ئەڤرۆ نیوز ، نەوزاد ھلۆری:
شڤێدی ب دەرنگ ڤە ئاگر بەربویە گومرکێن زاخۆ و د ئەنجام دا قوربانی و زیانێن ماددی بەرکەفتن.
دڤی واریدا بێوار عەبدولعەزیز بەرپرسێ راگەھاندنا بەرەڤانیا باژێرێ ل دھۆکێ بۆ ئەڤرۆ نیوز گۆت: ( ھەتا نھا ئەگەرا روودانێ ناھێتە زانین و دیار ژی نینە کا ئەنجامێن وی َوەکو زیان چ نە ، بەلێ ژ ئەنجامێ ئەوی ئاگرێ درەنگی یا شەڤا بوری ل گومرکێن زاخۆ کەفتی کەسەکێ گیانێ خوە ژ دەستدایە و کەسەکێ دن ژی ب دژواری بریندارە ، و دیسان دوو ترومبێل و دوو مالیدەیێن کارەبێ ژی ھاتینە سووتن)
زێدەتر گۆت: ( ئاگر ژلایێ بەرەڤانیا باژێری ل زاخۆ ھاتیە کونترولکرن ، و بو زانینا ئەگەرا روودانێ و زیانێ نوێ لژنەکا تایبەت ھاتیە پێکئینان )

ئەڤرۆ نیوز ، نەوزاد ھلۆری:
شڤێدی دەردورێن دەژمێر 11 چەکدارێ، داعش ل سنوورێ مێحوەرێ داقوق ھێرشەکا بەفرەە بو سەر سەنگەرێن پێشمەرگەی کر و ھەتا نێزیکێ سپێدێ ژی یا بەردەوام بوو ، و دئەنجام داە ێزێن پێشمەرگەیان شیان ئەوێ ھێرێ بشکێنن و زیانەکا زور ژی بگەھینن داعش.
دڤی واریدا
فەرھاد نەزەر ئەفسەر و جێگرێ فەوجا کاکەیان یا سەر بە وەزارەتا پێشمەرگەی بۆ ئەڤرۆ نیوز گۆت: ( ھژمارەکا چکدارێن داعش شڤێدی دەردورێن دەمژمێر 11 ھێرشەکا ژ نیشکەکێڤە بو سەر سەنگەرێن پێشمەرگەیان ل دەڤەرا بناڤ تەلحەمەیا باشوور یا سەر ب سەنگەرێن پێشمەرگەی ل مێحوەرێ داقوق ئینا ، و پشتی روو ب رووبونەکا زور سوپاس بو خودێ ھێزێن پێشمەرگەیان شیان ئەوێ ھێرشێ بشکێنن و زیانەکا زور ژی ب داعشان بگەھینن(

ل گورەی زانیاریێن ئەڤرۆ نیوز د شەرێ شڤێدی دا سێ پێشمەرگە شەھیدبووینە و ھەشت ژی برینداربووینە ، و فروکێن ھەڤپەیمانان ژی پشکداری د شکاندنا داعش ل دەڤەرێ کریە ، بەلی َھەتا نھا ناھێتە زانین ھژمارا کوشتی و بریندارێن داعش چەندە.

ئەڤرۆ نیوز ، نەوزاد ھلۆری:
ئێڤارە درەنگی یا ئەڤرۆ ل سنوورێ قەزا سوران یا سەر ب پارێزگەھا ھەولێر سنێلەک خەندقی ، تیما مەلەڤانیان ژی تەرمێ وی ل رووباری دەرئینا و رەوانەیێ نەخوشخانا دادکر.
دڤی واریدا عیماد رێکانی بەرپرسێ بەرەڤانیا باژێری ل سوران بۆ ئەڤرۆ نیوز گۆت: ( ئێڤارە درەنگی یا ئەڤرۆ دەوروبەرێن نڤێژا مەغرەب سنێلەک بناڤێ محەمەد فارس کو دایکبویێ ٢٠٠١ یە ل رووبارێ گەلێی عەلی بەگ ل سنوورێ قەزا سوران خەندقی)
زێدەتر گۆت: ( تیمێن نقومڤانێن بەرەڤانیا باژێری ل سوران تەرمێ وی ل رووباری دەرئینا و رەوانەیی َنەخوشخانا داد ل سوران کر ، ئەو سنێلەژی ئاکنجیێ گوندێ بیروکا یا سەر ب ناحیا خەلیفان بوو)

ئەڤرۆ نیوز ، نەوزاد هلوری.

