ئه‌ڤرۆ نيوز:
وەزارەتا دارایی ئەڤرۆ ١٢ێ تشرینا دوێ یا ٢٠١٦ێ خشتەیەکا نوو یا موچه‌ى راگەهاند.
د راگەهاندنێ دا هاتییە، رۆژا دووشەمبیێ ١٤ێ تشرینا دوێ یا ٢٠١٦ێ موچەیێ دیوانا وەزارەتا پێشمەرگە دێ هێتە دابەشکرن.
هەروەسا د راگەهاندنێ دا وەزارەتا دارایی ئاماژە ب وێ ئێکێ ژی کریە، کو رۆژا سێشەمبی و چارشەمبیێ ژی رێکەفتی ١٥ێ و ١٦ێ تشرینا دوێ یا ٢٠١٦ێ مووچەیێ یەکەیێن (٧٠ێ و ٨٠)ێ یێن هێزێن سەر ب وەزارەتا پێشمەرگە دێ هێتە دابەشکرن.
ئه‌ڤرۆ نيوز:
شيره‌تكاره‌كێ سه‌رۆكێ هه‌لبژارتى يێ ئه‌مريكا رادگه‌هينيت كو ئيدارا نوو يا ئه‌مريكا رێزه‌كا زۆر بۆ سه‌رۆكێ هه‌رێما كوردستانێ و هێزێن پێشمه‌رگێ كوردستانێ هه‌نه.
سام يۆنۆ، شيره‌تكارێ دۆنالد تره‌مپ، سه‌رۆكێ هه‌لبژارتيێ ئه‌مريكا بۆ كاروبارێن رۆژهه‌لاتا ناڤه‌راست كو K24 راگه‌هاند كو ئيدارا نوو يا وه‌لاتێ وى رێزه‌كا تايبه‌ت بۆ هێزێن پێشمه‌رگه‌ى و قوربانيدانێن وان ل دژى تۆندڕه‌وێن داعش هه‌يه.
سام يۆنۆ گۆتژى: “ئێك ژ كارێن ده‌سپێكێ يێن تره‌مپ گرنگيدانه‌كا زێده‌تره ب هه‌رێما كوردستانێ و عيراقێ و سه‌رۆكێ هه‌لبژارتى ژى رێزه‌كا زۆر بۆ مه‌سعود بارزانى سه‌رۆكێ هه‌رێما كوردستانێ و گه‌ل و حوكمه‌تا هه‌رێما كوردستانێ هه‌يه.
ئه‌ڤرۆ نيوز:
قادر جه‌بارى ئه‌ميندارێ به‌رێ يێ كۆميتا ناڤه‌ندى يا پارتى ديموكراتى كوردستان و وه‌زيرێ خولێن به‌رێ يێ حوكمه‌تا هه‌رێما كوردستانێ وه‌غه‌ركر.
سپێده‌هيا ئه‌ڤرۆ قادر جه‌بارى كه‌ساتيێ به‌رنياسێ ده‌ڤه‌را جه‌بارى ل كه‌ركووك و ئه‌ندامێ به‌رێ يێ كۆميتا ناڤه‌ندى يا پارتى ديموكراتى كوردستان و وه‌زيرێ داد يێ خوله‌كا به‌رێ يا جڤاتا وه‌زيران ل ژيێ 74 ساليێ ل باژێرێ هه‌ولێر ژ ئه‌گه‌رێ نه‌خۆشيه‌كێ چوو به‌ر دلۆڤانيا خودێ.
بڕيار ئه‌وه د رێ و ره‌سمه‌كى دا ته‌رمێ ئه‌وى به‌رپرسێ به‌رێ يێ پارتى ل گۆندێ كوله‌يان ل ناحيا جه‌بارى بهێته ڤه‌شارتن.
ئه‌ڤرۆ نيوز:
كۆمبوونا جڤاتا نشتيمانى يا گۆڕان به‌رى ده‌مه‌كى يه ده‌سپێكرى و بڕياره د ڤێ كۆمبوونێ دا بڕيارێ ل سه‌ر مان يان نه‌مانا د ناڤا حوكمه‌تا هه‌رێما كوردستانێ دا بده‌ت.
هه‌ر وه‌كو ميديايێن سه‌ر ب بزاڤا گۆڕان ڤه به‌لاڤكرى، به‌رى ماوه‌كى يه جڤاتا نشتيمانى يا گۆڕان بۆ دانوستاندنێ ل سه‌ر چه‌ندين ته‌وه‌رێن گرنگ يا د كۆمبوونێ دا و گرنگترين ته‌وه‌ر ژى پرسا ڤه‌كێشانا ژ حوكمه‌تێ يه.
ب گۆره‌ى ئه‌و پێزانينێن ئه‌ڤرۆ نيوز ب ده‌ست خوه خستى دهێته پێشبينيكرن ل سه‌ر ئێك ژ ڤان سێ خالا كۆم ببن؛ ڤه‌كێشان ژ حوكمه‌تێ و مان د ناڤا په‌رله‌مان و حوكمه‌تا خۆجهى يا سلێمانيێ دا، خوه‌ڤه‌كێشان ژ په‌رله‌مان و حوكمه‌ت و حوكمه‌تا خوجهى خوه ڤه‌كێشن، هه‌تا ب دووماهى هاتنا شه‌رێ ئازادكرنا مووسل د به‌رده‌وام بن و پاشان خوه ڤه‌كێشن.
