ئەڤرۆ نیۆز،زنار تۆڤی:
پێگەهێ (oilprice) یێ جیهانی بەلاڤکریە،کو ئەڤرۆ ئێڤارا پێنجشەمبیێ (2017/7/13) بوهایێ ئێک بەرمیلێ نەفتا برێنت ب (48) دۆلار و (14) سەنتا مامەلە پێ هاتیەکرن و بوهایێ ئێک بەرمیلێ نەفتا خاڤا ئەمریکی ژی ب (45) دۆلار و (92) سەنتان هاتیە فرۆتن.
ئەڤە د دەمەکێ دابوو،کو ئەڤرۆ بوهایێ بەرمیلەکێ نەفتا ب (47) دۆلار و (70) سەنتان بوو،هەروەسا بوهایێ بەرمیلەکێ نەفتا خاڤا ئەمریکی ژی ب (45) دۆلار و (44) سەنتان بوو، بەلێ ئەڤرۆ ئێڤارێ بوهایێ وێ جارەکادی بلند بوویە ڤە.
ئەڤرۆ نیۆز،زنار تۆڤی:
پەیڤدارێ وەزارەتا پەروەردێ راگەهاندیە،کو ئەڤ سالە ئەنجامێن ئەزموونێن 9 بنەرەت دێ پاشکەڤن و دێ کەڤنە پشتی ئاشکراکرنا ئەنجامێن پۆلا 12 ئامادەیی.
سامان سیوەیلی پەیڤدارێ وەزارەتا پەروەردێ یا حوکمەتا هەرێما کوردستانێ بۆ رووداوێ راگەهاندیە کو ئەگەر هەیە پشتی حەفتیەکێ ژ تەمامبوونا ئەزموونێن پۆلا 12 ئامادەیی ئەنجام بهێنە راگەهاندن،بەلێ ئەنجامێن ئەزموونێن پۆلا 9 بنەرەت دێ کەڤنە پشتی ئاشکراکرنا ئەنجامێن 12 ئامادەیی و رەنگە زێدەتر ژ دو حەفتیێن دیتر ڤەکێشیت.
پەیڤدارێ وەزارەتا پەروەردەیا حوکمەتا هەرێما کوردستانێ دەربارەی پاشکەفتنا ئەنجامێن ئەزموونێن 9 بنەرەت گوتیە:نمرێن ئەزموونێن خویندکارێن 9 بنەرەت ل سەرجەم پارێزگەهان دهێنە وەزارەتا پەروەردێ،بۆ ڤێ ژی دەمەکێ زۆر پێ دچیت،چونکی هەتاکو نوکە ل پارێزگەها سلێمانیێ بتنێ نمرێن ئەزموونێن چار وانەیان رەوانەی وەزارەتێ کرینە،لەورا ل دەمەکێ درەنگتر دێ ئەنجام هێنە راگەهاندن.
ئەڤرۆ،ھەژار مەعروف:
پشتی ل دەستپێکا وەرزێ ئەڤ سالە ھێرشبەرێ کورد یێ بەرنیاس و یێ باکورێ کوردستانێ ھەڤبەستا یانا بروسیا مونستێر یا ئەلمانی ئیمزاکری د خولا پلا سێ یا وی وەلاتی دا پشتی ھەڤبەستا ئەوی ل گەل یانا دالکورد ل دووماھیا وەرزێ بوری یێ خولا سوید ب دووماھی ھاتی یاریزانێ ناڤبری پەیوەندی ب یانەکا پلا سسێ یا ئەلمانی کری .
ل دویڤ ژێدەرێن دەنکوباسی یێن تورکی چار یانێن تورکی یێن خولا پلا ئێک چاڤ ل ئیمزاکرنا ھەڤبەستا یایدین مێرکان ھەیە ئەوژی ھەر ئێک ژ یانێن باندیرمان سپور و دەنیزلی سپور ھەردیسان ھەردو یانێن مانیسیا سپور و ئەلتینورد کو ئەڤ ھەردو یانە ژ ھەردو یانێن دی پتر نێزیکن بۆ ئیمزاکرنا ھەڤبەستا ئەڤی یاریزانی ژبەرکو ئەو کوژمێ ھەر دو یانێن دی پێشکێشی مێرکان کری گەلەک ژ ھەردو یانێن دەنیزلی باندیرمان باشترە .
