ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى ئادارا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1258 |
| 1 يۆرۆيێ ئه‌ورۆپى | 1350 |
| 1 ليرێ توركى | 350 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ب مه‌ره‌ما ژنێزیك هایداربون ل سه‌ر سیسته‌مێ نوو یێ برێڤه‌برنا موعاملێن وه‌لاتیان ئه‌ڤرو سپێدێ 30-33-2017به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌را رێڤه‌به‌ریا گومركا دهوك دا ژلایێ عزت فتاح رێڤه‌به‌رێ گومركا دهوكێ وكارمه‌ندێن فه‌رمانگه‌هێ پێشوازی لێ هاته كرن.
پاش پارێزگه‌رێ دهوكێ گه‌ریانه‌ك لناڤ ژور وپشكێن رێڤه‌به‌ریێ كر وژنێزیك هایداری سیسته‌مێ نوو یێ ئه‌لكترونی یێ خزمه‌تكرن وبرێڤه‌برنا موعاملێن وه‌لاتییان بو.
پاش ل هولا رێڤه‌به‌ریا گومركێ كارمه‌ندێن ته‌كنیكی یێن سه‌رپه‌رشتیكرنا سیسته‌می ب رێكا داتا شویێ رونكرنێن به‌رفره‌ه دانه سه‌ر سیسته‌مێ خزمه‌تكرنێ وگرنگیا وی به‌رچاڤكر ودا دیاركرن كو هه‌موو موعاملێن وه‌لاتییان ب كومپیوته‌ری وخزمه‌تا ئلكترونی وبكێمترین ده‌م دهێنه برێڤه‌برن هه‌روه‌سا موعامله ل جهه‌كێ ئێمن دهێنه پاراستن.
دداخویانییه‌كێدا پارێزگه‌رێ دهوكێ ده‌ست خوشی ل گومركا دهوكێ وته‌كنیكارێن وێ كر بو باشتر كرنا سیسته‌مێ ئه‌لكترونی یێ خزمه‌تكرنێ وگوت ئه‌ركێ فه‌رمانگه‌هێن حكومه‌تا كوردستانێ یه خزمه‌تكرنا وه‌لاتییان بكێمترین ده‌م بكه‌ن وگوت ئه‌ڤه سیسته‌مه‌كێ ئه‌لكترونی یێ پێشكه‌فتی یه وگه‌له‌ك باشیێن خوهه‌نه وهێدی هێدی ئه‌ڤ پروژه دێ لناڤ فه‌رمانگه‌هێن میری هێته په‌یره‌وكرن .
هه‌روه‌سا گوت ئه‌ڤه پێنگاڤه‌كا گرنگه وكار وخزمه‌ت رێكوپێكتر بو وه‌لاتییان دێ هێنه پێشكێشكرن .
ژلایێ خوڤه رێڤه‌به‌رێ گومركا دهوكێ ته‌كه‌زك كو ئه‌ڤ به‌رنامه ب پشته‌ڤانیا پارێزگه‌ها دهوكێ هاتیه ئاماده‌كرن وهاولاتی ب ساناهی وله‌ز وپاراستیتر دێ شێن موعاملێن خو برێڤه‌به‌ن.
ئەڤرۆ نیوز:
سترانبێژا گەنج دۆتمیر نازێ، دیارکر: بەری چەندەکێ وێ دووماھی سترانا خوە ب ناڤێ گۆلناز بەلاڤکریە، پەیڤێن سترانێ یێن ھەلبەستڤان ئەدیب چەلکی نە، ئاوازا وێ ژی فولکلۆریە، لێ ب شێوازێ مۆزیکا پۆپ ھاتیە چێکرن.
ناڤھاتی، کو ئەڤە دەمەکێ درێژە ل وەلاتێ سوید دژیت، بۆ رووداو دیارکریە ئەو ستران ھاتیە تۆمارکرن، لێ نوکە یا بەرھەڤیێن خوە دکەت دا وێنە بکەن.
