NO IORG
نووترين نووچه
Twitter

 
ئەڤرۆ نیوز، بارزان مزووری:

 

 

نەقیبێ مافپەروەر کاوار شۆکت، ژ پشکا هاتنوچوونا شێخان بۆ ئەڤرۆ نیوز گوت: ئەڤرو دەمژمێر ۷:۳۰ مەغرەب ل سەر رێیا سەرەکیا شێخان بۆ ناحیا قەسرۆک دناڤبەرا کۆمەلگەها چرە بۆ قەسرۆک ترومبێلەک ژ جورێ کیا سیراتۆ رەنگێ سپی تایبەت وەرگەریا د ئەنجام دا کەسەکی گیانێ خۆ ژ دەست دا و چار کەسێن دی بریندار بوون، بۆ نەخوشخانا شێخان یا گشتی هاتنە ڤەگوهاستن و کەسێ گیانێ خۆ ژ دەست دای بۆ نۆشداریا داد ل دهوکێ هاتە ڤەگوهاستن.

ناڤهاتی خویاکر ترومبێلەک ل ژێر کونترۆلا شوفێری دەرکەفتیە و وەرگەریایە.

 

 
ئەڤرۆ نیوز:

 
وەزارەتا ساخلەمیا هەرێما کوردستانێ راگەهاند: ل سلێمانیێ 101 تووشبوویێن کۆرۆنا یێ هاتنە تۆمار کرن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، سەد و ئێک تووشبوویێن دی یێن ڤایرۆسێ کۆڕۆنا یێ ل سلێمانیێ هاتنە دەست نیشانکرن، کو زەلام و ژن و کچ و کورێن گەنجن ب ھەموو ژیان ڤە، شەش تووشبوویی بەرکەفتیێن تووشبوویێن بەرێنە و دو تووشبوویی پێشینەیا گەشتێ ھەیە و ٩٣ تووشبوویێن دیتر نیشانێن وێ نەخۆشیێ ھەبووینە و پشکنین بۆ هاتینە کرن و پۆزەتیڤ دەرچووینە.

 
ئەڤرۆ نیوز:

 

د. سەباح هەورامی، رێڤەبەری گشتی یێ ساخلەمیا سلێمانیێ راگەهاند: تووشبوویەکێ دی یێ ب ڤایرۆسى کۆرۆنا یێ ل سلێمانیێ گیانێ خوە ژ دەستدا.

 

 

هەروەسا گۆتیە: تووشبوویەکێ دی یێ ڤایرۆسێ کۆرۆنا یێ ل سلێمانیێ ل نەخۆشخانێ گیانێ خوە ژ دەستدا د ژیێ 70 سالیێ دا بوو، خۆجهێ قەزا چەمچەمالە هەلگرێ نەخۆشیەکا دیتر یا کوژەک بوو.

ئەڤرۆ نیوز:

 

وەزارەتا ساخلەمی و ژینگەها عیراقێ راگەهاند: ٢٣٢ حالەتێن نوو یێن گۆرۆنایێ و ٤٦ حالەتێن چێبوونێ و نەهـ حالەتێن گیان ژ دەستدانێ هاتینە تومار کرن.

 

 

وەزارەتا ساخلەمی و ژینگەها عێراقێ دیار کریە ژی: د ٢٤ دەمژمێرێن بورى دا ٢٣٢ حالەتێن نوو یێن توشبوون ب ڤایرۆسێ کۆرۆنا یێ هاتنە تۆمارکرن، کو ٩٥ حالەت ل بەغدا، ٣١ ل میسان، ٢٦ ل بابل، ٢٤ ل بەسرە، ٢١ ل موسەنا، ٩ ل دیوانیە، حەفت ل واست، حەفت ل کەرکوکێ، حەفت ل نەجەف، دو ل دیالا، دو ل زیقار و ئێک ژی ل ئەنبار، ژ وێ هژمارێ ژی ١٢ توشبوویی کارمەندێن ساخلەمیێ نە و د کەرتێ ساخلەمیێ دا کار دکەن.

 

 

هەروەسا دیارکریە: ٤٦ کەس ژ وێ نەخۆشیێ چێبووینە، کو ٢٩ حالەت ل بەغدا، هەشت ل موسەنا، سێ ل بەسرە، دو ل دیوانیە، ئێک ل دیالە، ئێک ل سەلاحەدین و ئێک ژی ل کەرکوکێ، هەروەسا نەهـ کەسان ب وێ نەخۆشیێ گیانێ خوە ژ دەستداینە، کو پێنج حالەت ل بەغدا، ئێک ل کەرکوکێ، ئێک ل دیالا و دو ژی ل میسان.

 

ئەڤرۆ نیوز:

 

 

د. سامان بەرزنجی، وەزیرێ ساخلەمیا هەرێما کوردستانێ راگەهاند: د نێزیکترین پلانا مە دا، ب ئەگەرێ زۆربوونا هژمارا تووشبوویێن ڤایرۆسێ کۆرۆنا یێ، دێ نەچاربین هۆتێلان ل جهێ نەخۆشخانان ب کار ئینین.