ژلایەکێ دویڤە یانا دالکورد ژی ماوەکێ درێژە یا بزاڤێن ڤەگەراندنا گولکەرێ خوە یێ کورد مێرکان کەت بۆ ڤەگوھاستنێن ھاڤینی و یاریێن قوناغا دوێ ژ خولا پلا ئێک یا سوید یاری ل گەل بکەت کو ماوەکێ درێژە یانا دالکورد یا بزاڤێن ئینانا ئەڤی یاریزانی کەت لێ دبیت یانێن تورکی بنە رێگر بۆ ڤەگوھاستنا مێرکان بۆ یانا دالکورد ژبەرکو کوژمێ یانێن تورکی گەلەک ژ یێ ئوڤەرا دالکورد بلندترە و یاریزان ژی نوکە د ژیێ ٣٠ سالی دا دبیت ھزر ل چوونا کوژمێ بلند بکەت لەورا یانێن تورکی ئارمانجا سەرەکی یا دالکورد بۆ مێرکاتویا ھاڤینا ئەڤ سالە ب زەحمەت ئێخست .
ھەژی گوتنێ یە یایدین مێرکان خەلکێ باژێرێ دێرسمێ یە یا باکورێ کوردستانێ و ل وەلاتێ ئەلمانیا ژ دایکبوویە بەری نوکە یاری ل یانێن بوخوم د بوندس لیگا دو ئێک یا ئەلمانی دا کریە و ھەردیسان یاری ل یانێن ئەسکیشەھیر و گوتزتەپە و ئەکسیھیر سپور یێن تورکی کریە و ل سالا بوری یاری ل یانا دالکورد کر
ئەڤرۆ نیۆز،زنار تۆڤی:
ئەندامەکێ سەرکردایەتیا پارتی دیموکراتی کوردستان ئاشکراکریە کو گفتوگۆیێن راستەوخۆ دێ دناڤبەرا پارتی و بزاڤا گۆرانێ دا دەست پێکەن.
د. ئاراس حەسۆ میرخان ئەندامێ سەرکردایەتیا پارتی دیموکراتی کوردستان بۆ باسنیوز دیارکریە: ”کو پشتی ھاتنا مەسعود بارزانی سەرۆکێ هەرێما کوردستانێ ژ دەرڤەی وەلاتی، پارتی دێ کۆمبوونێن راستەوخۆ ل گەل بزاڤا گۆران ئەنجام دەت.
هەروەسا دیارکریە ژی کو ئەو گفتوگۆیێن راستەوخوە ل گەل گۆڕانێ ب باشترین رێک دزانن و دوپاتکریە ژی:”پشتی ھاتنا بارزانی،دێ ئالیەتیێن کۆمبوونێ دروست کەین.
هەروەسا گۆتیە ژی ”بزاڤا گۆڕانێ ژی پێ باشە کو گفتوگۆیێن راستەوخۆ بهێنە ئەنجامدان،چونکی د وان کۆمبوونان ودا دێ شێین ب راشکاوانە ھەموو تشتان بێژینە ئێک“.
ئه‌ڤرۆ نیۆز،عه‌زیز ره‌سول هه‌ورامانی:
رێڤەبەرێ گشتی یێ پۆلیسێن سلێمانیێ راگه‌هاند،د هه‌لمەتەکا لێگەریان و پشكنینێ دا هێزێن پۆلیسێن سلێمانیێ شیان (26) دزیکەران ب تۆمه‌تێن جۆراوجۆر بگرن.
سه‌ركه‌وت ئه‌حمه‌د پەیڤدارێ پۆلیسێن سلێمانیێ بۆ ئه‌ڤرۆ نیۆز گوتیە:هێزێن پۆلیسێن سلێمانیێ شیاینە(26) كه‌سان ده‌ستگیر بكه‌ن كو تاوانێن دزیێ یێن جۆراوجۆر كرینه سه‌رجه‌مێ وان تۆمه‌تباران دانپێدا ب تاوانێن خوە کرینە.
ئه‌حمه‌د زێده‌تر گۆتیە: (6) ژ تۆمەتباران دزی ژ مالان کرینە،(2) ژ وانا عه‌ره‌بن،(2)تۆمه‌تباران ژی دزی ژ ترۆمبێلان کرینە هەروەسا 3 ژ دزیکەران ب به‌تۆمه‌تا دزیكرنێ ژ مارکێتان هاتینە گرتن،دیسا (5) ژ وان ماتۆر سكل دزینە و (4) ژ وان مۆبایل دزینە و (6) ژ وان كێبل دزینە.
پەیڤدارێ پۆلیسێن سلێمانیێ دیارکریە:سه‌رجه‌مێ تۆمه‌تباران ب بریاری دادوه‌ری هاتینە گرتن،هەروەسا دۆسیه ژی بۆ وان هاتینە ڤەکرن و هاتینە ره‌وانه‌کرن بۆ دادگەهێ ب مه‌به‌ستا بریاردانا دادوه‌ری ل سه‌ر دۆسیێن وان.
