NO IORG
Twitter

155

ئەڤرۆ نیۆز،زنار تۆڤی:

ئاڤ ژێدەرێ ژیانێ یە،لەورا نەبوونا ئاڤێ ئانکو نەبوونا ژیانێ ل سەر روویێ ئەردی،هەروەسا نوکە چەندین کێشە سەبارەت ژێدەرێن ئاڤێ ل جیهانێ دروست بووینە،هەروەسا نوکە ل گەلەک جهان ل جیهانێ ژیانا مرۆڤان ژبەر نەبوونا ئاڤێ کەفتیە دمەترسیێ دا و نەتەوەیێن ئێکگرتی د راپۆرتەکێدا ئەڤ چەندە دیارکریە و ئاماژە ب هندێ دایە کو نوکە 2 ملیار و 100 ملیۆن مرۆڤا ل جیهانێ ئاریشا ئاڤێ هەیە و ئاڤا ڤەخوارنێ یا پاقژ ناگەھیتە وان و ئەڤ چەندە ل چەندین وەلاتێن جیهانێ هەیە،هەروەسا دیارکریە ئاریشا نەبوونا ئاڤێ پتر ل وەلاتێن هەژار هەیە و ئەڤ چەندە مەترسیە ژی بۆ سەر ژیانا وان،هەروەسا گۆتیە،چار ملیار مرۆڤێن دی ژی نوکە ژ خزمەتێن پاقژییا ساخلەمیێ د بێ بەهرن.

رێکخراوا ساخلەمیا جیھانی راپۆرتەک ب ناڤێ (ئاڤا ڤەخوارنێ و پێشڤەبرنا وارێ پاقژیێ ل سالا 2017 بەلاڤ کریە،د وێ راپۆرتێدا هاتیە کو ئاڤا ڤەخوارنێ یا پاقژ ناگەھیتە مالێن 2 ملیار و 100 ملیۆن مرۆڤان جیھانێ،ئانکو 30% یا مرۆڤان ل جیھانێ تۆشی ئاریشا بێ ئاڤیێ بووینە،هەروەسا دیارکریە کو چار ملیار و نیڤ مرۆڤ ژی نەشێن خزمەتێن پاقژییا ساخلەمیا ئاڤێ ب دەست خوەڤە بینن،ئانکو ب رێژەیا 60% یا مرۆڤان بێی خزمەتێن ساخلەمیێ نە ل جیهانێ.

3538

ئه‌ڤرۆ نيوز:

Image result for ‫رمان‬‎

1- ھنار: گرنگترین فێقیە بۆ زێدەکرنا چالاکیا سیکسی، ڤەکۆلینان دوپات کریە کو خورانا ھناران ب ئاوایەکێ رۆژانە حەز ز شیانێن سیکسی زێدە کەت، ھنار ھاریکاریا لەشی دکەت بۆ بەرھەمئینانا ماددەیێ ئەکسید نەتریک یێ بەرپرس ژ فرەھکرنا دەمارێن خوینێ و زێدە پالدانا خوینێ، ب خوارنا ھنارا خوشیەکا زێدە ژ سیکسی ببینە.

 

فراولا كچ سكس

2- فەراولە: بناڤودەنگترین فێقیە بۆ چالاککرنا سیکسی، یا دەولەمەندە ب کەرستێن دژی گیرھەبوونێ و دل و دەمارێن خوینێ دپارێزیت، رێژەیا مەزن یا ڤیتامین C د ناڤ دا ھەیە و سپێرمێن زەلامان زێدە دکەت، گەلەک فەراولان بخۆ و شەڤێن گەرم دەرباز بکە.

Image result for black figs

3- ھژیر: ھژیر بۆ ژن و زەلامان وەکو ئێک ب مفا یە، ژبەر زێدەھییا ھەبوونا تڕشاتیێن ئەمینی د ناڤ دا، رۆیلەکێ سەرەکی بۆ زێدەکرنا حەز و شیانێن سیکسی دگێریت.

