ئه‌ڤرۆ نيوز:
خالد عوبێدى وه‌زيرێ به‌ره‌ڤانيا عيراقى ئه‌ڤرۆ رۆژا شه‌مبى هه‌وا كۆنترۆلكرنا هه‌ر ئێك ژ باكورێ بێجى و قه‌زا گه‌ياره راگه‌هاند و دا زانين كو ئه‌و گه‌له‌ك گيرۆ نابن و د ماوه‌كێ كێم دا دێ هێنه كونترۆلكرن.
وه‌زيرێ به‌ره‌ڤانيا عيراقێ داخواز ژ هێزێن ئه‌منى ژى كر كو د سه‌ره‌ده‌ريا خوه دا ل گه‌ل وه‌لاتيێن سڤيل د هشيار بن و هيڤى خواست كو گيانێ كه‌سانێن سڤيل يێ پاراستى بيت.
ئه‌ڤرۆ نيوز:
پشتى كو راگه‌هاندنا گۆران هه‌وه‌كا راگه‌هاندنێ دژى سه‌رۆك بارزانى به‌رپاكرى، سه‌رۆك بارزانى به‌رى چه‌نده‌كێ راگه‌هاندنه‌ك به‌لاڤكر و ئه‌ڤه‌ژێ ناڤه‌رۆكا په‌ياما سه‌رۆك بارزانى يه:
سه‌باره‌ت وێ هه‌لمه‌تا راگه‌هاندن و ته‌شهيرا ژ ئاليێ بزاڤا گۆران و كه‌سێن نێزيك ژ وان ل سه‌ر شه‌خسێ من برێڤه دچيت، داخواز ژ خه‌لكێ سه‌ربلندێ كوردستانێ دكه‌م كه‌س ل هسه‌ر من به‌رسڤا ڤێ هه‌لمه‌تێ و ئاخافتنان نه‌ده‌ت وكه‌س بۆ وى ئاستێ نزم خوه نه‌ئينته خوار، داخواز ژ هه‌وه دكه‌م پالپشت و به‌ره‌ڤانيكه‌رێن سه‌ربه‌خويى و پێشمه‌رگێن قاره‌مان بن، دڤێ ره‌وشێ دا پێدڤيه ئه‌وله‌وياتا مه هه‌موويان پشته‌ڤانيكرنا پێشمه‌رگه بيت بۆ شكاندنا داعش و باشتركرنا ژيانا خه‌لكى و رووى ب رووى بوونا گه‌نده‌ليێ.
ب پشت راستى ئه‌وێن ئێكرێزيا گه‌لى تێكدده‌ن و بزاڤا تێكدانا ئه‌من و ئاسايشا كوردستانێ دده‌ن و موسيبه‌ت ب سه‌ر ڤى گه‌لى دئينن دێ ب سزايێ خوه يێ ياسايى گه‌هن.
مسعود بارزانی
17ـی 6ـ- 2016
ئه‌ڤرۆ نيوز:
شاشێن تەلەفزیونا بلازما پێدڤی ب گرنگیەکا پترە ژ تەلەفزیونێن بەرێ دەمێ پاقژکرنا وان چۆنکو د پێشکەفتینە و د ھەستیارن، پلاکێ وێ یێ کارەبێ بینەدەر و ئێکسەر پاقژ نەکە بەری تو پشت راستبی شاشا وێ یا سار بووی، شاشێ ب پارچەکا پەروکێ نەرم یێ تەر پاقژ کە بلا نیڤا وی ئاڤ بیت و نیڤا دیتر خەلا سپی بۆ نەھێلانا شوون تبلا و توزێ. بەلێ خوە ژ ڤان کریارا بدە پاش دەمێ تو شاشێ پاقژ دکەی، فشارێ ب ھێز ل سەر شاشێ نەکە بۆ نەھێلانا توزا ھەلاویستی. پاقژکەری ئێکسەر ل شاشێ نە رەشینە، ھشکەرێن کاغەزی بکارنەئینە ئەڤێن خیچکا ل شاشێ دکەن.
