ئه‌ڤرۆ نيوز:
ئه‌ڤرۆ پشتى نيڤرۆ ل دو جهێن جودا جودا ل باژارێ ئيستانبولێ يا توركيا دو ته‌قين روودان و ل دووڤ ئامارێن ده‌ستپێكێ ژ ئه‌گه‌رێ وان ته‌قينان 13 كه‌س برينداربووينه.
ته‌قينه‌ك ل تاخا زومورت ئه‌ڤله‌رى ل ده‌ڤه‌را مالته‌په‌ى ئيستانبول روودا كو سێ كه‌س برينداربوون و برينا ئێكێ يا دژواره، ته‌قينا دى ل تاخێ سولتانه‌بى روودايه كو 10 كه‌س برينداربووينه.
ئه‌ڤرۆ نيوز:
نه‌وشيروان مسته‌فا د په‌يامه‌كا 8 خالى دا، بۆ بزاڤا خوه، داخوازا پاشخستنا هه‌لبژارتنێن ناڤخو يێن گۆران كريه، رۆژا 12/11/2016 نه‌وشيروان مسته‌فا رێكخه‌رێ گشتى يێ بزاڤا گۆران كو نوكه ل له‌نده‌نا پايته‌ختێ به‌ريتانيايه، په‌يامه‌كا 8 خالى ئاراسته‌ى جڤاتا گشتى و رێكخه‌رێن ژوران و گروپێن راوێژكارێ يێن بزاڤا خوه كريه و داخوازا پاشخستنا هه‌لبژارتنێن ناڤخو يێن حزبا خوه كريه.
ئەڤرۆ،ھەژار مەعروف:
راپورتێن رۆژنامەڤانی ل ئەلمانیا داینە دیارکرن یانا ھوڤنھایم یا ئەلمانی ل ڤەگوھاستنێن بھێت دێ دەست بەردانا شەش یاریزانێن خوە بیت ل دیڤ راپورتا راھێنەری و دەستەیا کارگێریا یانێ پشتی گەھشتی نە رێککەفتنێ کو دەستا ژ ئەوان یاریزانا بین و بەر ب یانەکا دیڤە بچن بۆ پتر دەلیڤەیا خوە بینن کو دناڤا ئەوان شەش یاریزانان دا یاریزانێ کورد و خەلکێ ھەرێما کوردستانێ ژیلوان حەمەد ژێ دناڤدا یە .
رۆژناما بلید یا ئەلمانی د راپورتەکا خوە دا دیارکریە یانا ھوڤنھایم ئەوا نوکە د ھەڤرکیا بوندس لیگا دا یاریێ کەت بریار دایە دەست بەردانا شەش یاریزانێن خوە بیت ل ڤەگوھاستنێن زفستانا ئەڤ سالە ئەوژی ھەر ئێک ژ ئیدواردو ڤارگاس ھێرشبەرێ ھەلبژارتیێ چیلی و ئێک ژ بەرنیاسترین یاریزانێن چیلی بو د کوپا ئەمریکا یا ڤێ دووماھیێ دا و فلیب ئوکس مارکو تێرازینو یێن ئەلمانی ل ھێلا ھێرشبەریێ یاریێ کەن و فبیان شار یاریزانێ سویدی ل ھێلا بەرەڤانیێ یاریێ کەت و ئوجین پولانسکی یێ پولەندی ل ھێلا بەرەڤانیێ و جین سوم کیم یێ کوریا باشور ل ھێلا بەرەڤانیێ یاریێ کەت و ژیلوان حەمەد یاریزانێ کورد ل ھێلا ناڤین یاریێ کەت و ئێرمین بیکاکیچ یێ بوسنی و وێ رۆژنامێ دیارکریە ژێ ھەر چەندە ھەڤبەستا زوربەیا ئەوان یاریزانان مایە ل گەل یانا ھوڤنھایم لێ یانا ناڤبری دخوازیت بەری ب دووماھیی ھاتنا ھەڤبەستا ئەوانا دەست بەردانا ئەوان بیت.