Image result for ‫افوكادو‬‎

4- ئەڤوکادۆ: وزێ ددەتە لەشی ژ بەرکو تڕشاتیێ فۆلیک د ناڤ دا ھەیە، ھەروەسا لەشی ژ نەئارامیەَ قۆرتال دکەت چونکو ڤیتامین B6 د ناڤ دا ھەیە.

Image result for ‫موز‬‎

5- مۆز: رۆژا خوە ب خورانا مۆزەکێ دەست پێ بکە و ھەست ب پتر وزێ و ژیانێ بکە، دێ بینی حەزا تە یا سیکسی زێدەبوو، ژبەرکو ئەنزیمێ برۆمیلین و ڤیتامین B د ناڤ دا ھەنە.

Image result for ‫خورما‬‎

6- قەسپ: ژ مێژەیە دھێتە زانین قەسپ وزێ ددەتە لەشی، بۆ زێدەکرنا حەز و شیانێن سیکسی و باشترکرنا پەیوەندیا ھەڤژینی رۆلەکێ باش دگێریت.

توو

7- تووشەمب: سەرەرای بچووکیا قەبارێ وێ رۆلەکێ کارا د زێدەکرنا حەزا سیکسی دا ھەی، ھورکۆنێ ئەترۆجین و برۆجسترۆن زێدە دکەت، ب وێ یەکێ ژی رۆلەکێ کارا بۆ لاوازیا رەپبوونا سەندامێ سیکسی دگێریت.
8- گێلاس: فێقیەکێ نمرە ئێکە بۆ ڤەکرنا دەمارێن خوینێ و نەھێلانا گرتنا وان.

158

ئه‌ڤرۆنیۆز ،زنار تۆڤى:

سترانبێژێ باكۆرێ كوردستانێ فه‌رهاد بۆتان كو نوكه‌ ل باژێرێ وانێ دژیت،د هه‌ڤپه‌یڤینه‌كێ دا بۆ ئه‌ڤرۆ نیۆز دبێژیت:ئه‌ڤه‌ ماوێ پێنج سالانه‌ ئه‌ز سترانا دبێژم،لێ ژبه‌ر ئاسته‌نگێن ژیانێ هه‌تاكو نوكه‌ من چ به‌رهه‌م و كلیپ چێنه‌كرینه‌،لێ نوكه‌ ئه‌ز یێ به‌رهه‌ڤیان بۆ چێكرنا ئه‌لبۆما خوه‌ یا ئێكێ دكه‌م یا ب ناڤێ”ئه‌ز بریندارم”من چه‌ندین ستران ژى تۆماركرینه‌ و ل ده‌مه‌كێ نێزیك دا دێ ڤێ ئه‌لبۆمێ به‌لاڤكه‌م،ناڤهاتى هێشتا دیاركر ژى:ل به‌ر ده‌نگێ سترانبێژان شاكرۆى و حه‌سه‌ن شه‌ریفى ئه‌ز بوویمه‌ سترانبێژ و نوكه‌ ژى هه‌رده‌م سترانێن وان دبێژم،هه‌روه‌سا ئه‌ز ئامیرێ سازێ ژى دژه‌نم،له‌ورا پێدڤیه‌ سترانبێژ ب زانیت ئامیره‌كێ ب ژه‌نیت،داكو بشێن هونه‌رێ خوه‌ پێش بێخیت.