ئەڤرۆ نیوز:
گەر تو بلەزی و بخوازی د ماوەیەکێ کێم دا پیستێ دێمێ خوە سپی بکەی، ئەڤی کاری ئەنجام بدە ھەروەسا دو ھەفتی بەسن بۆ ھندێ کاریگەریا وێ ببینی.
*کەفچکەکێ ھنگڤینی و کەفچکەکێ شەکرا قەھوەیی دگەل پیچەکا ئاڤا لیمونێ تێکەل بکە و ھەفتیێ سی َجارا ل پیستێ سەروچاڤێن خوە بدە.
*سپێدەھیان وەختێ ژ خەو ھشیار دبی پتر ژ جارەکێ سەروچاڤێن خوە بشۆ
*رێژا ئاڤ ڤەخوارنا خوە زێدە بکە رۆژانە دەە کوپێن ئاڤێ ڤەخۆ ، ئەڤە ژی پیساتیێن پیستێ تە پاقژ دکەت.
*ب رێکا بکارئینانا کرێمێ و بەرچاڤکا و کولاڤی پیستی خوە ژ تیشکا رۆژێ بپارێزە .
*رۆژانە نیڤ لیمونێ ل سەروچاڤێن خوە بدە پاشی ب ئاڤا تێن شیر بشۆ ، بەلێ ئەڤ خالە بتنێ بۆ وان کەسانە یێن پیستێ سەروچاڤێن وان دوھنی بن.
ئه‌ڤرۆ نيوز:
خەلکەکی مفا یێ ژ میکانیزما تۆمارکرنێ وەرگرتی، پەسەندەک یان ناسناما بارێ کەسایەتی یان پلێتا ئازووقەی ل مووسل ھاتیە چێکرن و ئینایە و ئەو ب خوە ئاکنجیێ دھۆکێ یە و خوە ب ئاوارە نڤیسیە، پێشبینی دھێتە کرن دۆرێن 30 ھزار خێزانا کو خەلکێ سنورێ پارێزگەھا دھۆکێ بن و ھاریکاری و پارێن ئاوارا وەردگرن، ھەتا نوکە ب تنێ حالەتەک یێ ھاتی و کارتا خوە دایە دەستێ وان کو ئاوارە نینە، ھندەک ژی ھەبووینە خێزانێن وان ل ناڤ داعش بووینە و وەکو ئاوارە ھاتینە تۆمارکرن، ب پشتەڤانیا کارگێریا پارێزگەھێ و بۆردێ کارۆبارێن مرۆڤایەتی پێنگاڤ دھێنە ھاڤێتن بۆ جوداکرنا وان.
مەجید شوکری، رێڤەبەرێ نڤیسینگەھا دھۆک یا نوونەراتیا کوچ و کوچبەرێن عیراقێ بۆ ئەڤرۆ دیارکر، کارێ وان یێ سەرەکی تۆمارکرنا وان ئاوارانە یێن ژ دەرڤەی سنورێن دھۆکێ دھێنە دھۆکێ ل گەل وان ئاوارێن دەستێ وان دگەھیتێ بۆ نموونە دناڤبەرا دھۆک و مووسل دا، ب تایبەت ئەو دەڤەرێن کوردستانی یێن دەرڤەی ئیدارا ھەرێما کوردستانێ، دیسا ئەو کەسێن ڤەدگەرنە جھێ خوە ژی ھاریکاریێ دگەلدا دکەن، کو ھاریکاریێن خوارنێ و دارایی ددەنێ و ناڤێن وان دھنێرنە بەغدا و ل وێرێ کارتا زیرەک بۆ دھێتە دروستکرن کو ئاوارە دشێت ب رێیا وێ کارتێ پارێن خوە ل ھەر جھەکی وەربگریت دا کو گەلەک ل سەر گران رانەوەستیت و رۆتین نەمینیت و گۆت: ھەتا نوکە مە 130000 کارت یێت چێکرین و دۆرێن 20-30 ھزار خێزانا ژی ناڤێن وان شاشی تێدا ھەنە و نوکە ئەم یێن چارە دکەین.
