ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى گۆلانا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1254 |
| 1 يۆرۆيێ ئه‌ورۆپى | 1360 |
| 1 ليرێ توركى | 345 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
وه‌زيرێ به‌ره‌ڤانيا ئه‌مريكا جێمس ماتيس د كۆنگره‌كێ رۆژنامه‌ڤانى دا ل ليتوانيا راگه‌هاند كو ئه‌مريكا دێ ترسا توركيا ل دۆر ب چه‌ككرنا چه‌كدارێن كورد بنبڕ كه‌ت ئه‌وا ئه‌نقه‌ره ب تيرۆرست ب ناڤ دبه‌ت.
زێده‌تر گۆت: “دێ ب ره‌نگه‌كێ باوه‌رپێكرى ل گه‌ل توركيا كار كه‌ين بۆ پاراستنا سنورێن وێ يێن باشوور. ئه‌مريكا دێ ترسا وێ ل دۆر ب چه‌ككرنا چه‌كدارێن كورد بنبڕ كه‌ت، ئه‌م يێ دانوستاندنان دكه‌ين و گه‌له‌ك ب درێژى و به‌رفره‌هى ل سه‌ر كار دكه‌ين و دێ پێكڤه كار ژ بوو نه‌هێلانا دودليێ ل ده‌ڤ توركيا كه‌ين، ب چو ره‌نگه‌كى ژى ژ هه‌ڤپه‌يمانيا باكوورێ ئه‌تله‌نتيك و په‌يوه‌نديێن ناڤبه‌را مه و توركيا ناترسم”.
سه‌رۆكێ توركيا ره‌جه‌ب ته‌يب ئه‌ردوگان به‌رى نوكه راگه‌هاند بوو كو ئه‌و يێ هيڤى خوازه ئه‌مريكا ژ بڕيارا خوه يا ب چه‌ككرنا هێزێن كوردى ئه‌وێن شه‌رێ داعش ل سوريا دكه‌ن لێڤه ببيت ب گۆره‌ى نێزيكبوونا سه‌ره‌دانا وى بۆ واشنتۆن و ديدارا ل گه‌ل دونالد تره‌مپ سه‌رۆكێ ئه‌مريكا ل حه‌فتيا بهێت.
ئه‌ڤرۆ نيوز:
ده‌ڤه‌ره‌كا بازرگانى يا هه‌ڤپشك د ناڤبه‌را دهۆك و مووسل دا دێ هێته ڤه‌كرن و ب باوه‌ريا بازرگانان ژى ئه‌و ده‌رگه‌هێ ناڤخۆيى دێ بزاڤ و ڤه‌ژاندنه‌كا مه‌زن گه‌هينيته ئابوورێ هه‌رێما كوردستانێ.
د ماوه‌كێ نێزيك دا ئه‌و ترۆمبێلێن ژ دهۆك دچنه هه‌ولێر دێ د رێيه‌كا نێزيك و ب ساناهى دا به‌ر ب ده‌ڤه‌ره‌كا بازرگانى يا هه‌ڤپشك د ناڤبه‌را دهۆك و مووسل را چن بۆ لێكگوهۆڕينا كه‌رستێن خوه بۆ ناڤه‌ندا مووسل، ئه‌ڤێ ژى بازرگان يێن دلخۆشكرين، چونكو د ده‌مێ چه‌كدارێن داعش مووسل كونرۆل كرى ئه‌وان كارێن خوه ژ ده‌ست دان.
ئه‌ڤ ده‌ڤه‌را بازرگانى كو نوكه كار تێدا دهێته كرن دكه‌ڤيته ده‌ڤه‌را فلفێل و ب دووراتيا 25 كيلۆمه‌تران دكه‌ڤيته باكوورێ مووسل، عزه‌ت فه‌تاح رێڤه‌به‌رێ گۆمركا دهۆك دبێژيت: “ل گه‌ل ڤه‌كرنا وێ ده‌ڤه‌را بازرگانى، گازنده دێ چاره بن و ئاسانكارى دێ بۆ بازرگانێن دهۆك و مووسل هێنه كرن”.
