ئەڤرۆ نیوز:
سەرەرای گەف و فشارێن ئەمریکا یێن ل سەر ئیرانێ، لێ وی وەلاتی گەمیەکا دی ئانکۆ گەمیا چارێ یا پەترۆلێ ژی هنارتە وەلاتێ ڤنزویلا.
سەرۆک کۆمارێ ئیرانێ ژی راگەهاند کو هەکە ئەمریکا ئاریشەکێ بۆ گەمیێن ئیرانێ دروست بکەت ئەو یەک دێ بیتە ئەگەرێ ئالۆزیێن زێدەتر و کارەکێ وەسا د بەرژەوەندیا ئەمریکا دا نینە.
ئەڤرۆ نیوز:
ئاژانسا فەرمی یا ئیرانێ “ئیرنا” راگەهاند کو شەڤا بۆری ل سنورێ باژێرێ سەردەشت (ل رۆژهەلاتێ کوردستانێ) شەر د ناڤبەرا گرۆپەکێ چەکداری ل گەل سەربازێن ئیرانێ روو دایە و د ئەنجام دا فەرماندارەکێ ئیرانێ ل گەل دو سەربازان جانێ خوە ژ دەست داینە.
هەتا نها ناهێتە زانین کا کیژ هێزا سەربازی شەرێ سەربازێن ئیرانێ کریە.
ئەڤرۆ نیوز،عەلی حاجی :
بەرپرسێ راگەهاندنا بەرەڤانیا باژێری ل پارێزگەها دهۆکێ بۆ ئەڤرۆ نیوز دیار کر ل شەڤا دەرباز بوویی ژ ئەگەرەکێ نەدیار ئاگر بەر بوو گەنمێ بەرهەمێ جۆتیاران ل گوندێ پێشابیرێ و هەژمارەک ژ وی بەرهەمی هاتە سوتن.
زێدەتر رائید بێوار عەبدولعەزیز گۆت : درەنگیا شەڤا دەرباز بوویی ل گوندێ پێشابیرێ یا سەر ب قەزا زاخۆ ڤە ئاگر بەر دبیتە گەنمێ بەرهەمێ جۆتیارێن وی گوندی و هەتا نوکە ژی نەهاتیە زانین کو سەرچاوەیێ وی ئاگری ژکیڤە بوویە،پشتی تیمێن مە ل بەرەڤانیا باژێری ل پێشابیرێ گەهشتنە جهێ روودانێ و ژبەر کو ئاگر زێدە بوو نێزیکی ٢٠ دونەمێن ئەردی سوتن و تیمێن مە شیان وی ئاگر کۆنترول بکەن و رێگریێ ژ سوتنا ١٠٠ دونەمێن ئەردی بگرن و ئەو گەنمە ژ سوتنێ هاتە پاراستن،د ڤی وەرزی دا سوتنا پێش و پەلەخی و گەنمی بەرەڤ زێدەبونێ ڤە دچیت ژبەر ڤێ چەندێ دێ چەندین تیمێن گەروک پێک ئینین پێخەمەتی وێ چەندێ کو زووتر تیمێن مە بگەهنە جهێ روودانێ دا کو زیانێن سوتنێ کێمتر بن.
ناڤهاتی خویا کر ژی ” پێدڤی یە وەلاتی ب خوە ژی هاریکار بن ئاگری ب پێش و پەلەخی نەبەردەن ژبەر کو دبیت ئەو چەندە ببیتە ئەگەرێ دروست کرنا ئاریشەیێن مەزنێن سوتنێ”.
ئەڤرۆ نیوز:
د راگەهاندنەکێ دا سەرۆکێ حکۆمەتا هەرێما کوردستا بەلاڤکریە و تێدا هاتیە، ب ئەگەرێ پێگیرنەبوون ب رێنمایێن ساخلەمیێ ڤە رۆژ ب رۆژێ زێدەبوونا توشبوویان ب کورونایێ و مەترسیێن وێ مەزنتر لێ دهێن.
د راگەهاندنا سەرۆکێ حکۆمەتاهەرێما کوردستانێ دا هاتیە بەلاڤکرن کۆ ل دەست پێکێ ل دیڤ داخازیێ پێگیربوون و ئەف جەندە بو جهێ سرنجا گەلەک وەلاتان، لێ پشتی سستی و لاوازی د پێگیربوونێ دا درست بوون ژ دەست پێکێ مەترسیا وێ دهێتەدیتن ژ ئەگەرێ مەرجێن ساخلەمیێ و خو پاراستنێ.
ئەڤەژی دەقێ پەیاما سەرۆکێ حکومەتا هەرێما کوردستانێ دەربارێ مەترسیا بەربەلاڤبوونا ڤایروسێ کورونا.
