ئه‌ڤرۆ نيوز، مه‌حمود نهێلى:
فیستڤالا دێرەلۆک یا فلوکلوری و زانستی کو ژلایێ لژنا ناوچا دێرەلوک یا ئێکەتیا قۆتابیێن کوردستانێ ب هەڤکاریا ئامادەیا دێرەلۆک و ئامادەیا زەهریرا ب هەلکەفتا رۆژا جلکێن کوردی هاتبوو رێخکستن.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
خودانێن دێمێن جوان ئاستەکێ زانستی یێ بلندتر بدەستڤە دئینن
ئه‌ڤرۆ نيوز:
زانایێن دەروونی ئاشکرا کر کو ھندی مرۆڤ یێ جوانتر بیت ئەو دێ ئاستەکێ زانستی یێ بلندتر بدەستڤەئینیت.
زانایێن زانکۆیا “سانت ئەندرۆز” یا بریتانی ھندەک تاقیکرنێن دەروونی ئەنجامدان، د ڤان تاقیکرنان دا داخواز ژ پشکداران کر کو ئاستێ زانستی یێ 100 قوتابیان دەستنیشان بکەن و پشتبەستن ب وێنێن وان.
ئەنجامان دیار کر کو پشکداران خودانێن دێمێن جوان ھەلبژارتن وەکو ژیرترین قوتابی، زێدەباری کو وەسا ساخلەت کرن کو ئەڤ کەسە دشێن پتر زانستی بدەستڤە بینن.
زانا ھۆشداری ل سەر ڤانپێشبینێن نە پاقژ دان، کو دبیت ھندەک ئەنجامێن شاش بدەن، کو مرۆڤێ جوان دبیت ژ یێ جوانیا کێمتر ژیرتر بیت، و دبیت ئەڤە ئاستەنگێ ل بەرامبەر دامەزراندنا فەرمانبەران و تاقیکرنێن قوتابخانێ چێکەت.
ب ترسين 20 سێلڤى ل جيهانێ
خوارن ژ زیندانێن عیراقێ ھاتە بڕین
ئەڤرۆ نيوز:
کۆمپانیێن دابینکرنا خوارنا بۆ زێندانان ل عیراقێ ژ ئەگەرێ زێدەبوونا قەرێن وان ل سەر حوکمەتا عیراقێ، کارێ دابینکرنا خوارنێ بۆ زیندانێن عیراقێ کو 250 ھزار زیندانیان ب خوەڤە دگریت ڕاوەستاند.
ژێدەرێن دادوەری یێن عیراقی ئاماژێ ددەن کو دەمێ سێ ڕۆژانە دابینکرنا خوارنێ بۆ زیندانان ھاتیە ڕاوەستاندن و بزاڤێن ڕژد دھێنە کرن کو کۆمپانیێن ناڤبری دووبارە ب کارێ خوە ڕاببن ل 18 زیندانان ل چەندین باژێرێن عیراقێ.
ل دووڤ بەیاننامەکا رێڤەبەریا چاکسازیێ ل عیراقێ، ئەگەرێ گرفتا خوارنا زیندانیان ل عیراقێ دزڤریت بۆ نەدابینکرنا پارێ پێدڤی ژلایێ وەزارەتا دارایی ڤە و زێدەبوونا قەرێن کۆمپانیێن ب کارێ دابینکرنا خوارنێ ڕادبن.
کۆمپانیێن دابینکرنا خوارنا زیندانیان، ل ڕۆژا دوشەمبیا بۆری بڕیارا ڕاوەستاندنا کارێ دابینکرنا خوارنێ دابوو و دیارکرن ژی کو کۆمپانیەکێ 60 ملیار دینار وەکو قەر ل سەر حوکمەتێ یێن ھەین و بۆ نەھاتیە مەزاختن.
ئەرشەد سالحی، سەرۆکێ لژنا مافێن مرۆڤی ل جڤاتا نوونەرێن عیراقێ د کۆنگرەکێ ڕۆژنامەڤانی دا گوتبوو: پێدڤیە پارێن پێدڤی بۆ وان کۆمپانیان بھێنە مەزاختن، یان ژی قانوونا لێبۆرینا گشتی ل عیراقێ بھێتە بجھئینان و ئەو کەسێن چو تومەت ل سەر نەھاتبنە سەپاندن، بھێنە ئازادکرن.