 

 
ل هەرێما کوردستانێ هژمارا تووشبوویێن کۆرۆنا یێ د بلندبوونێ دایە، وەزیرێ ساخلەمیێ ژی هۆشداریێ ددەت و دیار کریە: هەکە وەلاتی پابەندی رێنمایان نەبن دێ رەوش بەرەف خراپتر ڤە چیت.

 

ئەڤرۆ نیوز:

 

 

رێڤەبەرێ ساخلەمیا هەولێرێ راگەهاند: 11 توشبوویێن کۆرۆنا ێێ چێبوون، نوکە سەرجەمێ گشتی یێ چێبوویان ل هەولێرێ گەهشتە ٢٢٨ کەسان.
هەروەسا گۆتیە: ١١ توشبوویێن کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و رەوشا ساخلەمیا وان گەلەک یا باشە.

 

 

دیسان ئاشکرا کریە: پشتی پشکنین بۆ هەموویان هاتینە کرن، تێدا دەرکەفیتە کو هەموو نێگەتیڤ بووینە و بریار هاتیە دان بۆ مالێن وان بهێنە ڤەگەراندن.

 

ئەڤرۆ نیۆز، رێوار محەمەد رەشید:

 

 

ب هەلکەفتا 1/6 رۆژا جیهانیا زارۆیان رێڤەبەریا گشتی یا رەوشەنبیری و هونەری ل دهۆکێ دێ چەندین چالاکیان جودا ژ سالێن بۆری ئەنجام دەت.

 

 

عایشا شەوکەت، رێڤەبەرا بەشێ زارۆیان ل رێڤەبەریا گشتی یا رەوشەنبیری و هونەری ل دهۆکێ بۆ ئەڤرۆ نیۆز دیار کر: کو سالانە رێڤەبەریا رەوشەنبیریا زارۆیان یا سەر ب رێڤەبەریا گشتی یا رەوشەنبیری و هونەری ل دهۆکێ ڤە ب چەندین چالاکیان و ل جهێن گشتی رۆژا جیهانیا زارۆیان ساخ دکەت، بەلێ ئەڤ سالە جودا ژ سالێن بۆری ژبەر مەترسیا ڤایرۆسێ کۆرۆنایێ و پاراستنا گیانێ زارۆیان ژ ڤی ڤایرۆسێ مەترسیدار وان بڕیار دا ب ڤێ هەلکەفتێ ئەڤرۆ 31/5/2020 ل دەمژمێر 11:00 شەڤ دیبەیتەکێ ب رێیا بەرنامێ zoom video ل دۆر (چەوانیا خزمەتکرنا زارۆیان) ب پشکداریا (د. شێرزاد هروری رێڤەبەرێ گشتی یێ چاڤدێری و گەشەپێدانا جڤاکی، مللەت عسمەت رێڤەبەرێ کەنالێ هەلهەلوک، بێوار بەداخ رێڤەبەرێ چالاکیێن قوتابخانان ل دهۆکێ، زەهرا خەیری بەرپرسا پشکا زارۆیان ل دهۆک TV) ساز بکەن و گۆت: “هەر کەسەکێ حەز هەبیت دشێت ب رێیا Meeting ID: 890 7873 7672 پشکداری ڤێ دیبەتێ ببیت”.

 

 

ناڤهاتیێ گۆت: “ب هەلکەفتا رۆژا جیهانیا زارۆیان ئەم بناڤێ رێڤەبەریا گشتی یا رەوشەنبیری و هونەری ل دهۆکێ پیرۆزباهیێ ل هەمی زارۆیێن جیهانێ و هەرێماکوردستانێ ب گشتی و پارێزگەها دهۆکێ بتایبەتی دکەین و دخوازین هەمی مافێن زارۆیان بهێنە چەسپاندن و کار د بەرژەوەندیا زارۆیان دا بهێنە ئەنجامدان”.

ئەڤرۆ نیوز:

وەزارەتا ساخلەمیێ یا حوکمەتا هەرێما کوردستانێ راگەهاند کو دو کەسێن دی ل دهۆکێ تووشی ڤایرۆسێ کۆرۆنایێ بووینە.

وەزارەتا ساخلەمیێ دیار دکەت کو ئێک ژ تووشبوویان زەلامە و د ژیێ ٥٣ سالیێ دایە و ئاکنجیێ باژێرێ دهۆکێ یە و تووشبوویا دی ژی کچەکا ١١ سالی یە و کچا تووشبوویێ بەرێ یە و ئاکنجیا قەزا سێمێلێ یە.

ئەڤرۆ نیوز:

د. یاد نەقشبەندی پەیڤدارێ رێڤەبەریا گشتی یا ساخلەمیێ سلێمانیێ دیار کر کو رەوشا ساخلەمیێ یا تووشبوویەکێ دی ل سلێمانیێ تێک چوویە و نها ل ژێر چاڤدێریا توند یا نوشداران دایە.

ناڤهاتی داخواز ژ هەموو وەلاتیان ژی کر کو مەترسیا کۆرۆنایێ ب جدی وەبگرن و خوەپارێزن، چونکو کۆرۆنا رۆژ ب رۆژێ پتر ل کوردستانێ بەلاڤ دبیت.

website security
WP Facebook Auto Publish Powered By : XYZScripts.com