ئه‌ڤرۆ نيوز:
په‌یڤدارێ فه‌رمى یێ سه‌رۆكایه‌تیا هه‌رێما كوردستانێ راگه‌هاندنه‌ك سه‌باره‌ت داخویانیێن نوورى مالكى سه‌رۆك وه‌زیرێن به‌رێ یێن عیراقێ به‌لاڤ كر.
د راگه‌هاندنێ دا ئاماژه ب وێ یه‌كێ كریه كو مالكى د دیداره‌كێ دا ل گه‌ل رۆژناما ئه‌خبار یا لوبنانى ئاخافتنێن ژ خوه زێده به‌رامبه‌ر مافێن گه‌لێ كوردستانێ و به‌رێز سه‌رۆكێ هه‌رێما كوردستانێ كرینه، كو ب میزاج به‌حسێ بوویه‌ر و مافێن گه‌لێ كوردستانێ كریه، مالكى زمانێ گه‌فكرنێ دژى گه‌لێ كوردستانێ بكارئینایه، ل ڤێره دبێژینه مالكى، كو ئه‌و مه‌یدان و خوه تاقى بكه، به‌رى نوكه دوژمنێن گه‌له‌ك ب هێز تر و سه‌روه‌رتر ژ مالكى خوه تاقى كرینه و ل هه‌مبه‌ر ئیرادا گه‌لێ كوردستانێ چوك داناینه و تووشى شاره‌نڤیسه‌كێ شووم بووینه.
د راگه‌هاندنێ دا، په‌یڤدارێ فه‌رمى یێ سه‌رۆكایه‌تیا هه‌رێما كوردستانێ هه‌روه‌سا ئاماژه ب وێ یه‌كێ كریه كو دیباجا ده‌ستوورێ عیراقێ ب روونى ئاماژه ب وێ یه‌كێ كریه كو پابه‌ندبوون ب ده‌ستوورى مه‌رجه بۆ مانا عیراقێ ب ئێك پارچه‌یى، به‌لێ مالكى بوو ئه‌گه‌ر كو ده‌ستوورى پێشێل بكه‌ت و ئه‌گه‌ر ل سه‌رده‌مێ تاریاتى یێ خوه رێز ل ده‌ستوور و مافێ خه‌لگى گرتبا، بێ گومان ئه‌ڤ كاره‌ساته ل عیراقێ روو نه‌ددان.
نيشاندان