وەلاتیێن بەرێز
مەترسیا ڤایرۆسێ کورونا نوو کۆڤید 19 زۆر جدیە و دڤان رۆژان دا ب ئەگەرێ سستیا پێگیربوونێ ب رێنمایێن ساخلەمیێ ڤە، هێدی هێدی ئەڤ ڤایرۆسە بلەز بەلاڤ دبیت.
مە ل دەستپێکا بەلاڤبوونا ئەڤی ڤایرۆسی، داخاز ژ وەلاتیێن خوشتڤی کر، کۆ پێگیری رێنمایێن ساخلەمیێ بن و سوپاسیا وان دکەین، کۆ پێگیربوون ب شێوەیەکێ زۆر باش رێک ل بەلاڤ بوونا ڤایرۆسی هاتە گرتن، ئەڤ سەرکەڤتنە بۆ جهێ بەحس و سرنجا گەلەک وەلات و رێکخراوێن نێڤ دەولەتی.
بەلێ جهێ داخێ یە نوکە پێگیربوون سست بوویە، هندەک لایەنان ب بزاڤا سیاسیکرنا پێکۆلێن حکۆمەتێ دایە و ڤیاینە رێنمایێن ساخلەمیێ بێ بها و مفا پێشان بدەن،جهێ داخێ یە ژیانا وەلاتیان بۆ خزمەتا ئارمانجێن سیاسی خستنە دمەترسیێدا.
نوکە ئەوێن کۆ دژاتیا رێنمایێن ساخلەمیێ سەرەدەریکری و خەلک هاندایە پێگیری رێنماییان نەبن، دڤێت بەرپرسیاریا مەترسیا ئێخستیە سەرگیان وساخلەمیا ئەڤی خەلکی ب ستویێ خوڤەبگریت دوماهیێ ب یاریکرنێ ب ژیانا خەلکی بینن.
جارەکا دی داخازێ ژ هەموو خوشک و برا و وەلاتیان دکەم پێگیری رێنمایێن ساخلەمیێ بن و ساخلەمیا خو و مرۆڤ و خەلکێ دی ژ بن کارتێکرنا ئەوان پروپاکندان نەکەفنە بن مەترسیێ.
سلامەتیا وە بۆ مە ژ هەر تشتەکی گرنگترە
مەسرور بارزانی
سەرۆکێ حکۆمەتا هەرێما کوردستانێ
29\5\2020
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ٢٢ حالەتێن نوو یێن کۆرۆنا یێ ل سلێمانیێ هاتنە تۆمار کرن، هژمارا توشبوویان گەهشتە ٥٦٦ کەسان.
هەروەسا گۆتیە: د بەردەوامیا پشکنین و لێگەریانێ لدووڤ گۆمانلێکریان، ٢٢ توشبوویێن دی یێن کۆرۆنا یێ ل سلێمانیێ ھاتنە دەستنیشانکرن، ٢١ ژ وان خۆجهێن سلێمانیێ نە و ئێک ژى ئاکنجیێ وارماوە یە.
دیار کریە ژی: کەسێن تووشبوویی ١٢ زەلام و ٩ ژن و گەنجەک بووینە، هەشت ژ وان بەرکەفتیێن توشبوویێن بەرێنە، ١٤ ژى نیشانێن نەخوشیێ لێ دیاربوون و پشکنینێن وان پۆزەتیڤ بووینە.
ئەڤرۆ نیوز:
رێکخراوا کار یا جیهانی دیار کریە: گەنج زەرەرمەندێن هەرە مەزن یێن کاریگەریا ئابووری یێن کۆرۆنا یێ نە، ب رەنگەکێ پشتی دەرکەفتنا ڤی ڤایرۆسی هەر شەش گەنجان، ئێکێ کارێ خوە ژ دەستدایە، هەروەسا ل سەر ئاستێ جیهانێ 305 ملیۆن کەسان کارێن خوە ژ دەستداینە، پرانیا وان گەنجن و بتایبەتی کچان.
گای رایدەر، رێڤەبەرێ گشتی یێ رێکخراوا کار یا جیهانی دبێژیت: هەکە ل سەر بنەمایێ کێمبوونا دەمژمێرێن کارکرنێ ل سەرانسەری جیهانێ لێکدانەکێ بکەین، دێ بۆ مە دەرکەڤیت رێژا ژ دەستدانا کاری یەکسانە ب 305 ملیۆن کارێن هەمیشەیی.
هەروەسا گۆتیە: ئێک ل سەر شەشێ یا گەنجان کارێن خوە ژ دەستداینە و ئەوێن د کارێن خوە دا ماین دەمێ کارکرنا وان ب رێژا 23% کێمبوویە، ئەو گەنجێن ژیێ دناڤبەرا 15 بۆ 24 سالیێ دا، پشتی دەرکەفتنا کۆرۆنا یێ د کارکرنێ دا بەردەوامبووینە، 75% ژ وان کارێ وان یێ دەمکیە و داهاتەکێ کێم ب دەست دکەڤیت.
