ئەڤرۆ نیۆز:
یاریکەرێ گەنج یێ بەلجیکی و یانا ئەندرلەخت یۆری تیلمانیس یێ ١٨ سالی شیا ئاستەکێ بلند ل گەل یانا خوە یا بەلجیکی د خۆلا بەلجیکا و قارەمانیا یانێن ئەورپی ل وەرزێ بوری پێشکێش بکەت کو ل وەرزێ بوری پشکداری د ٥١ یاریان دا ل گەل تیما خوە کر بوون، د ھەرسێ قارەمانێن یانێن ئەورپا و کاسا بەلجیکا خۆلا بەلجیکا و شیا بوو ٨ گولا توماربکەت زێدەباری شەش گولا بوو ھەڤالێن خوە دروست کربوون.
ھەر ئێک ژ یانێن بایرن میونیخ و توتنھام چێلسی و چەندین یانێن دی یێن خۆلا فەرەنسا و ئینگلیزی گرنگیەکا مەزن ب ڤی یاریکەری ددەن بۆ ب دەستڤە ئینانا شیانێن ئەڤی یاریکەری بۆ وەرزێ بھێت.
ھەژی گوتنێ یە یاریکەرێ ناڤبری پشکداری د گەل ھەمی ھەلبژارتیێن وەلاتی خوە کری یە ھەر ژ ھەلبژارتیێ ١٥ سالی ھەتا ٢١ سالی و ل ڤێ دووماھیێ ھاتیە داخوازکرن بۆ ھەلبژاراتیێ ئێکێ یێ بەلجیکا لێ ھەتانوکە نەشیا وەکو یاریکەرێ سەرەکی جھێ خوە دناڤا پێکھایتێ بەلجیکا دا بینت.
نووترين نووچه
- سهرۆكێ هه‌رێما كوردستانێ ل گه‌ل سهرۆكوهزیرێ ئیراقێ كۆمبوو
- هیچ شێوەیەكی نابیت رێگری ل رۆلێ پێكهاتەیان د ژیانا سیاسی و پەرلەمانیدا هەبیت
- نێچیرڤان بارزانی: د گەل خەما هەوە یا ب ئازار هەڤسۆزم
- ژڤانێ هەلبژارتنا سەرۆكێ نوو یێ جڤاتا نوونەرێن ئیراقێ هاتە دیاركرن
- دائێخستنا كەمپێن هەرێما كوردستانێ دێ ئاوارەیێن شنگالێ ئێخیتە د مەترسیێدا
- وەزارەتا دارایی و ئابۆری چەند راستییان ل دۆر پڕۆژەیێ (هەژمارا من) بەلاڤ دكەت
- پارتا ماف و ئازادیان داخوازەکێ ژ هەموو هێزێن کوردی دکەت
- لەیلا قاسم نموونەیا بلند یا ئافرەتا كوردە كو دیرۆك بۆ خوە و گەلێ خوە دروستكر
- سەرۆك بارزانی پێشوازی ل سەرۆك كۆمارێ ئیراقێ كر
- ئەم ل ئیراقێ و هەرێما كوردستانێ، ب هاریكاریێ و پێكڤەكاركرنێ، دشێین خزمەتێن گەلەك باشتر بكەین كو پاشەڕۆژ بۆ مە هەموویان باشتر بیت
سهرهكى Twitter
نەقیبەکێ زێرەڤانیێ د روودانه‌كێ دا گیانێ خوە ژ دەست دا
ئەڤرۆ نیوز، نەوزاد زادە ھلوری:
ژێدەرەکێ ژ فێرگەھا پلنگێن زێرەڤانیێ دیارکر کو د رودانەکا ترافیکێ دا نەقیبەکێ وان گیانێ خوە ژ دەستدا.
مزگین زێباری ژ فێرگەھا ناڤبری بو ئەڤرو نیوز گۆت: “نەقیب فاروق کو ل فێرگەھا پلنگێن زێرەڤانیێ ئەرکێ خوە دکەت د رودانەکا ترافیکێ ل ھەولێرێ زور ب دژواری برینداردبیت و پشتی چەندەکێ گیانێ خوە ژ دەست دا”.
زێدەتر گۆت : “نەقیب فاروق ل قەزا سوران ئاکنجی یە و ئەڤە پێنج سالە ئەز و ئەو پێکڤە ل فێرگەھا پلنگان دەوامێ دکەین و پێشمەرگەیەکێ زورێ چەلەک بوو د وارێ فێرکاریێ دا و ھەزاران کەس ل سەر دەستیێ وی ھاتینە پەروەردەکرن ب زانستێ سەربازی و کاراتیێ دا”.