ھەروەسا گۆت: پشتی ڤێ سترانێ سترانەکا دو قۆلی ل بەر دەستێن مە یە، کو دێ ل گەل ھونەرمەندەکێ ناڤدارێ کورد بێژم لێ نوکە ئەز ناڤێ وی ئاشکراناکەم و بلا ئەڤ چەندە ببیتە سۆپرایز بۆ وان کەسان یێن حەزژ سترانێن من دکەن.
ئەڤرۆ نيوز:
سترانبێژ دیلەک ئارسلان، کو خەلکا گەڤەرێ یە ل باکۆرێ کوردستانێ، و نوکە ل گەل خێزانا خوە ل باژێرێ ئیستەمبۆلێ دژیت، د دیدارەکێ دا بۆ رۆژناما ئەڤرۆ دبێژیت: من ل سالا 2008 دەست ب سترانگۆتنێ کریە وخێزانا من گەلەک ھاریکار و پشتەڤانێن من بووینە کو ئەز سترانان بێژم و ئەز پتر حەز ژ سترانێن ئەڤینی دکەم، ھەروەسا ھەتا نوکە من چار کلیپ چێکرینە و نوکە ئەز کار ل سەر کلیپا خوە یا نوو دکەم ب ناڤێ (دۆتمام دخوازم) ل ڤان نێزیکان ئەڤ کلیپە دێ بەلاڤ بیت، وگۆت ژی: من ئەلبۆمەکا سترانان ب ھاریکاریا دایک و بابێ خوە چێکریە و ھەموو مەزاختنێن وێ ئەلبۆمێ وان داینە، لێ ژبەرکو کارێ من یێ ئێکێ بوو ھندەک کێماسی تێدا ھەبوون و ئەز ژ چێکرنا وێ ئەلبۆمێ یا رازی نینم و نە گەلەکا ب دلێ منە.
دیلەک زێدەتر دبێژیت: نوکە ل ئیستەمبۆلێ ئەز کار ل سەر چێکرنا ئەلبۆما خوە یا نوو دکەم، کو ژ 12 تراکان پێک دھێت و من سێ ستران ژ وان ب دووماھی ئیناینە و ل سالا بھێت دێ ڤێ ئەلبۆمێ بەلاڤکەم و دێ چەند سترانان ژی ژێ کلیپ کەم، ھەروەسا ھەتا نوکە من سترانێن دوقولی نەگۆتینە، لێ من ھزر د ھندێ دا کریە و ئەز حەز دکەم سترانەکا دوقولی ل گەل سترانبێژ عەبدولقەھار زاخۆیی بیژم و ئەڤە ئێک ژ داخوازیێن منە.
و گۆت ژی: من چەندین جاران سەرەدانا ھەرێما کوردستانێ کریە و من گەلەک پشکداری د ئاھەنگ و ھەلکەفتان دا کریە و ئەز گەلەک حەزژ خەلکێ باشۆر دکەم، چونکی وان حەزەکا زێدەتر ژ ھەموو پارچێن دی یێن کوردستانێ بۆ ھونەری ھەیە.
ل دووماھیێ گۆت: ھێشتا من شوو نەکریە و من ھزر ل ھندێ ژی نەکریە کو شوو بکەم، نوکە بتنێ ھزرا من ل سەر ھونەرێ منە و ئەز دێ بەردەوامیێ دەمە ھونەرێ خوە، ھەروەسا دەمێ من شوو کر دێ ب ئێکجاری دەستا ژ ھونەری و سترانگۆتنێ ژی بەردەم.