فه‌رهاد زێده‌تر دبێژیت:نوكه‌ سانسۆره‌ك مه‌زن ل سه‌ر هونه‌رمه‌ندێن باكۆر هه‌یه‌ و هه‌روه‌سا چه‌ندین هونه‌رمه‌ندێن كورد ل باكۆر هاتینه‌ گرتن،ژبه‌ر گۆتنا سترانبێن سیاسى و نوكه‌ سترانا سیاسى ل باكۆر ژلایێ ده‌وله‌تا تورك هاتیه‌ قه‌ده‌غه‌كرن،دیسا ده‌وله‌تا تورك ناهێلن هونه‌رمه‌ندێن كورد ب چنه‌ ده‌رڤه‌ى وه‌لاتى بۆ گێرانا ئاهه‌نگ و هه‌لكه‌فتێن كوردان،پاسه‌پۆرتێن گه‌له‌ك هونه‌رمه‌ندێن كورد هاتینه‌ ژێ وه‌رگرتن و نوكه‌ ره‌وشا هونه‌رمه‌ندان گه‌له‌ك ئالۆزبوویه‌ و ده‌وله‌تا تورك گه‌له‌ك ئاسته‌نگان د ئێخیته‌ رێیا مه‌،لێ ئه‌م هه‌ر ل سه‌ر هونه‌رێ خوه‌ د به‌رده‌وامین و چ جاران ده‌ست ژ هونه‌رى و سترانگۆتنێ به‌رناده‌ین.

ئه‌ڤرۆ نيوز:

جێگرێ ئێكێ يێ سكرتێرێ گشتى يێ ئێكه‌تيا نشتيمانى كوردستانێ كوسره‌ت ره‌سۆل بڕياره‌كا فه‌رمى ده‌ركر و تێدا ئارێز عه‌بدولا وه‌كو سه‌رۆكێ فراكسيۆنا ئێكه‌تێ ل جڤاتا نوونه‌رێن عيراقێ ل جهێ ئالا ته‌له‌بانى دانا.

د به‌ياننامه‌كێ دا كو دانه‌ك ب ده‌ست ئه‌ڤرۆ نيوز كه‌فتيه‌ ئاشكه‌را كريه‌ كو پشتى بڕيارا دوورخستنا هه‌ڤال ئالا ته‌له‌بانى ژ پۆستێ سه‌رۆكا فراكسيۆنا كه‌سك ل جڤاتا نوونه‌رێن عيراقێ ده‌ركه‌فتى، بڕيار هاته‌ دان، هه‌ڤال ئارێز عه‌بدولا ب وه‌كاله‌ت وه‌كو سه‌رۆك بهێته‌ دانان هه‌تا كو هه‌لبژارتن بهێت.

ئالا و ئارێز

169

ئەڤرۆ نیۆز،زنار تۆڤی:

رێكخراوا ئۆپك د راپۆرتا خوە یا هەیڤانەدا دیاركریە:کو ل سالا 2018 دێ خواست ل سه‌ر به‌رهه‌مێ نەفتا وێ یێ كێم بیت،چونکی هه‌ڤركێن وان خامێن نەفتێ و جۆرێن دیتر یێن وێ دێ هاڤێژنه‌ د بازارێن جیهانی دا.

د راپۆرتا خوه‌ یا هەیڤانە دا رێكخراوا ئۆپک پێشبینێن خوە بۆ سالا 2018 دیارکرینە و تێدا هاتیە کو ل سالا بهێت جیهانێ دێ رۆژانه‌ پێدڤی ب سهـ و دو ملیۆن و دوسه‌د هزار به‌رمیلێن نەفتێ هەبیت،ئانکو‌ كێمتر ب شێست هزار به‌رمیلان ژ به‌رهه‌م ئینانا نوکە یا رێكخراوا ئۆپکێ یاكو رۆژانه‌ به‌رهه‌م دئینیت.

ئەو ژی دیارکریە:کو ژبەر بەرهەم ئینانا نەفتا بەری ژلایێ هەڤرکێن وێڤە دێ خواست ل سەر نەفتا ئۆپکێ کێم بیت ل جیهانێ.

ئه‌ڤرۆ نيوز:

ژێده‌ره‌كێ ئه‌منى ژ پارێزگه‌ها ئه‌نبار راگه‌هاند كو ئه‌ڤرۆ رۆژا پێنجشه‌مبى ته‌قينه‌كا خۆكۆژى ل به‌رده‌رگه‌هێ باره‌گايێ حه‌شه‌دا عه‌شائيرى روودا و ژ ئه‌گه‌رێ وێ چه‌ندێ سێ كه‌س هاتنه‌ كوشتن و شه‌ش ژى بريندار بوون.