وێ رۆژنامێ تەکید ل سەر ئەوێ چەندێ ژێ کریە کو ل گەل دەست بەردانا ئەوان شەش یاریزانا چەندین یانێن ئەلمانی و ئورۆپی چاڤ ل ئینانا ئەڤان یاریزانا لەورا یانا ھوڤنھایم ژێ دخوازیت بەری ھەڤبەستێن ئەوان ب دووماھی بینن مفای ژ ئەڤێ چەندێ بینت و یاریزانێن خوە ب فروشیت کو پێزانین ل سەر ھەمی یاریزانان بەلاڤەکرینە کو تێدا یاریزانێ کورد ژێ دناڤدا بۆ ئەوژی دو یانێن ئەلمانی ل سەر ھێلا کرینا ئەڤی یاریزانی نە ئەوژی دارمشتات و ئوگسبورک یێن ئەلمانی ھەردیسان دو یانێن یونانی ژێ چاڤ ل ئینانا ژیلوان حەمەدی نە.
ھەردیسان ل سەر ڤی دەنگوباسی مالپەرێ ترانسفر یێ ئەلمانی یێ تایبەت ب ڤەگوھاستنا یاریزانان ڤە تەکید ل ئەوی دەنگوباسی کریە دیارکریە دو یانێن بوندس لیگا ئەلمانی چاڤەرێ بریارا دووماھیێ یا یانا ھوڤنھایم بۆ وێ چەندێ دەستا ژ یاریزانێ خوە ژیلوان بەردەن و پاش دەست ب دانوستاندان بکەن بۆ کرینا ئەوی یاریزانی ھەردیسان یانێن یونانی ژێ ل سەر ھێلا کرینا یاریزانی نە.
ئەوی مالپەری ئەو چەندە ژێ دایە خویارکرن نوکە بازارێ کرینا ژیلوان حەمەد ل بازارێ مێرکاتویا بھێت دا گەھشتیە ٧٥٠ ھەزار یورۆیا .
ئه‌ڤرۆ نيوز:
گەنجەکێ 23 سالی دلی َخوە بۆ ئەڤرۆ ڤەدکەت و دبێژیت: ئەز کرێکارم و من باب نینە ، ب رێیا فەیسبۆکی من کچەک نیاسی و ئەم بۆینە ھەڤالێن ئێک و مە ئێکدو دیت، ھەڤالینیا مە بۆ ئەڤینی و ئەڤە دو سالە ئەم حەز ژ ئێک دکەین و ھەتا نوکە ژی حەزژێکرنا مە یا بەردەوامە ئەو کچ قوتابیا زانکویێ یە و ل قوناغا سیێ یە، بەلێ ئەڤینا من یا بوویە نەخۆشی ، ژبەرکو کچک نە ب دلێ دایکا منە و دبێژیت نەیا جوانە، ئەز ژی دزانم کو نە یا جوانە بەلێ ئەز گەلەک حەز ژێ دکەم، چونکی ئەز و ئەو د ئێک دگەھین و ئەز دزانم دێ بکێر من و مالا من ھێت، ئەز یێ دو دل بوویم نزانم چ بکەم، ژبەرکو من چ خووشک نینن و دایکا من یا بتنێ یە نەشێت شولێ مالێ بکەت و یا نەساخە، من بریار دا بوو ھەتا کو ھەڤالا من زانکویێ ب دووماھی نەئینیت، ئەز وێ نەخوازم و نوکە من دڤێت ئێکێ بخۆ بخوازم دا ھاریکاریا دایکا من بکەت، من گەلەک دڤێت ھەڤالا خوە بخوازم، بەلێ ئەز یێ دو دلم نزانم ئێکا دی بخوازم یان ژی ھەڤالا خوە، ھەروەسا من ئەڤ مەسەلە گۆتە ھەڤالا خوە، وێ گۆتە من تە چاوا پێ خۆشە وەسا بکە و گەلەک دلی َمن ما پێڤە، ژبەرکو ئەو ژی گەلەک حەز ژ من دکەت، ئەڤجا ھیڤیدارم ھوون چ دبێژن و ئەز چ بکەم؟
گەنجێ ھێژا:
حەزژێکرن ب رێیا فەیسبووکی ئاریشەیە، ژ بەرکو ئەڤ کەسێن ب رێیا فەیسبوکی مرۆڤ ب دروستی نا نیاسیت، راستە مرۆڤ بۆ ماوەیەکێ درێژ ب رێیا نڤێسین یان پەیوەندی کرنێ ل گەل دمینیت، بەلێ مرۆڤ سەردەریا وێ یا راستەقینە نزانیت. تو کرێکاری و ئەو قوتابیا زانکوی یە , ئاستێن ھەوە نە وەک ھەڤن، دبیت ئەڤە ل پاشەرۆژی ئاریشا بو تە چێکەت. مادەم کچێ گوت ب دلێ تەیە، ئانکو ئەو نە یا رژدە ل سەر ئەڤینا تە,تو پێدڤی ب کچەکێ زوو بۆ خوە بینی, ژبەرکو دایکا تەنە ساخە,بەلێ دڤێت تو راستگو بی ل گەل ھەڤالا خوە و بێژیێ دێ بخوە ئێکێ ئینم, یان ھەکە تە ئەو ڤیا دڤێت کچ رازی ببیت شوو ب تە کەت و تو رێیێ ب دەیێ دا خواندنا خوە خلاس کەت.خالا دی ژی نە بدلێ دایکا تەیە ,ھەکە تە ئینا نە کو ئاریشە دناڤبەرا ھەوە دا پەیدا بن.