ئه‌ڤرۆ نيوز:
وه‌كو هه‌لويست به‌رامبه‌ر چاره‌سه‌رنه‌كرنا قه‌يران و كارانه‌كرنا په‌رله‌مانێ كوردستانێ و لانه‌برنا پاشكه‌فتكرنا مووچێ فه‌رمانبه‌ران ژ لايێ حوكمه‌تا هه‌رێمێ ڤه، ئه‌ڤرۆ رۆژا پێنجشه‌مبى 30ى ئادارا 2017ێ عومه‌ر كۆچه‌ر په‌رله‌مانتارێ ئێكگرتوو ل په‌رله‌مانێ كوردستانێ ناما ده‌ست ژ كاركێشانێ پێشكێشى سه‌رۆكاتيا په‌رله‌مانى كر.
پێشتر ژى ئه‌وى په‌رله‌مانتارێ ئێكگرتوو ل ده‌زگه‌هێن راگه‌هاندنێ و په‌يجێ تايبه‌ت يێ خوه ل تۆڕا جڤاكيا فه‌يسبۆكى هوشداريا وێ چه‌ندێ دابوو لايه‌نێن هه‌ڤرك كو ئێدى ملله‌ت خوه ل به‌ر قه‌يرانان و كارانه‌كرنا په‌رله‌مانى و به‌رده‌واميا پاشكه‌فتێ مووچه‌ى ناگريت و داخواز ژ هه‌موو په‌رله‌مانتاران كربوو كو ده‌ست ژ كاركێشانا خوه ب راگه‌هيننن وه‌كو فشار بۆ سه‌ر لايه‌نان هه‌تا كو قه‌يرانان چاره بكه‌ن.
په‌يجێ فراكسيۆنا ئێكگرتوو ل په‌رله‌مانێ كوردستانێ راگه‌هاند كو ئه‌ڤرۆ رۆژا پێنجشه‌مبى عومه‌ر كوچه‌ر ژ به‌ر وان ئه‌گه‌رێن ئاماژه بۆ هاتيه كرن ناما ده‌ست ژ كاركێشانا خوه پێشكێشى سه‌رۆكاتيا په‌رله‌مانێ كوردستانێ كر.
ئه‌ڤرۆ نيوز، نيوار محه‌مه‌د سه‌ليم:
لژنا سه‌رپه‌رشتا مواليدان ل پارێزگه‌ها دهۆكێ راپۆرتا خوه يا هه‌يڤا سێ به‌لاڤكر كو تێدا بهايێ ئه‌مپێرێ كاره‌بێ بۆ هه‌يڤا سێ و به‌رنامێ كاركرنا وان يێ هه‌يڤا چار ئاشكه‌را كريه:
ل رۆژا چوار شەمبی 29ى ئادارا 2017ێ لژنا بلند یا سەرپەرشتیا موەلیدێن پارێزگەھا دھۆکێ کومبوونا خوه یا ھەیڤانە ل ھولا کومبوونا یا قایمقامیا قەزا دھۆکێ گرێدا ب سەروکاتیا قایمقامێ قەزا دھوکێ و سەروکێ لیژنێ و ب ئامادەبوونا ئەندازیارو ئەندامێن لیژنا بلند یا سەرپەرشتیا موەلیدێن پارێزگەھا دھۆکێ و نوونەرێن پارێزگەھێ، رێڤەبەریێن کەھرەب، بەرھەمێن گازێ ل دھوکێ، جڤاتا باژێرڤانيا دھۆکێ و نوونەرێن لژنێن موەلیدا ل قەزایێن دھۆک، سێمێل، زاخو، ئامێدی، ئاکرێ، شێخان و بەردەرەش.
د ڤێ کومبوونێ دا دانوستاندن ھاتنە کرن و چەندین بڕیار ھاتنە دان ل سەر بابەتێن رەوشا کەھرەبێ وکارکرنا موەلیدا و بهايێ ئەمپێرى بۆ هه‌يڤا ئادارێ (ھەیڤا 3)، و دانانا بەرنامێ کارکرنا موەلیدا بۆ ھەیڤا نیسانێ (ھەیڤا 4/2017 ).