دیارکر ژی ل ھەردو سالێن بۆری سالانە ملیون دینار ل بەر وێ کارتێ بوون و ئەڤ سالە ب دو قۆناغان پێنجسەد ھزار دینار یێن چووینە بەر و گۆت: وەزارەتێ بەرنامەک ھەبوو کو ھەیڤانە بشێن ھاریکاریا وان خێزانا بکەن چ 200 ھزار یان پێھەلتر بن، بەلێ کاودانێن نوکە ب گشتی نەشیان ژ ملیونەکێ پتر تەرخان بکەن.
مەجید شوکری دیارکر ژی بەری روودانێن شەرێ داعش پەیداببن، وان پتر گرنگی ددا پەنابەرا و گەلەک پرۆژە یێن ھاتینە بجھئینان دگەل کارگێریا پارێزگەھا دھۆکێ، بەلێ پشتی روودانێن داعش چێبووین ئەڤ قەوارێ مەزن یێ ئاوارا ل پارێزگەھێن دی یێن عیراقێ وەکو بەغدا و ئەنبار و تکریت و مووسل ھاتین نەچاربوون پتر گرنگیێ ب ئاوارا بدەن و گۆت: قەوارێ وان ئاوارا گەلەکە و دگەھن 160000 خێزانان ل سنورێ دھۆکێ، بەلێ گەلەک (مبالغە) یا د ڤێ ھژمارێ دا ھەی.
دیارکر ژی نوکە وان تشتەک یێ ل بەر ئەوژی دێ ھووربینیەکێ د ڤی بابەتی دا کەن، چونکو پارێزگەھا دھۆکێ و رێکخراوێن وەکو نەتەوێن ئێکگرتی ھەر ئێکی داتایێن خوە ھەنە و بۆ وان دیاربوویە ھژمارێن وان کێمترن ژ یێن نڤیسینگەھا کوچ و کوچبەرا کو ل دۆرێن 30-50 ھزار خێزانا جوداھی ھەیە، و ھەر ئێکی ھژمارەکا تایبەت ب خوەڤە ھەیە و گۆت: ب رەنگەکێ گشتی ئەم دبینین ل دۆرێن چل ھزار خێزانانە و ئەڤە ھژمارەکا مەزنە کو جوداھی ھەبیت، و ئەڤە رامانا وێ چەندێ ددەت کو خەلکەکێ ھاتیە تۆمارکرن و ئاوارە نینن، خەلکەکی مفا یێ ژ میکانیزما تومارکرنێ کری، کو بو خوە پەسەندەکێ یان ناسناما بارێ کەسایەتی یان پلێتا ئازووقەی ل مووسل ھاتیە چێکرن بینیت و ئەو ب خوە ئاکنجیێ دھۆکێ یە ئەڤ چەندە یا بو خوە ب دەرفەت دیتی و خوە نڤیسیە وەکو ئاوارە و ئەڤ حالەتە یا بوویە دیاردە و مە ل بەرە ب ھاریکاریا کارگێریا پارێزگەھێ وێ ھژمارێ دگەل یێن خوە ھووربین بکەین و کارتێن وان 40 ھزار کەسا رابگرین.
دیارکر ژی بۆ ڤێ چەندێ ئەو دگەل بۆردێ کارۆبارێن مرۆڤایەتی ل پارێزگەھێ و وەزارەتێ ئاخفتینە و ئامادەیا خوە دەربریە کو ڤێ پێنگاڤێ بھاڤێژن و گۆت ژی: ھەتا ھندەک حالەت ھەبووینە مالێن وان ل مووسل بووینە و ل ڤێرێ ناڤێن وان وەک ئاوارە د تومارکری بووینە و بۆ ھندێ کو ئەم خوە ژ ڤێ چەندێ ب پارێزین و وەکو ئەرکەکێ وەلات پارێزی ژی، مە ھندەک رێنما یێن دەرکرین کو ھەر ئاوارەکێ ھەبیت پێدڤیە ئەو ب خوە ئامادەببیت و ھەتا وەکالەتا گشتی ژی نابیت، دبیت نە یا قانوونی بیت کو ب رێڤە نەبەین، بەلێ ئەم نەچارین وەبکەین دا ڤێ دیاردێ نەھێلین.
