ئەڤرو نیوز ، نەوزاد هلوری:

ئەڤرۆ ئه‌ينيێ 27/4/2018 ل دەما خواندنا گۆتارا ئەینیێ، رەوشا ساخلەمیا گۆتاربێژێ مزگەفتا کوکەر ل سەنتەرێ ناحيا شێلادزێ وی تێکچو و گوتار تنێ پێنج خۆلەک هاتە خواندن.

سەروار رێکانی ژ مزگەفتا کوکەر ل سەنتەرێ ناحیا شێلادزێ بۆ ئەڤرۆ نیوز گۆت”ئەڤرۆ ل ده‌مێ خواندنا گۆتارا ئەینیێ دا ، گۆتاربێژێ مزگەفتا کوکەر ل شێلادزێ مەلا عابد بێزەلی/ رێکانێ ژنشكه‌كێ ڤه‌ نه‌خوه‌ش دبیت و پشتی پێنج خۆلەکان ژ خواندنا گۆتارێ ، خوتبە هاتە راوەستاندن”.

 زیدەتر گوت” پشتی کرنا نڤێژا ئەینیێ ، خەلکی و کەسوکارێن وی مه‌لاى بۆ نەخوه‌شخانێ ڤەگوهاست و پشتی وه‌رگرتنا چارەسەريێ، رەوشا وی بەر ب باشتر ڤە دچیت ، بەلێ پێدڤی ب هێشتا چارەسەریێ یە”.

 ب گۆرەی ئاخفتنێن سەرواری، مەلا عابد بێزەلی تووشی گێژبوون ببوو، گۆتارا ئەڤرۆ دبیتە کورت ترین گۆتارا ئه‌ينيێ کو ل شێلادزێ هاتیە خواندن.

 ئه‌ڤرۆنيوز، سالار دۆسكى

د رۆهنكرنه‌كێ‌ دا كو به‌رى ده‌مه‌كێ كێم ئەڤرۆ ئه‌ينيێ 27/4/2018  ل پەیچێ‌ فەرمیێ‌  پەروەردا دهۆك یا رۆژهەلات بەلاڤ بوویە، رێڤەبەرێ‌ پەروەردا دهۆك یا رۆژهەلات (سەمیر عەبدوالعزیز) دیاركریە كو كارێ‌ وی دوى پۆستى دا ب دووماهی هات.

رێڤه‌به‌رێ په‌روه‌ردا دهۆك رۆژهه‌لات دوێ رۆهنكرنێ دا دبێژيت” ئه‌و ئه‌ركێ ب مه‌ هاتيه‌ سپاردن، مه‌ ب ئه‌مانه‌ت گه‌هاند وب جدى مه‌ كاركريه‌ ژبۆ سه‌ركه‌فتنا پرۆسا په‌روه‌ردێ وروويێ گه‌شێ په‌روه‌ردێ بووين ل دهۆكێ”.

ناڤبرى سۆپاسيا مامۆستايان كر ودياركر” ل دووف شیانێن خوه‌ من كاركریە و تەخسیری نەكریە و ل دووف دەستهەلاتێن خو من كار ئەنجام دایە، لەورا داخوازا لێبورینێ ژ هەوە هەمیان دكەم هه‌كه‌ من رۆژەكێ دلێ هەوە هێلا بیت دكاری دا مەرەم ژێ سەركەفتنا كاری بوو , ئومێدەورام ژ هەوەیێن هێژا و خوشتڤی دهاریكار بن دگەل وی رێڤەبەری یان رێڤەبەرا نوو یا جهێ من پر دكەت ژبۆ پتر خزمەتكرنا پەروەردێ و زانستی ل پارێزگەها دهۆكێ”.

ل دووڤ وان پێزانينێن ئه‌ڤرۆنيوز ب ده‌ست خوه‌ خستين، ل ڤان نێزيكان وه‌زاره‌تا په‌روه‌ردێ دێ گوهۆرينان د 20 پۆستێن وه‌زاره‌تا په‌روه‌ردێ دا كه‌ت.