بهايێ ئەمپێرێ کارەبا موەلیدا یێ ( ھەیڤا – 3 – ئادارێ ) ب ڤی ره‌نگێ ل خوارێ یە
1- قەزایینَ دھۆک، سێمێل و زاخۆ و دەڤەرێن سەر ب وان ڤە 
9.500 ) نەهـ ھزارو پێنج سەد دینارن. ل گوندێن ( تەلوە وبێتاسێ و ئەڤریکێ ) (5.500 ) پێنج ھزارو وپێنج سەد دینارن.
2- ل قەزا ئاکرێ وده‌ه‌ڤه‌رێن ( دینارتە و بجیل وگردەسین )/سەنتەر (9.500 ) نەهـ ھزار و پێنج سەد دینارن. ل ده‌ڤه‌ر و گوندێن دەوروبەرێن ئاکرێ فیدەرێ (گردەسێن- شەرمن و ئومەرخۆشان) ( 7.000 ) ھەفت ھزار دینارن ول فیدەرێ ( دینارتە و بجیل ) ( 6.500 ) شەش ھزار و پێنج سەد دینارن و ئەو جھێن بەلێندەر موەلیدێن وان برێڤە دبەت ل فیدەرێ (گردەسێن -شەرمن و ئومەر خۆشان ) ( 7.000 ) ھەفت ھزار دینارن.
4- ل قەزا بەردەرەش/سەنتەر( 7.000 ) ھەفت ھزار دینارن. ل ده‌ڤه‌را ( کەلەک ) (5.500 ) پێنج ھزارو پێنج سە دینارن. ل ( بشیریان ) (5.500) پێنج ھزارو پێنج سەد دینارن و ل (کانی ئەسپان، ئیسماوە و زەنگەنان) (5.000) پێنج ھزار دینارن. ل ده‌ڤه‌را (دارەتوو ) (5.250) پێنج ھزارو دوو سەدو پێنجی دینارن، ل ده‌ڤه‌را (رۆڤیا/بەلێندەر) (5.250)پێنج ھزارو دوو سەدو پێنجی دینارن.
5- ل سەنتەرێ قەزا شێخان (7.000) ھەفت ھزار دینارن. ل (ده‌ڤه‌را چرە) (7.250) ھەفت ھزار و دوو سەدو پێنجی دینارن. ل (کەلەکچی و دولیشان) (7.000) ھەفت ھزار دینارن، ل ده‌ڤه‌را (قسروک) (7.000) ھەفت ھزار و ھەفت سەدو پێنجی دینارن، ل (مھەتێ) (7.000) ھەفت دینارن. ل (وان ده‌ڤه‌ر و دەڤەرێن کومپانیا بێخال موەلیدێن وان برێڤەدبەن ل سنورێ قەزا شێخان) فیدەرێ (ھزار جووت، لەکان، کفرێ) (7.000) ھەفت ھزار دینارن ،وفیدەرێ (خنس، شەھیا) (7.250) ھەفت ھزارو دوو سەدو پێنجی دینارن.
6- ل ناحیا باعه‌درێ (7.000) ھەفت ھزار دینارن. ل(ئێسیا) (6.750) شەش ھزارو ھەفت سەدو پێنجی دینارن و ل ده‌ڤه‌را ئەتریش و بلدێشا (7.250) ھەفت ھزارو دوو سەدو پێنجی دینارن.
7- ل قەزا ئامێدیێ /(سەنتەر) (9.500) نەهـ ھزار و پێنج سەد دینارن، ل(سەرسنگی) (9.500) نەهـ ھزار و پێنج سەد دینارن، ل (دێرالوکێ) (9.500) نەهـ ھزار و پێنج سەد دینارن و ل (شێلادزێ) (9.500) نەهـ ھزار و پێنج سەد دینارن و ل ده‌ڤه‌را چەمانکێ (9.500) نەهـ ھزار و پێنج سەد دینارن.
