ئه‌ڤرۆ نیوز: ڤه‌ده‌ر ره‌شاڤایی:
قوباد تاله‌بانی جێگرێ سه‌رۆك وه‌زیرێن هه‌رێما كوردستانێ بۆ ئاژانسا رویته‌رز یا نووچه‌یان دا خویاكرن كو ئه‌و پێشبینی ناكه‌ت د سالا 2016 ێ دا مووسل بهێته ئازادكرن.
تاله‌بانی گۆت: ئه‌ز د وێ باوه‌رێ دا نینم ئۆپه‌راسیۆنا ئازادكرن مووسل د ئه‌ڤ ساله دا بهێته كرن” هه‌روه‌سا گۆت: هێزێن ئیراقی نه د ئاماده‌نه بۆ ڤێ ئۆپه‌راسیۆنێ و هه‌ڤپه‌یمانییا نێڤده‌وله‌تی ژی باوه‌ری ب شیانێن هه‌مییان نینه دده‌مێ پێدڤی دا بۆ ڤێ ئۆپه‌راسیۆنێ ، له‌ورا یا بزه‌حمه‌ته به‌ری 2017 ێ ئۆپه‌راسیۆن بهێته ئه‌نجامدان”
ئه‌ڤرۆ نیوز: ڤه‌ده‌ر ره‌شاڤایی:
عه‌بدولا كوردی بابێ ئالان كوردی لدۆر ئه‌و كارتۆنێ ژ ئالیێ كۆڤارا شارلی ئێبدۆ یا فره‌نسی ڤه لدۆر كورێ وی ئالان كوردی به‌لاڤكری گۆت كو: كاره‌كێ “نه‌مرۆڤانه و بێ ره‌وشتانه یه”.
عه‌بدولا كوردی دیاركر كو خه‌مبارییا وی یا نها پتره ژ وێ خه‌مبارییا وی لده‌مێ مرنا ئالانی خاری.
پشتی چه‌ند كۆچبه‌ران ده‌ستدرێژییا سێكسی كرییه سه‌ر چه‌ند ژنێن ئه‌لمانی، كۆڤارا شارلی ئێبدۆ كاریكاتێره‌ك چێكرییه و وه‌سا نیشان دده‌ت كو هه‌كه‌ر ئالان كوردی نه مربا دا لدووڤ ژنێن ئه‌ورۆپی كه‌ڤيت دا ده‌ستدرێژیێ بكه‌ته سه‌ر.
ئه‌ڤرۆ نیوز ب باشتر دیت وی كارتۆنی به‌لاڤ نه‌كه‌ت.
ئه‌ڤرۆنیۆز، سالار دۆسكى:
دچاردچووڤێ رونشتنه‌كا ڤه‌كرى دا كو هاتبوو به‌رهه‌فكرن ژلایێ ناڤه‌ندا په‌یامنێرێن میدیایى ڤه ل دهۆكێ، ئه‌ڤرۆ 16/1/2016 دكونگره‌كێ رۆژنامه‌ڤانى دا، د.فارس بریفكانى سه‌رۆكێ لژنا ساخله‌میێ ل په‌رله‌مانێ عیراقێ به‌حسێ ره‌وشا ساخله‌میێ بگشتى ل عیراقێ و پارێزگه‌ها نه‌ینه‌وا ب تایبه‌تى كر.
د.فارس بریفكانى ئاشكراكر كو نوكه خه‌لكێ مووسل د قه‌یرانێن مه‌زن دایه و نان و ئاڤ بوویه هزره‌ت و نه‌خوه‌شیى به‌ر به‌لاڤ بووینه و گۆت: پێدڤى یه هه‌ر ده‌ڤه‌ره‌كا بهێته ئازادكرن كارمه‌ندێن ساخله‌میێ قه‌ستا ده‌ڤه‌را خوه بكه‌ن . هێشتا گۆت: ل گه‌ل وه‌زاره‌تا ساخله‌میا عیراقێ رێكه‌فتى نه كو 80% ژ ده‌رمانێن پارێزگه‌ها نه‌ینه‌وا بهێنه پارێزگه‌ها دهۆكێ و ل سه‌ر ئاواران بهێنه به‌لاڤكر.
هه‌مبه‌ر هنارتنا نه‌خوه‌شان بۆ ده‌رڤه‌ى وه‌لاتى، ناڤبرى گۆت: بریار ده‌ركه‌فتی یه نه‌خوه‌شێن ژ ده‌ستێن داعش رزگاربووین، بۆ ده‌رڤه‌ى وه‌لاتى بهێنه هنارتن.
ئه‌ڤرۆ نيوز، ره‌وان نهێلى:
چه‌ند ماموستاييێن قوتابخانه‌كا دهۆكێ رۆژا پێنج شه‌مبى نه‌رازيبوونا خوه د به‌ياننامه‌كێ دا ئاراسته‌ى په‌روه‌ردێ كرينه و داخواز كرينه كو مووچێ وان بهێته دان، ئه‌گه‌ر نه ئه‌و ده‌وامێ ناكه‌ن.