ئه‌ڤرۆ نيوز:
پشتی وەرزێ ھاڤینێ دەست پێکری و پلێن گەرمایێ بلند بووین و رەوشا کارەبا گشتی ژی تێک چوویی و خودانێن موەلیدەیێن کارەبێ ژی دەستکاریێ دڤولتی دا دکەن و وەلاتی ژی دبێژن ئەڤ چەندە بوویە سەدەما سوۆتن و کارنەکرنا ئامیرێن مە یێن کارەبی.
فەیسەل عەبدولا دبێژیت: پشتی بوویە وەرزێ ھاڤینێ زێدەباری وێ گەرما زێدەیا ب سەر دەڤەرێ دا ھاتی مە چو حال ژ بەر کارەبا موەلیدەی نینە و دەمێ کارەبا گشتی دچیت ھندەک جاران بیست خولەک دبۆرن ژ نوو کارەبێ ھەل دکەن.
گۆت ژی: ژبلی ڤێ یەکێ خوە دێ بێژی ھەموو خودانێن موەلیدەیان یا گۆتیە ئێکدو دەستکاریێ دڤولتی دابکەن و دیار کر کو وان شەش ئەمپێرێن کارەبا موەلیدەی یێن ھەین و چو ئامیرە پێ کارناکەن و گۆت: ھەموو تشتا دڤەمرینین دا کو موبەریدێ بدەینە کاری و ھەر سرکێت دھێتە خوارێ و خوە ناگریت و کەس پرسیارا ڤێ چەندێ ناکەت.
سامان کەمال دبێژیت : مە گلەیی ژ لیژنا موەلیدان ل پارێزگەھا دھوکێ ھەنە، چونکو وەکو پێدڤی دووڤچوونا خودانێن موەلیدەیان ناکەن، ژ بەر ڤێ یەکێ پێگیریێ ب رێنمایێن قائیمقامیێ ناکەن و وەکو خوە ڤولتیێ موەلێدێ دئیننە خوارێ، لەورا ئامیرە بێ کار ناکەن و دسۆژن یان دەمێ کارەب دچیت ماوەکی ب سەرڤە دبەن پاش ددەنە کاری.
جەھوەر عەلی قائیمقامێ قەزا دھۆکێ بۆ ئەڤرۆ گۆت: بەرنامێ کارکرنا ل ھەیڤا بۆری ژی 24 و چوار بوون، ژبەر مەھا رەمەزانا پیرۆز و ھاتنا وەرزێ ھاڤینێ نەخاسمە پشتی پلێن گەرمێ بلند بووین بەردەوامی دێ ب ڤی بەرنامەی ھێتە دان و دیسان گۆت: ھەر ل بەر گەرمێ و ھندەک جھان پشتی چەندین سالان وان موەلیدەیان کار کریە و بێ ھێز بووینە یان ژی ئەو شیان نینن بۆ چەندین دەمژمێران ئەو موەلیدە کاربکەن و گۆت: ھندەک خودانێن موەلیدان ڤولتی ئینایە خوارێ و ھەر ئێکسەر مە ئاگەھداریا لیژنێن سەرپەرشتیا موەلیدەیان کر کو سەرەدانا وان جھان بکەن و ڤولتیێ دروست بکەن و پێگیریێ ب رێنمایان بکەن و ھەتا راددەکی ئەڤ چەندە ھاتیە کونترول کرن.
قائیمقامێ قەزا دھۆکێ گۆت ژی: ھەر جھەکێ خودانێ موەلیدەی دەستکاری د ڤولتی دا کر بلا ھەر زوو وەلاتی مە ئاگەھدار بکەن، چونکو یێ پێگیریێ ب رێنمایێن قائیمقامیێ نەکەت دێ پێ رابوون ژێ ھێنە وەرگرتن و ھێتە سزادان و گۆت: بەرنامێ کارکرنا موەلیدان ژی دێ ل دویڤ رێنمایێن لیژنێ بیت کا پێدڤی ب چەند دەمژمێریایە کاربکەت و بەرنامە ژی نھا 24 دەمژمێری یە، ھەر دەمێ کارەبا نیشتیمانی چو و دڤێت موەلیدە کارکەن و بھایێ ئەمپیرێن کارەبێ ژی ب وی سیستەمێ کارکرنێ ھێتە دانان.
زێدەتر گۆت: رەنکە ب ڤێ یەکێ باراێ دارایی یێ وەلاتیان گران ببیت، بەلێ ھەیڤێن گەرمێ نە و سەرەدەری ناھێتە کرن، لەورا دڤێت ھەموو دەمەکی کارەب ھەبیت و ئەڤە ژی ل سەر داخوازا خەلکێ مەیە و بۆ بەرژەوەندیا وەلاتیان دێ ھەموو شیانان ئێخینە کاری.
