ئەڤرۆ نیوز:

باراك ئۆباما و هه‌ڤژینا وى میشێل ئۆباما دێ زنجیره‌یه‌كا كۆمێدى ل سه‌ر وان روودانان به‌رهه‌م ئینن یێن د ده‌می سه‌رۆكاتییا دۆنالد ترامپى دا رووداین.
ل گۆره‌ى نووچه‌یه‌كێ مالپه‌رێ ئینسایده‌ر، باراك ئۆباما، سه‌رۆكێ به‌رێ یێ ئه‌مریكا و میشێل ئۆباما یا هه‌ڤژینا وى، ل تۆرا نێتفلێكس مژوولى به‌رهه‌مئینانا زنجیره‌ درامایه‌كا كۆمێدى نه‌ كو به‌حس ل وان روودانان دكه‌ت یێن ل سه‌رده‌مێ ده‌ستهه‌لاتا دۆنالد ترامپى دا ژ سالا 2016 تا نها رووداین.
زنجیره‌ ب ناڤێ زه‌ جى وورد دێ ل ده‌ستپێكا سالا 2021 ده‌ست ب وێنه‌كرنا وێ هێته‌ كرن، پشكه‌ك ژ وێ زنجیرێ دێ كۆمێدى بیت و پشكه‌كا دى دێ دیكۆمێنتارى بیت و دێ راستیێن روودانێن ناڤ حكومه‌تێ دیاركه‌ت.
ئاده‌م كۆنۆڤه‌ر، پرۆدیۆسه‌رێ كۆمێدى یی وێ زنجیرێ د تویته‌كى دا دلخوشییا خوه‌ ب به‌رهه‌مئینانا وێ زنجیره‌یه‌كا نوى ل سه‌ر حكومه‌تێ ل سه‌ر نێتفلێكسى دیار كر.

ئەڤرۆ نیوز:
وەزیرێ دەرڤە یێ به‌رێ یێ ئەمریکا هۆشداریێ دانه‌ سه‌رۆكێ هه‌لبژارتیێ ئه‌مریكا كو ئەو یێ بەر ب سیناریۆیا شەرێ ئێكێ یێ جیهانى ڤە دچن.
هێنرى کیسنجەر بۆ ئاژانسا بلۆمبێرگ گۆتیه‌، ئه‌و داخوازێ ژ ئیدارا نوو یا ئەمریکا دكه‌ت، ئه‌و کێشەیێن ل سەردەمێ ترامپى دا ل گەل وه‌لاتێ چینێ هه‌ین چارەسەر بکەن، ژبه‌ركو هه‌كه‌ نه‌هێنه‌ چاره‌سه‌ركرن، دێ ئالۆزیێن دناڤبەرا هەردو وەلاتان مه‌زنتر لێ هێن و دێ هه‌ڤركى دناڤبه‌را وان دا بنه‌ هه‌ڤركیێن سه‌ربازى و دێ وه‌كى شه‌رێ ئێكێ یێ جیهانى لێ هێن.
ناڤهاتى گۆتیه‌ ژى، د نها دا ئه‌مریكا و چین دبلۆماسییا خوە ژى ل دژى ئێک برێڤە دبەن، ترسا وى ئه‌وه‌ دبیت هندەک ژ وان كیشه‌یان ب رێیا دبلۆماسىێ چارە نەبن و روودانەک ببیتە ئەگەرێ بکارئینانا چەکێ نوكه‌ یێ پێشکەفتى، هه‌كه‌ رێیەک بۆ چارەسەرکرنا وان کێشەیان نەهێتە دیتن، جیهان ژى دێ تووشى كاره‌ساته‌كا مه‌زن بیت، یا وه‌كى شه‌رێ جیهانى یێ ئیكێ.
هێنرى کیسنجەر، دناڤبەرا سالێن ١٩٦٩ هه‌تا ١٩٧٧، ل سەر دەمێ هەردو سەرۆکێن ئه‌مریكا ریچارد نێکسۆن و جیرالد فۆرد، وەزیرێ دەرڤە یێ ئەمریکا بوویە.

 
نیوز نیوز:
سەرۆكێ هەلبژارتیێ ئەمریكا، شەش پۆستێن ئیدارا خوه‌ یا نوو راگەهاندن، كو ئێك ژ وان پۆستێ وەزارەتا دەرڤەیە.
جۆ بایدنێ سەرۆكێ هەلبژارتیێ ئەمریكا، ناڤێن شەش پۆستێن ئیدارا خوه‌ راگەهاندن و ژ وان ژى:
. ئەنتۆنی بلینكن وەزیرێ دەرڤه‌.
.ئەلیخاندرۆ مایۆركاس وەزیرێ ئاسایشا نیشتمانی.
. جۆن كێری نوونەرێ سەرۆكێ ئەمریكا بۆ سه‌قاى.
. ئەڤریل هەینس رێڤەبەرێ هەوالگرییا نیشتمانی یا ئه‌مریكا.
. لیندا تۆماس گرینفیلد بالیۆزا ئەمریكا ل نەتەوه‌یێن ئێكگرتی.
.ریما دۆدین جێگرا رێڤەبەرێ نڤیسینگەها قانوونى ل كۆچكا سپی.