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى، فه‌رمانگه‌ها گشتى يا ڤه‌كولين و په‌ره‌پێدانێ و ژ به‌ر به‌رژه‌وه‌نديا گشتى ره‌زامه‌ندى هاته دان ل سه‌ر درێژژكرنا ماوێ پێشكێشكرنێ بۆ خواندنا بلند “دبلۆما بلند، ماسته‌ر، دكتورا” بۆ وه‌رزێ هاڤينێ بۆ سالا خواندنێ 2016-2017 هه‌تا رۆژا ئێكشه‌مبى رێكه‌فتى 14ى گۆلانا 2017ێ ل گه‌ل ب دووماهى هاتنا ده‌واما فه‌رمى.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 12ى گۆلانا 2017ێ ئه‌سمان دێ ساهى بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ هاتنا فشارێن نزمێن گزيرتا عه‌ره‌بى دھێتە پێشبینیکرن ئه‌سمان ساهى بيت و توز دێ بلند بيت و له‌زاتيا بايى ل هنده‌ك جهان زێده بيت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 15 بۆ 25کم دا و ماوێ دیتنێ ژی دێ د ناڤبه‌را 8 بۆ 9كم دا بيت، پلێن گەرمێ ژی دێ د ناڤبەرا 18 بۆ 31 پلان دا بن.
ئه‌ڤرۆ نيوز:
پشتى چه‌ند رۆژان ژ ده‌سته‌سه‌ركرنێ و مانێ ل زيندانێ ئه‌ڤرۆ مه‌لا عه‌لى كه‌له‌ك دێ ب كه‌فاله‌ت هێته ئازادكرن.
مه‌لا عه‌لى كه‌له‌ك ژ لايێ پۆليسان ل شه‌ڤا 2ى گۆلانا 2017ێ ل سه‌ر سكالايه‌كێ هاتبوو ده‌سته‌سه‌ركرن و ئه‌ڤرۆ 11ى گۆلانێ دێ ب كه‌فاله‌ت هێته ئازادكرن.
به‌رى نوكه مه‌لا عه‌لى كه‌له‌ك وه‌كو بزاڤه‌ك بۆ هاتنه خوارا سه‌نگى، داخواز كربوو كو يێ بڤێت كێشا خوه ژ ده‌ست بده‌ت، بلا كلينسا بخوه‌ت، ئه‌ڤه ژى ببوو ئه‌گه‌ر كو ژيانا ژنه‌كێ بكه‌ڤيته به‌ر مه‌ترسيێ پشتى زێده‌ترى هزار كلينسان خوارى و نوشداران ب زۆرى نشته‌رگه‌ريه‌ك بۆ كرى و ژ مرنێ رزگاركرى.
پشتى مه‌لا عه‌لى كه‌له‌ك كلينيكه‌كا نوشدارى ب ناڤێ “نوشداريا نه‌به‌وى” ڤه‌كرى گه‌له‌ك ژ وه‌لاتيان قه‌ستا وى كريه و گه‌له‌ك ڤيديۆ ژى ل تۆڕێن جڤاكى به‌لاڤكرينه و ب گۆره‌ى وان نه‌خۆش چاره كرينه، د به‌رامبه‌ر ژى دا وه‌زاره‌تا ساخله‌ميێ چه‌ندين جاران سكالا ل سه‌ر تۆماركرينه.
ئەڤرو نیوز ، نەوزاد زادە هلوری:
رێڤەبەریا شەهید و ئەنفالکریێن بارزان بمەرەما زێدەتر ناساندنا جینوسایدا گەلێ کورد ، لسەر داخوازیا وەلاتێ نیوزلەندا چەند پەرتووکەکێن تایبەت لسەر جینوسایدا گەلێ کورد دێ رەوانەیێ وی وەلاتێ کەت و وەرگێریت بۆ زمانێن بیانی.