وەزارەتا دارایی عیراقێ ژی دبەیاننامەکێ دا، دوھی چارشەمبی، راگەھاندبوو کو یێن گەھشتینە چارەکێ بۆ وێ گرفتێ و ل نێزیک دێ خوارن بۆ زیندانیان چیت پشتی ل گەل کۆمپانیەکێ ڕێککەفتی قەرێن وێ وەکو قست ژلایێ حوکمەتێ ڤە بھێنە ئەداکرن.
مه‌كته‌با سياسى يا ئێكه‌تيێ يا د كۆمبوونێ دا
ئه‌ڤرۆ نيوز:
چه‌نده‌كێ به‌رى نوكه كۆمبوونا مه‌كته‌با سياسى يا ئێكه‌تيا نشتيمانى كوردستان ده‌سپێكر و ته‌وه‌رێ سه‌ره‌كى يێ كۆمبوونێ ژى دێ هه‌لسه‌نگاندنا ده‌رئه‌نجامێن كۆمبوونا رۆژا ئێكشه‌مبيا بۆرى يا ناڤبه‌را هه‌ردو مه‌كته‌بێن سياسى يێن ئێكه‌تى و پارتى بيت.
ل رۆژا ئێكشه‌مبيا بۆرى ب سه‌رپه‌رشتيا مه‌سعود بارزانى سه‌رۆكێ هه‌رێما كوردستانێ كۆمبوون د ناڤبه‌را مه‌كته‌بێن سياسى يێن هه‌ر ئێك ژ ئێكه‌تى نشتيمانى كوردستان و پارتى ديموكراتى كوردستان دا ب رێڤه چوو.
بێھنا لەشێ تە ئەگەرێ سەرنجراکێشیا تەیە
ئەڤرۆ نیوز:
مالپەرەکێ خزمەتێن ھەڤناسینێ کو بارەگایێ وی یێ ل نیویۆرک ل ئەمریکا، ل حەفتیا بۆری رێیەکا نوو بۆ ھەڤناسینێ داھێنایە و ناڤێ وێ کریە “ژڤان ل دووڤ بێھنێ”، ئەڤ رێیە ب شێوەکی سەرەکی ل سەر سەرنجراکێشانا د ناڤبەرا دو کەسان ل سەر بنیاتێ بێھنا لەشی دھێتە کرن.
بەروڤاژی مالپەرێن ھەڤناسینی یێن نۆرمال، کو داخوازێ ژ تە دکەت پرۆفایلێ خوە پر بکەی یان جوانترین وێنێن خوە بەلاڤ بکەی و بەحسێ وان تشتان بکەی یێن تو حەز ژێ دکەی، ب تنێ تشتێ پێدڤی د ڤی مالپەری دا ئەوە تو نموونەکێ ل سەر بێھنا جلکێن خوە بەلاڤ بکەی.
رێیا کارکرنێ:
دێ تیشێرتەکی بۆ دەمێ سێ رۆژان کەیە بەرخوە، بێی بکارئینانا گولاڤ و بێھنێن خۆش کو باندۆرێ ل بێھنا سروشتیا لەشێ تە بکەن.
پاشی دێ ڤی تیشێرتی بۆ بارەگایێ وی مالپەرێ ھەڤناسینێ ھنێری، پاشی بەرامبەری وێ دی تیشێرتێ ھندەک کەسێن دی بۆ تە ھنێرن.
پێدڤیە تو بێھن بکەیە وان تیشێرتان و بێھنا بۆ تە خۆش ھەلبژێری.
ئەرێ شرۆڤەکرنەکا زانستی ل پشت ڤێ رێ ھەیە؟
ھزرا لێگەریانا ھەڤپشکێ ژیانێ ل دووڤ بێھنا لەشی ل سەر ھزرا بێھنا لەشی و سەرنجراکێشیا سیکسی ھاتیە دانان، ڤەکۆلینان وەسا ئاشکرا کریە کو ئەم حەز ژ بێھنا ھندەک مرۆڤان دکەین، چونکو سیستەمێن بەرھنگاریێ ل نک وان ژ یێن مە د جودانە و ئەڤ چەندە وەدکەت سەرنجا مە راکێشن.