عه‌بد يوسف رێڤه‌به‌رێ گشتى يێ په‌روه‌ردا پارێزگه‌ها دهۆك ئه‌ڤ ده‌نگوباسه بۆ ئه‌ڤرۆ نيوز پشت راستكر و راگه‌هاند : وان ماموستايێن قوتابخانا ڤين يا بنه‌ره‌ت دياركريه ئه‌گه‌ر موچێن وان نه‌هێنه دان، ئه‌و ناچنه هۆلێن خواندنێ.
عه‌بد يوسف ئاماژه ب وێ يه‌كێ كر كو ل ڤان چه‌ند رۆژان دێ موچێ ماموستايان هێته دان و گۆت: مه په‌يوه‌ندى ب وان ماموستايان كريه و مه بۆ دياركريه كو نابيت قوتابخانه‌ك ب تنێ ڤێ پرسێ بئازرينيت ژبه‌ر كو قه‌يرانه‌كا دارايى يه، هه‌موو كوردستان يا ڤه‌گرتى.
ئه‌ڤرۆ نيوز:
د كۆمبوونا دوهى يا جێگرێ سه‌رۆكێ حوكمه‌تا هه‌رێمێ و ئێكه‌تيا مامۆستايان و رێڤه‌به‌ريا په‌روه‌ردان دا، بڕيار دا بهێنڤه‌دانا وه‌زرێ ئێكێ يێ خواندنێ هاته درێژكرن.
ئه‌حمه‌د عه‌بدولا زوبێر، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ بۆ ئه‌ڤرۆ نيوز گۆت:كو كۆمبوونا دوهى يا 15ى كانوونا دويێ 2016ێ قوباد ته‌له‌بانى جێگرێ سه‌رۆكێ حوكمه‌تێ و پشتيوان سادق، وه‌زيرێ په‌روه‌ردێ ل حوكمه‌تا هه‌رێما كوردستانێ بڕيار هاته دان بهێنڤه‌دانا وه‌زرێ ئێكێ يێ خواندنێ بۆ ماوێ چار رۆژێن دى بهێته درێژكرن.
گۆتژى: رۆژا شه‌مبى رێكه‌فتى 23ى كانوونا دويێ يا 2016ێ ده‌واما وه‌رزێ دويێ يێ خواندنێ ل سالا خواندێ يا 2015 بۆ 2016ێ يه.
به‌رى نوكه وه‌زراره‌تا په‌روه‌ردێ رۆژا 14 بۆ 19ى كانوونا دويێ يا 2016ێ كربوو بهێنڤه‌دان و نوكه بهێنڤه‌دان بۆ 23ى كانوونا دويێ هاته درێژكرن.
ئه‌ڤرۆ نيوز:
هۆنه‌رمه‌ندا كورد “هێلى لۆڤ” پشتى پرچا خوه ل سه‌ر ره‌نگێ شينێ ئاڤى ره‌نگ كرى و ل سه‌ر سالێ نمايش كرى، ڤێ جارێ ره‌نگه‌كێ دى ل پرچا خوه كريه كو دبيته ره‌نگێ دويێ د ئه‌ڤ ساله دا بۆ پرچا خوه د گوهۆڕيت.
“هێلى لۆڤ”ێ چه‌ند وێنه ل تۆڕا جڤاكيا ئينسترگرامى به‌لاڤكرينه كو تێدا پرچا وێ يا پيڤازى يه ل گه‌ل هنده‌ك جلكێن پيڤازى يێ ل به‌ر خوه كرين.
ئه‌ڤێ خانما سترانبێژ ل گه‌ل وێنێن خوه وێنێ هۆله‌كا شه‌هيانان ژى به‌لاڤكريه كو هه‌موو ب هه‌مان ره‌نگه و دهێته پێشبينيكرن ئاهه‌نگه‌كێ ل وێرێ بگێريت.
“هێلى لۆڤ” د ڤان وێنان دا هنده‌ك ئاماژه بۆ جوانكاريێ و ماركێن وان كه‌ره‌ستيێن ب كار ئيناين ژى كريه و ره‌نگێ پيڤازى وه‌كو خه‌ونه‌كێ ژى بۆ خوه دياركريه، دبيت وه‌كو ره‌نگه ريكلامه‌كێ ژى بيت بيت وان كه‌ره‌سان يان ژى وێ جوانكاريا ئه‌و لێ هاتيه چێكرن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 15ى كانوونا دويێ يا 2016ێ دێ هنده‌ك ئه‌ورێن كێم ل ئه‌سمانى هه‌بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن هنده‌ك ئه‌ورێن كێم ل ئه‌سمانى هه‌بن.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى 10 كم بيت، پلێن گه‌رمێ ژى دێ د ناڤبه‌را (4 بۆ 13) پلان دا بيت.
نيشاندان