ئه‌ڤرۆ نيوز:

سەرۆکێ لقێ دھۆک یا حزبا دیموکراتی یا بەیت نەھرێن ئاشکراکر کو پەیاما سەرۆکێ ھەرێما کوردستانێ دووماھی پەیامە بۆ دەربازبوونا مللەتێ کورد ژ ئەڤان کاودانان، دیارکر کو ھاتنا شاندێ پارتی دیموکراتی کودستان بۆ ئالیێن سیاسی و تایبەت حزبا دیموکراتی یا بەیت نەھرن بۆ سێ مەبەستا بوویە.
عامر حوزەیران بەرپرسێ لقێ دھۆکێ یێ حزبا دیموکراتی یا بەیت نەھرێن بۆ رۆژناما ئەڤرۆ گۆت: دبینم ئەڤە دووماھی پەیامە و گەلەکا باشە و دبینم ئەڤە سنورەکە دەربازبین ژ ئەڤان کاودان و پێکڤە روونە خوارێ و پارتی رژدتر بھێـە ناف بابەتی چونکە لایەنەکی سەرەکی یە کێشێ دا و ھندەک تشت پتر رون بن و دبینین پەیاما کاک مەسعود بارزانی وەک خەمخوریەکە بۆ ھەموو گەلێ کوردستانێ ب ھەموو پێک ھات و نەتەوە ڤە، دڤێت ئەڤ قەیرانە نەمینت لەوما پێدڤی یە ھەموو پارت و ئالیێن سیاسی رژدی تر بھێنە پێش بۆ چارەسەرکرنا کێشا چونکە ئێدی خەلکی تەحمول نەما، نابیت ھندەک تشت بیتە کەسوکی و دو ئالی و حزبی چونکە نە کێشە پارتی و گورانە.
عامری ھەروەسا خوەیاکر، ب بۆچوونا من سەرۆکێ پەرلەمانی د.یوسف شیا قەیرانێ نە گەھینیتە ڤێ قوناغێ، چونکە شیا ب رێکەکا قانوونی رێکەکێ بۆ بینن و ھاتبا چارەسەرکرن و ھەکە تشت بۆ کەسوکی و میزاجی دێ کورتر لێ ھێت و دێ درێژبیت، دبینم ئدایا سەرۆکاتیا پارلەمانێ کوردستانێ یا باش نەبوو و سلبی زێدەتر بوویە، چونکە شیان وەک دەرزگەھێ تەشریعی و قانوونی چارەسەریا گەریابان ل گەل ئەندامێن پەرلەمانێ کوردستانێ و ھەموو پێکھات و ئالیێن سیاسی و شیا رێکەکێ بینن، مخابن کێشە مەزنکر و ھەر ژ سەرۆکاتیا پەرلەمانێ کوردستانێ دەسپێکر و سەرۆکێ پەرلەمانی د. یوسف و دڤیابا ئەڤە نەھاتباکرن، سەرەرایی ھەبوونا کێشا قانوونی یا سەرۆکاتیا ھەرێما کوردستانێ و راستە کێشە ھەیە، لێ ھەموو ب قانوونێ دھێنە چارەسەرکرن چونکە مە دڤێت دەولەتەکا قانوونی ب دامەزرینین دا نیشا خەلکێ جیھانێ بدەین و ئەم یێ بەر ب سەربەخۆیا کوردستانێ دچین.
سەبارەت سەرەدانا شاندنێ پارتی دیموکراتی کوردستان بۆ ئالیێن سیاسی ناڤبری گۆت: شاندنێ پارتی بۆ ئالیێن سیاسی بۆ دیتنا چارەکێ یە، ھاتنا ڤی شاندنی بۆ لایێ مە سێ خال ھەبوون، سەرۆکاتیا ھەرێمێ، سەرۆکاتیا پەرلەمانێ کوردستانێ، پێکئینانا حوکمەتەکا نوو کو دەست ب خزمەتێ بکەت و یا باش بیت یا خراب نەبیت وەک نوکە، ھات بوون کو بۆچوونا مە وەرگرن کا بەرسڤا مە چیە، مە گۆتێ وەک حزبا دیموکراتی یا بەیت نەھرێن ل گەل وێ چەندێ ینە کاک مەسعود بارزانی وەک سەرۆکێ ھەرێما کوردستانێ پوستێ خوە دا بمینت ھەتا ھەلبژارتن بھێنەکرن، چونکە کاودان نەیێن وێ چەندێ نە گوھۆرین بکەڤنە ڤی پوستێ گرنگ، شەرێ داعش و کاودانێن ئابووری، دەست بکاربوونا ئیدارا نوویا ئەمریکا و گوھورینیێ، رۆژھەلاتا ناڤین پەیدا دبن، ھەمبەر سەرۆکاتیا پەرلەمانی ئەم ژی ل گەل وێ چەندینە کو ئەدایا سەرۆکێ پەرلەمانی نەیا باش بوو مە