كاميرا ئه‌ڤرۆ نيوز د ناڤ نێرگزێن چياى دا
دینارتە، نەوزاد زادە ھلۆری:
دەڤەرا دینارتە ب ناڤ و دەنگترین دەڤەرا کوردستانێ یە ب ھەبوونا نێرگزان و د گەڤن دا ھاتیەگوتن کو نێرگزێن دینارتە سەرێ گەلەک گەنجان تێبریە ب جوانی و بێھنا خوە، سالانە وەلاتیێن دەڤەرێ رێژەیەکا باش یا نێرگزان د فرۆشن.
شێخ زادە یاسین دانعەمرەکێ ئێک ژ گوندێن سەر ب ناحیا دینارتێ یە ل بارا ب ناڤودەنگی یا نێرگزێن دینارتە بۆ ئەڤرۆ نیوز گۆت: (ھەر ل ھەبوونا دەڤەرا دینارتە ھەتا نھا ب ناڤ و دەنگترین دەڤەرا کوردستانێ بوویە ب ھەبوونا نێرگزان و ل ھەموو گوند و چیایێن دینارتێ نێرگز ب کومەل کومەل ھەنە و ھەر بوونموونە ناوچەیەک ل چیایێ گوندەکێ دینارتێ ھەیە ب ناڤێ نێرگز کو یا تەژی یە ژ نێرگزان و ھەموو وەکومشتەل و مشارێن بیستانانە و ھندی زەڤیەکا گەنمی یا مەزنە و ھەموو ژی نێرگزن کو سالانە نێزیکێ دو ھزار دەستکێن نێرگزان د ھاتن بەرھەم ئینان بەلێ ب مخابنی ڤە ل ڤان سالێن دووماھیێ خەلکەکێ زور بەردایێ و ھەموو ب رەە ڤە ھەلقاندینە).
زێدەتر گۆت: (نێرگزێن دەڤەرا دینارتە ل دەستپێکا ھەیڤا شوباتێ چێدبن و ھەتا دووماھیا ھەیڤا ئادارێ دمینن و خەلکەکێ زور قەستا چیایی دکەت بو کرنا نێرگزان و ل سەر جاددەیان د فروشنە گەشتیاران و ل گورەی زانیاریێن مە ھندەک وەلاتی ھەتا نێزیکێ ب بھایێ دو، سێ ملیون دیناران د فرۆشن کو ئەڤ یەکژی ب راستی نیعمەتە).
ناڤبری ل بارا جوانی و بێھنا نێرگزا دینارتە گۆت: (د کەڤن دا هاتیە گوتن کو ھەموو سالان نێرگزا دینارتێ دبیتە سەدەما مرنا گەنجان ژ بەر کو نێرگزا دینارتێ پتر ل جھێن بلند و ئاسێ چێدبیت و جوانی و بێھنا وێ سەرێ گەنجان مەست دکەت و بۆ خوە رادکێشیت و دووڤ دا ئەو گەنج گیانێ خوە ددانن بو دەستکەفتنا نێرگزان).
بەرپرسەکێ پارتی: پیلانەک دژی دەڤەرێن کوردستانی ل دیالا دھێتە کرن
ئەڤرۆ نیوز:
بەرپرسەکێ پارتی دیموکراتی کوردستان ل پارێزگەھا دیالا راگەھاند، ھژمارەکا چەکدارێن نەنیاس یێن چووینە دناڤ دەزگەھێن حوکمەتێ دا ل باژێرێ بەعقوبە سەنتەرێ پارێزگەھا دیالا.
عامر ڕفعەت، بەرپرسێ لژنا پارتی ل دیالا بۆ باسنیۆز گۆت: دوھی ھژمارەکا چەکداران چوونە دناڤ دامودەزگەھێن حوکمەتێ دا ل باژێرێ بەعقوبە و پشتی دەرکرنا فەرمانبەران، چەندین خالێن پشکنینێ یێن مەترسیدار دناڤ باژێری دا دانان، ب مەرەما ڕێگرتنێ ل ھاتنوچوونێ.
