ئەڤرۆ نیۆز،زنار تۆڤی:
د ڤی وەرزێ سالێ دا پرانیا بالندەیان هێلینێن خوە چێدکەن و هێکان دکەن،لەورا نابیت خەلک دڤی دەمیدا بالندەیێن وەکی کەو و کوتر و تڤیرک و چەندین بالندەیێن دی هەنە ب کوژن،چونکی ب کوشتنا وان ل ڤی دەمی دێ بیتە ئەگەرێ کێمیا وان و نەشێن هێکێن خوە بکەنە چویچک،هەروەسا ئەڤە وێنێ هێلینا مێکەوەکێ یە کو چیایێ مەتینا هاتیە گرتن.
ئه‌ڤرۆ نيوز:
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن دهۆكێ راگه‌هاند كو شڤێدى ل قه‌زا سێمێل سێ گه‌نج هاتنه ده‌سته‌سه‌ركرن.
رائيدێ مافپه‌روه‌ر، هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز راگه‌هاند كو شڤێدى ل قه‌زا سێمێل سێ گه‌نج ب تۆمه‌تا قومارێ هاتنه ده‌سته‌سه‌ركرن.
رائيدێ مافپه‌روه‌ر دا زانين ژى كو ئه‌ڤ سێ گه‌نجه د هه‌وه‌كا پۆليسێن رێڤه‌به‌ريا پۆليسێن سێمێلێ دا هاتينه ده‌سته‌سه‌ركرن ل ده‌مێ قومارێ و بۆ دادگه‌هێ هاتينه ره‌وانه‌كرن دا كو بگه‌هنه سزايێ خوه.
ئەڤرو نیوز ، نەوزاد زادە ھلوری:
ب مەرەما پاراستنا کەلوپەل و پاشماوەیێن وان پێشمەرگێن کو ل سنوورێ قەزا مێرگەسوور شەھیدبویی د شەرێ دژی داعش دا ، مونومێنتەک ھاتە چێکرن.
رێبوار رەمەزان رێڤەبەرێ شەھید و ئەنفالکریێن بارزان بۆ ئەڤرو نیوز گۆت: (ب مەرەما پاراستنا کەلوپەل و پاشماوەیێن ئەوان پێشمەرگێن کو دشەرێ دژی داعش دا گیانێ خوە کریە قوربانی و پێخەمەت پاراستنا سەر و مال و ئاخا کوردستانێ شەھیدبویی مونومێنتەکا تایبەت ھاتەچێکرن و ئەو کەلوپەل دێ ھێنە پاراستن)
زێدەتر گۆت: (دڤی َمونومێنتێ دا ھەموو کەلوپەلێن وان شەھیدان بخوڤە دگریت ئەڤێن کو دکەڤنە سنوورێ قەزا مێرگەسوور کو ئەو ژی ھەتا نوکە ٢١ شەھیدن ، و ئەو کەلوپەل ژی پێکدھێن ژ تفەنگێن تایبەت ، خەنجەر ، جلوبەرگ ، بەتانی ، کیش خەو ، چەقو ، وێنە ، جەمەدانی و ھەر تشتەکێ دن کو ئەو دەما ھاتیە شەھیدکرن ل گەل دا بیت ، و مونومێنت ژی دێ ھەر ل رێڤەبەریا شەھید و ئەنفالکریێن بارزان بیت ل بلێ)
ئه‌ڤرۆ نیۆز،زنار تۆڤى:
رۆژنامه‌ڤانێ ناسیارێ ئیسپانى ئیدواردۆ ئیندا ل به‌رنامێ شرینگیتۆ ئاشكراكریه كو یانا به‌رشه‌لۆنا دێ گۆژمێ سێ ملیۆن یورۆیا ده‌ته یانا سه‌لتافیگۆ هه‌كه بشێت ل یاریا رۆژا چارشه‌مبى ژ یانا ریال مه‌درید ببه‌ت.