ئه‌ڤرۆ نيوز:
ژماره‌كا چه‌كدارێن هێزێن عيراقى ل پارێزگه‌ها نه‌ينه‌وا زارۆيه‌كى د ئێخنه بن تانكه‌كێ له‌شكرى.
به‌رى نوكه رێكخراوان لێبۆرينا نێڤده‌وله‌تى راگه‌هاند بوو كو چه‌كدارێن ميليشياتێن حه‌شه‌د شه‌عبى يێن شيعه مه‌زهه‌ب و هێزێن عيراقى يێن دى ل باشوورێ مووسل چه‌ندين وه‌لاتيێن سونه مه‌زهه‌ب گرتينه و بێ دادگه‌هكرنا سێداره داينه و تاوانێن شه‌رى ئه‌نجام داينه.
هه‌ر وه‌كو د ڤێ ڤيديۆيێ دا ديار دبيت كو پشتى ئه‌شكه‌نجه‌دانا زارۆى، چه‌كدارێن عيراقى ل ده‌ڤه‌ره‌كا پارێزگه‌ها نه‌ينه‌وا زارۆيه‌كێ دئێخنه د بن تانكه‌كێ له‌شكرى ڤه و دكوژن.
پێشتر ژى ڤيديۆيه‌كا حه‌شه‌د شه‌عبى ل مووسل به‌لاڤ بوويه و پێشێلكارى دژى وه‌لاتيێن سڤيل ئه‌نجام داينه.
ئه‌ڤرۆ نيوز:
ب گه‌هشتنا هه‌ردو به‌ره‌يێن عه‌ين عيسا و سلۆك ل باكوورێ باژێرێ ره‌ققه دووماهى ب پێنگاڤا ئێكێ يا ئۆپه‌راسيۆنا تۆره‌ييا فۆرات هات.
ئه‌و هێزێن ژ سلۆك پشكدارى ئۆپه‌راسيۆنێ بووين، 30 كيلۆمه‌تران پێشڤه‌چوون كرينه و هێزێن دى يێن ل عه‌ين عيسا 15 كيلۆمه‌تران پێشڤه‌چوون كرينه، ل دووماهيێ ل رووبارێ به‌لز ل باكوورێ ره‌ققه گه‌هشتنه ئێك.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 13ى چريا دويێ 2016ێ ئه‌سمان دێ ژ ئه‌وره‌كێ ناڤه‌ندى بۆ ئه‌وره‌كێ ته‌مام هێته گوهۆڕين
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ نزمبوونا فشارێن لاوازێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ ناڤه‌ندى بۆ ئه‌وره‌كێ ته‌مام هێته گوهۆڕين
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20كم دا و ماوێ ديتنێ ژى دێ 10كم بيت، پلێن گه‌رمێ ژى دێ د ناڤبه‌را 11 بۆ 25 پلان دا بن.
ئەڤرۆ نیوز،زنار تۆڤی:
لدمژمێر 10:45 خۆلەک و ل رۆژا ئەینی 11.11.2016 جارەکادی تۆپخانەیا سۆپایێ تورکی دەڤەرا بەرواری بالا بوردۆمانکر. ئەڤرۆ ل رۆژا ئەینی 11.11.2016 ب مەرەما هەبوونا چەکدارێن پەکەکێ تۆپخانەیا سۆپایێ تورکی چەندین جهێن جۆدا ل دەڤەرا بەرواری بالا تۆپ بارانکرینە و هەتاکو نوکە پتری 10 گۆلە تۆپ ل وان جهان داینە و نوکەژی تۆپ باران یا بەردەوامە،دیسا ئەڤە ماوێ سێ رۆژانە ل سەر ئێک ئەو جهە دهێنە تۆپ بارانکرن.
ئه‌ڤرۆ نيوز:
پالپشت ب نڤیسارا وەزارەتا خواندنا بلند و ڤەکولینێن زانستی یا ژمارە (١٥٦٨٩) ل) ٢٣/١٠/٢٠١٦) یا تایبەت ب خواندنا بلند/ ماستەرێ، ئــاگەهداريا هەوەیێن بەرێز دکەین لدور راگەهاندنا (٣٠) کورسیێن خواندنا بلند (ماستەرێ) ل پەیمانگەها چارەسەریا دەرونى و چارەسەریا تراوما/ زانکویا دهوک ب هەماهەنگى د گەل وەزارەتا زانستیا ئەلمانى و زانکۆیا (The state University of baden-Wurttermberg, University of Tubingen Germany) بۆ سالا خواندنێ (٢٠١٦-٢٠١٧) دگەل هەمی مەرجـێن پێتڤى بو وەرگرتنێ و هــەر كەسەكێ حــەز بكـەت بــلا داخــوازيـا خـۆ پێشكێش بكــەت ل رێڤەبەریا خواندنا بلند ل سەروکاتیا زانکویا دهوک ل دویف مــەرج و بەلگەنامێـن ديــاركرى د لــيستا هەڤپێـچ دا و هــەر ژ روژائێک شەمبى رێککەفتى (١٣/١١/٢٠١٦) تا كۆ روژاسێ شەمبى رێککەفتى (١٣/١٢/٢٠١٦) دگەل رێزگرتنێ.
بۆ پتر پێزانينان سه‌را ڤى لينكێ ل خوارێ بده‌ن
نيشاندان