ئەڤرۆ نیوز:
وەزارەتا ساخلەمیا هەرێما کوردستانێ راگەهاند: سێ تووشبوویێن دی یێن ڤایرۆسێ کۆرۆنا یێ ل هەولێرێ هاتنە تۆمار کرن، ئێک ژ وان بەرکەفتیێ تووشبوویەکێ دییە.
هەروەسا گۆتیە: دو ژ وان تووشبوویان زەلامن و ل بەغدا پاسەوانن و ڤەگەریاینە و تووشبوویەکا دیتر ژنە، کو بەرکەفتیا تووشبوویەکێ دوهی یێ هەولێرێ یە.
هەتا نوکە ل هەولێرێ 245 کەس تووشی ڤایرۆسێ کۆرۆنا یێ بووینە، 211 کەس هاتینە چارەسەر کرن و کەسەکێ ژی گیانێ خوە ژ دەستدایە.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: حەفت حالەتێن نوویێن توشبوون ب کۆرۆنایێ هاتنە تۆمار کرن، کو چار ژ وان بەرکەفتی نە و ژ مالباتا توشبوویێ دوهی نە.
وەزارەتا ساخلەمیا ھەرێمێ دیار کر ژی: د بەردەوامیا پشکنین و لێگەریانێ لدووڤ گۆمانلێکریان، حەفت توشبوویێن دی یێن کۆرۆنا یێ ل هەولێرێ ھاتنە دەست نیشانکرن، کو سێ ژ وان ژنن و د ژیێن ٦٩، ٥٩ و ٥٧ سالیێ دایەن، دیسان د زەلام د ژیێ ٦٩ و ٢٩ سالیێ و دو زارۆکێن د ژیێ ٥ و ٩ سالیێ دانە.
هەروەسا دیارکر ژی: سێ ژ توشبوویان بەرکەفتی و ژ مالباتا توشبوویێ دوهی یێ باژێرێ هەولێرێ نە، چارێن دیتر ژی نیشانێن نەخۆشیێ هەنە، ئاکنجیێن عەنکاوە و تاخێن سەفین و گۆلانن ل باژێرێ هەولێرێ.
ئەڤرۆ نیوز:
وەزارەتا ساخلەمیا ھەرێمێ راگەھاند: حالەتەکێ دی یێ کۆرۆنا یێ ل دهۆکێ ھاتە تۆمار کرن.
هەروەسا گۆتیە: د بەردەوامیا پشکنین و لێگەریانێ لدووڤ گۆمانلێکریان، توشبوویەکێ دی یێ ڤایرۆسێ کۆرۆنایێ ل پارێزگەھا دھۆکێ ھاتە دەست نیشانکرن، کو کەسێ توشبوویی زەلامە و د ژیێ ۳٨ سالیێ دایە ئاکنجیێ باژێرێ دھۆکێ یە.
هەروەسا ئاشکرا کریە: کو کارێ وی زێرەڤانیە ل سەر میلاکێ حوکمەتا عیراقا فیدرال، پشتی تمامبوونا دەوامێ ل باژێرێ بەغدا ڤەگەریایە، پشتی پشکنین بۆ هاتیە کرن، ئەنجام پۆزەتیف بوویە.
ئەڤرۆ نیوز:
لێڤەگەرێ بلند یێ شیعان ل نەجەف راگەهاند: کو سوبەهی ئێکشەمبی تمامکەرا هەیڤا رەمەزانێ یە و رۆژا دوشەمبی دێ ئێکەم رۆژا جەژنێ بیت، ئەڤە د دەمەکێ دایە، کو ئیران وەکو مەزنترین وەلاتێ شیعە نشینە و رۆژا ئێکشەمبی وەکو ئێکەم رۆژا جەژنا رەمەزانێ راگەهاندیە.
نڤێسینگەها عەلی سیستانی، لێڤەگەرێ بلند یێ شیعێن عیراقێ، ئەڤرۆ شەمبیێ 23 گولانا 2020 د راگەهاندنەکێ دا دیار کریە: سوبەهی ئیکشەمبی تمامکەرا هەیڤا رەمەزانێ یە و دوشەمبێ ئێکەم رۆژا هەیڤا شەوالێ یە، لەوما دوشەمبی دێ بیتت ئێکەم رۆژا جەژنا رەمەزانێ.
لێ ئیرانێ راگەهاندیە، کو رۆژا پێکشەمبی 24 گولانا 2020 ئێکەم رۆژا جەژنا رەمەزانێ یە ل ئیرانێ.
ئەڤرۆ نیۆز، قائید میرۆ:
پەرلەمانتارەکێ پارتی لدۆر ھێرشێن لسەر حوکمەتێ دھێنە کرن خویاکر، ھندەک لایەن پشتی دەواما حوکمەتا جلکێن ئۆپۆزسیۆنێ دکەنە بەرخۆ دبێژیت، گوتارا شەڤا بۆریا مەسروور بارزانی زۆر پەیام تێدا ھەبوون.