ئه‌وى ژێده‌رى خۆكۆژ ب “ئه‌ندامێ داعش” ناڤ ئينا كو قاويشه‌كا مينرێژكرى گرێدابوو و جلكێن پۆليسان ل به‌ر خوه‌ كربوون، هێرش كره‌ سه‌ر باره‌گايێ حه‌شدا عه‌شائيرى ل باژێرێ كه‌رامه‌.

ئه‌ڤى ژێده‌رێ ناڤێ خوه‌ ئاشكه‌را نه‌كرى گۆتژى: “هێزه‌كا هه‌ڤپشك يا سۆپا و حه‌شدا عه‌شائيرى ل زالگوها باره‌گايى بوون، شيان ئێك ژ وان هێرشكه‌ران بكوژن، به‌لێ ئه‌ڤێ دى خوه‌ ته‌قاند”.

634

ئه‌ڤرۆ نيوز:

1- پێدڤیە دەرمان ل دەرمانخانێن دەستووردای ژ ئالیێ لایەنێن ساخلەمیێ بھێنە کرین.
2- ئەو کەسێ دەرمانان دخوت پێدڤیە ئاگەە ژ رەوشا خۆ ھەبیت ب رێکا ( تێبینیا رەنگێ دەرمانی بھێتە کرن و دیسان سەحکەتە راچێتا دەرمانی و شووشێ دەرمان تێدا، رەنگ و تاما دەرمانی چاوایە، یانژی ھەکە ھەر نیشاەنەکا نەسروشتی دیت ئەڤە رامانا سەختەکرنا دەرمانی نە).
3- ھەر دەرمانەکێ نەدەستووردای بیت ژلایێ ساخلەمیێ یان بھا بۆ نەھاتبیتە دانان، ئەو ژێدەرێ وی دەرمانی یێ دروست نینە و رەنگە ب رێژەیەکا مەزن سەختەکاری تێدا ھەبیت.
ئاریشە و گونەھباریا سەختەکرنا دەرمانان دوێ چەندێ دایە کو سەرەرای مرۆڤ پارەیان لێ دمەزێخیت بەلێ زیانێ ل ساخلەمیا مرۆڤی دکەن و نە بتنێ دەرمانێن نوو دھێنە داھێنان سەختەکرن تێدایە بەلکو ب ھزارەھان دەرمانێن دیتر ژی دھێنە سەختەکرن ب شێوەیەکی کو مرۆڤ ھزر دکەن د ئەسلینە.