بریاره ل رۆژا چارشه‌مبى و ل ده‌مژمێر 10 شه‌ڤ هه‌ردو یانێن ریال مه‌درید و سه‌لتافیگۆ ل یاریه‌كا پاشخستى دا ژ خۆلا ئیسپانیا روو ب روو ئێك ببن و وى رۆژنامه‌ڤانى دیاركریه ژى كو یانا به‌رشه‌لۆنا ئاماده‌یا خوه ده‌ربریه كو ئه‌و دێ گۆژمێ سێ ملیۆن یورۆیا ده‌ته ئیدارا یانا سه‌لتافیگۆ هه‌كه بشێت شكه‌ستنێ بگه‌هینیته یانا ریال مه‌درید و ناسناڤێ لالیگایێ دێ بۆ وان بیت.
دڤان هه‌ردو یاریان دا هه‌كه ریال مه‌درید شكه‌ستنێ د ئێك یارى دا ببینیت و به‌رشه‌لۆنا ژ ئیبار ببه‌ت دێ ناسناڤێ لالیگایێ ب ده‌ست خوه‌ڤه ئینیت.
ئه‌ڤرۆ نيوز:
ده‌نگۆيه‌كێ زۆر ده‌رباره‌ى ئاميرێ نوو يێ ئه‌پلێ به‌لاڤبوويه و دهێته چاڤه‌رێكرن د چه‌ند هه‌يڤێت بهێت دا د رێ و ره‌سمه‌كى دا بۆ حه‌زژێكه‌رێن وێ بهێته نمايشكرن و پاشان ژى بكه‌ڤيته د بازارى دا، هه‌ر چه‌نده هنده‌ك پێشبينى يێن هه‌ين كو ئه‌و ئامير ئه‌ڤ ساله نه‌كه‌ڤيته به‌ر ده‌ست.
ئه‌ڤ ڤيديۆيا به‌لاڤبووى، ديزاينا ئاميرى نيشان دده‌ت و ل گه‌ل هنده‌ك پێزانينان كو يا ژ هه‌موويان گرنگتر ئه‌وه كو دوگما هۆم تێدا ناهێته ديتن، ئه‌ڤه ژى ده‌ليڤه‌يه كو شاشه پتر جهى بگريت و گه‌له‌ك يا ته‌نكه و ده‌بل كاميرا وێ ژى گوهۆڕين تێدا هاتيه كرن كو ب ره‌نگه‌كێ دى ده‌ردكه‌ڤيت.
ب گۆره‌ى وێ ڤيديۆيێ ئايفن 8 يان هه‌ر ناڤه‌كێ دى ل سه‌ر بيت خودان شاشه‌كا 5.7 ئينجه و لايێن وێ ژى گه‌له‌ك د ته‌نكن كو دبيت ب تنێ چار مليمه‌تر بن.
ئه‌ڤرۆ نيوز:
حه‌شه‌د شه‌عبى راگه‌هاند كو هێزێن وان شياينه د ئۆپه‌راسيۆنه‌كا تايبه‌ت دا گۆندێن سره‌يا گه‌راج، ته‌لزه‌نانير، ته‌لزالع و تلباشووك ل سنورێ باژێركێ قه‌يره‌وان كونترۆلكرن.
ب گۆره‌ى ميديايێن ناڤ حه‌شه‌د شه‌عبى ته‌لقه‌سه‌ب ناڤه‌ندا گه‌هاندنا كۆمه‌لگه‌هێ بۆ داعش دێ ب زووترين ده‌م ئه‌و ژى دێ ژ لايێ هێزێن وان ڤه هێته كونترۆلكرن.
هه‌ڤده‌م هادى عامرى ئه‌ميندارێ گشتى يێ رێكخراوا به‌در كو هێزه‌كا كاريگه‌ر يا ناڤ حه‌شه‌د شه‌عبى يه، راگه‌هاند كو هێزێن وان ل ميحوه‌رێ باكوورێ قه‌يره‌وان پێشڤه‌چوون كرينه و ته‌كست ژى كريه كو پێشڤه‌چوونێن حه‌شه‌د شه‌عبى د به‌رده‌وامن.
