ئاستێ عیراق و وه‌لاتێن ده‌ڤه‌رێ دێ ب داوى هێن وگه‌لێ كوردستانێ ژى زور ب ساناهى دكاریت ب رێیا ریفراندۆمێ مافێن خوه‌یێن چاره‌نڤیساز ده‌ستخوڤه بینن)
نڤیسه‌ر و رۆژنامه‌ڤانێ ناڤبرى دیاركر ژى كو ئه‌گه‌ر لایه‌نێن سیاسیێن كوردستانێ ئه‌ڤ یه‌ك مسوگه‌ر كر ل وى ده‌مى یا گرنگتر ژ ئه‌نجامدانا ریفراندۆمێ دنهادا ب ده‌ستخوڤه ئینا و گۆت ژى: (مافێ ریفراندۆمێ بو گه‌لێ كوردستانێ دێ هه‌ر مینیت ، ئه‌ڤه زێده‌بارى كو دێ گه‌رنتیه‌ك ژى بو هێته‌دان ، به‌لكو تنێ دێ وه‌ختێ بجهكرنا وێ گورانكارى ب سه‌ردا هێن)
ئه‌ڤرۆ نيوز:
بۆ جارا ئێكێ ل هه‌رێما كوردستانێ كۆمسيۆنا بلندا هه‌لبژارتن و راپرسيێ ل هه‌رێمێ بڕياره‌ك دا كو د ئێك رۆژ دا ده‌نگدانا گشتى و تايبه‌ت بهێته ئه‌نجام دان.
شێروان زرار ئاخفتنكه‌رێ ب ناڤێ كۆمسيۆنێ ئه‌ڤرۆ د كۆنگره‌كێ رۆژامه‌ڤانى دا راگه‌هاند كو 90% ژ پێدڤيێن لوجستيكى بۆ ئه‌نجامجدانا ريفراندۆمێ گه‌هشتينه كۆگه‌هان.
گۆتژى: “بۆ جارا ئێكێ جڤاتا كۆمسياران بڕيار دا ده‌نگدانا تايبه‌ت ل گه‌ل ده‌نگدانا گشتى بيت و د ئێك رۆژ دا بهێته ئه‌نجام دان”.
به‌حس ل وێ چه‌ندێ ژى كر كو بڕيار دايه دو ئوفيسێن دى ل كه‌ركووك و شێخان بهێنه زێده‌كرن بۆ ئه‌نجامدانا ريفراندۆمێ.
شێروان زرا ئه‌و ژى خسته به‌ر به‌حس كو هه‌تا نوكه 11 قه‌واران خوه بۆ پرۆسا ريفراندۆمێ تۆمار كريه.
نيشاندان