ئەڤرۆ نیوز ، نەوزاد ھلۆری:
سپێدەیا ئەڤرۆ وەزارەتا باژێرڤانی و گەشت و گوزار یا حکومەتا ھەرێما کوردستانێ ئامارا ھاتنا گەشتیاران بو ھەرێما کوردستانێ ل رۆژێن جەژنێ راگەھاندن ، ل گورەی ئامارا وان ھژمارا گەشتیاران بو 243 ھزار گەشتیار بوو.
نەوروز مەولود وەزیرا باژێرڤانی و گەشت و گوزاریا حکومەتا ھەرێما کوردستانێ د کونگرەیەکێ رۆژنامەڤانی دا ل ھەولێر ئامارا ھاتنا گەتشیاران بو ھەرێما کوردستانێ ل رۆژانێن جەژنا رەمەزانا پیروز راگەھاند و گۆت: ( ل ھەرسێ رۆژێن جەژنا رەمەزانا پیروز 243 ھزار گەشتیار د رێیا دەریێن سنووری ھاتینە ھەرێما کوردستانێ ، و داھاتیێ ھەرێما کوردستانێ د کەرتێ گەشت و گوزاری دا بتنێ ل رۆژانێن جەژنێ 73 ملیون دولار بوون کو بو کەرتێ تایبەت چوویە ، 70% ژ وان گەشتیارێن کو ھاتینە ھەرێما کوردستانێ گەشتیارێن ژێری و ناڤەراستا عیراقێ بوون)
زێدەتر گۆت: ( ئەگەرا سەرەکی یا ھاتنا ئەڤێ ھژمارا گەشتیاران ژی بو پلانا حکومەتا ھەرێما کوردستانێ بو خزمەتکرنا کەرتێ گەشت و گوزاری و گەشتیاران و بزاڤێن بەردەوامێن سەروکێ حکومەتا ھەرێما کوردستانێ و درۆستکرن و نوژنکرنا چەندین جھێن گەشت و گوزاری دزڤریت ، زێدەباری وێ ئەمن و ئاسایشا کو ژلایێ دەزگەھێن ئەمن و ئاسایش و پولیس و پێشمەرگەی دزڤریت )
‎

ئەڤرۆ نيوز:
حکوومەتا عیراقێ بریارەکا نوو بۆ وەرگرتنا پارەی ژ وەلاتیان ل ھەمبەر دانا پشکا ئاھێن خوارنێ دەرێخست و رێڤەبەرا ئاشێن ھەرێمێ بۆ کاروبارێن ھونەری دیار کر چاڤەرێیا حکوومەتا ھەرێمێ دکەین بۆ بجھکرنا ئەوێ بریارێ.
نەسرین محەمەد رێڤەبەرا ئاشێن ھەرێمێ بۆ کاروبارێن ھونەری راگەھاند، ل ھەمبەر دانا پشکا ئاھێن خوارنێ و ئارێ ھەیڤانە بۆ ھەر وەلاتیەکی 250 دینار دھێنە وەرگرتن کو 200 دینار بۆ پشکێن ئاھێن خوارنێ و 50 دینار بۆ ئارێ ھەیڤانەیە.
ناڤبریێ ئەو چەندە ژی دیار کر پێشنیارا زێدەکرنا ئەوی پارەی ل سەر وەلاتیان ھاتیەکرن ب ئاوایەکی ل ھەمبەر دانا ئێک گینیکێ ئاری بۆ ھەر خێزانەکێ دو ھزار و 500 دینار ژێ دھێنە وەرگرتن، ھەر چەندە بریکار و ئاشان ئەو پێشنیار رەت کریە و داخواز کرینە بۆ ھەر فەردەکێ ئاری ژبلی ئاھێن خوارنێ سێ ھزار دینار بھێنە وەرگرتن.
رێڤەبەرا ئاشێن ھەرێما کوردستانێ بۆ کاروبارێن ھونەری گۆت ژی “عیراقێ بریارەکا نوو دایە ل سەر پشکێن ئاھێن خوارنێ بۆ ھەر وەلاتیەکی ھەمبەر دانا پێنج ھزار دیناران بھێتە وەرگرتن”.
نەسرین محەمەد دیار کر ئەو پارەیێ دھێتە وەرگرتن 400 دینار بۆ پشکێن ئاھێن خوارنێ نە و 100 دینار ژی بۆ پشکا ئارێ ھەیڤانەنە و دبیت کو دھێتە دان بۆ وەلاتیان و ئەو بریارا نوو یا حکوومەتا عیراقێ گەھشتیە دەستێ مە و دھێتە چاڤەرێکرن بێخینە د بیاڤێ بجھکرنێ دا.

ئەڤرۆ نیوز ، نەوزاد ھلۆری:
رێڤەبەریا گشتی یا پلاندانانێ ل وەزارەتا چاندن و ژێدەرێن ئاڤی ل بارا ھژمارا سەرێن ئاژەلان و پرۆژێن مریشکان دیارکر کو ل ھەرێما کوردستانێ ھزار 300 پرۆژێن مریشکان و 4 ملیون و 300 ھزار سەرێن ئاژەلان ھەنە ، بەلێ ئەڤ یەک نکارن پێدڤی یا گوشتێ سوور و سپی بو ئاکنجیێن ھەرێمێ دابین بکەن ژبەرڤێ رێژەیەکا گوشتی دھێتە ھاوردەکرن.
ئەنوەر عومەر رێڤەبەرێ گشتیێ پلاندانانێ ل وەزارەتا چاندن و ژێدەرێن ئاڤێ یا سەر ب حکومەتا ھەرێما کوردستانێ دیارکر کو ل ھەرێما کوردستانێ نێزیکێ ھزار و 300 پرۆژێن مریشکان ھەنە کو گوشتێ سپی بەرھەمدئینن ، و دیسان 4 ملیون و 300 ھزار سەرێن ئاژەلان  ژی ھەنە کو گوشتێ سور بەرھەمدئینن کو ئەڤ ھەموو ھژمارا پرۆژێن مریشکا ، و ئاژەل نێزیکێ 70 ھزار تەنێن گوشتێ سوور و 80 ھزار تەنێن گوشتێ سپی بەرھەمدئینن بەلێ خواستا وەلاتیان بو گوشتێ ژ ڤێ ھژمارێ زێدەتر ژبەرڤێ یەکێ پشکەک ژ گوشتێ مریشک و تەرش و کەوالی ژ دەرڤە ھاوردەیێ ھەرێمێ دھێتەکرن کو ئەو ژی ب رێیا لژنەکا تایبەتە ژلایی َوەزارەتا چاندن و ژێدەرێن ئاڤێ ئەو ژی پشتی کو دھێنە پشکنین و چاڤدێریکرن)
زێدەتر گۆت: ( ل گورەی ستاندارێن جیھانی کو ژ ئالیێ رێکخراوا ساخەلمیا جیھانی و رێکخراوا خوارن و چاندنا جیھانی ھاتیە دیارکرن ھەر کەسەکێ رۆژانە پێدڤی ب 20 گرامێن گوشتی ھەیە ، نوکە ب رەنگەکێ گشتی ل ھەرێما کوردستانێ 27 سەرژێگەھـ ھەیە بەلێ نکارن پێدڤی یا ھەرێما کوردستانێ دابین بکەن ل گورەی ئەو رێژا ھاتیە دیارکرن ژبەرڤێ گوشتێ ھاوردە ل گورەی پێدڤی یا وەلاتیان ب مەرجێ کارتێکرن ل سەر جوتیارێن ھەرێمێ نەکەت دھێنە ھاوردەکرن)