نەقیب فاروق ل سالا ١٩٧٦ ژ دایکبوویە و ل ڤێ دوماھیێ پشکداری د پرانیا شەرێن دژی داعشێ دا کریە.
کۆچبەرێن ئێزدی یێن ل ئەلمانیا د رەوشەکا خراب دا دژین
ئەڤرۆ نیوز: کاروان باعەدری:
ئەو کۆچبەرێن ئێزدی ئەوێن ل ڤێ دووماھیێ کۆچبەری ئەلمانیا بووین د رەوشەکا خراب دا دژین.
کۆچبەرەکێ ڤێ دووماھیێ گەھشتیە ئەلمانیا و ل باژێرێ شتوتگارتێ ب ناڤێ پێشوان شێرزاد بۆ ئەڤرۆ نیوز دبێژیت: “پشتی ئەو رەوشا نەخۆش یا ب سەرێ مە ھاتی ل عیراقێ ئەم کۆچبەری وەلاتێ ئەلمانیا بووین و ل ئەلمانیا ژی رەوشا مە گەلەک یە خرابە و ئەم دبن خیفەتا داینە و ئەو ژی سەقایێ ئەلمانیا گەلەکێ سارە ئەم نیزیکی ٤٠٠ کۆچبەر دڤێ کەمپێ داینە”.
زێدەتر گۆت: “مە ئاریشێن دادگەھێ ژی یێن ھەین، ھەتا نھا ھندەک کەس د ناڤ مە دانە ھەتا نھا چو چافپێکەڤتنێن دادگەھێ ل گەل نە ھاتینە کرنە”.
دو زارۆيێن رۆژئاڤا د خازرى دا خه‌ندقاند
ئه‌ڤرۆ نيوز، بارزان مزوورى:
رائيدێ مافپه‌روه‌ر هێمن سلێمان، به‌رپرسێ راگه‌هاندنا رێڤه‌به‌ريا پۆليسێن پارێزگه‌ها دهۆك بۆ مالپه‌رێ ئه‌ڤرۆ نيوز ئاشكه‌را كر كو ئه‌ڤرۆ ئێڤارى 5ى چريا ئێكێ يا 2015ێ پۆليسێن شێخان ل سه‌ر خه‌ندقينا دو زارۆيان هاتنه ئاگه‌هداركرن.
زێده‌تر گۆت: “پشتى گه‌هشتنا پۆليسێن قه‌زا شێخان بۆ گۆندێ مه‌لا بروان يا سه‌ر ب ناحيا قه‌سرۆك ڤه ديار بوو كو دو زارۆيێن دو سالى و چار سالى كو د بنيات دا خه‌لكێ رۆژئاڤايێ كوردستانێ نه د رووبارێ خازرى دا خه‌ندقينه”.
دا زانين ژى ژ بوو دووڤچوونا ڤێ روودانێ ده‌ست ب ڤه‌كۆلينێ هاتيه كرن ل دووڤ به‌ندێ 411 ژ قانوونا سزايێن عيراقى و لاشێن وان بۆ نۆشداريا داد ل دهۆكێ هاتينه ره‌وانه كرن.
ل دۆر ئه‌گه‌رێن روودانێ يێن ده‌سپێكى ژى گۆت: “بابێ وان پرۆژه‌كێ په‌له‌وه‌ران ل وى گۆندى هه‌يه كو ل نێزيكى رووبارى بوويه، زارۆيێن وان ژى چووينه نێزيكى رووبارى و كه‌فتينه تێدا”.
حوكمه‌تێ هه‌تا نوكه 1034 به‌ركه‌فتیێن كیمیابارانكرنێ هنارتنه ژ ده‌رڤه
ئه‌ڤرۆ نیۆز، قائید میرۆ
ئه‌ڤرۆ وه‌زاره‌تا شه‌هید و ئه‌نفالكریان كاروانه‌كێ دی یێ نه‌خۆشێن كیمیابارانا هه‌له‌بجه ب مه‌ره‌ما چاره‌سه‌ركرنێ هنارتنه ده‌رڤه‌ی هه‌رێمێ.