ژ سپێدێ وەرە هاتا نها جار ب جار توپخانەیێن سوپایێ کومارا ئیسلامیا ئیرانێ لسەر بوردومانکرنا چەند دەڤەرەکێن سنوورێ ناحیا حاجی ئومەران بەردەوامە.
ژێدەرەکێ ژ ناحیا حاجی ئومەران بو ئەڤرۆ نیوز دیارکر کو توپخانەیا سوپایێ ئیرانێ نها چەند دەڤەرەکێن سنوورێ ناحیا حاجی ئومەران بوردومان دکەت و بەردەوامە ژی و گۆت: (ئەڤرۆ ل چەند دەمەکێن ژێکجودا توپخانەیێن سوپایێ ئیڕان ب بهانەیا هەبوونا چەکدارێن ئوپوزسیونا ئیرانێ لسەر بوردومانکرنا دەڤەرێن سنوورێ ناحیا حاجی ئومەران بەردەوامە ب تایبەتی دەڤەرێن زوزان و بەفرینێن چیایێ هەلگۆرد ، ئەڤە د دەمەکێ دایە کو هژمارەکا زورا خەلکی ب مەرەما گەشتوگۆزار و دەم بوراندنێ قەستا چیایێ هەلگۆرد کریە)

زێدەتر گۆت: (توپخانێن ئیرانێ زێدەتر ژ هەشت جاران دەڤەر بوردومانکریە ، سوپاس بو خودێ چوو زیانێن گیانی نەبوون بەلێ ترسەکا زور ل دەف خەلکی درۆستکریە ژ بەرکو هندەک ژ توپێن وان دناڤ مالان دا کەفتینە)

……

وێنە ، ئەرشیف

ئەڤرۆ نیوز ، نەوزاد ھلۆری:
ئەڤرۆ چەند کەسەکێن نەناسیار ل سنوورێ قەزا سوران ب گولەیان ھێرش کرە سەر ژن و زەلامەکێ ، و دئەنجام دا زەلام کوشت و ژن ژی بریندارکر ، و رێڤەبەریا پولیسان ژی دیارکر کو ئەوان دەست ب ڤەکولینێ کریە .
دڤی واریدا ھەوار ئەرگوشی بەرپرسێ راگەھاندنا پولیسێن قەزا سوران بۆ ئەڤرۆ نیوز گۆت: ( پێش نیڤرویا ئەڤرۆ ل تاخێ راپەرین یا سەنتەرێ ناحیا خەلیفان ل سنوورێ قەزا سوران ژلایێ چەند کەسەکان ڤە ب گولەیان ھێرش بو سەر ژن و مێرەکی َھاتنە کرن و د ئەنجام دا زەلام ھاتە کوشتن و ژن ژی برینداربوو)
زێدەتر گۆت: (ئەو ھەردوو ژن و زەلامە ھەڤژنێن ھەڤدوو بوون  ، و زەلام بو نەخوشخانا داد و ژن ژی بو نەخوشخانا تەنگاڤیان ھاتینە رەوانەکرن ، و پولیسێن سوران دەست ب ڤەکولینی َکریە بو گرتنا ئەوان تەقەکەران و زانینا ئەگەرا روودانێ )

ئەڤرۆ نیوز ، ھلۆری:
ئێڤارە درەنگی یا ئەڤرۆ لسەر رێیا گشتی یا دناڤبەرا قەزا ئاکرێ و ناحیا بجێل د روودانەکا ھاتن و چۆنێ دا حەفت کەس برینداربوون و برینا ھندەک ژ وان گرانە.
دڤی واریدا ئازاد تەھا بەرپرسێ راگەھاندنا ھاتن و چۆنا دھۆکێ بۆ ئەڤرۆ نیوز گۆت: (ئێڤارە درەنگی یا ئەڤرۆ دەوروبەرێن دەمژمێر ٦:٠٠ لسەر رێیا گشتی یا دناڤبەرا قەزا ئاکرێ و ناحیا بجێل حەفت کەس برینداربوون و برینا ھندەک ژ وان گرانە و بو نەخۆشخانەیا تەنگاڤیان ئاکرێ ھاتینە رەوانەکرن)
زێدەتر گۆت: ( روودان ژ جورێ ليكدان بوویە دناڤبەرا دوو ترومبێلان ، و دخوازین بو سلامەتیا خوە و کەسانێ، دن شوفێر پێگیریەکا تەمام ب رێنمایێن ھاتن و چۆنێ بکەن ژ بەرکو روودان زور بوینە ، و پرانیا روودانان ژی بو بلەز لێخورین و پێگیرنەبوون ب رێنمایێن ھاتن و چۆنێ دھێنە روودان )