ئه‌ڤرۆ نیوز:
چه‌ندین وێنه‌یێن ڤلادیمیر پۆتین، سه‌رۆكێ رۆسیا به‌لاڤ بوون كو ل ده‌مێ راڤا ماسییا ل ده‌ریاچه‌یا بایكال ل رۆسیا گرتینه.
ده‌ریاچه‌یا بایكال كوورترین و كه‌ڤنترین ده‌ریاچه‌یه كو ل گۆری ژێده‌ران دیرۆكا وێ بۆ به‌ری 25 ملیۆن سالان ڤه‌دگه‌ریت، لێ ل ڤی داویێ تۆشی پیسبوونێ بوویه ژبه‌ر به‌رمایكێن مرۆڤان و كاریگه‌رییا مرۆڤان ل سه‌ر وێ ده‌ریاچه‌یێ.
پۆتین وه‌ك سه‌رۆكێ وه‌لاته‌كێ زلهێز گه‌له‌ك چالاكیێن وه‌رزشی و پاله‌وانی جار جار دكه‌ت و میدیایا جیهانی ب خوه ڤه مژوول دكه‌ت.
ئه‌ڤرۆ نیوز:
ل گۆری گۆتنا ئاساییشا هه‌ولێرێ، ئه‌ڤرۆ ئاگر به‌ربوو كۆگه‌هه‌كا چه‌ك و ته‌قه‌مه‌نییان ل باره‌گه‌هێ كه‌ڤن یێ فه‌رمانده‌یا پێشمه‌رگه‌یێ زێره‌ڤانیێ ل سه‌ر جاده‌یا نه‌ورۆز ل باژارێ هه‌ولێرێ و پاشی په‌قین د ئه‌نجام دا چێبوویه.
د ئه‌نجامێ وێ روودانێ دا سێ پێشمه‌رگه ب سڤكی بریندار بووینه، ل گۆری گۆتنا پارێزگارێ هه‌ولێرێ چ ده‌ست ل پشت روودانێ نه‌بووینه و ژ سه‌ده‌ما گه‌رمێ چێبوویه.
ئەڤرۆ نیوز : ھلوری:
ئەڤرۆ سپێدێ کومەکا گەنجان ل سنوورێ پارێزگەھا دھۆک بەر ب سلێمانیێ چوون و وەکو کەنالێ NRT دیارکری رێگری ل وان ھاتیەکرن کو بچنە سلێمانیێ ، رێڤەبەریا ئاسایشا ھەولێری رەتکر کو ھیچ رێگریە ل کەسەکێ ھاتبیتەکرن.
ئاسایشا ھەولێر د رونکرنەکێ دا کو دانەیەک دەست ئەڤرۆ نیوز کەفتیە دیارکر کو بازگەھا کەلەک دکەڤتیە دناڤبەرا ھەولێر بو دھۆک نەک دھۆک بو سلێمانی کو رێگری ل وان بھێتەکرن و گۆت: ( نوچەیێ NTR دورە ژ راستیێ و ھیچ رێگریەک ل بازگەھا کەلەک ل کەسەکێ نەھاتیەکرن)
ئەڤرۆ نیوز ، ھلۆری:
ئەو ئاوارێن سوریا ئەوێن کو بزاڤێ دکەن تورکیا بجە بھێلن و بەر ب ئەوروپا ڤە بچن ، پشتی کو ژلایێ سوپایێ تورکیا لسەر سوران دھێنەگرتن ژلایێ وان ڤە ب لبەر خوە کرنا جل و بەرگێن ژێر شەمبزار و رسوا دکەن.
مالپەرا مەیل ئونلاين يا بەریتانی د راپورتەکا خوە دا دیارکر کو سفکاتیێن سوپایێ تورکیا بەرامبەر ئاوارێن سوریا بویە جھێ نەرازیبوونا رێکخراوێن جڤاکێ مەدەنی ل جیھانێ و گۆت: (سوپایێ تورکیا جل و بەرگێن ژێ ریێن ئافرەتان کو پێکدھێن ژ زەخمە و تەپانە ب زوری کرینە بەر ئاوارێن سوریا ئەڤێن کو بزاڤ دکر سنووران دەرباز بکەن و بەر ب ئاواروپاڤە بچن ، پاشان ب رێیا تورێ، جڤاکی وێنەیێن وان ژی بەلاڤکرینە)
زێدەتر گۆت: (ژبلی سفکاتی و شەمبزارکرنا وان د ھەمان دەم دا ھاتینە ئەشکەنجەدان و ئەڤێ یەکێ ژی دەنگڤەدانێن مەزن لسەر رێکخراوێن جڤاکی درۆستکرینە)
ئەڤرۆ نیوز ، نەوزاد ھلۆری:
ل ھەموو قەزا مێرگەسوور ل سنوورێ دەڤەرا بارزان کو پێنج ناحیێن مەزن بخوڤە دگریت چوو پشکێن زانکو و پەیمانگەھان نین و ئەڤ یەک ژی د دەمەکێ دایە کو ل ھەموو قەزایێن کوردستانێ پشکێن زانکوو پەمانگەھان ھەنە ، ئەڤ یەک ژی بوویە سەدەما گازندا وەلاتی و قوتابێن دەڤەرێ.