8- ل دەڤەرێن سنورێ قایمەقامیا قەزا سێمێلێ ئەوژی (سمایل ئاڤا، بالقوس، خراب دیم وگرشین و موقبلێ باتێلێ و باستکێ) (9.500) نەهـ ھزار و پێنج سەد دینارن. دەڤەرێن ئەمپێری ل زاخۆ (9.500) نەهـ ھزار و پێنج دینارن.
9- ل دەڤەرێن ( کورا، مانگێش، زاویتە) (9.250) نەهـ ھزارو دوو سەد و پێنجی دینارن ول باگێرا (9.000) نەهـ ھزار دینارن.
10- ل شوقێن پارێزگەھا دھوکێ کو بەرنامێ کارکرنا موەلیدا (19) دەمژمێریە و ئەوێن موەلیدێن وان نە سەر ب پرۆژەی ڤە (13.500) سێزدە ھزارو پێنج سەد دینارن. ل شوقێن زاخۆ (13.500) سێزدە ھزار و پێنج سەد دینارن. ل وان شوقێن کۆ بەرنامێ کارکرنا موەلیدێن وان (24) دەمژمێری (15.000) پانزدە ھزار دینارن.
11- ل ده‌ڤه‌را (ئەلقوش /سەنتەرێ ده‌ڤه‌رێ) (8.500) ھەشت ھزار و پێنج سەد دینارن. ل (جراحی- بوزا- شێخکا- بێبان ونفێریێ) (5.500) پێنج ھزار و پێنج سەد دینارن و ل (خەتارێ- دوغاتا- منارە- تلسین و بابیرا) (3.000) سێ ھزار دینارن.
تێبینی:
• بەرنامێ کارکرنا موەليدا ل سەنتەرێن قەزایێن دھۆک، زاخۆ و سێمێل بۆ مەھا ( نیسانێ- ھەیڤا 4/2017 ) دێ ب ڤی رەنگێ ل خوارێ بیت:
– ژ دەمژمێر 7:00 سپێدێ هه‌تا دەمژمێر 9 سپێدێ موەلیدە دێ کارکەن.
– ژ دەمژمێر 2:00 ئێڤاری تا دەمژمێر 2:00 شەڤ موەلیدە دێ کارکەن.
– بەرنامێ کارکرنا موەلیدان ل (کۆمەلگەھێن شوقان) دێ ( 19 ) دەمژمێری بیت، ژ دەمژمێر 7:00 سپێدێ هه‌تا دەمژمێر 2:00 شەڤێ موەلیدە دێ کارکەن ل ھەر دەمێ کەھرەبا گشتی دڤی ماوەی دا ھاتە برین.
– بەرنامێ کارکرنا موەلیدان ل قەزایێن دی و دەڤەرێن سەر ب وان ڤە ، دێ ل دووڤ رەوش و داخوازییا کارگێریێن وان و خەلکێ وان بیت.
* ھیڤیدارین ژ خودانێن موەلیدا پێگریێ ب بەرنامێ لیژنا سەرپەرشتیا موەلیدان بکەن ئەوێ ل سەری دیارکری، داخوازێ ژ ھەلبژێرێن بەرێز دکەین، ھەر جھەکێ موەلیدا ل تاخێ وی پێگریێ نەکەت، لیژنا مە ب سکالایەکا نڤیسی ئاگەھدار بکەت دا کو پێرابوون د دەرھەقێ وان دا بھێنە ئەنجامدان.
ئه‌ڤرۆ نيوز، له‌زگين جۆقى:
رێخراوه‌كا ئه‌لمانى 14 ترۆمبێلێن ئه‌مبۆلانس پێشكێشى رێڤه‌به‌ريا گشتى يا ساخله‌ميا پارێزگه‌ها دهۆكێ كرن. قونسلێ وه‌لاتێ ئه‌لمانيا ژى ل هه‌ولێر راگه‌هاند كو ئه‌و دێ نه‌خۆشخانا ئازادى نووژه‌ن و به‌رفره‌هتر لێ كه‌ن.