عامری زێدەتر ڕۆھنکر کو ھندەک کەس ب ناڤێ عەشیرەتا (ئەلتمیمی) ھاتنە سەر جادێن بەعقوبە و داخوازا دەست ژ کارکێشانا (سەلیم جبووری) سەرۆکێ جڤاتا نوونەرێن عیراقێ کر و ل دووڤ پێزانینێن مە دەست یێن ل پشت وێ بزاڤێ ھەین و ئاراستەیەکا سیاسی یە و ب پشتەڤانیا شیعان یا ھاتیە کرن ب تایبەتی ڕەوتێ سەدری.
ناڤبری دووپاتی ل سەر وێ چەندێ ژی کر کو ڕەوشا دیالا گەلەک یا ئالۆزە ب تایبەتی باژێرێ بەعقوبە.
بەرپرسێ ناوچا پارتی ل دیالا زێدەتر خویاکر ژی کو پێدڤیە سەرۆک وەزیرێن عیراقێ حەیدەر عەبادی بلەز ڕەوشا دیالا کونترۆل بکەت و ب ڕێیا ھێزەکێ وێ ئاژاوەگێریێ ل دیالا کونترۆل بکەت، دبێژیت ژی، ئەم حوکمەتا عیراقێ و ھەموو وەلاتیان ئاگەھدار دکەین کو ئەم ژ وێ چەندێ دترسین ئەڤە پیلانەک بیت بۆ زیان گەھاندنێ ب دەڤەرێن کوردستانی ل پارێزگەھا دیالا و دوورخستنا پێکھاتێ سونی ژ ڕێڤەبرنا پارێزگەھا دیالا.
دھێتە زانین ڕێیێن سەرەکی یێن قەزا و ناحیان بۆ ناڤ باژێرێ بەعقوبە یێن ھاتینە گرتن و چو کەسەک نەشێت ژ باژێرێ خانەقینێ و باژێرکێن وی سنوری بۆ ناڤ بەعقوبە بچیت.
ده‌سته‌سه‌ركرنا مه‌زنه گه‌نده‌لكاران ده‌سپێكر
ئه‌ڤرۆ نيوز:
سه‌رۆك وه‌زيرێن عيراقێ راگه‌هاند: پرۆسا ده‌سته‌سه‌ركرنا مه‌زنه گه‌نده‌لان ده‌سپێكر و پشته‌ڤانيا خوه يا ته‌مام ژى بۆ دادوه‌رێن ده‌سته‌يا ده‌سپاكيێ و ده‌زگه‌هێن چاڤدێريێ دكه‌ن ده‌ربڕى دا كو رۆلێ خوه بگێرن.
حه‌يده‌ر عه‌بادى، سه‌رۆك وه‌زيرێن عيراقێ د گۆتاره‌كێ دا گۆت: “حوكمه‌تێ زنجيره‌كا رێيان بۆ ده‌سته‌سه‌ركرنا مه‌زنه گه‌نده‌لان گرتينه به‌ر و پشته‌ڤانيا ته‌مام ژى ل ده‌زگه‌هێن دادوه‌رى و نه‌زاهێ و ده‌زگه‌هێن چاڤدێريێ كرينه دا كو رۆلێ خوه ببينن و لێپرسينێ ل گه‌نده‌لكاران بكه‌ن”.
هه‌ر د گۆتارا خوه دا داخواز ژ گه‌لێ عيراقێ و ده‌زگه‌هێن راگه‌هاندنێ كريه كو هاريكاريا وان بكه‌ن بۆ ده‌ستنيشانكرنا گه‌نده‌لچيان ئه‌وێن ل داموده‌زگه‌هێن حوكمه‌تێ زيانێ ب مالێ گشتى دگه‌هينن.
ڤيديۆ: كليپا خوه يا نوو به‌لاڤكر
نيشاندان
WP Facebook Auto Publish Powered By : XYZScripts.com