دێژین عەبدولخالق قوتابیەکا دەڤەرێ یە دیارکر کو ئەو ل ھوڤیا نمرێن خوەیە کو وەربگریت و ل زانکو و پەیمانگەھان بخوونت و گۆت : ( ل سەنتەرێ ھەموو قەزایێن کوردستانێ خواندنا بلند ھەیە خوە ئەگەر چەند پشکەکێن پەیمانگەھان بن ، بەلێ ل دەڤەرا بارزان ئەڤ یەک نینە و ئەم ژی دخوازین کو ھەر ل دەڤەرا خوە بخوونین و سالانە سەدان قوتابیێن دەڤەرێ قەستا قەزا و پارێزگەھێن دن دکەن ژ بوو تەمامکرنا خواندنا خوە )
یوسف ئیسماعیل ئەو ژی قوتابیەکێ پەیمانگەھێ یە کو ل پارێزگەھا ھەولێرێ دخوونت دیارکر کو بەری چند سالایە پەیمانگەھەک ل دەڤەرا بارزان بوو پێگەھاندنا ماموستایان ھەبوو ، بەلێ ھاتیە گرتن و گۆت : ( پرانیا قوتابیێن دەڤەرا بارزان ب تایبەتی یێن زانکو و پەمانگەھان کەس و کارێن جینوساید و ئەنفالکریانن و شیان نینن پەیوەندیێ ب زانکو و پەیمانگەھێن پارێزگەھێن کوردستانێ بکەن ، و ئەگەر زانکو ھەر ل دەڤەرێ ھەبانە دا کارن خواندنا خوە ب دوماھیی بینن )
ژلایێ خوڤە ماموستا ئەحمەد سەروکێ پەیمانگەھا پێگەھاندنا ماموستایان یا بەرێ ل بلێ دیارکر پشتی کو سیستەم بوویە بنیات پەیمانگەھا مە ھاتیەگرتن و بۆ ئەڤرۆ نیوز گۆت : ( سالانە نێزیکێ ٢٠٠ قوتابی ل سنورێ قەزا مێرگەسوور و و دەڤەرا بارزان ل زانکو و پەیمانگەھان دخوون و پێدڤی یە چەند پشکەکێن خواندنێ ل دەڤەرێ بھێن ڤەکرن ، بەلێ ھەتا نھا چوو دیارنینە و چوو بزاڤ ژی ناھێنکرن )
دوو سال بەری نھا دەزگەھێ ھەرمان موژلێ ئینانا چەند پشکەکێن کولیژێن بنیات بوو ، بو دەڤەرا بارزان ، بەلێ ئەو بزاڤ ژی چوو دیارنینە و لدور ڤێ یەکێ سەروکێ دەزگەھێ ناڤبری فاخر عەلی بو ئەڤرۆ نیوز گۆت : ( مە وەکو دەزگەھێ ھەرمان پەیوەندی ب زانکویەکا ئەلمانی کر کو چەند پشکەکێن کولیژێن بنیات ل دەڤەرا بارزان ڤە بکەت ، ب خوشحالیڤە ئەوان رازیبوونا خوە دەبری لسەر پرۆژێ مە ، بەلێ ل وی دەمی حکومەتا ھەرێما کوردستانێ ھەڤکاریا مە نەکر و نھا ئەو بزاڤ ھەر وەکو خوە ماینە و چوو دوڤچونێن دن ژی لسەر نەھاتینەکرن )
ئەڤرۆ نیوز ، ھلۆری:
سەروکاتیا ھەرێما کوردستانێ دیارکر کو د چەند رۆژێن بوری دا چوو پەیوەندیێن تێلەفوونی دناڤبەرا مەسعود بارزانی سەرۆکی َھەرێما کوردستانێ و وەزیرێ دەرڤەیێ ئەمریکا نەھاتینەکرن.