رێز ھەیە بۆ یوسف محەمەد لێ نە یا باش بوو، شیا بۆچوونەکا دی ھەبا و شیا ل گەل کاک مەسعود بارزانی تشتەکێ باش کربا و نەھێلابا بگەھیتە ڤێ قوناغا نوکە یا مللەت تێدا دبوریت، خالا دی حوکمەت بوویە، پێکئینانا حوکمەتەکا باشتر ژ یا نوکە، باشە بۆ ھەلبژارتنان دکەین، ھەلبژارتنان دکەین دا پارتا سەرکەفتی حوکمەت و پەرلەمانی پێک بینت، ھەکە ئەم بێژین نافخوە دا مە ھندەک کێشە ھەنە و پێدڤی یە حوکمەتەکا بنگەە فرەە و نشتیمانی پێک بینین، دڤێت پێشبینیا ئەڤان کێشان ژی بکەی، و دیسا تەحمولا ئەڤان کێشان ژی بکەین، پارتی دیموکراتی کوردستان دڤێت تەحمولا ئەڤان کێشان بکەت چونکە دڤیابا وێ حوکمەت پێکئینابا و ئەو رێککەفتنا سیاسی یا ھاتیەکرن زیان گەھاندە خەلکێ کوردستانێ و بۆ حوکمەتێ ژی و ئەڤە پەیدا بوو ژی، گوران لایەنەکی سەرەکی بوو و رێککەفتن ھەبوو ل گەل پارتی و سەرۆکاتیا پەرلەمانی وەرگرت بوو و سێ وەزارەت د دەستی دا بوون، دڤێت نوکە مە ھەلویست ھەبیت چەوا حوکمەتێ پێکبینین.
بەرپرسێ لقێ دھۆک یا حزبا دیموکراتی یا بەیت نەھرێن ئەو ژی گۆت: پشکدارنین کابینا ھەشتێ دا لێ لیستا مە یا سەرکەفتی بوو وەزیر ھەر ژ لیستا مەبوویە لێ نەیێ حزبا مە بوویە، راستە حوکمەت ھەموو نەیا خراب بوو، کارێ باش ژی کربوو و دبینم ھەر حوکمەتەکا بھێتە پێکئینان بۆ خزمەتکرنا خەلکی دھێتە پێکئینان نە بۆ دژایەتیکرنا خەلکی و تشتێ نەباش ژی دێ ھەبیت چونکە ئێک حزب تێدا نینە بەلکو ژ گەلەک حزبان پێک دھێت، بۆچوونا مە حوکمەت باش و خرابە و ئاشکرابوو کو حوکمەتا مە پلانەکا باش نەبوو بۆ ڤی خەلکی و ھەکە پلان نەبیت دێ کەڤیتە ئەڤان قەیرانا و ئەگەر پلان و سیستەم ھەبا نە دگەھشتە ڤێ قوناغێ.
ناڤبری ئەو ژی ئاشکراکر ژی کو ب شاندنێ پارتی راگەھاندیە کو ئەڤ قەیرانە دێ ب رونشتن و کومبوونا ئالیێن سیاسی دھێتە چارەسەرکرن ، دیسا بۆچوونا من ژی دڤێت پارتی رژدی تر بھێتە پێش بۆ چارەسەرکرنا کێشێ چونکە پارتی نمرە ئێک خودان دەستھەلاتە ل ھەرێما کوردستانێ و 38 کورسی ھەنە، دیسا بەرپرساتی زێدەتر لێ سەرە، شیا رێکەکێ بینت ، چونکە پارتی نوکە سیاسەتێ ناکەت و گەلەک ژ مێژە یا سیاسی یە و حزبەکا خودان ئەزموون و مێژوویە و خودان دەسکەفتە و گەلەک بۆ خەلکێ کوردستانێ کریە، ژ بەر ڤێ مێژوویێ و بەگرەوەندێ وێ یێ باش دڤیابا پارتی ل ھندەک کێشا مەزنتر با بۆ بۆچوونا من، گۆڕان 2007 ھاتیە دامەزراندن و پارتی 1946 ھاتیە دامەزراندن، ئارمانجا من نە ئەوە گۆڕان باگراوەندێ سیاسی نینە ، لێ گوران د سیاسەتێ دا یا بلەز و سەر خوە نینە و ئەڤە سیاسەتا وانە و دیارە ئەو ب باشی زانن لێ ب بۆچوونا من دڤێت گۆڕان سیاسەتا خوە ب گوھۆڕیت، لێ دبینم ھندی زووتر ل دززڤ پەیاما جەنابێ سەرۆکی بچین و ب گفتو گو چارەسەریەکێ بین دێ باشتر بیت و ب عەقلیەکێ ڤەکری ، چونکە خەلکێ کوردستانێ ئێدی نەشێت بەردەوام بیت و ئەگەر ھەر وسا بیت دێ بینم دێ تشتێ حراپتر پەیدا بیت.