فوئاد عوسمان، په‌یڤدارێ وه‌زاره‌تا شه‌هید و ئه‌نفالكریان ب ئه‌ڤرۆ نیۆز راگه‌هاند” ئه‌ڤرۆ وه‌زاره‌تا شه‌هید و كاروبارێن ئه‌نفالكریان كاروانه‌كێ دی یێ نه‌خۆشێن ب ئه‌گه‌رێ كیمیا بارانكرنا هه‌له‌بجه بۆ كۆمارا ئیسلامیا ئیرانێ هنارتن ئه‌ڤه‌ژی ب مه‌ره‌ما چاره‌سه‌ركرنێ.
فوئادی دیاركر، ئه‌ڤه كاروانێ 31 یه یێ به‌ركه‌فتیێن كیمیابارانا هه‌له‌بجه بۆده‌رڤه دهێنه هنارتن و هژمارا كاروانێ ئه‌ڤرۆ ل 36 نه‌خۆشان پێكهاتبوو هه‌تا نوكه 1034 كه‌س بۆده‌رڤه هاتینه هنارتن و گوژمێ دو ملیار دینار مه‌زاختیێن وان بووینه،چونكو هه‌می چاره‌سه‌ری لسه‌ر حوكمه‌تێ یه.
دێ ده‌ست ب به‌لاڤكرنا مووچێ هه‌یڤا ته‌باخێ هێته كرن
ئه‌ڤرۆ نیوز:
وه‌زاره‌تا دارایى و ئابوورى یا حكومه‌تا هه‌رێمێ رااگه‌هاتد: حه‌فتیا بهێت دێ ده‌ست ب به‌لاڤكرنا مووچێ هه‌یڤا ته‌باخێ كه‌ت.
ل دووڤ راگه‌هاندنه‌كا وه‌زاره‌تا دارایى و ئابوورى يا حوكمه‌تا هه‌رێما كوردستانێ كو ئه‌ڤرۆ نيوز دانه‌ك ب ده‌ست خوه خستيه، تێدا هاتيه: ده‌ستپێكا حه‌فتیا بهێت دێ ده‌ست ب به‌لاڤكرنا مووچێ هه‌یڤا ته‌باخێ يێ ئه‌ڤ ساله هێته كرن و رۆژێن دوشه‌مبى و سێشه‌مبى رێكه‌فتى 9 و 10 چريا دويێ دێ مووچێ وه‌زاره‌تا پێشمه‌رگه هێته دان.
پێشتر ژى ئێكه‌تيا مامۆستايێن كوردستانێ راگه‌هاند بوو كو پشتى وه‌زاره‌تا پێشمه‌رگه‌ى ئێكسه‌ر دێ مووچێ وه‌زاره‌تا په‌روه‌ردێ هێته به‌لاڤكرن.
كێشێن ئێزدیان دێ بو ده‌ستهه‌تدارێن رووسى هێته به‌حسكرن
ئه‌ڤرو نیوز،بارزان مزوورى
كه‌ریم سلێمان ،شیره‌تكارێ جڤاتا روحانیا ئیزدیان بو مالپه‌رێ ئه‌ڤرو نیوز ئاشكرا كر كو میرو و جڤاتا روحانیا ئیزدیان هاتینه داخازكرن ژلایێ به‌تریاكێ بناڤ و ده‌نگ ترین كه‌نیسه ل روسیا كو ئه‌ینیا بهێت ئه‌ڤ شانده دێ ب رێكه‌ڤیت به‌ره‌ڤ رووسیا و لدوڤ خشتێ سه‌ره‌دانێ ده‌ست پێكێ دیداره‌ك تایبه‌ت لدور ره‌وشا كوردێن ئیزدى دێ هێته‌كرن لدوڤدا دگه‌ل كه‌سایه‌تیێن پله به‌رز یێن وه‌زاره‌تا ده‌رڤه‌ى روسیا كومبین و ل درێژاهیا سه‌ره‌دانا خودا دێ كومبن دگه‌ل رێكخراوێن مه‌سیحیا و موسلمانا یێن روسى و پاشان دیداره‌ك تایبه‌ت هێته كرن دگه‌ل كوردین ئیزدى یێن ل رۆسیا ئاكنجى.
ناڤبرى گوت مه دێ گه‌له‌ك داخازیان كه‌ین وه‌ك رزگاركرنا شه‌نگال و كاره‌سا شه‌نگال ب جینوساید بهێته هژمارتن و داخاز ژ وان دهێته كرن بارێ حكومه‌تا هه‌رێما كوردستانى گه‌له‌ك یێ گرانه ئه‌و ژمارا مه‌زن یا ئاواره‌یا ل سه‌ر كوردستانێ یه هاریكارى بو حكومه‌تێ بێته‌كرن و تایبه‌ت هاریكاریا پێشمه‌رگه‌ى بهێته‌كرن ،
ناڤبرى زێدوه‌تر گوت كو ئه‌ڤ دیداره دێ ل 7/11/2015 هێته‌كرن ل روسیا.