مەجید شوکری، رێڤەبەرێ نڤیسینگەھا دھۆک یا وەزارەتا کوچ و کوچبەرێن عیراقێ دیارکر ژی ئەو پێشبینیێ دکەن ھندەک ھەبن چبنە دەرڤە یان خەلکێ دھۆکێ بن و گۆت: ئەم پێشبینیێ دکەین ل سنورێ حەفت قەزایێن دھۆکێ دۆرێن 30000 ھزار خێزانا ھەبن و ھاریکاری و پارا وەکو ئاوارە وەردگرن.
سەبارەت پێرابوونێن کو دگەل وان خێزانا دێ ھێنە وەرگرتن، گۆت: ئەم نەشێین بریارێ بدەین کو چو پێرابوونێن قانوونی ھەبن، بەلێ ئەم دێ بۆ وەزارەتێ دیارکەین کو ئەڤ حالەتە یێن ھەین و ئەڤ چەندە دێ ڤەکێشیت، چونکو دبیت ئەم کارتا وی براوەستینین و ئەو تەعن بکەن، ھەکە شییا دیاربکەن کو ئاوارەنە ئەم نەچارین بزڤرینین و ھەکە دیاربوو نە ئاوارەیە، وەزارەت دێ بریارێ ل سەر دەت کا چو پێرابوون وەربگرین.
گەلەک خەلک گازندا دکەن کو وەزارەتا کوچ و کوچبەرێن عیراقی وەکو پێدڤی ھاریکاریا ئاوارا ناکەت؟ د بەرسڤا ڤێ پرسیارێ دا، مەجید شوکری گۆت: دبیت خەلک یێ حەق بیت، کارێ وەزارەتێ ژی ژلایەکیڤە یێ بەرزەیە و راگەھاندنەکا لاواز یا ھەی و نەشێت خزمەتێن خوە وەکو پێدڤی نیشا خەلکی بدەت، چونکو پرۆژێن گەلەک باش یێن پێشکێش کرین بۆ ئاوارا ژ چێکرنا جادە و رێکا و دابینکرنا خیڤەتا و شیاینە بگەھینە ھندەک ئارمانجا و سالانە ئەم ھاریکاریا ئاوارا دکەین ژ دابینکرنا سەلاجا و سەلێن خوارنێ بەلێ نە دئاستێ پێدڤی دانە.
دیارکر ژی ئەڤ سالە وان ل بەرە ب ھاریکاریا پارێزگەھا دھۆکێ کارەکێ باش بکەن و بگەھنە وان ئاوارا یێن چو رێکخراو نەگەھشتینێ کو ھژمارا وان دۆرێن 22 ھزار خێزانانە و ل ھەموو قەزایێن دھۆکێ ژدەرڤەی کەمپا دژین و بۆردێ کارۆبارێن مرۆڤایەتی ھاریکاریا خوە دەربریە پشتەڤانیێ ل مە بکەت دڤی بواری دا.
مەجید شوکری ئەوژی دیارکر کو یا ب زەحمەتە ئەو بشێن کەسێن دزڤرنەڤە بۆ جھێن خوە دەستنیشان بکەن، و گۆت: دۆرێن ھەشت ھزار فایلا ل دەڤ مە ھەنە کو پتریا وان ل دۆرێن رەبیعەنە و یێن ماینە ھلاویستی نزانین وەکو ئاوارە یان ڤەگەریای سەرەدەریێ ل گەل بکەین، چونکو سەر ب پارێزگەھا مووسل ڤەنە و چو نڤیسینگەە نینن کارێ وان بکەن لەورا ئەم نەچارین کارێن وان بکەین.