ئه‌ڤرۆ نيوز:
رێڤەبەرێ فەرمانگەھا گشتی یا کومسیۆنا بلندا سەربخوەیا ھەلبژارتن و راپرسیێ ل دھۆکێ بۆ رۆژناما ئەڤرۆ ئاشکرا کر کو ل نیسانا ئەڤ سالە فەرمانگەھا وان ھاتیە دامەزراندن و ھەتا نوکە وان 60 کارمەند ھەنە و دبێژیت: ھەموو ئەون یێن سیڤی پێشکێشکرین و ب رێیا سیڤی ھاتینە دانان.
عەلی سالح بەندی، رێڤەبەرێ فەرمانگەھا گشتی یا کومسیۆنا بلندا سەربخوەیا ھەلبژارتن و راپرسیێ ل دھۆکێ خویا ژی کر، نڤیسینگەھێن کومسیۆنێ ل دەڤەرێن کوردستانی یێن دەرڤەی ئیدارا ھەرێما کوردستانێ دێ ھێنەڤەکرن و بەرھەڤیان بۆ رۆژا ئەنجامدانا راپرسیێ ب تایبەت ل دەڤەرێن خوە کەن و گۆت: “ئەم چاڤەڕێی رێنمایێن نوو دکەین، داکو دەست ب وەرگرتنا کارمەندێن گرێبەست بکەین، دیسا کادرێ مە ل کومسیۆنێ پشکداری ھندەک خۆلێن ئاست بلند بکەن، داکو شارەزایی د بیاڤێ کارێ وان بۆ پەیدا ببیت”.
ئاماژە ب وێ چەندێ ژی کر، بۆ ئەنجامدانا راپرسیێ ئەو دێ مفای ژ ئاڤاھیێن قوتابخانان وەرگرن و سندۆق دێ لێ ھێنە دانان و خەلک قەسکەتێ و دەنگێ خوە دەت.
عەلی سالح بەندی دیار ژی کر، ئەو جھێن کورد تێدا دژین و وەکو مێژوو و جوگرافی ئەردێ کوردستانێ بیت دێ راپرسی لێ ھێتەکرن، دیسا سنوورێن کوردستانێ د دیارن و پێشمەرگە یێ تێدا و د پارێزیت.
ل دۆر پەیوەندیا وان ل گەل کومسیۆنا عیراقێ عەلی سالح بەندی گۆت: “مە وەکو کومسیۆنا بلندا سەربخوەیا ھەلبژارتن و راپرسیێ ل کوردستانێ چ پەیوەندی ل گەل کومسیۆنا عیراقێ نینە”.

ئەڤرۆ نيوز:

پشتی سەرەدانا سەرۆکێ ھەرێما کوردستانێ و شاندێ ریفراندۆمێ بۆ ئورۆپا گەلەک دەزگەھێن راگەھاندنێ بەحسێ سەرەدانا بارزانی و داخۆیانیێن وی ل دۆر مافێ چارەنڤیسێ بۆ کوردان دکەن و دیار دکەن کو چو وەلاتەکێ ئورۆپی ل دژی ریفراندۆما ھەرێما کوردستانێ نینن.