ئه‌ڤرۆ نيوز:
پارێزەرەکا دادگەھا دھۆکێ راگەھاند، گرۆپەکێ گەنجان کو ژمارا وان نێزیکی حەفت کەسان بوون دزیێن ب کوم دکەن ئانکو دزیان ژ مالان دکەن، ھەر ئێک ب ھاریکاریا یێ دیتر بۆ نموونە ئێک دمینتە لبەر دەرگەھی و یێ دیتر چاڤدێریێ دکەت و ھەر تشتەکێ ددزن ل سەر ئێکدو لێکڤە دکەن، ل دووماھیێ ئێک ب ھاریکاریا یێ دیتر ھاتنە دەستەسەر کرن و حوکم کرن، ھەتا نوکە نێزیکی 20 کریارێن دزیێ ئەنجام داینە.
پارێزەر کارۆژ ئیسماعیل دوسکی ل دادگەھا دھۆکێ بۆ ئەڤرۆ دیار کر کو تاوانا دزیێ ئانکو ھەر تشتەکێ گرێدایی مالی بیت و بھێتە دزین، ئەڤ تاوانە ژ ماددێ 439 دەست پێ دکەت ھەتا ماددێ 450 و ھەر ماددەک ب شێوەیەکی یە و ئەو ماددێن پتر کار پێ دھێتە کرن ماددێ 443 و 444 و 446، و ماددێ 444 دبیتە زیندان و حەبس و گۆت: (زیندانکرن دبیتە لبن کاودانەکێ توندڤە، ئانکو ھەکە دزی ژ سێ کەسان و پتر کر بیت و یا دیتر ھەکە دزی د مالەکێ دا بھێتە کرن یان ژی ل مزگەفتەکێ بیت و ب رۆژ بیت و نە ب شەڤ، ماددێ 443 یێ توندە چۆنکی کریارا دزیێ ب شەڤ دھێتە کرن و سزایێ وێ زیندانە کو پتر نەبیت ژ (10) سالان، ماددێ 446 دبیتە کەتن ئانکو ھەکە تشتەکێ گرێدایی مالی بیت بھێتە دزین سزایێ وێ ژ پێنج سالانە ھەتا غورامەکرنێ و پتریا سزایێن ڤی مادەی غورامەکرنە چۆنکو دزیەکا سڤکە).
پارێزەرێ ئاشکرا کر ژی کو، ئەڤە پتری شەش ھەیڤانە گرۆپەکێ گەنجان دزیێن ب کوم دکەن کو ژمارا وان نێزیکی حەفت کەسان بوون، ئانکو دزیان ژ مالان دکەن، ھەر ئێک ب ھاریکاریا یێ دیتر بۆ نموونە ئێک د مینتە لبەر دەرگەھی و یێ دیتر چاڤدێریێ دکەت و ھەر تشتەکێ ددزن ل سەر ئێکدو لێکڤە دکەن، ل دووماھیێ ئێک ب ھاریکاریا یێ دیتر ھاتنە دەستەسەرکرن و حوکمکرن، ھندەک دزی ب شەڤ کر بوون و ھندەک ب رۆژ ئانکو بۆ خوە شارەزا ببوون.
پارێزەر کارۆژێ زێدەتر گۆت: (ڤان گەنجان ھەتا نوکە نێزیکی 20 کریارێن دزیێ ئەنجام داینە، ھەموو ژی د ژیێ 18 سالیێ و سەردا بووینە، ئانکو د شیان بۆ خوە کارەکی بکەن، بێ زانینا مالا خوە ئەڤ دزیە دکرن گەھشت بوونە ئێک و ھەر ئەو 20 دزی پێکڤە ئەنجام دابوون و ھەر ئێک ب شێوەکێ ھاتە حوکم کرن چۆنکی کاودانێ ھەر ئێکی یێ جودا بۆ ژ یێ دیتر).
