ئەڤرۆ نیوز، نیوار محەمەد سەلیم:
راپۆرتێن رۆژنامەڤانی دیار دکەن کو ھندەک ئاوارێن موسلمان یێن ژ شەری رەڤین بۆ لایێ ئێکەتیا ئورۆپی ئاینێ خوە بۆ مەسیحیێ گوھۆڕیە ب مەرەما وێ چەندێ دەستەلاتێن وان وەلاتان ل سەر داخوازیا وان بۆ ڤەحەواندنێ رازی ببن.
رۆژناما “سەندەی تایمز” د راپۆرتا خوە یا ب ناڤێ “ئاوارێن موسلمان ل ئەلمانیا دخوازن ئاینێ خوە مەسیحیێ د گوھۆڕن”، کەسەکێ ئاوارە کو ب ناڤێ “محەمەد” دەما چوویە ئەلمانیا و پاشان خوە کریە مەسیحی ناڤێ خوە ژی کریە “بنیامێن”.
ئەڤ کەسە دبێژیت: “ناڤێ من محەمەد بوو، سالا بۆری بۆ وەرگرتنا رەزامەندیا ڤەحواندنێ ھاتیمە ئەلمانیا، بەلێ پاشان بوومە مسیحی”، ئەڤی گەنجێ ئیرانی یێ 23 سالی ناڤێ خوە ژی کریە “بنیامێن”.
راپۆرت ئاماژێ ب وێ چەندێ ژی دکەت کو ئەڤ گەنجە ل ھەمبەر کەنیسا دەڤەرا شتیگلیتز ل بەرلین بوویە مەسحی و رەتکر کو ناڤێ خوە یێ تەمام ئاشکەرا بکەت گۆتیە ژی ھەکە ڤەگەریتە ڤە دێ ھێتە بن دەستکرن و سزادان.
ڤێ رۆژنامێ دایە زانین ژی کو نوکە کەنیسێن ئەلمانی یێن ڤالا پری ڤان کەسێن نەنیاس بووین و ئاھەنگێن ب کۆم ل سەرشوویێن مەلەڤانگەھان و دەریایا دھێنە گێران.
د پشکەکا دی یا ڤێ راپۆرتێ دا ھاتیە: “ژمارا وان کەسێن سەرەدانا ڤێ کەنیسێ دکەن چار جاران ھندی بەرێ یێن زێدە بووین ژ دەسپێکا کێشا ھاتنا ئاواران ل ھاڤینا بۆری”، ھێشتا ژی ھاتیە: “رێڤەبەرێ کەنیسی قەس گۆتفرید ماتینز ب خوە سەرپەرشتیا گوھۆڕینا بەرھەڤکرنا وان ئاواران دکەت بۆ مەسیحیێ کو د ئاھەنگێن حەفتیانە دا دھێنە ئەنجام دان و ب ناڤێ “کارێ مزگینیێ”.
راپۆرتا سەندەی تایمز دبێژیت: “گەلەک ژ ئەو کەسێن ژ بوو بووینە مەسیحی و ل کەنیسێ ھاتینە دیتن، خاچێن مەزن ڤێ بوون وەکو ئاماژە بۆ ئاینێ وان یێ نوو، ھندەکان ژی خاچ وەکو تاتۆ ل سەر دەستێ خوە چێکربوون”.
نەڤەشارتیە ژی کو ڤەگوھاستن ژ ئیسلامێ بۆ مەسیحیاتیێ بەھانەیەکا ب ھێزە بۆ وەرگرتنا ل وەلاتێ ئەلمانیا، د دەمەکی دا کو پتریا وەلاتێن ئیسلامی ڤان کەسێن ژدینێ خوە دەرکەفتین سزا ددەن و سزایێ وان دگەھیتە سێدارەدانێ.
ئاماژە بۆ وێ چەندێ ژی کریە کو دەستەلاێن ئەلمانی ب زەحمەت دشێن ڤاڤارتنێ د ناڤبەرا وان کەسان دا بکەن یێن دبنە مەسیحی و یێن بۆ وەرگرتنا خوە دچنە سەر ڤی دینی.
بۆ وه‌رگرتنێ ل وه‌لاتێ ئه‌لمانيا ئاواره يێ ئاينێ خوه بۆ مه‌سيحيێ دگوهۆڕن
نيشاندان