دەربارەی واستەکاریێ دیارکر کو نوکە واستەیی نینە، و گۆت: تشتەک یێ ھەی ناھێتە ڤەشارتن و واستەی ل سەر ئاستێن بلند دھێنە کرن، وەک ئەندامێن پەرلەمانی و جڤاتێن پارێزگەھا یان وەزیرا کو فشارێ ل مە دکەن ھندەکا مەشمول بکەین یان نە، مە چو برێڤەنەبرینە بەلێ ئەو واستەیێن ب کۆم دکەن و ئەم دبێژینە وان ئەم ب ھاریکاریا پارێزگەھێ پتر ژ وان دزانین.
ل دووماھیێ گۆت: ھەکە ھندەکێن نە ئاوارە خو ھژمارت بیت ئاوارە و کارتا خوە بدەنەڤ مە ئەم ب دلەکێ بەرفرەە وەردگرین و ھەتا نوکە ب تنێ حالەتەکێ ب ڤی رەنگی ھاتیە و ئەم باوەردکەین ل پاشەرۆژێ ھەکە پێرابوونژی بھێنە وەرگرتن یێن کەسێن کارتێن خوە دزڤرینن دێ سڤکتر بن.
ئەڤرۆ، فاتما مزووری:
دروستکرا ھێدفۆنا گوھی بۆ سالا 1980 ڤەدگەریێن، کو ژ لایێ کۆمپانیا سونی ڤە ھاتیە دروستکرن، د پێناڤی کێمکرنا ئەوی دەنگێ بێزارکەر یێ ل ناڤ جھێن گشتی دا، پاشان بۆ پێدڤیەکا رۆژانە.
ب گۆرەی نووچەکێ نوشداری یێ مالپەرێ “alaan” ھێدفۆنێ زیانێ مەزن و مەترسیدار یێن ھەین و کارتێکرنێ ل سەر ساخلەمیا لاشی و پیستی دکەت کو پێکھاتینە ژ:
بلندکرنا دەنگێ ھێدفۆنێ بۆ رێژەکا بلند، دبیتە ئەگەرێ کێمبوونا ئاستێ گوھۆلێبوونێ، رەنگە بگەھیتە ئاستێ نەمانا گوھلێبوونێ ب تەمامی.
بکارئینانا ھێدفۆنێ دبیتە ئەگەر کو تە ھاش روودانێن دەوروبەرێن خوە نەمینیت، ھەر ژ ئەگەرێ وێ چەندێ ژی تووشی حالەتێن نەخواستی ببی.
ئێک ژ خرابترین مەترسیێن وێ ئەوە، دەمێ وەرزشێ خوین د ھەموو لاشێ مرۆڤی دا دگەریێت دا چالاک بکەت، بکارئینانا ھێدفۆنێ ناھێلیت خوین بگەھیتە گوھی.
بکارئینانا ھێدفۆنێ بۆ زارۆ و سنێلان ئێکجار یا خرابە و زیان زێدەترە، چونکو زیانێ دگەھینیتە گوھلێبوونێ و ب رەنگەکێ گەلەک زێدەتر د ژیێ مەزناتیێ دا، چونکو د گەشێ دایە ب تایبەت کوڕان.
پێدڤیە رۆژانە ھێدفۆنێ پاقژ بکەی، چونکو بەکتریایەکا زێدە دچیتە د ناڤ دا، ژبلی وێ چەندێ ژی ھێدفون ژ وان ئامیرایە یێن ل سەر جھێ کاری و ل مال وھەموو جھان بکاردئینی و بەردەوام یا ل گەل تە، ژێدەرێ پترترین جۆرێن بەکتریایێ یە کو ئێکسەر بۆ سەر پیستی ڤەدگوھێزیت و دبیتە ئەگەرێ دروستبوونا زبکان.
ئەڤرۆ نیوز:
ئەندامەکێ کورد ل جڤاتا نوونەرێن عیراقێ دیارکر ھەتا نوکە ژڤانێ ھاتنا شاندێ ھەرێما کوردستانێ بۆ بەغدا ئاشکرانەبوویە، پێدڤیە ڤێ جارێ ھەرێما کوردستانێ ب ئامادەبوونا قونسل و بالیوزین وەلاتین زلھیزێن جیھانێ ریکەڤتنەکێ دگەل بەغدا بکەت، چونکو ئەو دژاتیا بەغدا بەرامبەر ھەرێمێ دکەت پێدڤیە نەمینت پشکادارایی ھەرێمی بدەت.