پێشمه‌رگه‌یه‌كێ وه‌غه‌ركر
ئه‌ڤرو نیوز ، نه‌وزاد زاده هلورى:
ژ ئه‌گه‌را نه‌ساخیه‌كا كوژه‌ك ژ نیشكه‌كێڤه ، پێشمه‌رگه ( ردوان عه‌لى به‌نستانى ) ل ناحیا شێلادزێ وه‌غه‌را داویێ كر.
دڤى واریدا فه‌واس عه‌لى به‌نستانى برایێ پێشمه‌رگێ وه‌غه‌ركرى بو ئه‌ڤرۆ نیوز گۆت : ( ل سالا 1996 برایێ من ردوان به‌نیستانى بوویه پێشمه‌رگه كو وى ده‌مى دگه‌ل لیوا تایبه‌تا دهوك بوو، و ل مه‌ها بوورى ژ نیشكه‌كێڤه كو د ئه‌ركێ خوه‌یێ پێشمه‌رگاتیێ دا ل سینگێ شه‌رێ دژى داعشێ دابوون توشى نه‌ساخیه‌كا ڤایروسى بوو، دیسان پشكدارى د به‌هرا پتریا شه‌رێن دژى داعشێ دا كریه )
زێده‌تر گۆت : ( ب مخابنیڤه شڤێدى ب دره‌نگى ڤه پشتى كو نه‌شیایى به‌رگریێ ژ نه‌ساخیا خوه بكه‌ت ل وه‌لاتێ توركیا چوو به‌ر دلوڤانیا خودێ )
ئینفوگراف: ل جیهانێ چه‌ند كه‌س فێسبووكێ ب كار دئینن
هاتيه نووكرن: كه‌جه‌كێ شه‌ر راگه‌هاند
ئه‌ڤرۆ نيوز:
هه‌ڤسه‌رۆكاتيا كۆما جڤاكێن كوردستانێ “كه‌چه‌كه” دووماهى ب ئاگربه‌ستا ئێكلايه‌نه ل گه‌ل حوكمه‌تا توركيا ئينا ژ ئه‌گه‌رێ سياسه‌تا شه‌رانگيرى يا پارتيا داد و گه‌شه‌پێدانێ.
د راگه‌هاندنه‌كێ دا كه‌جه‌كێ راگه‌هاند: “دێ چالاكيێن خوه يێن له‌شكرى ل باكوورێ كوردستانێ و توركيا ده‌سپێكه‌ينه‌ڤه و ده‌سپێكرنا بزاڤێن مه ژى ژ ئه‌گه‌رێ سياسه‌تا شه‌رانگيرى يا پارتيا دادوگه‌شه‌پێدانێ يه”.
هه‌ڤسه‌رۆكاتيا كۆما جڤاكێن كوردستانێ د راگه‌هاندنه‌كێ دا به‌حس ل وێ چه‌ندێ ژى كريه: “ئه‌م هه‌موو ده‌مان ئاماده‌ى ئاگربه‌ستا دولايه‌نانه‌ينه و د ده‌مه‌كى دا مه ئاگربه‌ست راگه‌هانديه، سۆپايێ توركيا يێ هێرشێ دكه‌ته سه‌ر باكورێ كوردستانێ”.
كه‌جه‌كێ راگه‌هاند ژى: “ئاگربه‌ستا ئێكلايه‌نى يا مه چو ئه‌نجام بۆ چاره‌سه‌ريا پرسا كوردى نابيت و بزاڤ و هه‌وليستێ خوه يێ جدى ژ لايێ ده‌سته‌لاتدارێن توركيا ڤه نابينين بۆ چاره‌كرنا پرسا كوردى ل توركيا”.
كه‌جه‌كه به‌حس ل ئه‌ركێ هێزێن ديموكراسى يێن دژى دكه‌ت و دبێژيت: “د رێيا به‌رخودانێ دا دێ گه‌هينه ژيانه‌كا ئازاد و ديموكراتيك و ئه‌ركێ هه‌موو هێزێن ديموكراتخوازانه ل دژى فاشيزما ئاكه‌پێ بزاڤا چرتربكه‌تن”.
نيشاندان
WP Facebook Auto Publish Powered By : XYZScripts.com