د رێ و ره‌سمه‌كى دا ئه‌ڤرۆ 30ى ئادارا 2017ێ د. نزار عصمەت تەیب رێڤەبەرێ گشتیێ ساخلەمیا دھۆکێ و ئیسماعیل محه‌مه‌د جیگری پارێزگەرێ دھۆکێ بۆ کاروبارێن بۆردێ مرۆڤایەتیێ پێشوازی ل قونسلێ وەلاتێ ئەلمانیا ل ھەولێر یوھانس شنایده‌ر و رەلانەد لاوکتا و کر و د ڤى چارچۆڤه‌ى دا، رێكخراوه‌كا ئه‌لمانى 14 ترۆمبێلێن ئه‌مبۆلانس پێشكێشى ساخله‌ميا دهۆكێ كرن.
د. نزار عصمەت تەیب، رێڤەبەرێ گشتیێ ساخلەمیا پارێزگەھا دھۆکێ گۆت: “رێکخراوا ئەلمانی بەردەوام پشتەڤاینا کەرتێ ساخلەمیێ ل دھۆکێ دکەت، ھەر ژدەستپیکا شەرێ تیرۆرستێن داعش ھەتا نوکە گەلەک جاران رێکخراوان ھەڤکاریا ساخلەمیا دھۆکێ کرینە، ئەم داخواز دکەین ھەموو رێکخراو ھەڤکاریا ساخلەمیێ بکەن”.
ئیسماعیل محه‌مه‌د، جێگری پارێزگەرێ دھۆکێ بۆ کاروبارێن بۆردێ مرۆڤایەتیێ، دیارکر رێکخراوا ئەلمانی گەلەک جۆرێن ھاریکاریان پێشکێشی خەلکێ دھۆکێ دکەت ئەڤرۆ 30ى ئادارا 2017 دێ 12 تانکەرین ئاڤی ژی دابین کەت بۆ رێڤه‌به‌ريا ئاڤا دھۆکێ بۆ خزمەتکرنا وەلاتیان و دابینکرنا ئاڤا ڤەخۆارنی بۆ وان جهـ و کەمپ و دەڤەران یێن کێماسیا ئاڤا ڤەخوارنێ لێ ھەی.
زێدەتر گۆت: “حکومەتا ئەلمانیا ل دھۆکێ پشتەڤانیێ ل پەروەردێ و ساخلەمیێ و ئاڤێ دکەت، ئەم داخواز دکەین زێدەتر پشتەڤانیا وان کەرتێن خزمەتگوزاری بھێتە كرن”.
یوھانس شنایده‌ر قونسلێ ولاتی ئەلمانیا گۆت: “پێ خوشحالم ئەڤرۆ جارەکا دی من سەرەدانا دھۆکێ کر و حکومەتا ئەلمانیا دێ یا بەردەوام ل سەر ھاریکاریا ساخلەمیا دھۆکێ دی نەخۆشخانا ئازادی ژی نووژەن و بەرفرەهـ کەين”.
ئه‌ڤرۆ نيوز:
نیشانێن ژەھراویبوونێ گەلەکن و کارتێکرنێ ل ھەموو پشکێن لەشی دکەن و ل ڤێرێ دێ ھندەک نیشانان دیارکەین ژوانژی نیشانێن ژەھراویبوونێ د کوئەندامێ ھەرسکرنێ دا:
– ھەستکرن ب ئێشانێ و سوتنا دەوروبەرێن دەڤی: دەمێ مرۆڤ کەرستێن (ترشیاتی) و (قەلەوی) دادعوریت، ئێشانەکا زور دکەڤیتە دەڤی و دفن و گەوری و حەفکا مرۆڤی ھەموو کول دبن، ژوان کەرستەیان (فینیک، سودا و کولور) بەلێ کارتێکرنا فینیکی کێمترە ژبەرکو وەکو بێھوشکەرەکێ خوجە کاردکەت.