ئاخفتنکەرێ سەرۆکتیا ھەرێما کوردستانێ د لێدوانەکێ دا بو مالپەرا فەرمی یا سەروکاتیا ھەرێما کوردستانێ دیارکر کو ل چەند رۆژێن بوری چوو پەیوەندیێن تێلەفوونی دناڤبەرا سەرۆکێ ھەرێما کوردستانێ و وەزیرێ دەرڤەیێ ئەمریکا نەھاتینەکرن و گۆت: (دەزگەھێن راگەھاندنێ وەسا بەلاڤکریە کو دوو رۆژێن بوری وەزیرێ دەرڤەیێ ئەمریکا ب رێیا تێلەفوونێ ل گەل سەرۆکی َھەرێما کوردستانێ ئاخفتیە بەلێ بو رایا گشتی رادگەھینین کو چوو پەیوەندی دناڤبەرا وان دا نەھاتینەکرن و ھەموو ئەو ھەوالێن ھاتینە بەلاڤکرن دڤی واریدا رەت دکەین)
ئەڤرۆ نیوز ، لەزگین جوقی:
رێڤەبەریا گشتی یا ساخلەمیا پارێزگەھا دھۆکێ ئەڤرۆ د پرێسکونفرانسەکێ دا دیارکر کو د ماوەیێ سێ سالێن بوری دا دوو ملیون ٣٩٢ ھزار ٨٢٦ ئاوارەیان سەرەدانا بنگەە و نەخۆشخانەیێن پارێ.گەھا دھۆکێ کریە.
دکتور نزار عسمەت رێڤەبەرێ گشتیێ ساخلەمیا پارێزگەھا دھۆکێ ئەڤرۆ د پرێسکونفرانسەکێ دا دیارکر کۆ کو د ماوەیێ ماوەیێ سێ سالێن بوری دا دوو ملیون ٣٩٢ ھزار ٨٢٦ ئاوارەیان سەرەدانا بنگەە و نەخۆشخانەیێن پارێ.گەھا دھۆکێ کریە و گۆت : (ھەر دڤان سێ سالان دا ل سنوورێ پارێزگەھا دھۆکێ ١٥ ھزار ١٣٠ نەشتەرگەری بو ئاوارەیان ھاتینەکرن کو ئەو ژی خەلکێ دەڤەرێن زمار و تلکێف و شنگال و موسل بوون ، دیسان ژ وان کەسانێن کو سەرەدانا بنگەە و نەخوشخانێن دھوکێ کری ٧٤ ھزار ٤٥٠ ئاوارە ھاتینە نڤاندن ، ئەڤ ھەڤکاریە ژی ھەموو ژلایی َحکومەتا ھەرێما کوردستانێ ھاتینەکرن و حکومەتا عیراقێ وەکو پێدڤی چوو ھەڤکاری نەکرینە)
زێدەتر گۆت: (دماوەیێ بوری دا ٣٢ ئەنبولانسێن ھەوارھاتنێ د شەری َداعشێ دا ھاتینە ژ کارکەفتن و ٢٣ بنگەھێن ساخلەمیێ ل کەمپێن ئاواران یێن ھاتینە بەلاڤکرن ،و ئااماژە دا وی چەندی ژی سێ سالێن بۆرێدا ٨٨١ ئاواران ل دھۆکێ گیانی خوە ژدەستداینە و ٣٠٩ ھزار و٣٨ کەسێن ئاوارە ب ترۆمبێلین ١٢٢ یێن ھاوار ھاتنی بۆ نەخوشخانەیان یێن ھاتینە ڤەگوھاستن دڤان سێ سالێن بۆریدا ھەر ژرۆژا روودانا کارەساتا شنگال ھەتا نوکە ھیچ نەخۆشیەکا گوشندە یان مەترسیدار ل کەمپێن ئاواران پەێدانەبوویە (
ئەڤرۆ نیوز ، نەوزاد ھلۆری:
ھەبونا سەنتەرێن رەوشەنبیری و جڤاکی ئێکە ژ بھێزترین جورێن پەیوەندیان کو خەلکی ھوشیار بکەن ل دور ئاریشە و پێشھاتێن جڤاکی ، پێدڤیە کو ئەڤ سەنتەرە بەردەوام کومبون و ورگ شوپ و سمیناران بۆ خەلکی بگێرن ، لێ د ئەڤریا مەدا خەلک کێم بەشداریا کومبون و سمینارێن سەنتەران دا دکەن
گەنجەکێ بناڤێ شڤان محەمەد دیارکر کو سەنتەرێن رەوشەنبیری و جڤاکی پێدڤیەکا جڤاکی یە و گوت : ( ھەر سەنتەرەکێ رەوشەنبیری چ ئەز داخوازکربم یان نە ئەز بەشداری تێدابویمە ژ بەرکو ھەکە مرۆڤ تشتەکێ بزانیت دێ بومە بنە دوو تشت و ھەکە ھزرێن مە د شاش بن ئەو وان شاشیان راست دکەنەڤە ودیسا سەنتەر دکارن قەناعەتێن جڤاکی و دەرونی بۆ مرۆڤی درست بکەن ل سەر وان تشتێن کو ئەم ل سەر دوو دل و مرۆڤ دکاریت دانوستندنێ دگەل ماموستایێ سمینارێ یان وورگ شوپێ بکەت ، لێ پا نھا سەنتەرێن مە ئەو روول نەمایە و ئەز ئەگەرا سەرەکیا ڤێ چەندێ ژی د زڤرینم بو نەبونا کەسانێن بسپور و ئەکادیمی کو سەنتەران برێڤە ببەن)