ئەڤرۆ نیوز، مەحمود نھێلی:
کەسەک ل سنورێ قەزا ئامێدیێ ئەڤە سێ روژە بەرزە بووی و ھەتا نھا کەس و کارێن وی نزانن ل کیڤەیە و نەھاتیە دیتن . سەروان عەلی رەشاڤەی کو ئێک ژ کەس و کارێن وی یە بۆ ئەڤرۆ نیوز دیارکر ئەڤ وەلاتیی بەرزە بووی یێ بناڤێ موحەمەد رەشێد ئیسلام خەلکێ گوندێ وانە و ل سەنتەرێ ناحیا دێرەلۆک یێ سەرب قەزا ئامێدیێ ئاکنجیە کو بەری سێ روژان ل مال دەرکەفتیە و یێ دیار نینە و ھەتا نھا نەھاتیە دیتن و کەس و کارێن وی ژی نزانن ل کیڤەیە ولایەنێن ئەمنی ژی ئاگەھدارکرینە. ناڤبری گوت : ئەو کەسە یێ ب خێزانە و ژیێ وی ٣٨ سالن و بەری نوکە ژی توشی نەخوشیا دەرونی ببو و کەلەک جاران رەوشا وی تێک چویە.
ھیڤدارین ھەرکەسەکێ پێزانین لسەر ھەبن بلا پەیوەندیێ بڤێ ژمارێ بکەت٠٧٥٠٤٥٧٨٠٠٢
ئەڤرۆ:
ھەر ل گەل وەرگرتنا پوستێ راھێنەریا یانا چێلسی راھێنەرێ ئیتالی کونتی یا بزاڤێن ئینانا یاریزانێ ئیسپانی و یانا ریال مەدرید ئەلڤارو موراتای کەت کو ل وەرزێ بوری و ھەتا نوکە حەزا ئینانا ئەڤی یاریزانی ھەیە و پشتی یانا مانچستەر یوناید خوە ژ کرینا موراتای ڤەکێشای پشتی ھەڤبەستا لوکاکو ئیمزاکری ھیڤێن یانا چێلسی ب ھێزبووینە بۆ دەستڤە ئینانا ئەڤی یاریزانی لێ یانا ریال مەدرید دبیت جارەکا دی رێیێ ل بەر ڤێ یانێ بگریت و خەونا کونتی ب زەحمەت بێخیت.
رۆژناما دیلی ستار یا برێتانی راپورتەک بەلاڤەکریە و تێدا دیارکریە یانا ریال مەدرید ھەر نوکە ھزر ل گوھورینەکێ کریە ل گەل یانا چێلسی کو یانا ئنگلیزی حەزا ئیمزاکرنا ھەڤبەستێ ل گەل ھێرشبەرێ وێ موراتای ھەیە ئەو ژی بەرھەڤن موراتای ب دەنێ لێ دێ مەرجەکێ دەنە بەر ئەوژی یاریزانێ خوە ھازارد بفروشنە یانا ریال مەدرید ژبەرکو ئارمانجا زێدانی ھەر ژ سالا بوری وەرە ھارزاد ھەمان دەم دا راھێنەرێ چێلسی ژی ئارمانجا خوە زێدەتر ژ سالەکێ کریە موراتا.
ھەمان رۆژنامێ دیارکریە ژی نوکە یانا ریال مەدرید ھزر ل وێ چەندێ کریە دەست ب دانوستاندان ل گەل بەرپرسێن یانا چێلسی بکەت بۆ ڤێ گوھورینێ کو ئەو رازینە ل سەر ڤێ گوھورینێ و ل سەر ھەمێ خالێن ھەڤبەستێ و کوژمێ پارەی ژێ دێ ل گەل یانا چێلسی پێک ئین ھەکە یانا لەندەنی بەرسڤ دا ژبەرکو یانا ریال مەدرید پتر پێدڤی ب ھازارد ھەیە ژ موراتای .
ئەوێ رۆژنامێ ئاشکراکریە ژی یانا ریال مەدرید دەست ب کارێ خوە کریە و دبیت ب رێژەکا مەزن د ڤێ گورینێ دا یا سەرکەفتی بیت ژبەرکو چێلسی ژی پێدڤیەکا مەزن ب یاریزانەکێ گولکەر ھەیە یێ وەکو موراتای و ھەردیسان ھەکە یانا ریال ھازارد ب دەستخوڤە ئینا ئەو دێ دەست ژ ھەڤرکیا ئینانا مپاپی بەردەن.
نيشاندان