رێبوار رەمەزان رێڤەبەرێ شەهید و ئەنفالکریێن بارزان د لێدوانەکێ دا بو ئەڤرو نیوز گۆت: (چەند روژ بەریا نها کومپانیەکا نیوزلەندی بناڤێ کومپانیا ئەلماس سەرەدانا دەڤەرا بارزان کر و دوێ سەرەدانێ دا مە وەکو رێڤەبەریا شەهید و ئەنفالکریێن بارزان چەند پەرتووکەک لسەر جینوسایدا گەلێ کورد و جینوسایدا بارزانیان پشکێشی وان کرن ، پشتی کو ئەو ڤەگەریایی ل گەل وەلاتێ خوە کومبوون و بریاردا کو زانیاریێن زێدەتر لسەر گەلێ کوردستانێ ب گشتی و جینوسایدا کوردان ب تایبەتی بزانن ژبەرڤێ داخواز ل مە کر کو پەرتووکێن زێدەتر لسەر جینوسایدا گەلێ کورد بۆ وان بهێنە رەوانەکرن داکو ئەو ژلایێ خوڤە وەرگێرن لسەر زمانێ خوە و بەلاڤ بکەن و پشتەڤانیا خوە ژی بۆ گەلێ کورد و دانەنیاسینا زێدەتر یا کومکوژیێن کوردان وەکو جینوساید راگەهاند ، بێگومان ئەڤێ یەکێ گرنگیا خوە هەیە)
زێدەتر گۆت: (لسەر هەر تاکەکێ کورد و سازیێن هەرێمێ یە کو کار بکەن بۆ کومکرنا زێدەتر یا زانیاری و وێنە و بەلگەنامەیان ل بارا ئەنفال و کومکوژیێن گەلێ کورد داکو پتر بکارین ب رێیا وان خوە بگەهینین ناڤەندێن جیهانی و دانەنیاسینا وان وەکو جینوساید)
ئەڤرۆ نيوز:
سەرۆکێ کومسیۆنا بلندا ھەلبژارتنان ل ھەرێما کوردستانێ دیارکر، پشت بەستن ب مادێ قانوونێ یێ ژماە (1) ل سالا 2009، کو 8 جاران لە پەرلەمانی ھایتە پەسەندکرن و راستڤەکرن ، دبێژیت، پێدڤی ناکەت پەرلەمانێ کوردستانێ چو قانوونەکێ بۆ ئەنجامدانا ھەلبژارتن یان ریفراندۆمێ دەربێخیت.
ھندرێن محەمەد ھەروەسا گۆت: ئەم وەکی کومسیۆنا بلندا سەربخوەیا ھەلبژارتنان و راپرسیا ل ھەرێما کوردستانێ ل ھەرسێ ئالیێن دارایی و کارگێری و ھونەری دێ خوە بەرھەڤ کەین، وەک ئالیێ دارایی مە بۆ ھەلبژراتنان داھاتی یان ریفراندۆمێ داخوازا تەرخانکرنا بودجەکا تایبەت کریە، کو نێزیکی 20 ملیۆن دۆلاران و دێ ژ ئالیێ حوکمەتا ھەرێما کوردستانێ ڤە بوو مە ھێتە دابینکرن.
ژئالیێ کارگیری ڤە ژی ھەموو ستاف و ئۆرگانێن مە ب کارمەندێن ئۆفسێن سەرەکی و ل باژێران ژی ھەموویان دەستبکارێن خوە کرینە و دئامادەنە.
ل دووماھیا حەفتیا بۆری ژی بۆ ئالیێ ھونەری مە تیمەک ھنارتیە بەغدا بۆ ئینانا تۆمارنامێن دەنگدەران کو ل کۆمسیۆنا بلندا ھەلبژارتنێن عیراقێ نە، ھەر دەمێ ئەو تۆمار گەھشتن ئێکسەر بۆ نوویکرنا تۆمارنامێن دەنگدەران دێ کەین، ژ ئالیەکێ دیڤە نوکە ئەم مژوولی دانانا سیستەمەکێ پێشکەفتی نە بۆ رۆژا دەنگدانێ دا کو دەنگدان ب ساناھی و ددەمەکێ کێم دا بھێتە برێڤەبرن، ھەروەسا بلەز ئەنجام ژی بھێنە راگەھاندن.
ئه‌ڤرۆ نيوز:
سیاسەتمەدارێ باکوورێ کوردستانێ عوسمان ئۆجەلان دبێژیت، سەرکردێن پەکەکێ پشکک ژوان بووینە جھێ بجھئینانا ئەجیندایێن ھزرا چەپ خواز و دژی نەتەوە و دژی دەلوەتا کوردی، بڤی رەنگێ سیاسەتێ ژی دێ زیانێ ب پاشەرۆژا کوردستانێ گەھینن.