حاکم سرحان سلێڤانەی، ئەندامێ لژنا دارایێ ل جڤاتا نوونەرێن عیراقێ دیارکر، دەولەتا یاسا رازی نابیت و ئاستەنگ دروست دکەت بۆ ھەرێما کوردستانێ، رێ نادەت پشکا ھەرێما کوردستانێ ژ قەرێن نێڤدەولەتی بھێتە رەوانەکرن و بگەھتەخەلکێ کوردستانێ و گۆت: ئەم دوێ باوەری دانە حوکمەتا عیراقێ ئێک پینگاڤێ بەرامبەر ھەرێما کوردستانێ بھاڤێژت بۆ ھنارتنا پشکا ھەرێمێ ژ قەرێن نێڤدەولەتی، بەری نوکە عیراقێ مەرج بۆ ھەرێمێ دانان ئەوژی رۆژانا ھەرێما کوردستانێ 550 ھزار بەرمیلێن پترۆلی ب ریێا سۆمۆ رەوانە بکەت ئەڤ مەرج عیراقێ ھاتە بجە ئینان ژلایێ ھەرێما کوردستانێ ڤە لێ عیراقێ پشکاھەرێمێ رەوانەنەکر ، چ پیگیریێ ژی ب مەرجێن خوە نەکرن.
حاکم سرحان گۆت:” دناڤ حوکمەت و پەرلەمانێ عیراقێ دا لوبیەک ھەیە گرێدایێ چەند لایەنێن سیاسی یە دژی ھەرێما کوردستانێ کار دکەن تایبەتی ژی دەولەتا یاسا ب چو شیوەیەکێ رازی نابیت ھارێکاری و پشتەڤانیا ھەرێما کوردستانێ بواری دارایی دا بھێتە کرن”.
ناڤبری ئەوژی ئاشکرا کر دگەشبین نینن عیراقێ جارەکادێ پشکا ھەرێما کوردستانێ ژ بوودجەیی و قەرێن نێڤدەولەتی رەوانەی بکەت.
ئه‌ڤرۆ نيوز:
ھەڤبەندیا ھەڤژینی ب گەلەک تەسسان دکەڤیت و چەپ و چیر و ئاستەنگ دکەڤنێ کو ھندەک جاران دبنە گەف ل سەر تێکچوونا ھەڤبەندیێ، لێ ھەکە ئەڤینی یا ب ھێز بیت ھەردو ھەڤژین دشێن ھەمی ئاستەنگان دەرباز بکەن. ھندەک جاران ژی غیرە پەیدا دبیت و گۆمانێ دئێخیتە ھەڤبەندیێ، ئەرێ ھێشتا حەز ژ من دکەت؟ ئەرێ ھزرا ئێکا دی دکەت؟ ژن ڤان پسیاران ژ خوە دکەت دەمێ رەفتارێن ھەڤژینێ وێ دھێنە گوھارتن، لێ ئەڤە رامانا وێ نینە کو یێ تشتەکێ ڤەدشێریت، زەلام ھندەک جاران تووشی ھندەک تێکچوونان دبیت رەفتارێن وی دگوھۆرن.
ھەکە گۆمان بۆ تە چێبون، ب ڤان نیشانان دێ زانی ھەڤژینێ ئێدی حەز ژ تە ناکەت:
1- دەمەکێ درێژ ب تنێ دبۆرینی: دەمێ تو ھەست ب تنکاتیێ دکەی و ھەست دکەی پرانیا دەمی ب تنێ دبۆرینی و ھەڤژینێ تە د گەل ھەڤالان دەردکەڤیت یان ژی ب تنێ دروونیت چونکو ئەڤینیا وی بۆ تە یا سڤک دبیت و ھێدی ھێدی ژ ئێکدوور دکەڤن.
2- چ دەمی بۆ تە و خوە تەرخان ناکەت: دەمێ بزاڤان نەکەت و چ دەمان بۆ خوە د گەل تە تەرخان نەکەت، ئەو وەکو بەرێ پووتەی ب تە ناکەت.
