ئه‌ڤرۆ نيوز:

دا تو ژیانەکا خۆش د گەل ھەڤژینێ خوە بژی، پێدڤیە بەری ھەمی تشتان سروشتێ زەلامان بزانی و وان تشتان بزانی یێن ل نک ژنێ و ئەو حەز ژێ دکەن، دا فێر ببن و نەشێن بێی وان بژین، ژ وانان:
ژیراتی: زەلام حەز ژ ژنا ژیر دکەت، یا بشێت د گەل وی د ھەمی تشتان دا پشکداریێ بکەت و شیانێن باش ھەبن و د کار و سروشتێ وی بگەھیت و بزانیت پێدڤیێن وی چنە و چەند فشارا رۆژانە ل سەر ھەیە، ل شوونا وێ ژنا ب تنێ خوە دخەملینیت و بچیتە بازاری.
بۆ زانین زەلام حەز دکەت ھەڤژینا جوانترین ژن بیت ل جیھانێ و ژ ھەموویان ماقوولتر بیت، لی َھندەک تشتێن ژ وێ گرنگتر یێن ھەین، دونیا یا تژی روودان و کاودانێن نەخۆشن، پێدڤی پتر ژیراتیێ نە بۆ روو ب رووبوونا وان رکمانیان بۆ سەرکەفتنێ و دەربازبوونا ئاستەنگان.
رێزگرتن: تشتێ ژ ھەمیا پتر زەلام ل نک وێ ژنێ دگەریت یا ئەو حەز ژێ دکەت رێزگرتنە، ئانکو رێزێ ل وی بگریت و رێ ددەتێ وەکو زەلام رۆلێ خوە دناڤ خەلکی دا بگێریت، ل شوونا وێ چەندێ ئەو خودانا کەساتیا ب ھێز بیت و یا زال بیت ل سەر، دا بیتە ئەگەرێ تێکچوونا پەیوەنیا وان یا دلینی و ھەڤژینیا وان بەلانسێ خوە ژ دەست بدەت.
راستگۆیی: زەلالی ئەو تشتە یێ زەلام د ھەر پەیوەندیەکێ دا لێدگەریت، بتایبەت راستگۆیی و باوەری بنیاتێ سەرکەفتن و بەردەوامیا پەیوەندیان و پێشڤەچوونێ نە.
رێککەفتن د گەل خێزانێ و ھەڤالان: یا گرنگ بۆ ھەر زەلامەکی ئەوە، ئەو ژنا ئەو حەز ژێ دکەت بشێت ب لەز و بساناھی د گەل دەوروبەرێن خوە بگونجیت، بتایبەت د گەل خێزانێ و ھەڤالان، کو دو تشتێن پیرۆز و گرنگن د ژیانا ھەر کەسەکی دا.
زەلام ژی ل کەسەکێ دگەریت ژیانا وی تەمام بکەت و ژ ئاریشە و دوبەرەکیان دوور بکەت، وێ ھەستێ ژی بکەت کو نەیێ نەچارە ئێک ژ خێزانێ و ھەڤژینێ و ھەڤاالن بھەلبژێریت، ئەو یەک دێ خۆشیا وی تێکدەت.

ئەڤرۆ نیوز:
نوکە پتریا کچێن جوان و خودان باوەرنامە گازندا وێ چەندێ دکەن، ئەو ھەڤپشکەکێ گونجای بۆ ژیانا خوە نابینن، پەیمانگەھا ئابووری ل وارسو یا پایتەختێ پۆلەندا ئەو ئەگەر دیار کرن.

بالکێشی و ژیراتی:
د ڤەکۆلینا پەیمانگەھا ناڤھاتی دا، ڤەکۆلەران بالکێشی و ژیراتی دکرنە د ناڤکا بابەتی دا، باندۆرا وان ساخلەتان ژی ل سەر سەرکەفتنا ژڤانان و سەرنەکەفتنا وان شرۆڤەکرن.
نێزیکی 500 کەسان ژ زانکۆیەکا ئەمریکی خو رادەستی ھەستێن خوە یێن ل سەر بنیاتێ ژڤانی دھێنە دیار کرن، کرن، پرسیار جودا جودا ژ پشکداران ھاتە کرن، کا ئەو دخواز ژڤانێ خوە دوبارە بکەن یێن د تاقیکرنێ دا ھەڤدو دیتی، ھەروەسا داخواز ژێ ھاتە کرن وان کەسێن ژڤان د گەل پێکئینای ب ھەلسەنگینن.

پشتی شرۆڤەکرنا داتایان:

ڤەکۆلەر شیان بزانن کی دێ یێ کەیفخۆش ب دانا ژڤانی د گەل وی کەسێ تاقیکرن د گەل دا کری، شرۆڤەکرن ل سەر شیانێن ژیراتیا کەسی و بالکێشیا لایەنێ دی ھاتنە کرن.

ژڤانێ ئێکێ:

ڤەکۆلینێ ئاشکرا کر، سەرنجا زەلامی بۆ ژنا ژیر کێمترە، بەلکو دبیت ژیراتیا ژنێ ببیتە ئاستەنگ، ھەروەسا زەلام دشێت ب ژیراتی و بالکێشیا خوە بریارا ژڤانی ژ ژنێ وەرگریت، ھندی زەلام یێ ماقوول و ژیر بیت، دەلیڤا وی ل نک ژنێ زێدەتر دبیت.
لێ ئەنجامان دیار ژی کر، ئەو زەلامێ نەگەلەک ماقوول بیت، ئەو دشێن وێ چەندێ ب ژیراتیا خوە قەرەبوو بکەن، بەس د گەل وێ چەندێ ژی بابەت ھەموو دمینیتە سەر ژڤانێ ئێکێ ب تنێ، کو مرۆڤ نەشێت بریار بدەت بکەڤیتە پەیوەندیێ د گەل لایەنی دی دا یان ژی نەکەڤیتێ.