– زێدەبوونا گلیزی د دەڤی دا: ئەڤ نیشانە پەیدادبیت دەما کو مرۆڤ گەلەک ژ ناڤبەرێ فسفورێ ئەندامی دادعوریت وەکو (باراسیونو یودێ و برومیدی) و دگەل ڤێ چەندێ یود و برامید گلاندێن گلیزی مەزن دکەن.
– ھشکبوونا دەڤی: ھەکە مرۆڤی پێکھێنەرێن ئەتروبینی وەک (حەبێن بلادینان) ب کارئینان، دێ بیتە ئەگەرێ ھشکبوونا دەڤی و دگەلدا لێدانێن ھەناسەیا مرۆڤی زێدەدبن.
– نەمانا شەھیەتا خوارنێ: ئەڤە ئێکەمین نیشانە کو تووشبوویێ ژەھراویبوونێ نەخۆشیا خۆ ژێ دبینیت، ب تایبەت ھەکە رابوو ب کارئینانا کەرستێ دیجوکسین ئەوێ ژ گیایێ دیجیتالس دھێتە چێکرن.
– عێلنجی و دلرابوون: ئەڤ نیشانە د پرانیا حالەتان دا ژ ئەنجامێ داعوورانا کەرستێن (بوتاس) و خوێ یێن ئاسنی و زئبەقی پەیدادبن.
– لاوازبوونا بزاڤا رووڤیکان: ئەڤەژی پەیدادبیت ژ ئەنجامێ ژەھراویبوونێ ب مخدراتا و حەبکێن خەوێ.
نیشانێن نەخۆشیا زەرکێ: ئەڤ نیشانە پێدڤی ب دو روژانە ھەتا دیاردبن، ژبەر ھندێ ل دەمێ دەستنیشانکرنێ گەلەک پالپشتی ل سەر نینە و نیشانێن زەرکێ دیاردبن پشتی ژەھراویبوونێ ب دەرمانێ پاراسیتول، دەما ژەھراویبوون ژ ئەنجامێ دەرمانێن ئەتروبین و نیکوتینی بیت رەجفین دکەڤیتە د چاڤی دا و دەمێ ژەھراویبوون ب کەرستێ کحولێ مەتیلی بیت چاڤ کورە دبن و ھەبوونا گوھۆرینان د مورکێن چاڤی دا، ئێک ژ نیشانێن دیترە و یا گرنگ ل وێرێ ئەوە ئەم بەرێخودانێ ل ھەڤسەنگیا مورکێن چاڤی و فرەھی و تەنگیا وان بزانین و دەمێ گوھۆرین تێدا ھەبن، ئەڤە نیشانا ھەبوونا نەخوشیەکا دەمارانە، و دەمێ ژەھراویبوون ژ ئەنجامێ کەرستێن مورفینی بیت، مورکا چاڤی تەنگ دبیت، بەلێ ھەکە ژ ئەنجامێ کەرستێن مینا ئەمفیتامین و کوکایین و ئەتروبینی بیت ل وی دەمی بەرفرەە دبیت. بەلێ دەما ژەھراویبوون ژ ئەنجامێ کەرستێن ئەسپرینی و دووەم ئوکسیدێ کاربونی بیت ل وی دەمی دەنگ ژ گوھێن تووشبوی دھێت، ھەکە ژەھرێن دژە زیندەوەر مینا گرامایسینی ب کارئینان و ژەھراویبوون ژێرا پەیدابوو، گوە ل دەنگا نابیت، ھەکە مرۆڤی قەترێن دفنێ ب کارئینان ئەوێن ژ ترشیاتیێ فینیک و خوێ یێن کرۆمی پێک دھێن و ژەھراویبوون پەیدابوو ل وی دەمی مرۆڤ ھەست ب چ بێھنان ناکەت.
نيشاندان