3- وان مێژوویان ژ بەر ناکەت یێن گەھشتینە ئێک: دەمێ ھەڤژینێ ھند مژوول دبیت و مێژوویێن ھەڤژینیا ھەوە ل بیرێ نەمینن یان ئەو رۆژێن ھەوە ھەڤناسین کر، ئەو ئەڤینیا وی بۆ تە یا سست دبیت.
4- ژ تە پتر پووتەی ددەتە کەسێن دی: دەمێ تو ھەست پێ دکەی پتر پووتەی ددەتە زارۆیان یان مالاتا خوە و ھەڤالان، یان ژی ھەست پێ ناکەت تە جلکێن نوو کرینە بەرخوە یان پرچا سەرێ تە یا جزان بووی، ھەمی کەس ب وان گوھۆرینان داخبارن ب تنێ ئەو نە، ئەو وەکو بەرێ نەمایە و حەز ژ تە ناکەت.
5- تو بزاڤێ دکەی ڤالاتیان ب تشتەکێ دی تژی بکەی: سەحکە رەفتارێن خوە ھەکە تو ھەست ب تنکاتیێ بکەی و بزاڤێ بکەی ڤالاتیان ب تشتەکی دی تژی بکەی وەکو چوونا بازاری یان گەلەک خوارنێ بخۆی، چارەیەکێ ببینە دا ھەڤبەندیا خوە ژ دەست نەدەی.
ئەڤرۆ نیوز:
پشتی بۆرینا ماوێ نیزیکی سالەکێ ل سەر راوەستیانا کارێ پرۆژێ دوسایتکرنا رێیا بەردەرەش بۆ ناحیا رۆڤیا ب سەدەما قەیرانا دارایی، دوھی 15/6/2016 ئەو پرۆژە ژلایێ کۆمپانیەکا تورکی ڤە دەست ب دروستکرنێ ھاتە کرن.
بۆتان بۆتانی بەرپرسێ راگەھاندنا قایمقامیا قەزا بەردەرەش بۆ ئەڤرۆ دیار کر کو نێزیکی ماوێ سالەکێ یە پرۆژێ جوتسایتکرنا رێکا بەردەرەش بۆ ناحیا رۆڤیا ژ ئەگەرێ چێبوونا قەیرانا دارایی ھاتیە راوەستاندن و ئەڤرۆ ژی رێکەفتێ 15/6/2016 جارەکا دی ژ لایێ کۆمپانیەکا تورکی ئەڤ پرۆژە دەست پێ کرەڤە و گۆت “ئەڤ پرۆژە ل دەستپێکێ کۆژمێ 38 ملیار دینار ل سەر ئەرکێ حوکمەتا ھەرێما کوردستانێ بۆ ھاتبوو تەرخان کرن، بەلێ ژ بەر قەیرانا دارایی ئەڤ کۆژمە بۆ نەھاتە تەرخانکرن و نوکە ژی کۆمپانیەکا تورکی ھەتا ئەڤ قەیرانە ب دووماھیک ل سەر ئەرکێ خوە جێبەجێ دکەت”.
بەرپرسێ راگەھاندنا قایمقامیا قەزا بەردەرەش خوسا ژی کر کو درێژاھیا رێکی (13 کێلۆمەتر و 500 مەترە و دو کیلۆمەتر پار ھات بوونە قێرکرن و ئەوێ مایی ھەتا پێنج ھەیڤێن دی ھەمی دێ ھێنە قێرکرن و ئەڤە ئێکە ژ وان خزمەتگۆزاریان کو خزمەتا گشتی دکەت و گۆت “ب دروستکرنا ڤێ رێکی روودانێن ھاتنوچوونێ ل سنوورێ قەزا بەردەرەش ھەتا رادەکێ باش کێم دکەت، چونکی پتر روودانێن ھاتنوچوونێ ل سنوورێن پارێزگەھا دھۆکێ ل دەڤەرا بەردەرەش دھێنە روودان”.
نيشاندان