برایێ ریبَەرێ زیندانکریێ پەکەکێ و سیاسەتەڤانێ کوردستانێ باکوور عوشمان ئۆجەلانی بۆ مالپەرێ پارتی دیموکراتی کوردستان راگەھاند، باسکەکێ دناڤا پەکەکێ دا دژاتیا پراسا نەتەوەیی یا مللەتێ کورد دکەن، کۆ دبێژنێ باسکێ ئەنقەرە کو ژڤان کەسان پێکدھێت، ( رەزا ئاڵتون، دۆران کلکان، سەبری تۆک، جەمیل بایک، عەلی حەیدەر قایتەران)، ھەلبەت ئەڤ کەسێن ھەنێ ب ھزروبیرێن چەپخوزای داخبارن و باورەی ب پرسا نەتەوەیی نینە، کاری ژبۆ سەرکوتکرنا ھزرا نەتەوەیی دناڤا پەکەکێ دا دکەن.
عوسمان ئۆجەلان کو ئەو بەخوە بەری نوکە ئێک ژ سەرکردێن پارتا ناڤبری بوویە، وەکی چەندین دیدار و ھەڤدیتنان ئاشکراکریە، ھەر ئەو ململانێ و دوبەرەکی یا دناڤا پەکەکێ دا ل دۆر ھزرا نەتەوەیی و سەرئێک زێدەکرن ھوکارێ دەستبەردانا وی بوویە، ھەروەسا زێدەتر گۆت: ئەو باسکێ دەست بلند و ل سەری ھاتنە ژناڤبرن، بەانبەری وێ دەست ب سەرکوتکرنێ کرن، چونکی بەرۆڤاژی وان ھزر دکەن.
سەباەرت گەفێن رەزا ئالتۆن بۆ سەر ھەرێما کوردستانێ ژی سیاستەمدارێ باکووری گۆت: رەزا ئالتۆن ئەوێ پۆستێ بەرپرسیا پەیوەندیێن کوما جڤاکێ کوردستانێ (کەجەکە) پێ ھاتیە راسپاردن، مرۆڤەکێ نەخویندوارە و ل سەر جادێ فێری خواندن و نڤیسینێ بوویە، ھزرا سیاسی یا وی ھندا بەرتەتنگە، ل باشوورێ کوردستانێ گەفان ل وەلاتێ تورکیا دکەت، ھەروەسا پەکەکێ خو ب نوونەریا کوردێن رۆژئاڤا زانیە و کوردستانا رۆژئاڤا خستیە گێژەڤانکێ دا و دوور نیە رۆژئاڤا و باشوورێ کوردستانێ تووشی شەڕەکی بکەن، دەمێ رەزا ئالتون دبێژیت کوردستانا باشوور دێ کەینە مەیدانا شەڕی رامانا وێ چیە؟.
عوشمان ئۆجەلان دووپاتکر کو پارتا کرێکارێن کوردستانێ ل کوردستانا باکوور شەکەستنەکا مەزن خواریە و نەشێت جارەکا خوەراگریت، ھەروەسا گۆت: فەلسەفا پەکەکێ ئەوە، ھەر جھەکێ دەلیڤە ھەبیت بکەنە مەیدانا شەڕی، لەورا وانا دڤێت شەڕێ خوە ژ باکوورێ کوردستانێ ڤەگوھێزنە ناڤا کوردستانا باشوور، ئاخر تۆ ل باشوورێ کوردستانێ مووشەکان بگریە وەلاتێ تورکیا و ھێرشی سەر دەزگەێن تورکیا بکەی ژ ھەرێما کوردستانێ بکەیە ل سەر وەلاتێن ھەڤسووی، بێگۆمان ئەوژی ناراوەستن و دێ بەرسڤا وان ھێرشان دەن، ھەر ئەڤە بخوە ھوکارێ خەباتا چەکداریا وانا یە ل باکوورێ کوردستانێ و ڤەگۆھاستنا وێ بۆ باشوورێ کوردستانێ و رەنگە وان ھەلێخستنا شەران ژی بکەنە ئارمانج خوە.
نيشاندان