بەرسڤدان، ڤەکولەرێ جڤاکی: عەبدولجەبار عەبدولرەحمان
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى
ئەڤرۆ نیوز، زنار تۆڤی:
ب تۆمارکرنا دو گۆلا د یاریا بەرامبەر هەلبژارتیێ لاتیڤیا کریستیانۆ رۆنالدۆی ریکۆردەکێ نوو بناڤێ خوە تۆمارکر و بۆ چارەم گۆلکارێ هەلبژارتیێن ئورۆپا.
رۆنالدۆی د وێ یاریێ دا گۆلا ئێکێ و سییێ تۆمارکر و ژمارا گۆلێن خوە گەهاندنە 68 گۆلان ل گەل هەلبژارتیێ پرتۆگال و بوویە چارەم گولکەرێ هەلبژارتیێن ئورۆپا.
بۆشکاشێ یاریزانێ بەرێ یێ هنگاریا ب 84 گۆلان ل پلا ئێک دهێت و ساندرۆ کوچیچی هەڤوەلاتیێ وی ب 75 گۆلا ل پلا دویێ دهێت و میرۆسلاڤ کلۆزێ یێ ئەلمانی ب تۆمارکرنا 71 گۆلا ل پلا سیێ دهێت.
کریستیانۆ رۆنالدۆی ب تۆمارکرنا وان هەردو گۆلا ژمارا گۆلێن خوە ل گەل رۆبی کینی ئیرلەندی و گێرد مۆلەرێ ئەلمانی یەکسانکرن بوویە چارەم گولکارێ هەلبژاردێن ئورۆپی.
ئەڤرۆ نيوز،ھەژار مەعروف:
ستێرا کورد و ھەلبژارتیێ ئەلمانیا یا ٢١ سالی و یاریزانێ یانا بروسیا موشنگلادباگ مەحمود داود بوویە جھێ گرنگیا چەندین یانێن بەرنیاس ل ئورۆپا تایبەت یانا لیڤەرپول کو راھێنەرێ وێ یێ ئەلمانی یورگن کلوپ بەردەوام بزاڤێن ئینانا ئەڤی یاریزانی کەت ھەر ژ دەستپێکا ڤەگوھاستنێن ھاڤینا ئەڤ سالە و ھەتا نوکە ئەڤ راھێنەرە یێ بزاڤین ئینانا ئەڤی یاریزانی کەن لێ نوکە یانەکا دی یا مەزن ل ئورۆپا کەڤتیە سەر ھێلی بۆ ئینانا ئەڤی یاریزانی ئەوژی قارەمانا خۆلا ئیتالیا یانا یوڤانتوس ھزر ل ئینانا ستێرا کورد خەلکێ قامشلو کریە بۆ ب ھێز ئێخستنا ھێلا ناڤینا خوە.
رۆژناما توتو سپور یا ئیتالی دایە دیارکرن یانا یوڤانتوس پشتی دیڤچوونا یاریزانێ یانا بروسیا موشنگلادباگ مەحمود دادو کری ل ماوێ بوری چەندین جاران شاندێن ئەوان بەر ب ئەلمانیا چوینە بۆ دیتنا یاریا ئەڤی یاریزانی و قارەمانا ئیتالیا ئارمانجا خوە کریە مەحمود دادود ل مێرکاتویا بھێت ب ھێز ئێخستنا ھێلا ناڤین ، ئەوێ رۆژنامێ دیارکریە ژێ دبیت یوڤی ئەوی کوژمێ پارەی یێ مەزن ب ئەوی یاریزانی نەدەت ئەوا یانێن دی پێ دەن لێ چەند ژێدەرێن نێزیک ژ یانا ئیتالی دایە دیارکرن قارەمانا ئیتالیا دشێن ئەڤی یاریزانی بکریت و ل دیڤ رازەمەندیا ھەردو لاینە و یانا وی ژێ کو نوکە کوژمێ فروتنا یاریزانێ کورد ل بازارێ کرینو فروتنا یاریزان گەھشتیە ١٥ ملیون یورۆیا لێ یانا وی داخوازیا زێدەتر دکەت.