د. زێدان برادۆستی، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز دیارکر” گوتارا مەسرور بارزانی سەرۆک وەزیرێن ھەرێما کوردستانێ زۆر پەیام تێدا ھەبوون ل دۆر رەوشا سیاسی و ئابووریا نوکەیا ھەرێما کوردستانێ.
ئەڤی پەرلەمانتارێ پارتی گۆتژی” بەری چەند رۆژانژی من د ھەڤدیتنەکێ دا بەحسێ ئەڤێ دیاردا سیاسی کربو، کو ھندەک لایەنێن پشکدار د حوکمەتێ دا سیاسەتەکا دوو لایەنی رێڤەدبەن بشێوەیەکی دەمژمێر ٨ی سپێدێ ھەتا ٢ی پشتی نیڤرۆ ل حوکمەتێ دانە و پشتی نیڤرۆ پێڤە دێ بەرگەکێ دی یێ ئۆپۆزسیۆنێ کەنە بەرخوە دێ بنە ئۆپۆزسیۆن، لەوڕا ئەز وەک پەرلەمانتار دگەل پەیاما سەرۆک وەزیرانم دەمێ دبێژیت شەریکێن سەرکەفتنێ زۆرن.
دکتۆر زێدان برادۆستی ئەویەکژی ئاشکراکر” ئەڤا نوکە دھێتە بەرچافکرن زۆر لایەن بزاڤێن ڤێ چەندێ دکەن حوکمەت یا سەرکەفتی نەبیت بجە ئینانا بەرنامێ کارێ خوە بەرۆڤاژی بکەڤیتە رەوشەکا دژواردا، بەلێ مەسرور بارزانی ب ئاشکرا و زۆر ب رۆھنی پەیاما بەردەوامی بوون و سەرکەفتنێ راگەھاندیە، دەمێ گوتی ئەم د سەنگەرێ میللەتی داینە و رێکێ نادەین چو کەس و لایەن رێگربن لڤێ ئێکێ، داکو بگەھینە ئارمانجێن خوە.
ئەڤرۆ نیوز، عەلی حاجی :
رێڤەبەرێ ئاسایشا زاخۆ د داخویانیەکێ دا بۆ ئەڤرۆ نیوز ئاشکرا کر: هێزێن وان شیان بازرگانەکێ مادێن بێ هوشکەر دەست سەر بکەن کو ژ دەرڤەی وەلاتی هات بوو.
زێدەتر شڤان سندی گۆت : ئەڤرۆ شەمبیێ٢٣/٥/٢٠٢٠ پشتی ١٥ رۆژان چاڤدێری ژلایێ وان ڤە هاتیە کرن ل سەر کەسەکێ بازرگانێ مادێن بێ هوشکەر و پشتی دیتنا چەندین بەلگەیان هێزێن وان شیان وی کەسی دگەل ٣٢ کێلوگرامێن مادێن ژ جورێ کوبا ژ جورەکە ژ ماددەیێن هێروین دا بگرن کو ئەڤ کەسە ژ دەرڤەی وەلاتی هات بوو، د خواست بازرگانیێ ب وی ماددەی بکەت ل کوردستانێ و ئەو کەسە ژیێ وی دناڤبەرا ٤٠ هەتا ٤٢ سالیێ دایە و نوکە دا ئەو مادە د بن کونترولا هێزێن ئاسایشا زاخۆ دایە.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: ۲۹۹ حالەتێن توشبوون ب کۆرۆنا یێ و ٥۳ حالەتێن باش بوونێ و پێنج حالەتێن گیان ژ دەستدانێ ھاتنە تۆمار کرن.
هەروەسا گۆت ژی: د دەمێ ۲٤ دەمژمێرێن بوری دا ۲۹۹ حالەتێن توشبوون ب کۆرۆنا یێ ھاتنە تۆمار کرن و زێدەترین رێژا توشبوویان ل بەغدا یا پایتەخت بوویە.
ئەڤرۆ نیوز:
وەزارەتا ساخلەمیا هەرێمێ راگەهاند: کو پێنج تووشبوویێن دی یێن ڤایرۆسێ کۆڕۆنا یێ ل پارێزگەها دهۆکێ هاتنە دەستنیشانکرن، هەموو زەلامن و ئاکنجیێن قەزا ئاکرێ نە.
هەروەسڵ گۆتیە: هەموو پاسەوانن ل سەر میلاکێ حکومەتا عێراقا فیدڕال و ژی یێن وان ٣٨ و ٣٧ و ٣٧ و ٣٦ و ٣٠ سالن، پشتی تمامبوونا دەواما وان ل بەغداد و ڤەگەریانا وان و وەرگرتنا نموونێن پشکنینا تاقیگەهێ دەرەنجام پۆزەتیف دەرچوون.
نيشاندان