سەرەدانا سەرۆکێ ھەرێما کوردستانێ ل گەل شاندێ ریفراندۆمێ بۆ ئورۆپا و کۆمبوونێن ل گەل بەرپرسێن ئورۆپی بوویە رۆژەڤا سەرەکی یا راگەھاندنێن جیھانی و گەلەک دەزگەھێن راگەھاندنێ دیار دکەن کو چو وەلاتەکێ ئورۆپی ل دژی ریفراندۆمێ نینە، چونکو ل گۆر قانوونێن ئێکەتیا ئورۆپا ئەو رێزێ ل بریارە مافێ چارەنڤیسێ بۆ گەلان دگرن و ژ بەر ھندێ ژی نھا تەپ ل مەیدانا کوردانە و ھەکە کورد بشێن د پرۆسێسا ریفراندۆمێ ب رێژەکا باش یا دەنگان سەرکەڤتی بن، وی دەمی دێ ھەموو وەلاتێن جیھانێ رێزێ ل ئیرادا کوردان بگرن، بەرۆڤاژی وێ یەکێ ژی دێ بۆ کوردان خراب بیت.
ئاژانسێن وەکو بی بی سی فارسی، رویتەرز و دەنگێ ئەمریکا و گەلەک دەزگەھێن دی یێن راگەھاندنا جیھانی بەحسێ ریفراندۆمێ ھەرێما کوردستانێ و ھەلویستێ ئورۆپا دکەن و دیار دکەن کو ھەتا نھا چو وەلاتەکێ ئورۆپی نەگۆتیە ئەو ل دژی ریفراندۆمێ نە، بەلکو وان ژی تێبینی ل دۆر دەمێ ریفراندۆمێ و ئالیەتێن وێ ھەنە لێ ئەو یەک رامانا ھندێ نادەت کو ئەو ل دژی ریفراندۆمێ بن، چونکو ریفراندۆم مافەکی رەوا یێ ھەموو گەلێ جیھانێ یە و کوردان ژی ئەو ماف یێ ھەی کو ب رێیا ریفراندۆمێ چارەنڤیسێ خوە دیار کەن.
بەری نھا پەیڤدارێ نەتەوێن ھەڤگرتی ژی دیار کربوو کو ئەو ل دژی ریفراندۆما ھەرێما کوردستانێ نینن، لێ ھەتا حوکمەتا ناڤەندی یا عیراقێ داخواز ژ وان نەکەت ئەو نەشێن وەکو نەتەوێن ھەڤگرتی چو رۆلەکێ د ریفراندۆما ھەرێما کوردستانێ بگێرن و داخواز ژ ھەرێما کوردستانێ و بەغدایێ ژی کربوو کو ھەموو ئاریشێن خوە دوور ژ شەری و ب رێیێن ئاشتیانە چارەسەر بکەن.
پشتی سەرەدانا سەرۆک بارزانی و شاندێ ریفراندۆمێ بۆ ئورۆپا دەزگەھێن راگەھاندنا تورکیا ژی ب گرنگی ڤە بەحسێ وێ سەرەدانێ و ریفراندۆما ھەرێما کوردستانێ دکەن، ھەرچەندە سەرۆک کۆمارێ تورکیا و بەرپرسێن دی یێ وی وەلاتی ل دژی ریفراندۆمێ ھەلویستێ خوە دیار کرن، لێ گەلەک رەوشەنبیر و رۆژنامەڤانێن تورکیا د بابەتێن خوە دا دیار دکەن کو ریفراندۆمێ مافێ کوردانە ل ھەرێما کوردستانێ و ئەو ل دژی ریفراندۆمێ نینن و ھندەک رۆژنامەڤان و نڤیسەرێن تورکیا ژی دیار دکەن کو ھەلویستێ تورکیا ل ھەمبەر ھەرێما کوردستانێ نەرمە و ھەکە ریفراندۆما ھەرێما کوردستانێ ب رەنگەکێ سەرکەفتی ب دووماھی بھێت دێ تورکیا ژی نەچار بیت کو رێزێ ل بریارا خەلکێ کوردستانێ بگریت.

