ئه‌ڤرۆ نیۆز،عه‌زیز ره‌سول:

نه‌وشێروان محه‌مه‌د ل دەمێ ڤەمراندنا وی ئاگری دا ل چیایێ بۆین و گریانه‌ بۆ ئه‌ڤرۆ نیۆز گوتیە:دوهی ئێڤارێ ئاگرەکێ مەزن بەربوویە له چیایێ گوندێن بۆین،گریانه‌،هاواره کەڤن،زێدەتری‌ 30 دۆنەمێن ئەردێ دارستانێ و پیش و پەلەخی هاتییە سوتن.

هەروەسا دیارکر ژی:ئاگر‌ ژ كوردستانا ڕۆژهه‌لات بەربوویێ و بەربەلاڤبوویە‌ و گەهشتیە‌ كوردستانا باشۆر،نوکە ئاگری دەڤەرەکا مەزن ڤەگرتیە و هەکە زوو نەهێتە کونترۆلکرن،دێ زیانێن مەزن گەهینیتە دارستانێ،هەروەسا بەری دەمەکێ دو فرۆکێن هێلیکوبتەرێن ئیرانێ ب سەر ئەسمانێ ڤێ دەڤەرێدا گەریاینە.

پەیڤدارێ پۆلیسێن دارستانا پارێزگەها هه‌له‌بجه‌ زانیار عومه‌ر بۆ ئه‌ڤرۆ نیۆز گۆتیە:دوهی‌ ئاگرەکێ مەزن بەربوویە چیایێ گوندێن بۆین و گریان و هاوار و ل شەڤا بوری‌ مە ئاگر کونترۆلکربوو،بەلێ ئەڤرۆ جارەکادی ئاگر بەربوویێ ڤە‌،هەروەسا نوکە مە تیمێن تایبه‌ت ره‌وانه‌ی جهێ ئاگری کرینە‌ بۆ ڤەمراندنا ئاگری،بەلێ ئەڤ دەڤەرە یا چیایی یە و گەلەکا ئاسێ یە.

هەروەسا گۆتیه ژی:ئەڤرۆ هێزێن ئیرانێ ل ‌سه‌ر سنۆری ته‌قه‌ كریه و ئەڤ چەندە بوویە ئەگەر کو ئاگر زێدەتر بەربیته دارستانێ.

ئه‌ڤرۆ نیۆز،زنار تۆڤى:

هه‌ر سال رێژه‌یه‌كا به‌رچاڤ یا كولیان ل ده‌ڤه‌را به‌روارى بالا هه‌نه‌،هه‌تا راده‌یه‌كێ زیانێ ژى دگه‌هیننه‌ ده‌رامه‌ت و شینكاتیێ خه‌لكێ ل ڤێ ده‌ڤه‌رێ،لێ ئه‌ڤ ساله‌ جۆره‌كێ نوو یێ كولیان په‌یدابوویه‌،كو كولیه‌كێ مه‌زنه‌ و یێ بێ په‌ره‌ و یێ جۆدایه‌ ژ كولیێن دیتر،ئەڤ جۆرێ کولیان ل هندەک دەڤەرێن دیتر ژی هاتییە دیتن.

جوتیاره‌ك ب ناڤێ شاكر سه‌لمان بۆ ئه‌ڤرۆ نیۆز دبێژیت:ئه‌ڤه‌ پترى 40 سالانه‌ ئه‌ز كارێ جۆتیاریێ ل ده‌ڤه‌را به‌روارى بالا دكه‌م،لێ من ئه‌ڤ جۆرێ كولى نه‌دیتیه‌،هه‌ر چه‌نده‌ هه‌ر سال ب رێژه‌یه‌كا به‌رچاڤ كولى ل ڤێ ده‌ڤه‌رێ هه‌نه‌ و زیانێ ژى دگه‌هیننه‌ ده‌رامه‌تێ مه‌ یێ سالێ و گۆت ژى:لێ ئه‌ڤ ساله‌ ژنوو ئه‌ڤ جۆرێ كولى ل ده‌ڤه‌را مه‌ په‌یدا بوویه‌،كو ئه‌ڤ جۆرێ كولى یێ مه‌زنه‌ و ره‌نگێ وى ژى یێ زه‌ر و ره‌شه‌ و هه‌ر جهێ ئه‌ڤ كولیه‌ دچیتێ زیانه‌كا مه‌زن دگه‌هینیتێ.

عزه‌ت محه‌مه‌د جوتیاره‌كێ دییه‌ دبێژیت:د ژیێ خوه‌ هه‌موو یێ دا من ئه‌ڤ جۆرێ كولیان نه‌ دیتیه‌،هه‌روه‌سا ئه‌ڤ جۆرێ كولی یێ مه‌زنه‌ و ژ دوور ڤه‌ دیاردكه‌ت،لێ ئه‌ڤ جۆرێ كولى یێ بێ په‌ره‌ و نافریت،له‌ورا ئه‌م ژ جهێن شۆله‌ژێ دخوازین كو ده‌رمانێن پێدڤى ب ده‌نه‌ جۆتیاران داكو ئه‌و جهێن ئه‌ڤ كولیه‌ لێ هه‌ى ب ره‌شینن و كونترۆلێ ل سه‌ر بكه‌ن و دیاركر ژى:هه‌كه‌ ئه‌ڤ كولیه‌ نه‌هێته‌ ژناڤبرن و بۆ سالا بهێت خه‌رزى به‌رده‌ت،دێ گه‌له‌ك مشه‌ بن و ل سالا بهێت دێ مه‌ترسیێ ل سه‌ر فێقى و به‌رهه‌مێ چاندنێ ل ڤێ ده‌ڤه‌رێ پەیدا كه‌ن.