ئه‌ڤرۆ نيوز:
د پەیامەكێدا ڕێزدار نێچیرڤان بارزانی سەرۆكوەزیرێ هەرێما كوردستانێ جەژنا ڕۆژی یێن ئێزی یا خوشك و برایێن ئێزدی پیرۆز كر، ئەڤ تەكستا وێ یە:
جەژنا ڕۆژی یێن ئێزی یا خوشك و برایێن ئێزدی ل هەموو ئێزدییان ل كوردستانێ و ل هەر جهەكێ جیهانێ بن، پیرۆز دكەم.
هیڤیدارم جەژن و هەلكەفتێن بهێن یێن خوشك و برایێن مە یێن ئێزدی، جەژنێن سەركەفتنێ و ئازادكرنا هەموو جھ و وارێن ئێزدییان و هەموو وان كەچ و خوشكێن مە یێن ئێزدی بن یێن كوهێشتا ئازاد نەبوونە، هەروەها ببنە جەژنێن ڤەگەڕیانا هەموو ئاوارەیێن ئێزدی ژبۆ سەر مال و حالێن خۆ یێن ئازاد و ئاڤەدانكری.
جەژنەكا ئارام ژبۆ هەمی ئێزدییان دخوازم، هەر سال ب خێر و خۆشی.
نێچیرڤان بارزانی
سەرۆكوەزیرێ هەرێما كوردستانێ
14-12-2016
ئه‌ڤرۆ نيوز:
سه‌رۆك وه‌زيرێن هه‌رێما كوردستانێ نێچيرڤان بارزانى د كۆنفرانسێ سه‌ربه‌خوييا كوردستانێ كو ل زانكۆيا دهۆك هاتيه سازكرن، راگه‌هاند: مه ده‌ست ب چاكسازيان يێ كرى د ناڤ حوكمه‌تێ دا و ئه‌ڤ چه‌نده نه هند يا بساناهى يه، به‌لێ دێ د به‌رده‌وام بين، بۆ ڤێ مه‌ره‌مێ ژى خه‌لكێ مه تێگه‌هشتنا وان يا باشه بۆ قه‌يرانان و هه‌ڤكارن ل گه‌ل مه، به‌لێ پشت راست بن ئه‌ڤ قه‌يرانه دێ ده‌رباز بيت و چاره‌سه‌ريا ئاريشان دێ كه‌ين.
ئەڤرۆ نیوز، زنار تۆڤی:
رێڤەبەرێ ناحیا کانی ماسێ ئەلند ئەمیر گۆگە بۆ ئەڤرۆ نیوز گۆت: “ھەر چەندە بەفرەکا زۆر ل سەنتەرێ ناحیا کانی ماسێ و خالا گۆمرکا سەرزێری باریە،لێ تیمێن رامالینا بەفرێ ھەموو رێکێن سەرەکی ژ بەفرێ رامالینە و نوکە خەلک ب رەنگەکێ ساناھی دشێن ھاتنوچۆنێ بکەن”.
زێده‌تر گۆت ژی: “ل سەنتەرێ ناحیا کانی ماسێ 25 سەنتیمێن بەفرێ بارینە و ل خالا گۆمرکا سەرزێری پتری 50 سەنتیمێن بەفرێ بارینە”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1313 |
| 1 يۆرۆيێ ئه‌ورۆپى | 1390 |
| 1 ليرێ توركى | 375 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
مه‌سرۆر بارزانى سه‌رۆكێ بۆردێ زانكۆيا ئه‌مريكى كوردستان- دهۆك راگه‌هاند: ئه‌م نه‌ته‌وه‌كێ تايبه‌تمه‌ندين و مه دڤێت سه‌ربه‌خوه بين.
مه‌سرۆر بارزانى ل رۆژا ئێكێ يا كونفرانسێ سالانه يێ زانكۆيا ئه‌مريكى كوردستان- دهۆك بۆ دانوستاندنێ ل سه‌ر “سه‌ربه‌خوه‌يا كوردستانێ، روو ب رووبوون و ده‌رفه‌ت” راگه‌هاند كو ژ روويێ سياسى و ئه‌كاديمى ڤه دێ هه‌لسه‌نگاندنا كێشان كه‌ن و گۆت: “ئه‌م نه‌ته‌وه‌كێ تايبه‌تمه‌ندين و مه دڤێت سه‌ربه‌خوه بين و بێ ئه‌و داهاتيێ مه يێ روون نابيت و هه‌ڤده‌م دێ بينه قوربانى ب به‌رئێك كه‌فتنا هه‌رێمان”.
ئه‌ڤرۆ رۆژا پێنجشه‌مبى كونفرانسێ “سه‌ربه‌خوه‌يا كوردستانێ، روو ب رووبوون و ده‌رفه‌ت” ل زانكۆيا ئه‌مريكى كوردستان – دهۆك بۆ دانوستاندنێ ل سه‌ر پرسا سه‌ربه‌خۆيا كوردستانێ و ده‌رفه‌ت و ئاسته‌نگێن ل به‌ر ب رێڤه‌چوو و بۆ ماوێ دو رۆژان يێ به‌رده‌وام بوو.
ئه‌ڤرۆ نيوز:
گەلەک کەس خەونا ب زەنگینیێ ڤە دبینن، لەورا گەلەک ڤەکۆلینان شیرەت ل مرۆڤان کرینە دا بشێن خەونا خوە یا زەنگینیێ بجە بینن:
نووترین ڤەکۆلینا د ڤی واری دا، ئەو جۆرێ مرۆڤان ئاشکرا کریە یێن پێدڤی مرۆڤ خوە ژێ دوور بکەت ھەکە بڤێت زەنگین بیت.
ل گۆری مالپەرێ رۆسیا ئەلیەوم، بەرھەڤکەرێ ڤەکۆلینێ جیم تۆماس کۆرلی، ڤەکۆلینەک د نەریتێن زەنگینان دا کر بۆ دەمێ 5 سالان، نھێنیا سەرکەفتنا وان ئاشکرا کر، ئەو ژی دوور کەقتنە ژ جۆرەکێ مرۆڤان، ئەو ژی مرۆڤێن رەشبینن.
کۆرلی ئاشکرا کر؛ پتریا زەنگینیێ گرێدای سروشتێ زەنگینانە و ئەو کەسێن تێکەلیا وان دکەن، مرۆڤێ سەرکەفتی و یێ مالی کۆم دکەت سەرەدەریێ د گەل مرۆڤێن گەشبین دکەن و یێن ئارمانجێن دیار و دیتنەکا ئەرینێ بۆ کاران ھەی دکەن.
ئەنجامێن ڤەکۆلینا وی ئاشکرا کر؛ 86% ژ زەنگینان پەیوەندیان د گەل مرۆڤێن گەشبین چێدکەن، ھەمان دەم ژی ژ کەسێن رەشبین دوور دکەڤن.
نيشاندان