738

ئەڤرۆ،ھەژار مەعروف:
راھێنەرێ کورد و خەلکێ باکورێ کوردستانێ ئیسماعیل ئالتان ب فەرمی پوستێ ئێک ژ کەفنترین و بەرنیاسترین یانێن ئەلمانی وەرگرت پشتی ب فەرمی یانا بوخوم ھەڤبەستا راھێنەرێ خوە یێ ھولەندی گێرتیان فێربیک ھەلوەشاندی بەری ب دووماھی ھاتنا ھەڤبەستا ئەوی پشتی ھەردو لایەن گەھشتی نە رێککەفتێ ل سەر ھەلوەشاندنا ھەڤبەستێ و پاش ب چەند دەمژمێران یانا بوخوم ناڤێ راھێنەرێ خوە یێ نوو ئاشکراکر ئەوژی راھێنەرێ کورد و یێ یانا لوتە یا ئەلمانی دخولا بوندس لیگا سێ دا ئیسماعیل ئالتان ئەوێ ل گەل وێ یانێ ھەر ژ سالا ٢٠١٥ وەرە شیای چەندین ئەنجامێن باش ب توماربکەت.
یانا بوخوم ھەڤبەستا راھێنەرێ کورد بۆ دو وەرزان ئیمزاکریە و بریارە ل ھاڤینا ٢٠١٩ ھەڤبەستا ناڤبری ل گەل یانا بوخوم ب دووماھی بھێت یانا ناڤبری باوەریەکا مەزن دایە ڤی راھێنەرێ گەنج ئەوێ د ژیێ ٢٢ سالی دا دەست ب ژیانا راھێنەری کری کو پشتی توشی ھنگافتنەکێ بووی ل ٢٣ سالی دەست ژ یاریا تەپا پێ بەردەی و ھەتا نوکە یێ بەردەوامە ل سەر ژیانا راھێنەری .
ئیسماعیل بۆ دو وەرزێن بھێت دێ پوستێ ئێک ژ یانێن بەرنیاس ل ئەلمانیا وەرگریت کو ئارمانجا وی دێ بۆ وەرزێ بھێت ئەو بیت یانێ بکەتە ئێک ژ ھەڤرکیێن دەربازبوونێ بۆ بوندس لیگا ئێک یا ئەلمانیا کو ژیێ ڤێ یانێ ١٦٩ سالە ل سالا ١٨٤٨ یانا بوخوم ھاتیە دامەزراندن دھێتە ھژمارتن ژ یانێن ھەرە کەفن ل جیھانێ .
ئیسماعیل ئالتان ئەوێ ل سالا ١٩٨٠ ل باکورێ کوردستانێ ژ دایکبووی و ل ژیێ پێنج سالی دا ل گەل خێزانا خوە بەر ب وەلاتێ ئەلمانیا چووین ھەر ل وی وەلاتی ژی دەست ب ژیانا تەپا پێ کر و ھەر زیکا ناڤبری ھزر ل ژیانا راھێنەری کر و ل سالا ٢٠١٠ ھەتا ٢٠١٢ وەکو یاریزان و راھێنەر ژی کارکر ل گەل یانا داڤاریا داڤسبێرک و ل سالا ٢٠١٢ ب ئێکجاری دەست ژ یاریا تەپا پێ بەردا پشتی توشی ھنگافتنەکا گران بووی و ل سالا ٢٠١٢ د ژیێ ٢٣ سالی دا ب فەرمی دەست ب راھێنەری کر د ئەرکێ خوە یێ ئێکێ فەرمی دا بو راھێنەرێ یانا رولاند بیکوم دخولا نافخوی یا ئەلمانیا دا یا ھەرێمان دا و پشتی شیای ل گەل وێ یانێ سەرکەفتی بیت یانا سپورتفریونود مانفرد لوتە ھەڤبەستا راھێنەرێ کورد ئیمزاکر و د قارەمانیا نافخوی یا ھەرێمان کو د سالا ئێکێ دا ل قوناغا دوێ ھەڤبەستا لوتە ئیمزاکر شیا د ١٦ یاریان دا ٢٩ خالان کومبکەت پشتی حەفت سەرکەفتن تومارکرین ل گەل ھەشت وەکھەڤیا و ئێک خوسارەتی و ل وەرزێ ٢٠١٥-٢٠١٦ ل گەل وێ یانێ شیا ئەنجامەکێ باش بۆ یانێ توماربکەت و بکەتە قارەمانا کوما روژئاڤا ئەلمانیا و سەربێختە خولا پلا سێ یا ئەلمانیا پشتی د ٣٦ یاریان دا ٨٣ خالان کوم بکەت پشتی شیای ٢٥ سەرکەفتنا ل گەل ھەشت وەکھەڤیا ل گەل سێ خوسارەتیا و ل وەرزێ ئەڤ سالە د وەرزێ ئێکێ یێ یانا لوتە دخولا پلا سێ دا شیا یانێ ل رێزا دوازدێ پارێزیت ژ سەرجەمێ بیست یانا.
ھەژی گوتنێ یە یانا بوخوم ل سالا ١٨٤٨ ھاتیە دامەزراندن دھێتە ھژمارتن ئێک ژ کەڤنترین یانێن جیھانێ کو ژیێ وێ ژ ھەمی یانێن جیھانێ مەزنترە لێ ھەتا نوکە ئێکەتیا فیفا دانپێدان ب وێ چەندێ نەکریە کو یانا ئەوان ل فیفا کەڤنترین یانەیە ھەر چەندە ئەوان بەلگە ژی ھەنە یانا وان ل سالا ١٨٤٨ ھاتیە دامەزراندن.

نتيجة بحث الصور عن ‪Ismail Atalan bachom‬‏

نتيجة بحث الصور عن ‪Ismail Atalan bachom‬‏

website security
WP Facebook Auto Publish Powered By : XYZScripts.com