ئەڤرۆ نیوز:
ھەڤرکی دناڤبەرا ھەردو یانێن ریال مەدرید و بەرشەلۆنا ھەتا یاریا دووماھیێ و خولەکێن دووماھیێ ژ خولێ دێ یا بەردەوام بیت.
رۆژناما ئاس یا مەدریدی کو ئێک ژ رۆژنامەیێن نێزیکە ژ یانا ریال مەدرید د راپرسینەکا خوە دا دیارکری یە یانا کەتەلونی پتر یا نێزیکی برنا ناسناڤێ خولا لالیگا یە ژ یانا مەلەکی کو ئەو د راپرسینا وێ رۆژنامێ دا ٥٥.٦% دەنگدان ژلایێ پشتەڤانێن وەرزشی یێن وێ رۆژنامێ دەنگ دایە یانا کەتەلونی دێ ل حەفتیا دووماھیێ شێت ناسناڤێ خولێ ب دەستخوڤە ئینن بەرامبەر ٤١.١% دەنگدان ھاتیە دانێ بۆ یانا ریال مەدرید دێ شێت سەرکەفتنێ تومارکەت و ناسناڤێ خولێ ب دەستخوڤە ئینت.
ھەژی گوتنێ یە ھەردو یانێن بەرشەلۆنا و ریال مەدرید دێ یاریێن خوە یێن حەفتیا دووماھیێ ژ دەرڤەی یاریگەھێن خوە کەن کو بەرشەلۆنا دێ بەر ب گرناتە ڤە چیت بەرامبەر ریال مەدرید دێ ل گەل یانا دیپورتیڤو لەکەرونیا کەت.

ئەڤرۆ نیوز:
گوڤارا فرانس فتبول یا فەرەنسی باشترین پێکھاتیێ ڤێ حەفتیێ ل سەر ئاستێ ھەر چار خولێن مەزن یێن ئورۆپی دەست نیشانکرن ئەوژی پێکھاتی بوون ژ ١١ یاریکەران ژ خولێن ئینگلتەرا و ئیسپانیا ئیتالیا ئەلمانیا.
د پێکھاتیێ فرانس فتبول دا سێ یاریکەر ژ خولا لالیگا دناڤدا بوون ئەوژی دو یاریکەر ژ گرناتە و یاریکەرەک ژ بەرشەلۆنا ھەردیسان سێ یاریکەر ژ خولا کاتشیو ئیتالیا ئەوژی ژ یانێن ئەتلەنتا و روما و لازیو ب ھەمان یاریکەر ژ خولا ئینگلتەرا ئەوژی ساوتھامتون لیستەرسیتی و سەندرلاند و دو یاریکەر ژ خولا بۆندس لیگا ئەلمانی ئەوژی ژ بایرن میونیخ و فرانکفورت.
گولچی
یێ ئیتالی فیردیریکو مارکیتی ژ یانا لازیۆ
ھێلا بەرەڤانیێ
یێ ئیتالی جیانباولو بیللینی ژ ئەتلەنتا و یێ فەرنسی چین سیلفان باین ژ گرناتە و یێ ئەلمانی ئەنتونیو رۆدیگر ژ روما و یێ پاتریک ڤان ئنھولت یێ ھولەندی ژ یانا سەندرلاند یا ئینگلیزی.
ھێلا ناڤین
ستیڤان ئینیر یێ ئەلمانی ژ یانا ئینتراخت فرانکڤورت، یێ ئیرلەندی ستیڤین دیڤیس ژ ساوتھامتون و یێ ئیسپانی ئیسحاق کوینکا ژ گرناتە
ھێلا ھێرشبەریێ
یێ ئەرژەنتینی لیونێل مێسی ژ یانا بەرشەلۆنا و یێ پولەندی رۆبرت لیڤاندوڤیسکی ژ بایرن میونیخ و یێ ئینگلیزی جیمی فاردی ژ لیستەر سیتی.

ئەڤرۆ نیوز:
سەروکێ یانا ریال مەدرید فلورونتینو پێریز یێ بەردەوامە ل سەر بزاڤێن ئینانا گولچیێ سەرەکی یێ ھەلبژارتیێ ئیسپانیا و یانا مانچستەر یوناید دفید دخیا بۆ ناڤ رێزێن یانا مەلەکی ل وەرزێ بھێت.
راپورتێن رۆژنامەڤانی دیارکری نە ل ڤێ دووماھیێ راھێنەرێ یانا ریال مەدرید د بزاڤێن خوە دا نە شیا سەرۆکێ یانا ریال مەدرید رازی بکەت بۆ نە ئینانا ئەڤی گولچی و پاراستنێ ل سەر گولچیێ خوە یێ نوکە یێ سەرەکی ناڤاس بکەن .
ھەردیسان رۆژنامەیێن ئیسپانی داینە دیارکرن پێریز دخوازیت ل وەرزێ بھێت دفید دخیا بینت و دەست ژ گولچیێ نوکە بەردەت و دبیت ئەڤ چەندە ئاریشا دناڤبەرا زێدان و سەروکێ یانا ریال مەدرید دا پەیدا بکەت ژبەرکو زێدان دخوازیت ناڤاس بمینتە دناڤ رێزێن یانا ریال مەدرید بۆ وەرزێ بھێت کو ئەڤە داخوازیا جەماوەرێ یانا مەلەکی یە ژی پشتی وی ئاستێ بلند ل وەرزێ ئەڤ سالە ناڤاس ل گەل یانا مەلەکی پێشکێشکری .

دفيد دخيا

ئەڤرۆ نیوز:
پشتی مرنا یاریکەرێ کامیرونی پاتریک ئیکینگ یاریکەرێ یانا دینامو بوخارست و گولچیا یانا ڤیمینا ستارز ئەبولو یا کامیرونی ترسا مرنێ سەر ب تەپا یێ یا کامیرۆن دا گرتی کو ماوێ ٤٨ دەمژمێران دا و یاریکەران گیانێ خوە ل یاریگەھێ دا ژ دەست دایە .
پشتی پارتریک کلود یاریکەرێ دینامو بوخارست یا رومانی د یاریێ دا ل دقیقا ٦٩ گیانێ خوە ژ دەست دای و پشتی وێ ب دو رۆژان گولچیا بناڤێ جانین کریستل دجومانگ یا ٢٦ سالی بەری یاریێ ب چەند خولەکان گیانێ خوە ل یاریگەھێ ژ دەست دا ژ چارچوڤێ یاریێن خولا پلا ئێک یا کچان ل سەر ئاستێ کامیرون .
ئێکەتیا تەپا پێ یا کامیرون ل سەر مالپەرێ خوە یێ فەرمی پەیامەک بەلاڤەکری یە ل سەر مرنا گولچیا یانا ستارز ئەبولو تێدا دیارکری یە ئەوان لژنەیەک پێک ئینای یە بۆ ئەگەرێ مرنا جانین دچومانگ بزانن کو ھەتا نوکە چو ئەگەرێن دروست ئاشکرا نەبوونە لێ ل دیڤ گوتنا راپورتا نوژداری یا وێ یانێ وەسا دایە دیارکرن ژ ئەگەرێ دل راوستاندنا وێ گیانێ خوە ژ دەست دایە ل دەمێ کەڤتی ل یاریگەھێ ئێکسەر ترومپێلێ بۆ نەخوشخانی رەوانکر لێ بەری ب گەھنە نەخوشخانێ جانین گیانێ خوە ژ دەست دابوو.