هەروەسا بەری دەرکەفتنا کۆرۆنا یێ، رێژا بێکاریێ دناڤا گەنجاندا 13.6% بوو، کو ژ هەموو چینێن دی زێدەتربوو، ب جۆرەکێ نێزیکی 267 ملیۆن گەنجان د بێکاربوون.
ئەڤرۆ نیوز:
ژ بۆ ب هێزكرنا پێگەهێ خوە یێ سەربازی ل ڤێ دەڤەرێ، ئەمریكا ل بەرە سیستەمێ موشەكیێ پاتریۆت ل رۆژئاڤایێ كوردستانێ بنەجهـ كەت.
هندەک ژێدەران دیار کریە: ئەمریكا ل بەرە ل بنگەهێ خوە یێ سەربازی یێ ل نێزیك كێلگەها نەفتا (كونكیو ) ل گوندەوارێن دێرەزورێ ل رۆژهەلاتێ سوریا، دێ سیستەمێ موشەكی یێ بەرگریێ یێ پاتریوت بنەجهـ كەت.
بنگەهێ سەربازی یێ ئەمریكا ل نێزیك كێلگەها نەفتا ( كونكیو ) دویەم مەزنترین بنگەهێ سەربازی یێ ئەمریكا یە ل سوریا و رۆژئاڤایێ كوردستانێ.
ئه‌ڤرۆ نیوز:
پشتى دوهى وه‌زیرێ وه‌رزش و لاوێن عیراقێ عه‌دنان ده‌رجال ب داخوازیه‌كا فه‌رمى سه‌ره‌دانا هه‌رێما كوردستانێ كرى و ل فروكخانه‌یا هه‌ولێر بشكنین بۆ وى و شاندێ ل گه‌ل وى هاتینه‌كرن و ئه‌ڤرۆ دیاربووى دو زێره‌ڤانێن وى هه‌لگرێ ڤیروسێ كورونایێ بوون و ئه‌و هه‌ردو زێره‌ڤان جاره‌كا دى ڤه‌گه‌راندنه به‌غدا ڤه.
عه‌دنان ده‌رجال ئه‌وێ به‌رى چه‌ند حه‌فتیان ب فه‌رمى هاتیه ده‌ست نیشانكرن بوو وه‌زیرێ نوو یێ وه‌رزش و لاوێن عیراقێ و د ماوێ چه‌ند رۆژێن بورى دا سه‌ره‌دانا هژماره‌كا باژێرێن عیراقێ كریه و ئه‌و هه‌ردو زێره‌ڤانێن وى ل گه‌ل ئه‌وى بوون د زوربه‌یا سه‌ره‌دانێن وى دا ل ماوێ چه‌ند رۆژێن بورى كو دبیت مه‌ترسیه‌كا مه‌زن ل سه‌ر ئه‌وان هه‌موو ده‌زگه‌هێن وى سه‌ره‌دانا ئه‌وان كرى و هه‌ردیسان هه‌ر دوهى ئه‌وى سه‌ره‌دانا چه‌ند ده‌زگه‌هێن حكومى یێن فه‌رمى ل هه‌رێما كوردستانێ كرینه.
ئه‌ڤرۆ نیوز:
پێشبینیا هه‌ره مه‌زن دهێته كرن، کو ستێرا ئه‌لمانى و یانا مانچسته‌ر سیتى لیروى سانى ل ڤه‌گوهاستنێن بهێت هه‌ڤبه‌ستا یانا بایرن میونیخ ئیمزا بكه‌ت.
رۆژناما دەیلى میل یا بریتانى ئاشكراكریه به‌رپرسێن یانا مانچێسته‌ر سیتى دێ هه‌ڤبه‌ستێ ل گه‌ل یاریزانه‌كێ دى ل خۆلا ئه‌لمانیا ئیمزا كه‌ت وه‌كو پێگوهورێ وى سانى ئه‌وژى یاریزانێ هه‌لبژارتیێ جامایكا و یانا باریرن لیڤه‌ركوزن لیون بایلى ئه‌وێ ل وه‌رزێ ئه‌ڤ ساله ئاسته‌كێ بلند پێشكێشكرى ل گه‌ل یانا خوه كو نوكه ئه‌و یاریزان بوویه ئارمانجا چه‌ندین یانێن ئیتالى و ئنگلیزى.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: ٣٢٢ حالەتێن نوویێن توشبوون ب ڤایرۆسێ کۆرۆنا یێ هاتنە تۆمار کرن.
هەروەسا گۆتیە: د ٢٤ دەمژمیرێن بوری دا ٣٢٢ حالەتێن نوویێن توشبوون ب کۆرۆنایێ و ٦٣ باشبوونی و چار حالەتێن ژیان ژ دەستدانێ هاتینە تۆمار کرن.
دیار کریە ژی: کو ٢٢٤ حالەت ل باژێرێ بەغدا بووینە و یێن دی ژی ل باژێرێن جۆدا یێن عیراقێ بووینە.
نيشاندان