سەمیع سەدیق ئێک ژ رەوشەنبیرێن سنوورێ ناحیا شێلادزێ یە بۆ ئەڤرۆ نیوز گۆت: ( حکومەت گەلەک گرنگیێ ب سەنتەرێن رەوشەنبیری نادەت داکو ئەو بکارن تشتێ گرنگ بو جڤاکی بکەن، و ئەڤە دناڤ جڤاکێ مەدا بویە نەساخی و دیسا جڤاکێ مە ب ھندەک تشتێن دنڤە دمژیلن و ل وان تشتان دگەریێن کو چوو مفا تێدا نەبیت نھا ب تبلێن دەستان خەلک گوھداریا سمیناران دکەن ژ بەرکو پرانیا وان تشتێن کو د کومبون و سەنتەران دا دھێنە گوتن ئاخفتنێن سەر کاغەزانە و ھەموو بەلێنێن بێ کریارن و ژ بەرڤێ جڤاک ژی تێربوو ل ڤان تشتان ئێدی ئەو ژی نکارن گوھداریا وان بکەن نھا خەلکێ مە یێ رەوشەنبیرە و نەیا ب ساناھی یە کو ئێک ھەبیت حیلا خوە ل خەلکێ بکەت)
زێدەتر گۆت: ( زێدەتری چوار سەنتەرێن رەوشەنبیری ل سنوورێ قەزا ئامێدیێ ھەنە بەلێ ئەو سالانە چوار چالاکیێن مفا بو خەلکی ناکەن و نھا مە پتر ب ھزرێن مادی دچنە سەنتەر و کومبونان و خەلک پتر یێ مژیلی کاری یە ، ژبەرڤێ گرنگە ئەو کەسانێ، کو کومبوون و سمینار و ورگشوپان ب رێڤە دەبن کەسانێن بسپور و شارەزا و خودان سەربور بن و دڤێت سەنتەرێن مەژی بڤی رەنگی بن و ھەموو جورە مرۆڤێت بێ لایەن د سمینار و وورگ شوپا ندا بکەنە وانەبێژ دڤێت سەنتەرێن مە ل سەر جورێ سمینار و وورگ شوپێ کار بکەن نەک ل سەر رێژەیا ئەنجامدانا چالاکیان )
ناڤبری دیارکر ژی کو سەنتەرێن رەوشەنبیری ب ھێزترین خالا ھشیارکرنا جڤاکی یە و باشترین دەلیڤەیە بو وان کەسان یان دایبابا کو نکارن زارو و سنێلێن خوە پەروەردە بکەن و فرێبکەن و گۆت ژی: ( دڤێت د سەنتەرێن مەدا پەرتوکخانەیێن تایبەت ژی ھەبن و رێیا خەلکی ڤە بکەن کو سەنتەرێ رەوشەنبیری مالا خوە بدانن دڤێت سالانە راپرسی ل سەنتەران بھێنەکرن کا خەلک چەند بەشداری کومبونێن وان بوینە و پتر ل کیش جورێ کومبونێ بەشداردبن و کیژێ بەشدارنابن داکو خالێن بھێز بەردەوامیێ بدەنێ و یێن لاواز ژی چارەسەریەکا ب لەز بو ببینن ژ بەرکو پارەکێ زور دھێتە تەرخانکرن و چالاکیێن وان د لاوازن و دیسا سەنتەرێن ب ھێز چالاکتر بکەن و بسپوران بو پێبگەھینن و بەردەوام ئەندام و کارگێرێن وان ببەنە خولێن نیڤ دەولی و دەرڤە بو پتر کارا کرنێ ژ بەرکو خەلک ل جھێن شارەزا و ھەژی بەرھەڤ دبن ژبەرکو ژ بەر نە گرنگیدان ب وان پرسێن کو د سەرێ وەلاتیان دا ھەیی نێزیکی َ٦٠% ژ خەلکی دویری کومبوون و سمینار و ورگ شوپێن سەنتەران بوینە)
ئەڤرۆ نیوز، نەوزاد ھلۆری:
پشتی چەندین سالان ژ خزمەتکرنا بناڤێ ” دەزگەھێ ھەرمان بو رەوشەنبیری و راگەھاندن و ڤەکولینێ ” د نھادا ھاتە ھەلوەشاندن و ل جھێ وێ دەزگەھەکێ نوو بناڤێ ” دەزگەھێ ھەرمان یێ رەوشەنبیری و ژینگەپارێزی ” ھات دامەزراندن.