ئه‌ڤرۆ نيوز:
وەبەرئینەرەکێ پارێزگەھا دھۆکێ ب ناڤێ بجە ئینانا پڕۆژێن وەبەرئینانێ پارێ ھژمارەکا بەرچاڤ یا وەلاتیێن پارێزگەھا ھەلەبجە بریە و پۆلیسێن ھەلەبجە ژی دیار کر کو ئەو وەبەرئینەرێ دھۆکێ یێ ھاتیە دەستەسەرکرن و نوکە د زیندانەکا ھەلەبجە دایە ھەتا دادوەر بڕیارێ ل دۆر بادەکا وی ددەت.
رائید بارزان ھەلەبجەیی، پەیڤدارێ پۆلیسێن پارێزگەھا ھەلەبجە بۆ رۆژناما ئەڤرۆ ئاشکرا کر کو وەبەرئینەرەکێ خەلکێ پارێزگەھا دھۆکی ل سالێن بۆری بۆ ئەنجامدانا چەند پڕۆژێن وەبەرئینانێ ھاتیە پارێزگەھا ھەلەبجە، بەلێ ئەو پڕۆژە نەھاتینە بجە ئینان و پارێ وەلاتیان ل دەف بەلێندەری مایە لەوڕا ھژمارەکا وەلاتیان سکالا ل سەر بەلێندەر (م) یێ د ژیێ 31 سالیێ دا کو ئاکنجیێ دھۆکێ یە تۆمارکریە و پشتی وەرگرتنا فەرمانا دادوەری ئەو وەبەرئینەر ژ لایێ ھێزەکا پۆلیسێن باژێڕێ ھەلەبجە ڤە ھاتیە دەستەسەرکرن و نوکە یێ د زیندانەکا باژێڕێ ھەلەبجە ڤە و گۆت: “ئەڤە حالەتێ ئێکێ یێ دەستەسەرکرنا وەبەرئینەرەکی یە ل باژێرێ ھەلەبجە”.
ژ لایێ خوە ڤە ژی ژێدەرەکێ ئاگەھدار بۆ رۆژناما ئەڤرۆ ئاشکرا کر کو ئەو وەبەرئینەرێ ژ لایێ پۆلیسان ڤە ھاتیە دەستەسەرکرن خەلکێ دھۆکێ یە و دگەل بەرپرسێن بەرێ یێن ھەلەبجە دەست ب وەرگرتنا پارەی ژ وەلاتیان کربوو ب ناڤێ بجە ئینانا پڕۆژێن وەبەرئینانێ، بەلێ پارێ وەلاتیان بریە و چو پڕۆژە ژی ئەنجام نەداینە و گۆت: ” ئەو کەسێن ل ھەلەبجە دەست دگەل ڤی وەبەرئینەری ھەی ھەتا نوکە نەھاتینە دەستەسەرکرن”.
ئه‌ڤرۆ نيوز:
كۆمپانيا فه‌يسبۆكى بۆ ده‌ربڕينا هه‌لويستى ل سه‌ر پۆستان “ريئه‌كشن” ل لايێ هنده‌ك ژ بكارئينه‌ران هێمايێ گۆله‌كا مۆر زێده‌كر و ئه‌و گۆل بۆ ده‌ربڕينا سۆپاسگۆزاريێ ب كار دئێت.
گۆل ل ده‌ف بكارئينه‌رێن نێزكى 50 وه‌لاتان يا ل به‌رده‌ست و دشێن ل جهێ لايك يان هه‌ر ئيموجه‌كێ دى، ئه‌وێ گۆلێ ب كار بينن ئه‌ڤه ژى ب هه‌لكه‌فتا 14ى گۆلانێ زێده‌كربوو كو ل گه‌له‌ك وه‌لاتان رۆژا دايكێ بوو دا كو وه‌كو سۆپاسى بدانن.
نيشاندان