ئەڤرۆ نيوز:
پرۆژێ چێکرنا تونێلا ئامێدیێ کو ئێکە ژ مەزنترین پرۆژێن ستراتیژی ل پارێزگەھا دھوکێ ھەتا نوکە 70% ھاتیە ب جھئینان و کار تێدا یێ بەردەوامە.
حسێن خالد، قەیمقامێ قەزا ئامێدیێ دیار کر کو پرۆژێ تونێلا ئامێدیێ و بەرفرەھکرنا جاددێ ئێکە ژ پرۆژێن ستراتیژیێن پارێزگەھا دھوکێ کو قەیرانا دارایی کارتێکرن لێ نەکریە و بۆ ئەڤرۆ گۆت: “کار د چێکرنا وی پرۆژەی دا یێ بەردەوامە و ب تمامبوونا وی دێ خزمەتەکا مەزن گەھینیتە وەلاتیان، ئەڤە دێ بیتە جاددا سەرەکی یا چەند گوندان و پەیمانگەھا تەکنیکی یا ئامێدیێ و رێڤەبەریا پەروەردا ئامێدیێ و چەند فەرمانگەھەکێن دی”.
ناڤھاتی ئاماژە ب وێ چەندێ ژی کر، پرۆژە وەکو تونێل ب دووماھی ھاتیە، بەلێ ئەو جاددا کو ژ لقێ 18یێ پارتی دەستپێ دکەت و د تونێلێرا دبۆریت ھەتا کو دگەھیتە خالا دووماھیێ نوکە کار یێ ل سەر دھێتە کرن و گۆت: “ھەتا نوکە 70% پرۆژە ب دووماھی ھاتیە، درێژاھیا وێ 155 میترن و 25 ملیار دینار بۆ پرۆژێ تونێلێ و بەرفرەھکرنا جاددا ئامێدیێ ژ لایێ حوکمەتا ھەرێما کوردستانێ ڤە ھاتینە تەرخانکرن و چاڤەرێ دھێتە کرن د دەمێ خوە دا ب دووماھی بھێت و بکەڤیتە د خزمەتا وەلاتیان دا”.
تونێلا ئامێدیێ 70% ب دووماھی ھاتیە
نيشاندان