ژلایەکێ دیڤە رۆژنامەیێن برێتانی یێن نێزیکی یانا لیڤەرپول وەسا داینە دیارکرن یورگن کلوپ یێ بەرھەڤە کوژمەکێ مەزن پێشکێشی ئەڤی یاریزانی بکەت و دبیت یانا وی تەماع بکەت ب فروشیتە لیڤەرپول ژبەر ئەو کوژمێ یورگن کلوپی پێ دای ئەوژی ٣٠ ملیون یورۆ ئەوان رۆژنانا ئەو چەندە ژێ دایە دیارکرن ئەڤ کوژمێ لیڤەرپول پێ دای دێ شێت ئەڤی یاریزانی ب دەستخوڤە ئینت ژبەرکو چەندین یانێن دی یێن ئورۆپی ل سەر ھێلا کرینا ئەڤی یاریزانی یە لێ وەکو کوژمێ یانا لیڤەرپول پێ دای چو یانە نەگەھشتی یە ئەوی کوژمێ پارەی .
ھەژی گوتنێ یە مەحمود دادود خەلکێ رۆژئاڤا کوردستانێ یە و باژێرێ قامشلو یێ کوردی نوکە دھێتە ھژمارتن ئێک ژ بەرنیاسترین یاریزانێن گەنج دخولا بوندس لیگا یا ئەلمانی دا .
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى چريا دويێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1305 |
| 1 يۆرۆيێ ئه‌ورۆپى | 1410 |
| 1 ليرێ توركى | 400 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
راپورتێن رۆژنامەڤانی ل ئیسپانیا ئاشکراکرینە ھەتانوکە یانا ریال مەدرید نە گەھشتیە رێککەفتنێ ل گەل یاریزانێ خوە یێ خودان شارازا یێ پرتوگالی پیپی بۆ نووکرنا ھەڤبەستا ئەوی .
رۆژناما مارکا یا ئیسپانی د نوچەیەکێ خوە دا بەلاڤەکریە یانا ریال مەدرید یا بەردەوامە ل سەر پاراستنا یاریزانێن خوە یێن خودان شیان کو ئەوژی ئیسکو کارفاخال و پیپی ھەتانوکە ئەڤان ھەرسێ یاریزانان ھەڤبەستێن خوە نوونەکرینە ل گەل یانێ.
وێ رۆژنامێ ئەو چەندە ژێ دیارکر یانا ریال مەدرید یا بەردەوامە ل سەر دانوستاندنان ل گەل یاریزانێ ھێلا بەرەڤانیێ یێ پرتوگالی پیپی بۆ نووکرنا ھەڤبەستا وی و درێژکرنا دو سالێن دی و ھەتانوکە یانا مەلەکی چاڤەرێ بەرسڤا پیپی نە کو کارگێریا یانێ ھەمی مەندەھوش بووینە ژ ڤێ چاڤەرێکرنا وی یا درێژ ژبەرکو ماوەکێ درێژە چاڤەرێ بریارا پیپی نە.
وێ رۆژنامێ پێشبینیا وێ چەندێ ژێ کریە پیپی ناخوازیت بۆ دو سالان ھەڤبەستا خوە درێژ بکەت کو ل سالا ٢٠١٥ ھەمان شێوەکر بوو یانا ریال مەدرید خواست بو جار سالان ھەڤبەستا وی درێژ بکەت ئەوی بتنێ بۆ دو سالان ھەڤبەستا خوە نووکر بوو درێژ کربوو دبیت ئەڤ سالە ھەڤبەستا خوە بتنێ بۆ سالەکا دی درێژ بکەت ژبەرکو ھەڤبەستا ئەوی دێ ل سالا ٢٠١٧ ب دووماھی ھێت ل دووماھیا ڤی وەرزی ماڤ ھەیە ھەڤبەستا ھەر یانەکا دی ئیمزابکەت یێ ئازادە ھەکە ھەڤبەستا خوە ل گەل ریال مەدرید نە نووکر .
نيشاندان