فاخر عەلی بەرپرسێ دەزگەھێ ھەرمان یێ رەوشەنبیری و ژینگەپارێزی بۆ ئەڤرۆ نیوز گۆت : ( سیستەم و سیاسەتا دەزگەھێ نوویێ ھەرمان ب تەمامی جودایە ژ دەزگەھێ ھەرمان یێ بووری و دێ دەزگەھێ نوو بتنێ وەکو دەزگەھەکێ ژینگەھی ژ بوو پاراستن و گرنگیدانا ژینگەھا دەڤەرا بارزان ب ھەردوو جورێن دارستان و کوڤیان ڤە خزمەتا دەڤەرا بارزان کەتن و دێ راگەیاندنی و رەوشەنبیرێ گەلەک دویر کەڤیت )
فاخر عەلی زێدەتر گۆت : ( دەڤەرا بارزان خودانا ژینگەھەکا پێشکەفتی یە و ھەڤرکیا وەلاتێن بیانی دکەت و ھزاران سەرێن کوڤی و سەدان جورێن وان ھەنە ، ژ بلی کو خودانا دارستانەکا رێک و پێک و رووبار و دیمەنێن سرۆشتیێن جوانە و ئەم وەکو دەزگەھێ ھەرمان دێ پتر کارین دوارێ ژینگەھی دا خزمەتێ کەین ژ بەرڤێ خەباتا دەزگەھێ ھەرمان یێ رەوشەنبیری و راگەھاندن و ڤەکولینێ ھاتە ھەلوەشاندن و دەست ب خەباتەکا دن کر )
ل دوماھیێ گۆت : ( ل دەزگەھێ نوودا بتنێ رادیو دێ وەکو راگەیاندن کارکەت و ئەو ژی دێ چالاکیێن دەزگەھێ نوو تێدا ھێنە بەلاڤکرن و ئەڤە چەندەکە ئەم لسەر ڤی سیستەمێ نوو دچین )
ئەڤرۆ نیۆز،زنار تۆڤی:
پشتی چوونا نه‌یمار دا سیلڤای بۆ یانا پاریس سانجێرمان یا فرنسی، یانا بارشەلۆنا یا ئیسپانی روو ب روو كێشه‌یه‌کا دیتر بوویه،ژبەر هندێ‌ن نه‌شێت چو یاریکەرێن خوە بفرۆشیت.
یانا بارشەلۆنا ده‌رگەهێ گفتوگۆ یێ ل گه‌ل چه‌ند یانه‌یه‌كان ڤەکربوو،بۆ فرۆتنا تۆماس ڤێرمایلینێ به‌رەڤانێ خوە یێ به‌لجیكی،كو بەرشە دڤیا ب رێیا وی گۆژمەکێ پاران ب دەست خوەڤە بینیت،بۆ ئینانا چه‌ند یاریزانێن نوو کو مفای ژێ وەربگریت،بەلێ وەسا دیارە کو بەرشە نەشێت ڤی كاری بكەت،چونکی ڤێرمایلین تووشی هنگافتنێ بوویە.
دوهی د یاریا دۆستانه یا بارسەلۆنا و خیمناستیكادا، ڤێرمایلین د خۆله‌كا 12 دا تووشی پێكانێ بوویە،یاریگەه بجه هێلایە،لەورا ئه‌و یانێن بۆ ب ده‌ستڤەئینانا شیانێن وی یاریزانی ل گه‌ل بەرشە ده‌ست ب گفتوگۆیێ كرین پاشگه‌ز بووینە و وی یاریزانی ژ بەر هنگافتنێ ناکرن.
نيشاندان